بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

مىنەكي! جيچيڭ مۇناي الابى تاستان ”مۇناي الدى“

□ انار بۇلت \ شينجياڭ گازەتىنىڭ ءتىلشىسى يۇي جياڭيان

2023.02.02 16:35     كەلۋ قاينارى : شينجياڭ گازەتى

  1 - ايدىڭ 29 - كۇنى كوكتەم مەرەكەسى دەمالىسى وتىسىمەن، شينجياڭ مۇناي الابى سەرىكتەستىگى جيچيڭ مۇناي الابىنىڭ جۇمىس رايونى قاربالاس كۇيگە ءتۇستى، بارلىق قىزمەتكەر بار كۇش - قايراتىمەن قىزمەتكە كىرىستى.

  ”2023 - جىلدان باستاپ، تاقتاتاس مۇنايىن الۋ جۇمىسى ءوندىرىستى جىلدام جوعارىلاتۋ، كولەمدى ءوندىرىس قۇرۋ كەزەڭىنە ءوتتى“. جۇمىس رايونىنىڭ اتقارۋشى جوراسى، ديرەكتور ۋ باۋچىڭ 2025 - جىلى بۇل ارادان مەملەكەت دارەجەلى قۇرلىقتىق تاقتاتاستان مۇناي الۋدان ۇلگى كورسەتۋ اۋماعىنىڭ قۇرىلاتىندىعىن ءبىلدىردى.

  تاقتاتاس مۇنايى − بەي قالىپتى مۇناي - تابيعي گاز بايلىعى، سىڭىمدىلىگى تومەن، اققىشتىعى ناشار بولۋداي ەرەكشەلىككە يە، الۋ ەڭ قيىن مۇنايدىڭ ءبىرى. جەر قاباتىندا ساقتالۋىنا قاراي، تەڭىزدىك تاقتاتاس مۇنايى جانە قۇرلىقتىق تاقتاتاس مۇنايى دەپ بولىنەدى، جەمسارى تاقتاتاس مۇنايى قۇرلىقتىق تاقتاتاس مۇنايىنا جاتادى. 2012 - جىلى تۇڭعىش گوريزونتال قۇدىق − جي H - 172 كولەمدىك قىسىممەن جارۋ ارقىلى كۇندىك ءونىمى 5. 69 تونناعا جەتەتىن جوعارى ءونىمدى مۇناي اعىنىنا يە بولدى، بۇل جەمسارى قۇرلىقتىق تاقتاتاس مۇنايىن بارلاۋدا كەلەلى ناتيجەگە قول جەتكەندىگىنىڭ بەلگىسى.

  جي H-172 قۇدىعى جيچيڭ مۇناي الابىنداعى ۇلەسكەر قۇدىق، قازىر ءالى دە ءوندىرىس جۇرگىزۋدە. ءتىلشى جۇمىس باسىنان 11 جىل قاسقايىپ تۇرعان وسى ۇلەسكەر قۇدىقتىڭ الدىندا تاس ەسكەرتكىش ورناتىلعاندىعىن، ەسكەرتكىشكە وسى قۇدىقتىڭ تاريحى ويىپ جازىلعاندىعىن كوردى. تاس ەسكەرتكىشكە تاياۋ جەردە قوڭىر، سۇرعىلىت ءتۇستى تاقتاتاس مۇنايىنىڭ ۇلگىلەرى قويىلعان، ال وسى قۇدىق 3000 − 4000 مەتر تەرەڭدىكتەگى جەر قاباتىنداعى وسىنداي تاستاردان مۇناي الىپ وتىر.

  ”قالىپتى ساقتالعان مۇنايدى العاندا قۇدىق ءساتتى بۇرعىلانعاننان كەيىن، مۇناي ۇڭعىدان شاپشىپ، جەر قاباتىنان اتقىپ شىعادى؛ ال تاقتاتاس مۇنايى قۇدىعى قازىلىپ بولعاننان كەيىن، تاعى زور كولەمدىك قىسىممەن جارۋ ارقىلى بەينە دۋفۋ كەسكەن سياقتى جەر قاباتىنان جارىقشاق شىعارىپ، جارىقشاققا كۋارتس پەن سۇيىقتىقتى توقتاۋسىز جىبەرىپ، جەر قاباتىن جارىپ اشقاننان كەيىن تاعى قىسىممەن ۇساقتاپ، تاس جاپسارىنان مۇناي سىعىپ الىنادى“، - دەدى جۇمىس رايونىنداعى كاسىپورىننىڭ تەحنيكا مامانى لياڭ چىڭگاڭ تانىستىرىپ.

  جيچيڭ مۇناي الابىندا ساقتالعان تاقتاتاس مۇنايى 3000 − 4000 مەتر تەرەڭدىكتە جاتىر، جالاڭ مۇناي قاباتىنىڭ قالىڭدىعى 1.5 مەتر عانا. العان كەزدە الدىمەن 3000 − 4000 مەترلىك تىك قۇدىق قازىپ، ونان كەيىن شامامەن 2000 مەترلىك گوريزونتال قۇدىق قازىلادى، ونىڭ ۇستىنە گوريزونتال قۇدىق تاعى، ءسوز جوق، 1.5 مەتر قالىڭدىقتاعى مۇناي قاباتى بەلدەۋىنە دالمە - ءدال ءوتىپ، مۇناي ساقتالعان قىڭىر - قيسىق بەلدەۋدەن اشاتىن التىن نىسانانى ءدال تابۋى كەرەك.

  مۇناي قۇدىعى قازىلىپ بولعاننان كەيىن، ىلە - شالا زور كولەمدىك قىسىممەن جارۋ باستالادى، زور ات كۇشىندىك قىسىممەن جارۋ اۆتوكولىكتەرى جەر بەتىندە توقتاۋسىز جەر قاباتىن جارادى. ”بۇرىن 1.0 نۇسقالى قىسىممەن جارۋ ءتاسىلى ءبىر قۇدىققا 10 مىڭ تەكشەمەتر سۇيىقتىق، 1000 تەكشە مەتر كۋارتس جىبەرەتىن؛ قازىر قىسىممەن جارۋ ءتاسىلىنىڭ دارەجەسى كوتەرىلىپ، 2.0 نۇسقاعا جەتتى، ءبىر قۇدىققا ورتاشا 60 مىڭ تەكشە مەتر سۇيىقتىق، 6000 تەكشەمەتر كۋارتس جىبەرىلەدى“، - دەدى لياڭ چىڭگاڭ.

  2022 - جىلى جيچيڭ مۇناي الابى جۇمىس رايونىندا تاقتاتاس مۇنايىنىڭ ءونىم مولشەرى 509 مىڭ تونناعا جەتتى، كەزەكتە تاقتاتاس مۇنايىن الۋ كولەمدەنگەن ءوندىرىستى جوعارىلاتۋ كەزەڭىنە جاپپاي ءوتتى. عىلىم - تەحنيكادا ۇزدىكسىز قامال الۋ ارقىلى جۇمىس رايونى قۇرلىقتىق تاقتاتاس مۇنايىن بارلاۋدىڭ، اشۋدىڭ 4 ءتۇرلى وزەكتى تەحنيكاسىن يگەردى. سونىمەن بىرگە زەردەلىلەنگەن قۇرىلىس جۇرگىزۋ ارقىلى مۇناي الابىنىڭ باسقارۋى دا اناعۇرلىم قاراپايىم بولىپ، جۇمىس رايونىنىڭ باقىلاۋ - مەڭگەرۋ ۇلكەن ەكرانىنان بارلىق مۇناي قۇدىعى مەن بىرلەسكەن ءبىر جاقتى ەتۋ پۋنكتىنىڭ ناقتى ۋاقىت ءوندىرىس جاعدايىن الىس ارالىقتان تەكسەرىپ كورۋگە بولاتىن بولدى، دەمەك، الاڭ - پۋنكت ادامسىز شارلاپ تەكسەرۋدى، ادامسىز كۇزەتتە تۇرۋدى جۇزەگە اسىردى.
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار