بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جۇڭگونىڭ ىزدەۋ – قۇتقارۋ اترەتى قيراندىنىڭ اراسىنان جۇكتى ايەلدى قۇتقارىپ شىقتى

2023.02.09 14:25     كەلۋ قاينارى : حالىق تورابى

  2 – ايدىڭ 6 – كۇنى تۇركيادا كۇشتى جەر سىلكىنىسى ىركەس – تىركەس تۋىلىپ، ادامداردىڭ جارالانۋى جانە قازا بولۋى، مال – مۇلىكتىڭ زياندالۋى اۋىر بولدى. تۇركيا مەن سيريا ۇكىمەتىنىڭ جانە ىزدەۋ – قۇتقارۋ كۇشتەرىنىڭ 2 – ايدىڭ 8 – كۇنى جاريالاعان ەڭ جاڭا مالىمەتىنە قاراعاندا، تۇركيانىڭ وڭتۇستىك بولىگىندەگى سيرياعا جاقىن شەكارا وڭىردەگى كۇشتى جەر سىلكىنىسىندە ەكى ەلدە 11000 نان استام ادام قازا بولعان.

  ىزدەۋ – قۇتقارۋ بارىسىندا، ارت – ارتىنان تۋىلعان تاڭعاجايىپ وقيعالار بىزگە تىرشىلىكتىڭ مويىماس مىقتىلىعىن ايگىلەدى. جەرگىلىكتى ۋاقىت بويىنشا 2 – ايدىڭ 9 – كۇنى ساعات بىردەن 30 مينۋت وتكەندە، جۇڭگونىڭ ىزدەۋ – قۇتقارۋ اترەتى مەن جەرگىلىكتى ىزدەۋ – قۇتقارۋ اترەتى كۇش قوسا وتىرىپ، قۇلاعان 8 قاباتتىق عيماراتتىڭ قيراندىسىنىڭ اراسىنان جۇكتى ايەلدى قۇتقارىپ شىقتى، بۇل جۇڭگو ىزدەۋ – قۇتقارۋ اترەتى قۇتقارۋعا اتسالىسۋ بارىسىندا تۇڭعىش رەت ءساتتى قۇتقارىپ شىققان ادام.

  قازىر جۇڭگونىڭ تۇركياعا جەتىپ بولعان ىزدەۋ – قۇتقارۋ اترەتىنەن سىرت، لانتيان ىزدەۋ – قۇتقارۋ جۇيەسى، شىنجىن الەۋمەتتىك يگىلىك سيپاتىنداعى ىزدەۋ – قۇتقارۋ اترەتى قاتارلى قوعامداعى شۇعىل جاعدايعا توتەپ بەرۋ كۇشتەرىنەن 10 نەشە اترەت ءبىرىنشى شەپتەگى ىزدەۋ – قۇتقارۋ قىزمەتىنە اتسالىسۋعا اتتاندى.

  ءتۇپ – ءتۇزۋ تەمىر جولدىڭ رەلىسى كۇشتى سىلكىنىستىڭ اسەرىنەن 90 گرادۋسقا جۋىق مايىسىپ كەتكەن

  باس ستانسيا ءتىلشى سىلكىنىس ورتالىعىنداعى كاحرامانماراس ولكەسىندە قوس باعىتتاعى جولدىڭ ءبۇلىنىپ، تارايعانىن كورگەن، ءتۇپ – ءتۇزۋ تەمىر جولدىڭ رەلىسى كۇشتى سىلكىنىستىڭ اسەرىنەن 90 گرادۋسقا جۋىق مايىسىپ كەتكەن.

  جەر سىلكىنىسى اپاتى تۋىلعان وڭىردە 790 رەتتەن استام قايتالامالى سىلكىنىس تۋىلعان، 100 مىڭنان استام ادام ىزدەۋ – قۇتقارۋ جۇمىسىنا اتسالىسقان

  جەرگىلىكتى ۋاقىت بويىنشا 2 – ايدىڭ 8 – كۇنى كەشتە، تۇركيانىڭ ورىنباسار زۇڭتۇڭى وكتايدىڭ ايتۋىنشا، قازىرگە دەيىن، جەر سىلكىنىسى اپاتى تۋىلعان جەردە 790 رەتتەن استام قايتالامالى سىلكىنىس تۋىلعان.

  وكتايدىڭ ايتۋىنشا، اپات تۋىلعان جەردە، 66 مەملەكەتتەن كەلگەن ىزدەۋ – قۇتقارۋ اترەتى، 900 دەن استام كران جۇمىس ىستەۋدە، ۋاقىتتىق تۇراق رايونىنداعى ادام سانى 500 مىڭنان اسقان. ۇكىمەت اپات تۋىلعان ولكەلەرگە شامامەن 100 مىڭداي شاتىر جىبەرگەن، اپاتتان قۇتقارۋ تاراۋلارى، حاۋىپسىزدىك قوسىنى، قىزىل جارتى اي قوعامى، ەرىكتىلەر، دەنساۋلىق ساقتاۋ اترەتى قاتارلىلاردى قامتىعان ىزدەۋ – قۇتقارۋ قىزمەتكەرلەرىنەن 103800 ادامدى قامتىعان ءبىر ميلليون 60 مىڭ ادام سياتىن ۋاقىتتىق تۇراق سالىنىپ بولعان، قازىر زات اينالىمى، تاسىمال قاتارلىلار قالىپتى، ۇكىمەت جولداردى بوگەمەگەن.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار