كەلپىن:
17 ءتۇرلى تۇيە ءسۇتى ءونىمى شاڭحاي، جىجياڭ بازارىنا بەت الدى
2023.02.02 16:52 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جاڭ جىلي 1 - ايدىڭ 31 - كۇنى كەلپىننەن حابارلايدى. 1 - ايدىڭ 29 - كۇنى كەلپىن اۋدانىنىڭ تۇيە شارۋاشىلىعىنداعى باستاماشى كاسىپورىن شينجياڭ شينتو ءسۇت شارۋاشىلىعى شەكتى سەرىكتەستىگى شاڭحايداعى، جىجياڭداعى 2 كاسىپورىنمەن قامداۋ - قاجەتسىنۋ سەلبەستىك كەلىسىمىنە قول قويدى. 2 - ايدىڭ 1 - كۇنىنەن باستاپ، وسى سەرىكتەستىك وندىرگەن 17 ءتۇرلى ورگانيكالىق جاسىل تۇيە ءسۇتى ءونىمى وسى 2 كاسىپورىننىڭ ساتۋ الاڭىنا كىرەدى، توقتام سوماسى 15 ميلليون يۋان بولدى.
كەلپىن اۋدانىنىڭ تۇيە باعىمشىلىعى تاريحى ۇزاق، ءشول دالاداعى سورتاڭ جايلىمدار مەن جۇڭي ءدارى شوپتەر، سونداي - اق لاستانباعان توپىراق، اۋا جانە سۋ سياقتى وزگەشە جاراتىلىستىق شارت - جاعدايلار ازىرلەگەندىكتەن، بۇل ارانىڭ تۇيە ءسۇتىنىڭ ساپاسى ايتارلىقتاي جاقسى. 2022 - جىلى 8 - ايدا كەلپىن اۋدانى ساۋداگەر شاقىرىپ قارجى ەنگىزگەن شينجياڭ شينتو ءسۇت شارۋاشىلىعى شەكتى سەرىكتەستىگى وندىرىسكە قوسىلعاننان كەيىن، 3 اۆتوماتتى ءوندىرىس جەلىسىن قۇردى، قازىر جىلىنا 6000 توننادان استام جاڭا ساۋىلعان تۇيە ءسۇتىن ءبىر جاقتى ەتىپ، ءونىم قۇنى شامامەن 200 ميلليون يۋانعا جەتتى.
”سەرىكتەستىك كەلپىن اۋدانىنا ىرگە تەپكەننەن بەرى جەرگىلىكتى ۇكىمەتتىڭ قولداۋىندا، عىلمي زەرتتەۋ، ءوندىرۋ، ساتۋ ءبىر تۇلعالانعان كولەمدەنگەن، ولشەمدەنگەن، ماماندانعان تۇيە ءسۇتى ونىمدەرىن ءوندىرۋ بازاسىن قۇرۋعا كۇش سالدى. قازىر 60تان استام ادامدى جۇمىستاندىرىپ، 240تان استام مالشىنى كىرىسىن ارتتىرۋعا جەتەكتەدى“. شينجياڭ شينتو ءسۇت شارۋاشىلىعى شەكتى سەرىكتەستىگىنىڭ باس ديرەكتورى سۋ حۋا بىلاي دەپ تانىستىردى: بيىل سەرىكتەستىك ”سەرىكتەستىك + شارۋا وتباسى + سەلبەستىك كووپەراتيۆى“ ۇلگىسىندە ىشكەرىلەي ىزدەنىس جاساپ، مالشىلاردى عىلمي، ءونىمدى باعىپ - باسقارۋ ءادىسىن قولدانۋعا جەتەكتەپ، ءسۇت ساپاسىن جوعارىلاتىپ، باياندى دامىتۋ ۇلگىسىن بىرگە قالىپتاستىرادى.
كەلپىن اۋداندىق پارتكومنىڭ تۇراقتى مۇشەسى شى يۇي بىلاي دەپ تانىستىردى: قازىر تۇتاس اۋداندا قولداعى تۇيەنىڭ سانى 30 مىڭ باس، ساياساتتىق سۇيەمەلدەۋ، باستاماشى جەتەكشىلىك ەتۋ، تەحنيكالىق زەرتتەۋ - اشۋ، قىزمەت وتەۋ قامتاماسىزدىعى، ماركانىڭ دەڭگەيىن جوعارىلاتۋ سياقتى شارالار ارقىلى 2025 - جىلى 45 مىڭ باسقا جەتكىزۋگە كۇش سالىپ، تۇيە شارۋاشىلىعىن ۇزدىكسىز زورايتامىز، الۋەتتەندىرەمىز.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
