ۇكىمەت ”تۇعىر ورناتتى“، تۇرپاننىڭ ءجۇزىم شارابى الدا ءجۇرىپ، بازاردى يەلەدى
□ انار بۇلت \ شينجياڭ گازەتىنىڭ ءتىلشىسى كاڭ حاۋيان
2023.02.02 16:50 كەلۋ قاينارى : شينجياڭ گازەتى
2023 - جىلى 1 - ايدا تۇرپان لوۋلان شارابى قورجاسى جارنا شەكتى سەرىكتەستىگىنىڭ ۇنەمىلىك ىستەرگە جاۋاپتى ورىنباسار باس ديرەكتورى جاڭ حايجۇن جونىنەن العاندا، قاربالاس ءارى تابىس مول ءبىر اي بولدى. ايدىڭ باسىندا حاڭجوۋعا بارىپ، ارالامالى كورمەدە كەلىسىمگە قول قويىپ، تۇرپان ءجۇزىم شارابى سارايىنىڭ (حاڭجوۋ سارايى) جۇمىس باستاۋىنا قاتىناستى؛ اي ورتاسىندا دامىل تاپپاي شينجياڭعا قايتىپ، اۆتونوميالى رايوندىق ەكى ماجىلىسكە قاتىناسىپ، اۋىل - قىستاقتى گۇلدەندىرۋگە قاتىستى ۇسىنىس تاپسىردى؛ كوكتەم مەرەكەسى شاراپ تۇتىناتىن ەڭ جوعارى مەزگىل بولعاندىقتان، دەن قويا دايىندالىپ، 30 نەشە ولكە، قالانىڭ ساۋدا ينتەرنەت تۇيىندەرىن زاتپەن قامداۋعا شىنايى كەپىلدىك ەتتى...
قىسىمعا ءتوزىپ، ءتيىمسىز جاعدايدا العا ىلگەرىلەدى
لوۋلان شاراپ قورجاسىنىڭ توركىنى − 1976 - جىلى قۇرىلعان ءپىشان اۋداندىق ءجۇزىم شارابى زاۆودى، 2007 - جىلى جىجياڭ شاڭيۋان توبى شەكتى سەرىكتەستىگى ىرگە تەپكەننەن كەيىن، 2011 - جىلى شاراپ زاۆودىن جاڭالاپ دارەجەسىن ”لوۋلان شاراپ قورجاسى“ ەتىپ كوتەردى، 2016 - جىلى تابىستى تۇردە جاڭا ءۇش تاقتا دەگەن ماڭدايشالىق استى.
”10 نەشە جىلدىڭ الدىندا بۇرىنعى شاراپ زاۆودىنىڭ قارجىسى قارىزدى قايتارا الماۋدان ەڭ جوعارعى ءبىر جىلدىق تيجارات كىرىسى 160 ميلليون يۋانعا جەتكەنگە دەيىن، تۇتاس كاسىپ سالاسى تىزبەگىنىڭ دارەجەسىن ءوسىرىپ، كۇش سالۋىنا سۇيەندى“، - دەدى جاڭ حايجۇن. تاياۋ جىلدارى يمپورت ءجۇزىم شارابىنىڭ سوققىسىندا، كوپتەگەن بازارعا شىعارىلعان جانە جاڭا ءۇش تاقتا ماڭدايشالىعى اسىلعان ءجۇزىم شارابى كاسىپورىندارىنىڭ تيجارات كىرىسى، پايداسى ”قىزىل شىراققا ءدوپ كەلدى“. لوۋلان ءجۇزىم قورجاسى ءتيىمسىز جاعدايدا العا ىلگەرىلەپ، ەرەكشە كۇشتى بازار سەرپىمدىلىگىن ايگىلەپ، تيجارات كىرىسى ورنىقتى بولدى.
بىلتىردىڭ سوڭعى جارتى جىلىندا ءجۇزىم جينالاتىن، ساباعى كومىلەتىن شەشۋشى ەگىس كەزىنە تۋرا كەلگەندە، شينجياڭ ىندەت سوققىسىنا ۇشىرادى. ”سول كەزدە ۇكىمەت ’جاسىل شىراق جاعىپ‘ ءبىزدىڭ جابىق ۇلگىدەگى اينالىم جۇرگىزىپ، ءوندىرىستى ساقتاۋىمىزعا مۇمكىندىك جاسادى، پارتيا مۇشەلەرى ونەگەلىك رولدارىن ساۋلەلەندىرىپ، بارلىق ادامدى ءوندىرىس ارقىلى ءوزىن قۇتقارۋعا جەتەكتەدى“، جاڭ حايجۇن بىلاي دەدى: ولشەمدەنگەن ورگانيكالى ەگىمشىلىكتەن پايدالانىپ، ماشينالانعان تەرۋدى جالپىلاستىرىپ، ونىمدىلىكتى ارتتىرىپ، ادام كۇشىن ۇنەمدەپ، ەڭ سوڭىندا شيكىزات شىعىنىن ەڭ جوعارى شەكتە ازايتتىق.
سونىمەن بىرگە، لوۋلان شاراپ قورجاسى تاعى سالىقتى كەشىكتىرىپ تاپسىرۋ جانە جەرگىلىكتى ساۋدا بانكەلەرىنىڭ 40 ميلليون يۋان قارىز اقشاسى مەرزىمىن 3 اي ۇزارتۋ سياقتى كاسىپورىندارعا تيىمدىلىك جاساۋ ساياساتىنا يە بولىپ، قارجى قىسىمىن باسەڭدەتتى، جۇڭگو اۋىل شارۋاشىلىق دامىتۋ بانكەسىنىڭ جىلىنا ％1تىك قارىز اقشا ءوسىمىن ازايتۋ جانە كەشىرىم ەتۋ سياقتى ساياسات پايداسىنىڭ يگىلىگىن كورىپ، ەكونوميكالىق اۋىرتپالىعىن جەڭىلدەتتى.
ارشىنداي العا باسىپ، شينجياڭنان سىرتقا بەت الدى
بىلتىر 12 - ايدا، ىندەتتەن ساقتانۋ ساياساتىن ساپالىلاندىرۋدىڭ، رەتتەۋدىڭ ارقاسىندا بازار جانداندى جانە اس - سۋ تۇتىنۋى ورلەدى. سونىمەن بىرگە، ۇكىمەت كۇش شىعارىپ ءجۇزىم شارابى كاسىپورىندارىنىڭ دامۋىن سۇيەمدەلەپ، كاسىپ سالاسىنىڭ ”قايتا جاندانۋىنا“ دايىندىقتى جاقسى جاسادى.
1 - ايدىڭ 9 - كۇنىنەن 11 - كۇنىنە دەيىن، اۆتونوميالى رايوندىق ونەركاسىپ جانە ينفورماتسيالاندىرۋ، ساۋدا ىستەرى، مادەنيەت - ساياحات، اۋىل شارۋاشىلىعى، اۋىل - قىستاق سياقتى تاراۋلار مەن تۇرپان قالالىق حالىق ۇكىمەت ۇيىمداستىرعان ”شاراپپەن كوڭىلدەردى جەلپىندىرۋ · جىبەك جولى ءدامى“ 2023 شينجياڭ ءوندىرىس رايونى ءجۇزىم شارابى حاڭجوۋ ارالامالى كورمە تانىستىرۋ ءماجىلىسى ءساتتى وتكىزىلدى. ماجىلىستە شينجياڭ ءجۇزىم شارابى ءوندىرىس رايونى تانىستىرىلىپ، ءجۇزىم شارابىن الۋ - ساتۋ توقتامى بويىنشا جالپى 19 نىسانعا قول قويىلىپ، توقتام جالپى سوماسى 654 ميلليون يۋانعا جەتتى.
”بۇل − شينجياڭ ءجۇزىم شارابى ءوندىرىس رايوندارىنىڭ تاريحتان بەرگى كولەمى ەڭ زور، دارەجەسى ەڭ جوعارى توپتىق بوي كورسەتىپ، شينجياڭنان سىرتقا بەت الۋ جونىندەگى تانىستىرۋ ءارى تۇرپان قالاسىنىڭ شينجياڭنان شىعىپ ەل ءىشى بازارىن بەتكە الىپ قۇرعان تۇڭعىش ءجۇزىم شارابىن ساتۋ تۇعىرى“. تۇرپان قالاسىنىڭ ورىنباسار باستىعى چىن گۋاڭياۋ بىلاي دەدى: يەلەگەن جەرى 15 مىڭ شارشى مەتر كەلەتىن شينجياڭ · تۇرپان ءجۇزىم شارابى سارايى (حاڭجوۋ سارايى) رەسىمي تيجارات جۇرگىزىپ، شينجياڭنىڭ تاريحي مادەنيەت كورمەسى، ەرەكشە اۋىل شارۋاشىلىق قوسىمشا ونىمدەرىن كورمەلەۋ - ساتۋ، اس - سۋ، قاقتاما ەت جارىسى، سالت - سانا ءان - ءبي كونسەرتى، الي باسەكەلەستىرە ساتۋ بويىنشا ينتەرنەت جەلىسىندە ساتۋ سياقتى فورمالاردا جاڭالىق اشىپ، توعىسىپ، شينجياڭ حالقىنىڭ كۇرەس جاساۋداعى، جاڭالىق اشۋداعى رۋحاني كەلبەتىن جان - جاقتى ايگىلەپ، جىجياڭ − شينجياڭ ەكى جەردىڭ مادەنيەت اۋىس - كۇيىسىن جانە تۇتىنۋدى جەبەۋىن ىلگەرىلەتتى.
جاڭ حايجۇننىڭ قاراۋىنشا، ۇكىمەتتىڭ ساياساتتىق سۇيەمەلدەۋ جانە ۇگىتتەۋ، تانىستىرۋ سەرپىنىن كۇشەيتۋى كاسىپورىنداردىڭ شينجياڭنان سىرتقا شىعۋىنا بار كۇشپەن ”جاقسى تۇعىر ازىرلەۋ“، كاسىپورىنداردىڭ ءتىپتى دە قۇلپىرا ءتۇسىپ، ”كەرەمەت ونەر كورسەتۋى“ ءۇشىن.
ول ماقتانىشپەن بىلاي دەپ تانىستىردى: لوۋلان بايىرعى قورعانى 10 نەشە جىلدان بەرى دۇنيە ءجۇزى ءجۇزىم شارابى شارۋاشىلىعىنىڭ 10 ءتۇرلى مارتەبەسىنە يە بولعاننان حاڭجوۋداعى 20 ەل توبى باسشىلار باس قوسۋىندا ۇكىمەت جاق ىستەتەتىن شاراپ ەتىپ تاڭدالعانعا دەيىن، 2022 - جىلى لوۋلان شاراپ قورجاسى تاعى دا جاڭا ءونىم ”شىگۇيدى“ شىعارىپ، ەل ءىشى - سىرتىنداعى جوعارى دەڭگەيدەگى بازارعا سالدى. وسى رەتكى تانىستىرۋ ماجىلىسىندە، لوۋلان شاراپ قورجاسىنىڭ 5L كوركەمونەرلىك شارابى الي باسەكەلەسترە ساتۋىندا 31 مىڭ يۋانعا باسەكەلەستىرىلىپ ساتىلىپ، ەلىمىزدە وندىرىلگەن ءجۇزىم شارابىنىڭ جوعارى ساپالى بولۋىنىڭ سيگنالىن تولىق تاراتتى.
سەنىمدى تىرەك ەتىپ، بولاشاققا نازار سالدى
ءجۇزىم ەگىمشىلىگى 3 جىلدا جەمىس بەرەدى، شاراپ اشىتۋعا 3 تە 5 جىل قاجەت، جاڭا ءونىمنىڭ بازارعا شىعارىلىپ، بازاردىڭ مويىنداۋىنا يە بولۋىنا، بالكىم، ءتىپتى دە ۇزاق ۋاقىت قاجەت شىعار، جاڭ حايجۇن كۇلە بىلاي دەدى: ءجۇزىم شارابى كاسىپ سالاسى توزىمدىلىكتى قاجەت ەتەتىن ”باياۋ كاسىپ سالاسى“، نەشە ۇرپاق ادام ۇستا رۋحىنان جازباعاندا عانا، الەمدىك دەڭگەيدەگى ايگىلى قورجانى تۇلعالاي الادى.
”كاسىپورىننىڭ قيىنشىلىعى مەزەتتىك ءىس، ماڭىزدىسى، كاسىپ سالاسىنىڭ باعىتى. ءبىزدىڭ كەلەسى ساتىداعى نىسانامىز − تۇرپان ءوندىرىس رايونىنىڭ ايگىلى ماركاسىن تۇلعالاپ، حاڭجوۋدى ءتۇيىن ەتۋ ارقىلى كولەمدى كەڭەيتىپ، چاڭجياڭ اتىراۋى تۇتىنۋ ۇلكەن بازارىندا ورنىقتى تابان تىرەپ، بار قايراتپەن العا ىلگەرىلەپ، حالىقارالىق بازاردى يەلەۋ“، - دەدى جاڭ حايجۇن، - سونىمەن بىرگە، ءجۇزىم شارابى كاسىپ سالاسىنىڭ اۋىل شارۋاشىلىعى قوسىمشا ونىمدەرىنىڭ ۇستەمە قۇنىن ارتتىرىپ، شارۋالاردىڭ كىرىسىن ارتتىرۋ ارناسىن كەڭەيتىپ، اۋىل - قىستاقتى گۇلدەندىرۋدى دەمەۋ سياقتى جاقتاردا دا بازار كومەسكى كۇشى مەن دامۋ كەڭىستىگىن ازىرلەدى.
بەرتىنگى جىلداردا دابىرالى بولعان ”ءجۇزىم شارابى +“ ۇعىمى مادەنيەت، اس - سۋ، ساياحات سياقتى كوپ نەگىزدى كورىنىستى ءجۇزىم شارابى ونىمىمەن ۇشتاسىپ، كاسىپ سالاسىن دامىتۋدىڭ جاڭا ارناسىن اشتى. بىلتىر 11 - ايدا مەملەكەتتىك مادەنيەت جانە ساياحات مينيسترلىگى 2022 - جىلعى مەملەكەتتىك ونەركاسىپ ساياحاتىنان ۇلگى كورسەتۋ بازاسىنىڭ اشىق جاريالاناتىن ەسىمدىگىن جاريالادى، تۇرپان لوۋلان شاراپ قورجاسى كورىنىس ءوڭىرى ۋلياڭيە ساياحات كورىنىس ءوڭىرى، لۋجوۋ لاۋجياۋ كورىنىس ءوڭىرى سياقتىلارمەن بىرگە، وسىدان ورىن الدى. مادەنيەت پەن ساياحاتتى توعىستىرا دامىتۋ جولى تۇرپان ءجۇزىم ءوندىرىس رايونىنىڭ ايگىلى ماركا ىقپالىن ۇزدىكسىز كۇشەيتۋدە.
”حاڭجوۋ تۇرپان ءجۇزىم شارابىنىڭ شينجياڭنان سىرتقا شىعۋداعى تۇڭعىش قادامى عانا، قالامىز 100 قالادا 100 ساراي، 100 الاڭدا 100 ميلليون ادام، 100 قورجادا 10 ميلليارد يۋان ينجەنەرياسىن كۇش سالا اتقارىپ، ءجۇزىم شارابى كاسىپ سالاسىنىڭ جوعارى ساپالى دامۋىن جەدەل ىلگەرىلەتۋدە“، - دەدى چىن گۋاڭياۋ، - تۇرپان قالاسى 3 ۇلكەن ”قوس 100“ ينجەنەرياسىن اتقارۋ ارقىلى تۇرپاننىڭ ءجۇزىم ءوندىرىسى رايونىن الەمدىك دەڭگەيدەگى ءوندىرىس رايونىنا اينالدىرۋعا قۇلشىنۋدا.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
