2022 - جىلى جۇمساق بولشەك كاسىبىنىڭ كىرىسى 10 تريلليون يۋان ساتىسىنا كوتەرىلدى (جاڭا ساندى مالىمەت، جاڭا ءتۇيىن)
2023.02.02 16:39 كەلۋ قاينارى : حالىق تورابى
«حالىق گازەتى»، 2 - ايدىڭ 1 - كۇنى، بەيجيڭ (تىلشىلەرز ۋاڭ جىڭ، حان شين). ءتىلشىنىڭ 2 - ايدىڭ 1 - كۇنى ونەركاسىپ جانە ينفورماتسيالاندىرۋ مينيسترلىگىنەن ۇعىسۋىنشا، كەڭ كولەمدى قولدانىلۋ جاعدايىنىڭ، وراسان زور بازار سۇرانىسىنىڭ پارمەندى تىرەگىنىڭ ارقاسىندا، 2022 - جىلى ەلىمىزدىڭ جۇمساق بولشەك جانە ينفورماتسيا تەحنيكاسىنا قىزمەت وتەۋ كاسىبىنىڭ (تومەندە قىسقاشا جۇمساق بولشەك كاسىبى دەلىنەدى) اينالىمى ورنىقتى جاقسارىپ، جۇمساق بولشەك كاسىبىنىڭ كىرىسى 10 تريلليون يۋان ساتىسىنا كوتەرىلىپ، پايدا تابۋ قۋاتى ورنىقتى بولىپ، جۇمساق بولشەك كاسىبىندە ەكسپورت ارتىپ وتىرعان.
جۇمساق بولشەك كاسىبى كىرىسى ەكى ورىندى سان بويىنشا ارتىپ وتىردى، پايدا قۋاتى ورنىقتىلىقتى ساقتادى. 2022 – جىلى بۇكىل ەل بويىنشا جۇمساق بولشەك جانە ينفورماتسيا تەحنيكاسى قىزمەت وتەۋ كاسىبىنىڭ كولەمدەنگەن كاسىپورىندارى 35 مىڭنان اسىپ، جۇمساق بولشەك كاسىبىنىڭ جالپى كىرىسى 10 تريلليون 812 ميلليارد 600 ميلليون يۋان بولىپ، سايكەس مەزگىلدەگىدەن %11.2 ارتقان. تۇتاس جىلدا جۇمساق بولشەك كاسىبىنىڭ جالپى پايدا سوماسى ءبىر تريلليون 264 ميلليارد 800 ميلليون يۋان بولىپ، سايكەس مەزگىلدەگىدەن %5.7 ارتقان، نەگىزگى تيجارات كاسىبىنىڭ پايدا شاماسى %9.1 بولعان.
ينفورماتسيا تەحنيكاسىنان قىزمەت وتەۋ كىرىسى ءبىرشاما تەز ارتتى، جاڭا كاسىپ كۇيىنىڭ ارتۋى قۋانارلىق بولدى. 2022 - جىلى ينفورماتسيا تەحنيكاسىنان قىزمەت وتەۋ كىرىسى 7 تريلليون 12 ميلليارد 800 ميلليون يۋان بولىپ، سايكەس مەزگىلدەگىدەن %11.7 ارتىپ، تۇتاس كاسىپ سالاسىنىڭ جالپى تۇلعالىق دەڭگەيىنەن 0.5 پايىز جوعارى بولىپ، تۇتاس كاسىپ سالاسىنىڭ كىرىسىندە ۇستايتىن سالىستىرماسى %64.9 بولدى. مۇنىڭ ىشىندە بۇلتتىق قىزمەت وتەۋ، ءىرى ساندى مالىمەتكە قىزمەت وتەۋ جالپى ءبىر تريلليون 42 ميلليارد 700 ميلليون يۋان كىرىس كىرگىزىپ، سايكەس مەزگىلدەگىدەن %8.7 ارتىپ، ينفورماتسيالىق تەحنيكالىق قىزمەت وتەۋ كىرىسىنىڭ %14.9 ىن يەلەپ، سايكەس مەزگىلدەگىدەن 2 پايىز جوعارىلادى؛ ينتەگرالدى تىزبەكتى جوبالاۋ كىرىسى 279 ميلليارد 700 ميلليون يۋان بولىپ، سايكەس مەزگىلدەگىدەن %12.0 ارتتى؛ ەلەكتروندىق ساۋدا تۇعىرىنىڭ تەحنيكالىق قىزمەت وتەۋ كىرىسى ءبىر تريلليون 104 ميلليارد 400 ميلليون يۋان بولىپ، سايكەس مەزگىلدەگىدەن %18.5 ارتتى.
ونەركاسىپ جۇمساق بولشەكتەرى ونىمدەرى كىرىسىنىڭ ارتۋى تەزدەپ، جاساۋ كاسىبىنىڭ تيبىن وزگەرتىپ، دارەجەسىن جوعارىلاتۋعا پارمەندى تىرەك بولدى. 2022 – جىلى ەلىمىزدىڭ ونەركاسىپ جۇمساق بولشەك ونىمدەرىنىڭ كىرىسى 240 ميلليارد 700 ميلليون يۋان بولىپ، سايكەس مەزگىلدەگىدەن %14.3 ارتىپ، تۇتاس كاسىپ جۇيەسىنىڭ دەڭگەيىنەن 3.1 پايىز جوعارى بولدى.
ونەركاسىپ جانە ينفورماتسيالاندىرۋ مينيسترلىگىنىڭ قاتىستى جاۋاپتىسى مىنانى ءبىلدىردى: «14 – بەسجىلدىق» مەزگىلىندە ەلىمىز اشۋ ورتاسى، قۇرال - سايمان سياقتى كاسىپ تىزبەگىنىڭ جوعارعى اعارىنداعى نەگىزدىك جۇمساق بولشەكتەردىڭ قۋاتىن ونان ارى بەكەمدەپ، ونەركاسىپ جۇمساق بولشەگى، قولدانىلمالى جۇمساق بولشەك، تۇعىر جۇمساق بولشەگى، كىرىكپەلى جۇمساق بولشەك سياقتى كاسىپ تىزبەگىندەگى جۇمساق بولشەكتەردىڭ دەڭگەيىن جوعارىلاتىپ، كاسىپ تىزبەگىنىڭ تومەنگى اعارىنداعى ينفورماتسيا تەحنيكاسىنا قىزمەت وتەۋ ونىمدەرىمەن قامداۋدى ارتتىرىپ، ەلىمىزدىڭ سيفرلى ەكونوميكاداعى ءىرى ەلدەن سيفرلى ەكونوميكاداعى قۋاتتى ەلگە قادام تاستاۋىنا تىرەك ازىرلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
