بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

قۇرىلىستاردا ورتتەن ساقتانۋدىڭ مەملەكەتتىك ولشەمى جاريالاندى

تۇرعىن ۇيلىك قۇرىلىستاردىڭ بيىكتىگى 33 مەتردەن اسقاندا، ورتتەن ساقتانۋعا ارنالعان ليفت ورناتۋ كەرەك

2023.02.06 15:02     كەلۋ قاينارى : حالىق تورابى

  جۇمىسشىلار گازەتىنىڭ ءتىلشىسى شى لاننا حابارلايدى. جۋىردا، تۇرعىن ءۇي جانە قالا – اۋىل قۇرىلىسى مينيسترلىگى «قۇرىلىستاردا ورتتەن ساقتانۋدا ءبىر تۇتاس قولدانىلاتىن ولشەمدى» (تومەندە قىسقارتىلىپ «ولشەم» دەپ اتالادى) جاريالاپ، بيىكتىگى 33 مەتردەن اساتىن تۇرعىن ۇيلىك قۇرىلىستاردا، قابات سانى 5 نەمەسە ودان جوعارى بولعان، ونىڭ ۇستىنە، قۇرىلىس كولەمى 3000 شارشى مەتردەن اساتىن قۇرىلىستاردا قارتتاردى كۇتىمدەۋگە ارنالعان قۇرىلعى قاتارلىلار ورنالاستىرىلۋى، ورتتەن ساقتانۋ ليفتى ورنالاستىرىلۋى كەرەك ەكەندىگىن ايقىن بەلگىلەدى.

  «ولشەم» بيىل 6 – ايدىڭ 1 – كۇنىنەن باستاپ اتقارىلادى، ماجبۇرلەۋ سيپاتىنا يە ينجەنەريالىق قۇرىلىس ولشەمى ەسەپتەلەدى. حالىقتىق ماقساتتا پايدالاناتىن قوپارعىش بۇيىمداردى وندىرەتىن جانە ساقتايتىن قۇرىلعىلاردان سىرت، جاڭادان سالىناتىن، وزگەرتىپ سالىناتىن جانە كەڭەيتىپ سالىناتىن قۇرىلىستاردى جوسپارلاۋ، جوبالاۋ، پايدالانۋ جانە جوندەۋ بارىسىندا ورتتەن ساقتانۋدا، سونداي – اق، قازىر بار قۇرىلىستاردى وزگەرتىپ سالۋ، پايدالانۋ جانە جوندەۋ بارىسىندا ورتتەن ساقتانۋدا، ءسوزسىز، وسى ولشەمدى اتقارۋ كەرەك.

  «ولشەم» بويىنشا، قۇرىلىستارعا ءورت كەتكەن كەزدە ادامداردىڭ حاۋىپسىز جوتكەلۋ جانە باس ساۋعالاۋ قاجەتىن قاناعاتتاندىراتىن قۇرىلعىلار ورناتىلۋى كەرەك؛ قۇرىلىستىڭ ىشكى بولىگىندەگى جانە سىرتقى بولىگىندەگى ورتتەن ساقتانۋعا ارنالعان بولگىش بەلگىلەنگەن ۋاقىت ىشىندە ءورتتىڭ ىرگەلەس قۇرىلىستارعا نەمەسە قۇرىلىستىڭ ىشكى بولىگىندەگى ورتتەن ساقتانۋعا ارنالعان باسقا بولىك وڭىرلەرگە جايىلۋىنان ساقتانا الاتىن بولۋى كەرەك؛ قۇرىلىستىڭ جالپى جازىقتىق ورنالاستىرىلۋى مەن ىرگەلەس كەلەتىن قۇرىلىستاردىڭ ارالىعى ءورت ءوشىرۋ – قۇتقارۋ تالابىن قاناعاتتاندىرا الاتىن بولۋى كەرەك.

  حاۋىپسىز جوتكەلۋ جانە باس ساۋعالاۋ قۇرىلعىلارىن ورنالاستىرۋ جاعىندا، «ولشەمدە» مىنالار تالاپ ەتىلگەن: قۇرىلىستاعى جوتكەلەتىن شىعار اۋىزدار بىتىراڭقى ورنالاستىرىلۋى كەرەك، بولمەلەردىڭ جوتكەلۋگە ارنالعان ەسىكتەرى حاۋىپسىز شىعار اۋىزدارمەن توتە جالعاسۋى كەرەك، ەكەۋىنىڭ ارالىعىنا باسقا بولمە ورنالاستىرۋعا بولمايدى. جوتكەلۋگە ارنالعان شىعار اۋىزداردىڭ كەڭدىگى مەن سانى ادامداردى حاۋىپسىز جوتكەۋ تالابىنا ۇيلەسۋى كەرەك، جوتكەلۋگە ارنالعان شىعار اۋىزداردىڭ ەسىگى، بولمە سىرتىنداعى جوتكەلۋگە ارنالعان باسپالداقتاردىڭ ناقتى كەڭدىگى تۇگەلدەي 0.8 مەتردەن تومەن بولماۋى كەرەك؛ جوتكەلۋگە ارنالعان دالىزدەر، العاشقى قاباتتاعى جوتكەلۋگە ارنالعان سىرتقى ەسىك، الەۋمەتتىك قۇرىلىستارداعى بولمە ىشىندەگى جوتكەلۋگە ارنالعان باسپالداقتاردىڭ كەڭدىگى تۇگەلدەي 1.1 مەتردەن تومەن بولماۋى كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار