لوپ اۋدانى اۋىل شارۋاشىلىق عىلىم - تەحنيكاسىنان ۇلگى كورسەتۋ باقشا رايونى
كۇنىنە ورتا ەسەپپەن ءبىر توننا قويان ءشوپتى ۇشاقپەن شار تاراپقا جەتكىزدى
□ انار بۇلت \ شينجياڭ گازەتىنىڭ ءتىلشىسى ءپاريزات ابدۇل
2023.02.02 16:45 كەلۋ قاينارى : شينجياڭ گازەتى
1 - ايدىڭ 31 - كۇنى تاڭعى ساعات 8 مولشەرىندە، لوپ اۋدانى دامو تاۋحۋايۋان جەمىس - جيدەك، كوكونىس كاسىپتىك سەلبەستىك كووپەراتيۆىنىڭ شوفەرى ابىلات ابدۇللا لوپ اۋدانى اۋىل شارۋاشىلىق عىلىم - تەحنيكاسىنان ۇلگى كورسەتۋ رايونىنا ورنالاسقان قويان ءشوپ ەگىمشىلىگى بازاسىنىڭ سۇرىپتاۋ قالتقىسىنا كىردى، قالتقىنىڭ ىشىندە 10 نەشە جۇمىسشى قويان ءشوپتى سۇرىپتاۋ، تايلاۋ، تاسۋمەن قاربالاس ەدى. ءبىر ساعاتتان كەيىن، ابىلات 5. 1 توننا قويان ءشوپ تيەگەن شاعىن جۇك اۆتوكولىگىن ايداپ، حوتان اۋەجايىنا قاراي زىمىراي جونەلدى.
”قويان ءشوپ كوكتەم مەرەكەسىنەن ىلگەرى بازارعا سالىنا باستادى، سەلبەستىك كووپەراتيۆى كۇنىنە ورتا ەسەپپەن ءبىر توننا اينالاسىنداعى قويان ءشوپتى ۇشاق ارقىلى بەيجيڭ، شاڭحاي، شىنجىن، گۋاڭجوۋ سياقتى جەرلەردەگى بازارلارعا جونەلتەدى“، - دەدى لوپ اۋدانى دامو تاۋحۋايۋان جەمىس - جيدەك، كوكونىس كاسىپتىك سەلبەستىك كووپەراتيۆىنىڭ جاۋاپتىسى جيا يۇيلۋ تىلشىگە.
قويان ءشوپ − قورەكتىك قۇنىنا جانە ەرەكشە دارىلەرگە پايدالانۋ قۇنىنا يە جوعارى سورتتى كوكونىس. 2015 - جىلى جيا يۇيلۋ شاندۇڭنان قويان ءشوپ قالامشاسىن ەنگىزىپ، لوپ اۋدانىنا اكەلىپ ەگەدى، جەرگىلىكتى ورىننىڭ قۇرعاقتاۋ كەلگەن توپىراعى، تاڭەرتەڭ مەن كەشكى تەمپەراتۋرانىڭ پارقى زور بولۋداي ەرەكشە جاراتىلىستىق كليمات ورتاسى قويان ءشوپتى ءوسىرۋدىڭ نەگىزگى شارتىنا ءدال ۇيلەسەدى. ءبىر جىلعى ىزدەنىس جاساۋدىڭ جانە امالياتتا ايگىلەۋدىڭ ارقاسىندا، جيا يۇيلۋدىڭ 14 جىلىجايدا ەككەن ءونىمىنىڭ العاشقى ادىمدا ونىمدىلىگى كورىلىپ، جىلىجايدىڭ جىل سايىنعى ورتاشا جىلدىق كىرىسى 10 مىڭ يۋانعا جەتتى.
سونان كەيىن جيا يۇيلۋ لوپ اۋدانى دامو تاۋحۋايۋان جەمىس - جيدەك، كوكونىس كاسىپتىك سەلبەستىك كووپەراتيۆىن قۇرىپ، قويان ءشوپتى ولشەمدەندىرە ەگۋدى جالپىلاستىرىپ، ”لۋيۇي يوۋيۋە“ ساۋدا ماركاسىنا تىركەلىپ، ەگۋ، ءوندىرۋ، ساتۋ ءبىر تۇلعالانعان دامۋ ۇلگىسىن جۇزەگە اسىردى. 2020 - جىلى سەلبەستىك كووپەراتيۆىنىڭ قويان ءشوبى قورەكتىك ساپاسىن باعالاۋدان كەيىن ەلىمىزدەگى ايتۋلى، وزىندىك ەرەكشەلىككە يە، تاڭداۋلى، جاڭا اۋىل شارۋاشىلىق ونىمدەرى قاتارىنا ەنگىزىلىپ، ورگانيكالىعىن كۋالاندىرۋ ءوتىنىشى ءساتتى بولدى.
جيا يۇيلۋ تىلشىگە بىلايشا ءبىر ەسەپ جاساپ كورسەتتى: قويان ءشوپتىڭ ءوسىپ - ونۋىنە 2 جىل ۋاقىت كەتەدى، الدىڭعى كەزەڭدە ونىمدىلىگىن كورۋ باياۋ بولعانىمەن، ءساتتى ونەتىن بولسا، ءاربىر جىلىجايدىڭ ءونىم مولشەرى 1 − 5. 1 تونناعا جەتىپ، ءونىم بەرەتىن مەزگىلدە ءاربىر جىلىجايدان 30 مىڭ يۋان اينالاسىندا كىرىس كىرگىزۋگە بولادى، ونىڭ ۇستىنە ءبىر جول ەگىلگەن قويان ءشوپ بالاۋساسى 15 جىلعا دەيىن ءونىم بەرەدى، ءار جىلى بىرنەشە رەت جيىپ الۋعا بولادى.
لوپ اۋدانى اۋىل شارۋاشىلىق عىلىم - تەحنيكاسىنان ۇلگى كورسەتۋ باقشا رايونىنداعى جاپ - جاسىل قويان ءشوپ قالامشاسىنىڭ ءوسۋ جاعدايى كىسىنى سۇيىندىرەدى، بىرنەشە جۇمىسشى جاس ساباقتاردى پىشاقپەن جاتىق كەسىپ الىپ، ودان كەيىن كەسىپ، قوراپتاپ، جۇمىستى قاربالاس ءارى تارتىپپەن جۇرگىزۋدە.
جيا يۇيلۋ بىلاي دەپ تانىستىردى: سەلبەستىك كووپەراتيۆىنىڭ قويان ءشوبى كوكتەم مەرەكەسى قارساڭىندا بازارعا شىعارىلدى، ساتىلۋ باعاسى ءبىرشاما جوعارى، قازىر ءالى دە ءونىمدى جيناپ بازارعا شىعاراتىن ەڭ تاماشا مەزگىل، ءار كيلوگرامىنىڭ باعاسى 30 يۋان اينالاسىندا. قويان ءشوپ سيرەك كەزدەسەتىن، تاپشى كوكونىسكە جاتادى، ءبىر رەت قارجى قوسساڭ، ۇزاق ۋاقىت ونىمدىلىگىن كورەسىڭ، ەگىمشىلىك بولاشاعى جارقىن. قازىر سەلبەستىك كووپەراتيۆى لوپ اۋدانىندا، حوتان قالاسىندا، حوتان اۋدانىندا جالپى 440تان استام جىلىجايدا قويان ءشوپ ەگۋدى جالپىلاستىرىپ، 100دەن استام بۇقارانىڭ قويان ءشوپ ەگىمشىلىگىمەن شۇعىلدانۋىنا، سەلبەستىك كووپەراتيۆىندە جۇمىس ىستەۋىنە جەتەكشىلىك ەتىپ، ءاربىر وتباسىنىڭ جىلدىق ورتاشا كىرىسىن 10 مىڭ يۋاننان اسىرۋدى جۇزەگە اسىردى.
لوپ اۋدانى دامو تاۋحۋايۋان جەمىس - جيدەك، كوكونىس كاسىپتىك سەلبەستىك كووپەراتيۆىنىڭ قىزمەتكەرى گۇزالنۇر ياسىن قويان ءشوپ ءوسىرۋ تەحنيكاسىن يگەرگەننەن كەيىن، بىلتىر جىل سوڭىندا 2 جىلىجايدى كوتەرمەگە الدى، ”سەلبەستىك كووپەراتيۆىندە ىستەپ، ايىنا تاپقان 3000 يۋان كىرىسىمنەن سىرت، بيىل جىلىجايدا ەككەن قويان شوپتەن دە كىرىس كىرگىزدىم، جىلدىق كىرىسىمنىڭ بىلتىرعىدان بارىنشا مول بولاتىندىعىىنا كوزىم جەتەدى“، - دەدى ول قۋانا.
قويان ءشوپتىڭ سىرتقى ءپىشىنى جانە ءدامىنىڭ ءتىل ءۇيىرۋى، ونىڭ ۇستىنە جەتەكشىلىك جانە تىرەكتىلىك رولىنىڭ كورنەكتى بولعاندىعى سەبەپتى، لوپ اۋدانى دامو تاۋحۋايۋان جەمىس - جيدەك، كوكونىس كاسىپتىك سەلبەستىك كووپەراتيۆى 2022 - جىلى جۇڭگو اۋىل شارۋاشىلىق عىلىم - تەحنيكا سەلبەستىگى عىلىم - تەحنيكا شاعىن باقشاسى قاتارىنا قابىلداندى (لوپ قويان ءشوپ عىلىم - تەحنيكا شاعىن باقشاسى).
”قازىر قويان ءشوپ، نەگىزىنەن، بەيجيڭ، شاڭحاي، گۋاڭجوۋ، شىنجىنعا ساتىلادى. بيىل وسى نەگىزدە بازار ءورىسىن كەڭەيتىپ، شياڭگاڭ بازارىنا كىرۋدى جوسپارلاپ وتىرمىز“، - دەدى جيا يۇيلۋ. مۇنان سىرت، وتباسى ەگىمشىلىگى ۇلگىسىن اتقارىپ، جەرگىلىكتى شارۋالاردى قويان ءشوپ ەگۋ جۇمىسىنا قابىلداپ، اناعۇرلىم كوپ شارۋانى كىرىستەرىن ارتتىرىپ، اۋقاتتانۋعا باستايتىندىقتارىن ايتتى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
