كوكتەمگى ەگىس دايىندىعى قاربالاس جۇرگىزىلدى، استىق ءوندىرىسىنىڭ باستاماسى ورنىقتى بولدى (سەنىمدى بەكەمدەپ، جاڭا باستاماعا قادام تاستاۋ)
ءوز تىلشىلەرىمىز
2023.02.07 17:29 كەلۋ قاينارى : حالىق تورابى
جىل باسى كوكتەم كەلدى، ەگىنشىلەر ەگىس دايىندىعىنا كىرىسە باستادى.
ورتا جازىقتىڭ استىق قامباسى دەگەن اتى بار حىناندا كوكتەمگى ەگىس دايىندىعى قاربالاس جۇرگىزىلۋدە. حىنان ولكەسى انياڭ قالاسى حۋاشيان اۋدانى ۋاڭجۋاڭ قالاشىعى حوۋۋاڭجۋاڭ قىستاعىنىڭ ءبيداي اتىزىندا اگرونوم چىن ي - پين اۋىلداستارعا قولما – قول تەحنيكا ۇيرەتۋدە: «ەگىس ۋاقىتى كۇتىپ تۇرمايدى، ۋاعىندا تىڭايتقىش بەرىپ، ۋاعىندا سۋارۋ، دەرت – دەربەزدەن ويداعىداي ساقتانۋ كەرەك، سوندا عانا مول ءونىم الۋعا بولادى».
وڭتۇستىكتە كوكتەم ەرتە شىعىپ، جەر بابىنا كەلدى. حاينان ولكەسى حايكوۋ قالاسى حۇڭچي قالاشىعى موچياۋ قىستاعىندا كۇرىش ەگۋ ناۋقانى باستالدى، ۇشقىشسىز ۇشاق جۇمىس ىستەپ ءجۇر، قىستاق تۇرعىنى دىڭ يۇيحۇي قاباعات قاربالاستىققا ءتۇستى، «جاڭا تەحنيكادان پايدالانىپ جاتىرمىز، ەڭبەك كۇشىن، وزىندىك قۇندى ۇنەمدەدىك، ونىمدىلىك جوعارى بولۋدا!» دەدى ول.
استىق حاۋىپسىزدىگى − مەملەكەتتىڭ كەلەلى ءىسى. پارتيا 20 - قۇرىلتايىنىڭ بايانداماسىندا اۋىل شارۋاشىلىعىندا قۇدىرەتتى ەل قۇرۋدى جەدەلدەتۋ ورتاعا قويىلدى. باس شۋجي شي جينپيڭ بىلاي دەپ دارىپتەدى: استىق جانە ماڭىزدى اۋىل شارۋاشىلىق ونىمدەرىمەن ورنىقتى، حاۋىپسىز قامداۋدى قامتاماسىز ەتۋ باستان - اياق اۋىل شارۋاشىلىعىندا قۇدىرەتتى ەل قۇرۋداعى ماڭداي الدى ءىرى ءىس سانالادى.
استىق حاۋىپسىزدىگىنىڭ ىرىقتىلىق ۇقىعىن مىقتى يگەردى. 2022 – جىلى ەلىمىزدىڭ استىق جالپى ءونىم مولشەرى ءبىر تريلليون 373 ميلليارد 60 ميلليون جىڭ بولىپ، ءۇرتىس 8 جىل ءبىر تريلليون 300 ميلليارد جىڭنان اسىپ وتىردى. بۇكىل دۇنيە جۇزىلىك استىق داعدارىسى الدىندا ەلىمىزدىڭ استىق وندىرىسىندە «19 جىل بويى مول ءونىم الۋ» جۇزەگە اسىرىلىپ، جۇڭگولىقتاردىڭ ىرىزدىعى اناعۇرلىم بەكەمدەلە ءتۇستى. بيىلعى ەلىمىزدىڭ استىق ءوندىرىسىنىڭ نىسانالىق مىندەتىنىڭ ماڭىزدى ءتۇيىنى «ەكىنى ورنىقتىرۋ، ەكىنى كەڭەيتۋ، ەكىنى جوعارىلاتۋ»، ياعني جەر اۋماعىن ورنىقتىرۋ، ءونىم مولشەرىن ورنىقتىرۋ، سويا بۇرشاقتىڭ ەگىلۋ اۋماعىن كەڭەيتۋ، مايلى داقىلدىڭ ەگىلۋ اۋماعىن كەڭەيتۋ، بىرلىك ءونىمدى جوعارىلاتۋ، ءوزىن - ءوزى قامداۋ شاماسىن جوعارىلاتۋ.
جىل ەسەبى كوكتەمدە. كوكتەمگى ەگىستەگى استىق ءونىمى تۇتاس جىلدىڭ %60 ىن ۇستايدى، كوكتەمگى ەگىستەگى استىق ءونىمى نەگىزگى ىشەر استىقتىڭ %40 ىنە جۋىعىن ۇستايدى، كوكتەمگى ەگىستى، كوكتەمگى باپتاۋدى مىقتى يگەرۋ تۇتاس جىلدا استىقپەن ماڭىزدى اۋىل شارۋاشىلىق ونىمدەرىمەن ورنىقتى قامداۋعا كەپىلدىك ەتۋدىڭ تەتىگى سانالادى. ورىندار، تاراۋلار استىق ءونىمىن ورنىقتى ارتتىرۋعا بار كۇشپەن كىرىستى. اۋىل شارۋاشىلىعى، اۋىل - قىستاق مينيسترلىگىنىڭ قاتىستى جاۋاپتىسى مىنانى ءبىلدىردى: قازىر كوكتەمگى اۋىل شارۋاشىلىق ءوندىرىسى وڭتۇستىكتەن سولتۇستىككە قاراي ىركەس - تىركەس ورىستەتىلۋدە، دۇمبە ءبيدايدىڭ، كۇزدىك قىشىنىڭ ەگىلۋ كولەمى ارتىپ، جاقسى ءوسىپ كەلەدى، كوكتەمگى استىق ەگىلەتىن جەر اۋماعى ورنىقتىلىق بارىسىندا ءبىراز ارتىپ، استىق، مايلى داقىل ءوندىرىسى مەن كوكتەمگى ەگىس دايىندىعىنىڭ جالپى جاعدايى ءبىرشاما جاقسى بولۋدا.
كەڭ كوسىلگەن اتىزدارعا كوز جىبەرسەك، جاڭا ءوندىرىس جۇمىسى باستالدى، تىڭ تابىستار تۋىنداپ كەلەدى.
العاشقى قادامدى جاقسى باسىپ، اۋىل شارۋاشىلىق ءوندىرىسىنىڭ تەبىنىن ارتتىرۋ كەرەك
باس شۋجي شي جينپيڭ: «جۇڭگولىقتار ىرىزدىعىن قاي - قاشان دا ءوز قولىندا مىقتى ۇستاۋى، داستارقانىندا، باستىسى، جۇڭگو استىعى بولۋى كەرەك» دەپ دارىپتەگەن بولاتىن.
2023 - جىل −− پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى. العاشقى قادامدى جاقسى باسىپ، استىق ءوندىرىسىنىڭ ورنىقتى باستالۋىنا كەپىلدىك ەتۋ ءۇشىن، جەر - جەر، تاراۋلار تۇتاس جىلدىق استىق ءوندىرىسىن ەرتە باستان جوسپارلاپ، ءتۇرلى قامتاماسىزداندىرۋ شارالارىن ناقتى يگەرۋ كەرەك.
كوكتەمگى ەگىس دايىندىعىندا اۋىل شارۋاشىلىق ءوندىرىس قۇرال – جابدىقتارى بازارى الدىمەن ىسكە كىرىستى.
جاقىننان بەرى حيلۇڭجياڭ ولكەسى تىڭ يگەرۋ حۇڭۋەي ەگىس الاڭى ءبىر تۇتاس ساتىپ العان 5795 توننا ازوت، فوسفور، كاليلى تىڭايتقىشتى بەلگىلەنگەن ورىنعا جەتكىزدى. «ساپاعا كەپىلدىك ەتىلەدى، ونىڭ ۇستىنە ىرگەمىزگە جەتكىزىپ بەردى، الاڭسىز بولدىق». ەگىنشى ۋاڭ ليبو ءبىر جاعىنان ەسەپ جاساپ، ەندى ءبىر جاعىنان جاڭا ءبىر جىلداعى كۇرىش ەگۋ جوسپارىن جاسادى.
كوكتەمگى ەگىس دايىندىعى قاربالاس كەزدە، جەر - جەردە تۇقىم سۇرانىسى ۇزدىكسىز جوعارىلاپ، تۇقىم جاساۋ ءوندىرىس جەلىسى تولىق ىسكە قوسىلدى. شيانجىڭدا توبى جۇڭگو تۇقىم كاسىبىندەگى مانەرلەۋ كاسىپورىندارى بازار قارقىنىن مىقتى يگەرىپ، كۇندىز - ءتۇنى كۇرىش، جۇگەرى تۇقىمىن وندىرۋمەن ابىگەر بولدى، ازىرلەنگەن تۇقىم ارناۋلى پويەبەن، جۇك اۆتوموبيلدەرىمەن بۇكىل ەلگە ساتىلدى.
تىڭايتقىش ساپاسىنىڭ جاقسى - جامان بولۋى، قامداۋدىڭ جەتكىلىكتى بولۋ - بولماۋى اۋىل شارۋاشىلىق وندىرىسىنە تىكەلەي ىقپال جاسايدى. اۋىل شارۋاشىلىعى ماتەريالدارىنىڭ قامداۋ - قاجەتسىنۋ جاعدايىن وكشەلەي ورنالاستىرىپ، رايون اتتاپ رەتتەۋ، جونەلتۋدى ويداعىداي يگەرىپ، قامداۋدى قامتاماسىز ەتۋدى كۇشەيتتى… جەر - جەر، تاراۋلار اۋىل شارۋاشىلىق قۇرال - جابدىقتارىن ءوندىرۋدى، اينالىمعا سالۋدى، قامداۋدى ويداعىداي ۇيىمداستىرىپ، قىستاقتارعا، دۇكەندەرگە، وتباسىلارىنا دەر كەزىندە جەتكىزىلۋىنە شىنايى كەپىلدىك ەتتى.
كوكتەمگى ەگىس، كوكتەمگى باپتاۋ كەزىندە قىزمەت وتەۋ تىڭعىلىقتى ىستەلدى.
جياڭسۋ ولكەسى سۋچيان قالاسى سۋيۇي رايوندىق اۋىل شارۋاشىلىق تەحنيكا تاراۋلارى تەحنيكا بولىمشە اترەتىن قۇرىپ، اتىز باسىنا بارىپ، ەگىنشىلەرگە تەحنيكالىق جاقتان جەتەكشىلىك ەتتى. رايوندىق اۋىل شارۋاشىلىعى تەحنيكاسىن جالپىلاستىرۋ ورتالىعىنىڭ اگرونومى جاۋ جيە بىلاي دەدى: قازىر سۋيۇي رايونى 430 مىڭ مۋ جەردەگى ءبيدايدى ەگۋدە، مايسانىڭ ءوسۋ جاعدايى ءبىرشاما جاقسى، ءبىرىنشى، ەكىنشى تۇردەگى مايسانىڭ سالىستىرماسى %92 تەن اسىپ، جازعى استىق وندىرىسىنەن مول ءونىم الۋعا نەگىز قالاندى.
قىستاقتارعا بارىپ، وتباسىلارىن ارالاپ قيىن ماسەلەلەردى شەشتى. «بيىل قانشا مۋ جەرگە ءبيداي ەكتىڭىزدەر؟» «سۋارۋ، ءدارى شاشۋ قولايلى ما؟» … حىنان ولكەسى يۋانياڭ اۋدانى دابين قالاشىعى پارتكومىنىڭ شۋجيى ۋاڭ پىڭجۇي ءار رەت وتباسىلارىن ارالاپ، ەگىنشىلەردىڭ كوكتەمگى ەگىس قاجەتىن ەستەلىككە الىپ، ەڭ قىسقا ۋاقىت ىشىندە شەشۋ جوباسىن ازىرلەپ وتىرادى. ول: «قالاشىق پارتيالى كادرلاردى، استىق ەگەتىن ءىرى وتباسىلارىن اتتانىسقا كەلتىرىپ، كوكتەمگى ەگىس وندىرىسىنە قىزمەت وتەۋ اترەتىن قۇرىپ، قارتتاردىڭ، كەدەيلىكتەن ارىلعان بۇقارانىڭ كوكتەمگى ءوندىرىس جۇمىستارىنا دەم بەرىپ، ولاردى ۋايىمنان ارىلتتى» دەدى.
قازىر باتىس وڭتۇستىكتەگى دۇمبە ءبيداي بۋىن تارتۋ مەزگىلىنە، چاڭجياڭ، حۋايحى وڭىرلەرىندە كوگەرۋ مەزگىلىنە ءوتتى، سولتۇستىكتەگى دۇمبە ءبيداي ءالى دە قىستان ءوتۋ مەزگىلىندە تۇر، چاڭجياڭ الابىنداعى كۇزدىك قىشى قاتارلىلار ىركەس - تىركەس قاۋىز جارۋ مەزگىلىنە ءوتتى. جۋىقتا اۋىل شارۋاشىلىعى، اۋىل - قىستاق مينيسترلىگى مامانداردى ۇيىمداستىرىپ ءبيداي، قىشىنى ۇسىكتەن ساقتاپ، قۋاڭشىلىققا قارسى اتتانىپ، ءوندىرىستى ورنىقتىرۋدىڭ تەحنيكالىق پىكىرىن جاساپ، جاريالاپ، كوكتەمگى اتىز باسقارۋ تەحنيكاسىنا باۋلۋدى باستادى؛ 11 مامانداردىڭ جەتەكشىلىك ەتۋ گرۋپپاسىن حىبەي، جياڭشي سياقتى نەگىزگى ءبيداي جانە قىشى وندىرىلەتىن وڭىرلەرگە جىبەرىپ، اپاتتان ساقتانۋدىڭ، اپات زيانىن ازايتۋدىڭ جانە كوكتەمگى اتىز باسقارۋدىڭ شەشۋشى شارالارىنىڭ ناقتاپ تياناقتاندىرىلۋىن ىلگەرىلەتىپ، جازدا استىق، مايلى داقىلدان مول ءونىم الۋعا كۇش سالدى.
ءوندىرىس قاجەتى دەر كەزىندە قامتاماسىزداندىرىلدى.
جۇڭگو 1 – تراكتور جاساۋ توبى شەكتى سەرىكتەستىگىنىڭ ءوندىرىس سەحىندا تراكتورعا سىناق جاسالۋدا، گۇرىلدەگەن دىبىس، جابدىقتاردىڭ داۋىسى توعىسىپ، كوكتەمگى ەگىسكە دەم بەرۋدىڭ جالىندى بەينەسى جارىققا شىققان. 1 - ايدا جۇڭگو 1 – تراكتور جاساۋ توبى شەكتى سەرىكتەستىگى بۇكىل ەلگە جيىنى 8500 دەن استام تراكتور جونەلتىپ، كوكتەمگى ەگىس قاجەتىن پارمەندى قامتاماسىز ەتتى.
«اۋىل شارۋاشىلىق بانكەسىنىڭ 3 ميلليون يۋان قارىز اقشاسى، شىنىندا، دەر كەزىندە جاسالعان كومەك بولدى، تراكتور، مايسا وتىرعىزۋ ماشيناسى سياقتىلاردى كوبەيتىپ ساتىپ الدىق، كوپشىلىكتىڭ قايراتى تاسقىنداي ءتۇستى!» تاڭەرتەڭ گۋاڭدۇڭ ولكەسى حۇيجوۋ قالاسى بولو اۋدانى گۋانيىنگى قالاشىعىنداعى استىق ەگەتىن ءىرى وتباسىنىڭ مۇشەسى پىڭ حۇيحۋا 10 نەشە اۋىل شارۋاشىلىق ماشيناسىن جۇرگىزۋشىنى باستاپ، اۋىل شارۋاشىلىق ماشينالارىن جۇرگىزىپ، جەر جىرتىپ، تۇقىم سىڭىرۋگە دايىندالدى. جۇڭگو اۋىل شارۋاشىلىق بانكەسىنىڭ قاتىستى جاۋاپتىسى مىنانى ءبىلدىردى: بيىل كوكتەمگى ەگىس دايىندىعىنا 160 ميلليارد يۋاننان استام قارىز اقشا تاراتۋعا كۇش سالىپ، جەر - جەردىڭ كوكتەمگى ەگىسكە دايىندالۋداعى قارىز قاجەتىن تولىق قامتاماسىز ەتەمىز.
قازىر تۇقىم، تىڭايتقىش جەتكىلىكتى دايىندالدى، تەحنيكا، قىزمەت وتەۋ اتىزعا جەتكىزىلدى، ۇلكەن تراكتورلار، اتىز باپتاۋشىلار كومەككە كەلدى. كوكتەمگى ءوندىرىس دايىندىعى ەرتە باستالىپ، استىقپەن ورنىقتى قامداۋ قۋاتىن جوعارىلاتۋعا، زات باعاسىنىڭ ورنىقتى اينالىمىن ساقتاۋعا بەرىك نەگىز قالادى.
«ەگىن سالا بىلۋدەن» «زەيىندىك ەگىن سالۋعا» دەيىن عىلىم - تەحنيكانىڭ تىرەكتىك، قوزعاۋشىلىق كۇشى مىعىم بولدى
باس شۋجي شي جينپيڭ بىلاي دەپ اتاپ كورسەتتى: اۋىل شارۋاشىلىعىن وسىزامانداندىرۋدىڭ تەتىگى عىلىم - تەحنيكا العاباسارلىعى مەن جاڭالىق اشۋدا.
ءونىمدى، كىرىستى ارتتىرۋدا تەحنيكا − شەشۋشى ءتۇيىن. كوكتەمگى ەگىس دايىندىعىنىڭ ءبىرىنشى شەبىندە اۋىل شارۋاشىلىق عىلىم – تەحنيكاسى مىعىم قوزعاۋشى كۇش توپتاپ، ساپالى تۇقىم سەپتەپ، تاماشا وراي دايىنداپ، «التىن اپكىش» اۋىل شارۋاشىلىق ءوندىرىسىن پارمەندى تىرەكپەن قامدادى.
سورتتى تۇقىم كوزدەلىپ، مول ءونىم الۋعا نەگىز قالاندى.
سۇرىپتاۋ، دارەجەگە ءبولۋ، قاپتاۋ، سانىن الۋ جۇمىستارى رەتىمەن جۇرگىزىلۋدە. حىبەي وتۋ تۇقىم شارۋاشىلىعى سەرىكتەستىگىنىڭ سەحىندا ءۇش ءوندىرىس جەلىسى ءبىر ۋاقىتتا جۇمىس جۇرگىزۋدە. زەردەلى جۇيەدە قوراپتالعان قالتا - قالتا جۇگەرى سورتتى تۇقىمى قۇلتەمىر ارقىلى ءتىزىلىپ، وڭدەلگەن ءونىم قويماسىنا تاسىلىپ، ونان سوڭ ماشيناعا تيەلىپ، بۇكىل ەلدىڭ جەر - جەرىنە جەتكىزىلۋدە.
«وسىلاردىڭ بارلىعى سەرىكتەستىك دەربەس جەتىلدىرگەن جۇگەرى سورتتارى، <ويۇي – 3>، <ويۇي – 11> سياقتىلاردىڭ مۋ باسىندىق ءتۇسىمى 900 كيلوگرام اينالاسىنا جەتتى، جان - جاقتى قارسىلىق قۋاتى، ۇيلەسكىشتىگى جانە تۇراقتىلىعى سياقتى ارتىقشىلىقتارى كورنەكتى». سەرىكتەستىكتىڭ جاۋاپتىسى بىلاي دەپ تانىستىردى: بيىل زەرتتەۋ - اشۋ، جاڭالىق اشۋ ۇسىنىلىمى ۇزدىكسىز كۇشەيتىلىپ، عىلمي زەرتتەۋ ورىندارىمەن جانە ءتۇيىندى كاسىپورىندارمەن سەلبەستىك كۇشەيتىلىپ، «جەتىلدىرۋ، كوبەيتۋ، جالپىلاستىرۋ» ۇلگىسىنىڭ جوعارى ونىمدىلىكپەن تياناقتانۋى جەبەلەدى.
سورتتى مىقتاپ يگەرىپ، اۋىل شارۋاشىلىعىنىڭ «چيبىن» ايگىلەدى. قازىر ەلىمىزدىڭ ەگىس داقىلدارىندا سورتتى تۇقىمىنىڭ قامتۋ شاماسى %96 تەن جوعارى بولىپ، ءوزىمىز تاڭداپ جەتىلدىرگەن سورتتاردىڭ سالىستىرماسى %95 تەن استى. ورتالىقتان جەرگىلىكتى ورىندارعا دەيىن مەملەكەتتىك تۇقىم شارۋاشىلىعى كاسىپورىندارىنىڭ شەبى جەدەل قۇرىلىپ، زەرتتەۋ - اشۋ مەن بازار سىندى ەكى جاق تۇتاستىرىلىپ، تۇقىم شارۋاشىلىعىن گۇلدەندىرۋدىڭ وزەكتى كۇشى ۇزدىكسىز ۇيىستىرىلدى.
بيىل اۋىل شارۋاشىلىعى، اۋىل - قىستاق مينيسترلىگى جۇگەرىنى ءتۇيىن ەتىپ، نەگىزگى استىق، مايلى داقىلداردىڭ بىرلىك ءونىمىن جوعارىلاتۋ ينجەنەرياسىن باستاپ، جوعارى ءتۇسىمدى، ساپالى، تىعىز سورتتاردىڭ ءبىر توبىنان ۇلگى كورسەتىپ جانە جالپىلاستىرىپ، نەگىزگى استىق، مايلى داقىلداردىڭ بىرلىك ءونىمىن كورنەكتى جوعارىلاتۋعا كۇش سالدى، مۇنىڭ ىشىندە جۇگەرىدەن ۇلگى كورسەتۋ اتىزدارىنىڭ مۋ باسىندىق ءونىمى 100 كيلوگرامنان استام جوعارىلادى.
تاماشا وراي كوكتەمگى ەگىسكە دەم بەردى.
«كۇن بىرتىندەپ جىلىنۋدا. بيىل تىڭايتقىش بەرۋدە جاڭا قۇرال - سايماننان پايدالاندىق». جياڭسۋ ولكەسى ليانيۇنگاڭ قالاسى گانيۇي رايونى جاۋجين ەگىس داقىلدارىن ەگۋ كاسىپتىك سەلبەستىك كووپەراتيۆىنىڭ جاۋاپتىسى حۋ تۋان بىلاي دەدى: بۇرىن بيىك وسكەن داقىلدارعا تىڭايتقىش بەرۋدە داقىلداردىڭ تاپتالۋىنان ساقتانۋ قيىن ەدى، بيىل جاڭادان ساتىپ الىنعان اۋىل شارۋاشىلىق ۇشقىشسىز ۇشاعى تىڭايتقىش بەرۋ ونىمدىلىگىن ارتتىردى، كۇشەمەلىلىگى جوعارى، جۇمىسى ورنىقتى، ءبىر جولدا 50 كيلوگرام تىڭايتقىش تيەپ، مەڭگەرىپ وتىرساق بولعانى، بىركەلكى شاشىپ شىعادى.
«ءبيداي تۇقىمىن سەبۋ تىڭايتقىش بەرۋ ءبىر جولدا ءبىتتى، بىلتىر جىل سوڭىندا 3 كۇندە 480 مۋ جەرگە ءبيداي ەگىپ بولدىق». بيىل حۋ تۋان جەتىقاراقشى باعىتتاۋىش جۇيەسى بار اۆتوماتتى تراكتور جۇرگىزۋدى جوسپارلاپ وتىر، زەردەلى تراكتوردىڭ اتىزدا ءوز ونەرىن كورسەتۋىن ءۇمىت ەتۋدە.
قازىر ەلىمىزدە ەگىس داقىلدارىن ەگۋدىڭ، ورۋدىڭ جالپىلىق ماشينالانۋ شاماسى %72 تەن استى، ءبيداي، جۇگەرى، كۇرىش سىندى 3 ۇلكەن استىق داقىلىن ەگۋدىڭ، ورۋدىڭ جالپىلىق ماشينالانۋ شاماسى جەكە - جەكە %97 تەن، %90 تەن جانە %85 تەن استى؛ 240 ات كۇشىندىك ۇلكەن تراكتور، قىشى سيەلكاسى سياقتى ماشينا – جابدىقتار جەتكىلىكتى تولىقتاندى. وسىلاردىڭ ارقاسىندا ەگىن ەگۋ زەردەلىلەنىپ، استىق ءونىمىنىڭ ارتۋىنا قوسقان ۇلەسى كورنەكتى ارتتى.
سايكەستىرۋ جاقسى ىستەلىپ، استىق ەگۋدەن جاقسى ءونىم الىندى.
165.1 كيلوگرام! بىلتىر شاندۇڭ ولكەسى يۇيچىڭ قالاسىندا سويا بۇرشاقتىڭ مۋ باسىندىق ونىمىندە رەكورد جاراتىلدى. بۇكىل ەل كولەمىندە سويا بۇرشاقتىڭ، جۇگەرىنىڭ بەلدەۋ ءتارىزدى بىرىكپە ەگۋ جەتىستىكتەرىن تۇڭعىش رەت كەڭ كولەمدە جالپىلاستىرىپ، ەلىمىزدىڭ سويا بۇرشاقپەن ءوزىن - ءوزى قامداۋ مولشەرىنىڭ 3 پايىز جوعارىلاۋىن ىلگەرىلەتتى.
«الدىڭعى توقساندا وتباسىمىزدىڭ 560 مۋ جەرىندە جۇگەرىنىڭ ءتۇسىمىن ازايتپاۋ، سويا بۇرشاقتان ءونىمدى شىعىنسىز الۋ نىساناسىن نەگىزىنەن جۇزەگە اسىردىق، ءار مۋ جەردىڭ كىرىسى 300 يۋان اينالاسىندا ارتتى، بيىل دا سولاي جالعاستىرامىز!» كوكتەم مەرەكەسى وتە سالىسىمەن يۇيچىڭ قالاسى جۇيجىن قالاشىعى لي شاڭ - ۋ قىستاعىنداعى استىق ەگەتىن ءىرى وتباسىنىڭ مۇشەسى ۋ دوشيا ەگىن شارۋاشىلىعى تەحنيكتەرىنەن كەڭەس سۇراپ، سويا بۇرشاقتان مول ءونىم الۋعا قۇلشىندى.
«جۇگەرى مەن سويا بۇرشاقتى بىرگە ەگۋدە كوپتەگەن تەحنيكالىق قيىن ماسەلەنى شەشۋ كەرەك». يۇيچىڭ قالالىق اۋىل شارۋاشىلىعى، اۋىل - قىستاق مەكەمەسى باستىعىنىڭ ورىنباسارى لي چىڭچياڭ بىلاي دەپ تانىستىردى: اۋىل شارۋاشىلىق مەكتەپتەرىمەن تىعىز سەلبەستىك جاساۋ ارقىلى ماماندار توبى شارۋالاردىڭ «سورتتى تۇقىم تاڭداۋ، ارالىقتى كەڭەيتۋ، ءتۇپ ارالىعىن قىسقارتۋ» سىندى 3 وزەكتى تەحنيكالىق وتكەلدەن وتۋىنە قولما - قول كومەكتەستى. كوكتەم مەرەكەسى باستالىسىمەن،بۇكىل قالا بويىنشا 13 عىلىم - تەحنيكالىق قىزمەت وتەۋ اترەتى، 79 اۋىل شارۋاشىلىق تەحنيگى ەگىمشىلىك ءىرى وتباسىلارىمەن ۇشتاسىپ، تەحنيكانىڭ اتىز باسىنا تىكە جەتكىزىلۋىنە كەپىلدىك ەتتى.
عىلىم - تەحنيكا تومەنگە ءتۇسىرىلىپ، ونىمدىلىك جوعارىلادى. اۋىل شارۋاشىلىعى، اۋىل - قىستاق مينيسترلىگى ەگىمشىلىكتى باسقارۋ تارماق مەكەمەسىنىڭ باستىعى پان ۋىنبو بىلاي دەدى: بيىل ءبىر توپ جوعارى ءونىمدى ءونىم ارتتىرۋ تەحنيكا ۇلگىسىن شوعىرلى جالپىلاستىرىپ، سويا بۇرشاق ەگۋدى قولداۋ تەبىنىن ارتتىرىپ، تەحنيكالىق جابدىقتاردى زەرتتەپ اشۋدى، قولدانۋدى كۇش سالا ىلگەرىلەتىپ، جوعارى ءتۇسىمدى، مايلى سويا بۇرشاق، قىسقا مەرزىمدىك قىشى، ادىرلى، تاۋلى وڭىرلەرگە سايكەسەتىن قولدانىلمالى ماشينا سياقتى ولقىلىق ورىن تەپكەن تەحنيكالاردا تەز ارادا قامال الۋعا قۇلشىنامىز.
قاتاڭ شارا تياناقتانىپ، ءوندىرىس قۋاتىنىڭ نەگىزى بەكەمدەلدى
باس شۋجي شي جينپيڭ: استىق حاۋىپسىزدىگىنىڭ نەگىزىن جان - جاقتى بەكەمدەۋ كەرەك، − دەپ دارىپتەدى.
كوكتەم كەلىپ، اتىز باسقارۋ ىستەرى قاربالاس جۇرگىزىلدى. انحۇي ولكەسى مىڭچىڭ اۋدانى چۋسۇن قالاشىعى چۋديان قىستاعىنداعى ءبيداي اتىزىندا اۋىل شارۋاشىلىق ماشينالارىنىڭ شوفەرلەرى ءبيدايعا اۆتوماتتى تىڭايتقىش شاشۋ ماشيناسىن جۇرگىزىپ، اتىزعا ۇستەم تىڭايتقىش بەرۋدە، كورشىلەس ءبيداي اتىزدارىندا ەكى ۇشقىشسىز ۇشاق ارام ءشوپ ءولتىرۋ ءدارىسىن شاشۋدا.
«بيىل ءبيداي ەگىلگەن جەر اۋدانى 1300 مۋدان استى، قازىر ءوسۋ جاعدايى بىلتىرعىدان جاقسى، ءبىر مۋ جەردەن 100 جىڭ ارتىق ءونىم الۋىمىزدا ماسەلە جوق». مىڭچىڭ اۋدانى جينجىيۋان وتباسىلىق ەگىس الاڭىنىڭ جاۋاپتىسى چۋ ديانمين: «ءونىم ساپاسىنىڭ جاقسارۋىمەن بيىل كىرىسىمىزدىڭ 200 مىڭ يۋان ارتاتىنى مەجەلەنىپ وتىر» دەدى. مىڭچىڭ اۋدانىنداعى ءبيداي ەگىلگەن جەر اۋماعى ءبىر ميلليون 955 مىڭ 600 مۋ بولىپ، وتكەن جىلداعىدان 17 مىڭ 600 مۋ كەڭەيتىپ ەگىلدى.
استىق وندىرىسىندە ورنىقتىلىقتى ماڭداي الدى ورىنعا قويۋدىڭ وزەگى اۋماعىن، ءونىم مولشەرىن ورنىقتىرىپ، ءوندىرىس پەن قامداۋعا كەپىلدىك ەتۋدە. 2023 - جىلى ەلىمىز جاڭا كەزەكتى 100 ميلليارد جىڭ استىق ءوندىرىس قۋاتىنا جەتۋ قيمىلىن ايقىن اتقارىپ، استىق اۋماعىن ءبىر ميلليارد 770 ميلليون مۋدان اسىرۋعا، استىق ءونىم مولشەرىن ءۇرتىس ءبىر تريلليون 300 ميلليارد جىڭنان اسىرۋعا كەپىلدىك ەتپەك.
ەگىستىك جەردىڭ ساپاسىن جوعارىلاتىپ، استىق ءوندىرىس قۋاتىنىڭ نەگىزىن ورنىقتىردى.
كوكتەم مەرەكەسىنىڭ 9 - كۇنى شانشي ولكەسى ۋەينان قالاسى دۇڭلەي چوۋحۋاڭ سۋارىلمالى رايونىنداعى جوعارى ولشەمدى ەگىس اتىزىندا حۋ جيانكى سۋىققا قاراماي، اتىز قىرلارىن رەتتەپ، كوكتەمگى سۋارۋعا دايىندىق جاسادى. حۋ جيانكى كۇلىمسىرەپ بىلاي دەدى: «بيىل 9 مۋ جەرگە ءبيداي ەكتىك، قىستا ءبىر رەت سۋاردىق، كوكتەمدە سۋارۋدا ۇستەمە تىڭايتقىش قوسامىز، 5 - ايدىڭ سوڭىندا وراق سالامىز، ءتۇسىم، ءسوزسىز، بىلتىرعىدان ارتادى. ەگىستىك جەردىڭ ساپاسىن جاقسارتقاننان كەيىن توعان تۇزەلىپ، سۋارۋ اقىسى كورنەكتى ۇنەمدەلدى، ونىڭ ۇستىنە جۇمىس كۇشىن دە ۇنەمدەدىك. سۋارۋعا قولايلى ءارى دەر كەزىندە سۋارا الامىز، قۋاڭشىلىق بولسا دا الاڭدامايمىز!»
اتىز شاقتاقتانىپ، جول توراپتانىپ، ورمان قاتارلانىپ، قۋاڭشىلىق كەزىندە سۋارۋعا، تاسقىن كەزىندە سۋ ىعىستىرۋعا مۇمكىندىك تۋىپ، جوعارى ولشەمدى اتىز قۇرىلىسى اتقارىلدى، وسىدان كەيىن ەگىس اتىزدارىنىڭ جاڭا بەينەسى استىق ەگۋگە تاماشا بولاشاق جاراتتى. 2022 – جىلدىڭ سوڭىنا دەيىن ەلىمىز ءبىر ميلليارد مۋ جوعارى ولشەمدى ەگىنجاي قۇرۋ نىساناسىن ۋاعىندا جۇزەگە اسىردى، سالىنىپ بولعاننان كەيىنگى جوعارى ولشەمدى ەگىنجايلاردىڭ ورتاشا ەگىستىك جەر ساپاسى شامامەن ءبىر دارەجە جوعارىلاپ، مۋ باسىندىق استىق ءوندىرىس قۋاتىن %20 – 10 ارتتىردى.
بيىل ەلىمىز جوعارى ولشەمدى ەگىنجاي قۇرىلىسىن ۇزدىكسىز كۇشەيتىپ، 45 ميلليون مۋ جەردى جاڭادان قۇرىپ، 35 ميلليون مۋ جەردىڭ ساپاسىن جاقسارتىپ، دارەجەسىن جوعارىلاتىپ، «ءبىر ماۋسىمدا مىڭ جىڭ، ەكى ماۋسىمدا ءبىر توننا استىق» ءوندىرۋدى اناعۇرلىم كوپ جەردە رەالدىققا اينالدىرادى.
شارۋالارعا تيىمدىلىك جاساۋ ساياساتى وتباسىلارىنا دەيىن تياناقتانىپ، شارۋالاردىڭ كوڭىلىن ورنىقتىردى.
تاڭەرتەڭ سىچۋان ولكەسى ۋاڭساڭ اۋدانى سانجياڭ قالاشىعى سانجياڭ قىستاعىنداعى ەگىمشىلىك ءىرى وتباسى مۇشەسى حى يۇڭچاۋ سۋ جەتكىزۋ قۇبىرىن الىپ، اتىزداعى قىشىعا سۋ تولىقتادى. «الدىڭعى مەزگىلدە ءبىراز قۋاڭشىلىق بولىپتى، دەر كەزىندە سۋ تولىقتاعانىم ءجون، قازىر ءوسىم جاقسى، 2 كۇننەن كەيىن ارام ءشوپ جويۋ ءدارىسسىن شاشسام، ءونىمنىڭ ارتۋىنان ءۇمىت بار!»
حى يۇڭچاۋ بىلتىر 10 مۋ جەرگە قىشى ەكتى، بيىل 60 مۋدان اسىردى. «ساياساتتىق قولداۋ جاقسى بولسا، سەنىمىمىز ارتا تۇسەدى!» ۋاڭساڭ اۋدانى ءۇرتىس كوپ جىل ەگىستىك جەردى اۋىستىرىپ ەگۋ، تىنىقتىرۋ سىناق ءتۇيىنى نىسانىن اتقارىپ، نىسان رايونىنداعى قىشى ەگەتىن ەگىنشىلەرگە ءار مۋىنا 150 يۋان قوسىمشا قاراجات بەردى. «بيىل قىشى ۇرىعىنىڭ ءار كيلوگرامىنىڭ ساتىپ الۋ باعاسى 30 فىن جوعارىلاپ، ونىمدىلىگى بارعان سايىن جاقساردى» دەدى حى يۇڭچاۋ.
شارۋالاردىڭ استىق ەگۋ كىرىسىن قامتاماسىزداندىرۋ مەحانيزمى ۇزدىكسىز كەمەلدەندى. 2022 - جىلى ەگىستىك جەردىڭ قۇنارلىلىعىن قورعاۋ جاردەماقىسى، جوعارى ولشەمدى ەگىنجاي قۇرىلىسىنا جاردەماقى، اۋىل شارۋاشىلىق ماشينالارىن ساتىپ الۋ جانە قولدانۋ جاردەماقىسى، كۇرىشتىڭ، ءبيدايدىڭ ەڭ تومەنگى ساتىپ الۋ باعاسى، جۇگەرى، سويا بۇرشاق وندىرۋشىلەرگە بەرىلەتىن جاردەماقى، كۇرىشكە قوسىمشا قاراجات بەرۋ سياقتى ساياساتتار ورنىقتىرىلىپ جانە كەمەلدەندىرىلىپ، 3 ۇلكەن استىق داقىلىنىڭ تولىق وزىندىك قۇنىن قامسىزداندىرۋ جانە كىرىستى قامسىزداندىرۋدى تۇيىندە سىناق ەتۋ كولەمى كەڭەيتىلىپ، ناقتى استىق ەگەتىن شارۋالارعا جيىنى 40 ميلليارد يۋان ءبىر رەتتىك جاردەاقى تاراتىلدى... استىق ەگەتىن ەگىنشىلەردىڭ بەلسەندىلىگى ايتارلىقتاي جۇمىلدىرىلدى.
بيىل استىق ەگەتىن ەگىنشىلەر تاعى دا كوپتەگەن ساياساتتىق يگىلىكتەن كەنەلەدى: استىقتىڭ ەڭ تومەنگى ساتىپ الۋ باعاسى، وندىرۋشىلەرگە قوسىمشا قاراجات بەرۋ شاراسى تياناقتاندىرىلادى؛ سويا بۇرشاق ەگۋدى قولداۋ تەبىنى ارتتىرىلىپ، ءبيداي ەگۋدەگى «ءبىردى بۇركىپ، ۇشتەن ساقتانۋدىڭ» جاردەماقىسى تاعى دا بەرىلىپ، دەرت - دەربەز، زياندى جاندىكتەردىڭ زيانىنان ساقتانۋ جانە ونى تىزگىندەۋ قارجىسىن ەرتەرەك بوساتىلىپ، وڭتۇستىكتەگى ەرتە پىساتىن كۇرىشتىڭ مايساسىن شوعىرلى جەتىلدىرۋگە جاردەماقى بەرىلەدى. بىرنەشە كۇننىڭ الدىندا ورتالىق قازىنا 2023 – جىلى اۋىل شارۋاشىلىعىنا قاتىستى اۋدارىپ تولەنەتىن 211 ميلليارد 500 ميلليون يۋاندى الدىن الا ءتۇسىرىپ، شارۋالاردى كوكتەمگى ەگىس دايىندىعىن جاقسى ىستەۋگە شابىتتاندىرىپ، شارۋالاردىڭ استىق ەگۋىنە ءۇمىت باعىشتادى.
سەنىمدى بەكەمدەپ، قايراتتى تاسقىنداتتى. شىعىس سولتۇستىك جازىعىنان چاڭجياڭ، حۋايحى دالاسىنا دەيىن، چاڭجياڭنىڭ وڭتۇستىگىنەن سىچۋان استىق قامباسىنا دەيىن، ءجۇز ميلليونداعان ەگىنشى قاجىرلىلىقپەن ەگىن سالىپ، تەر توگىپ، كوكتەمگى اۋىل شارۋاشىلىق ءوندىرىسىن تىڭعىلىقتى ىلگەرىلەتىپ، اۋىل شارۋاشىلىعىنىڭ نەگىزىن اناعۇرلىم بەكەمدەپ، رىزدىقتى مىقتاپ ۇستاۋىمىز ءۇشىن قۇلشىنۋدا.
(تىلشىلەرىمىز جۋ جۇن، چاڭ چين، يۇي جيڭشيان، لي شياۋچيڭ، يوۋ ي)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
