شينجياڭ يىڭىسار اۋدانىندا تاڭبانى جالعاننان جاساعان ادامعا ۇكىم شىعارىلدى
2023.02.01 16:24 كەلۋ قاينارى : حالىق تورابى
حالىق سوتى گازەتىنىڭ ءتىلشىسى ۋاڭ شۋلين، ەرىكتى ءتىلشىسى جاڭ تيڭ، جاۋ شۇيلين حابارلايدى. جۋىردا، شينجياڭ ۇيعۇر اۆتونوميالى رايونى يىڭىسار اۋداندىق حالىق سوتى سەرىكتەستىكتىڭ تاڭباسىن جالعاننان جاساۋعا قاتىستى قىلمىستىق دەلو جونىندە تەرگەۋ جۇرگىزىپ، ايىپكەر لۇي X تى قولدا ىستەتۋگە ۇكىم ەتتى ءارى وعان قىلمىستىق ىستەر بويىنشا اقشالاي ايىپ سالدى.
2018 – جىلى 6 – ايدا، لۇي X ويدا – جوقتا تاڭبا ويىپ بەرۋگە ۋاكىلدىك قىزمەت وتەۋ دەگەن ءسوز جازىلعان جارناما كارتۋچكاسىن بايقايدى، كارتۋچكاداعى تەلەفون ءنومىرى بويىنشا حابارلاسۋ ارقىلى 300 يۋاندىق باعامەن شينجياڭداعى بەلگىلى سەرىكتەستىكتىڭ تاڭباسىن جالعاننان ويدىرادى. سودان كەيىن لۇي X اتالعان سەرىكتەستىكتىڭ ماقۇلداۋىنان وتكىزبەگەن جاعدايدا، يىڭىسار اۋدانىنداعى بەلگىلى قالاشىقتىڭ ءۇش نىسانعا قاتىستى ساتىپ الۋدى تولىقتاپ بىتىرۋگە مەردىگەر شاقىرۋ قۇجاتىنا ءوزى جالعاننان ويدىرىپ جاساعان اتالعان سەرىكتەستىكتىڭ تاڭباسىن باسادى. سوڭىنان الەۋمەتتىك ارىز – شاعىم ورگاندارى ونىڭ ۇستىنەن باسقا سەرىكتەستىكتىڭ تاڭباسىن جالعاننان جاساۋ قىلمىسىن وتكىزدى دەگەن ارىز – شاعىم كوتەرگەن.
سوت مەكەمەسى تەرگەۋ جۇرگىزۋ بارىسىندا بىلاي دەپ قاراعان: ايىپكەر لۇي X شينجياڭداعى بەلگىلى سەرىكتەستىكتىڭ رۇقساتىن الماي تۇرىپ، اتالعان سەرىكتەستىكتىڭ تاڭباسىن جالعاننان جاساعان ءارى جەكەلىك تيجارات قيمىلىندا قولدانعان، ونىڭ ارەكەتى قىلمىستىق ىستەر زاڭىنىڭ 280 – تارماعىنىڭ 2 – تارماقشاسىنداعى بەلگىلەمەگە قايشى كەلىپ، سەرىكتەستىكتىڭ تاڭباسىن جالعاننان جاساۋ قىلمىسىن قالىپتاستىرعان، الەۋمەتتىك ارىز – شاعىم ورگاندارى كوتەرگەن قىلمىس فاكتتەرى انىق، ىسپاتتارى شىن ءارى تولىق، ول قىلمىس وتكىزگەن دەپ تۇراقتاندىرۋعا بولادى. ايىپكەر لۇي X ءوزىنىڭ اتالعان سەرىكتەستىكتىڭ تاڭباسىن جالعاننان جاساعان ارەكەتىن ىرىقتىلىقپەن بايانداعان، ءوزىن – ءوزى مالىمدەۋگە جاتادى، زاڭ بويىنشا جازانى جەڭىلدەتۋگە بولادى. ايىپكەر لۇي X تەكسەرۋ جانە ارىز – شاعىم ايتۋ كەزەڭىندە ىرىقتىلىقپەن قىلمىسىن مويىنداپ، جازاعا مويىنسال بولعان، سوت بارىسىندا قىلمىسىن مويىنداپ، وكىنگەنىن ءبىلدىرۋ پوزيتسياسى ءبىرشاما جاقسى بولعان، سونىمەن بىرگە، اتالعان سەرىكتەستىك ايىپكەر لۇي X تىڭ جاۋاپكەرشىلىگىن قۋزاستىرماۋ جونىندە تۇسىنىكتەمە شىعارعان، جوعارىداعى جاعدايلارعا نەگىزدەلە وتىرىپ، جاعدايعا قاراي جازانى جەڭىلدەتىپ كەسۋدى ويلاستىرۋعا بولادى. ەڭ سوڭىندا، سوت مەكەمەسى ايىپكەر لۇي X سەرىكتەستىكتىڭ تاڭباسىن جالعاننان جاساۋ قىلمىسىن وتكىزگەن دەپ قاراپ، ەكى اي قولدا جۇمىس ىستەتۋگە ۇكىم ەتىپ، ءۇش اي كەشەۋىلدەتىپ اتقارۋدى بۇيىرعان ءارى قىلمىستىق ىستەر بويىنشا 1000 يۋان اقشالاي ايىپ سالعان.
سوت مەكەمەسىنىڭ زاڭدى ءتۇسىندىرۋى
قىلمىستىق ىستەر زاڭىنىڭ 280 – تارماعىندا بىلاي دەپ بەلگىلەنگەن: مەملەكەت ورگاندارىنىڭ ءىس قاعازىن، كۋالىگىن، تاڭباسىن جالعاننان جاساعاندار، وزگەرتىپ جاساعاندار، ساۋداغا سالعاندار نەمەسە ۇرلاعاندار، توناعاندار، جويىپ جىبەرگەندەر ءۇش جىلدان تومەن مەرزىمدى قاماق جازاسىنا، قولدا جۇمىس ىستەتۋ جازاسىنا، باسقارۋعا الۋ جازاسىنا كەسىلەدى نەمەسە ساياسي ۇقىعىنان ماحرۇم ەتۋ جازاسى بەرىلەدى ءارى اقشالاي ايىپ سالىنادى؛ قىلمىسى اۋىر بولعان جاعدايدا، ءۇش جىلدان جوعارى ون جلدان تومەن مەرزىمدى قاماق جازاسى بەرىلەدى ءارى اقشالاي ايىپ سالىنادى. سەرىكتەستىكتەردىڭ، كاسىپورىنداردىڭ، ءىس ورىنداردىڭ، حالىقتىق ۇيىمداردىڭ تاڭباسىن جالعاننان جاساعاندار ءۇش جىلدان تومەن مەرزىمدى قاماق جازاسىنا، قولدا جۇمىس ىستەتۋ جازاسىنا، باسقارۋعا الۋ جازاسىنا كەسىلەدى نەمەسە ساياسي ۇقىعىنان ماحرۇم ەتۋ جازاسى بەرىلەدى ءارى اقشالاي ايىپ سالىنادى. تۇرعىنداردىڭ ازاماتتىق كۋالىگى، پاسپورتى، قوعامدىق قامتاماسىزداندىرۋ كارتۋچكاسى، شوفەرلىك كۋالىگى قاتارلى زاڭ بويىنشا سالاۋاتىن ىسپاتتاۋعا قولداناتىن كۋالىكتەرىن جالعاننان جاساعاندار، وزگەرتىپ جاساعاندار، ساۋداعا سالعاندار ءۇش جىلدان تومەن مەرزىمدى قاماق جازاسىنا، قولدا جۇمىس ىستەتۋ جازاسىنا، باسقارۋعا الۋ جازاسىنا كەسىلەدى نەمەسە ساياسي ۇقىعىنان ماحرۇم ەتۋ جازاسى بەرىلەدى ءارى اقشالاي ايىپ سالىنادى؛ قىلمىسى اۋىر بولعان جاعدايدا، ءۇش جىلدان جوعارى، جەتى جىلدان تومەن مەرزىمدى قاماق جازاسىنا ۇكىم ەتىلەدى ءارى اقشالاي ايىپ سالىنادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
