بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

تۇركيانىڭ وڭتۇستىگىندە كۇشتى جەر سىلكىنىپ، قازىرگە دەيىن 5400 دەن استام ادام قازا بولدى

2023.02.08 16:13     كەلۋ قاينارى : حالىق تورابى

  شينحۋا اگەنتتىگىنىڭ ءتىلشىسى شيۇڭ سىحاۋ 2 – ايدىڭ 7 – كۇنى انكارادان حابارلايدى. تۇركيانىڭ اپاتقا جانە شۇعىل جاعدايعا بايلانىستى قىزمەتتەر باسقارماسىنىڭ 2 – ايدىڭ 7 – كۇنى حابارلاۋىنشا، تۇركيانىڭ وڭتۇستىگىندەگى سيريامەن شەكارالاسقان وڭىرگە جاقىن جەردە 2 – ايدىڭ 6 – كۇنى قاتتى جەر سىلكىنىپ، اتالعان ەلدە قازىرگە دەيىن 5434 ادام قازا بولىپ، 31777 ادام جارالانعان. جۇڭگونىڭ تۇركيادا تۇراتىن باس ەلشىلىگىنىڭ شينحۋا اگەنتتىگىنىڭ تىلشىسىنە ايتۋىنشا، قازىرگە دەيىن جۇڭگو ازاماتتارىنىڭ جەر سىلكىنىسىندە جارالانعانى، قازا بولعانى جونىندە مالىمەت بەرىلمەگەن.

  تۇركيانىڭ اپاتقا جانە شۇعىل جاعدايعا بايلانىستى قىزمەتتەر باسقارماسىنىڭ ايتۋىنشا، كاحرامانماراس ولكەسىندە جەرگىلىكتى ۋاقىت بويىنشا 2 – ايدىڭ 6 – كۇنى ساعات 4 تەن 17 مينۋت وتكەندە (بەيجيڭ ۋاقىتى بويىنشا ساعات 9 دان 17 مينۋت وتكەندە) 7.7 بال جەر سىلكىنگەن، سىلكىنىس قاينارى 7 كيلومەتر تەرەڭدىكتە، ماڭىنداعى گازيانتەپ، قاتاي، مالاتيا قاتارلى ولكەلەردە سىلكىنىس ءدۇمپۋى كۇشتى بولعان. ىلە – شالا سول ماڭداعى وڭىرلەردە تاعى دا كوپ رەت قايتالامالى سىلكىنىس بولعان. قازىرگە دەيىن، سيريانىڭ شەكاراسىنا جاقىن جەردەگى قاتاي ولكەسىندە قازا بولعان ادام سانى ەڭ كوپ بولعان.

  تۇركيانىڭ انادولى اگەنتتىگىنىڭ حابارلاۋىنشا، قۇتقارۋشى قىزمەتكەرلەر 2 – ايدىڭ 7 – كۇنى قاتاي ولكەسىندەگى قۇلاعان قۇرىلىس استىندا 33 ساعات قامالىپ جاتقان انا مەن ونىڭ ەكى قىزىن قۇتقارىپ شىققان. گازيانتەپ ولكەسىندە ءبىر جارىم جاسقا كەلگەن ەگىز ۇل مەن قىز جانە ونىڭ اتا – اناسى قۇلاعان ءۇي استىندا 40 نەشە ساعات قامالىپ جاتقان سوڭ ءساتتى قۇتقارىلعان.

  تۇركيانىڭ دەنساۋلىق ساقتاۋ – سالاماتتىق مينيسترلىگىنىڭ مينيسترى قوجانىڭ سول كۇنى وتكىزىلگەن تىلشىلەردى قابىلداۋ ماجىلىسىندە ايتۋىنشا، قازىر اۋا رايى شارت – جاعدايى توتەنشە ناشار، قۇتقارۋشى قىزمەتكەرلەردىڭ اناعۇرلىم كوپ جەرلەرگە بارۋى مۇمكىن ەمەس دەرلىك، الايدا، قۇتقارۋشى قىزمەتكەرلەر قازىر مينۋت – سەكۋندتى قولدان بەرمەي، امان قالعانداردى ىزدەستىرۋدە. تۇركيانىڭ قورعانىس مينيسترى اكاردىڭ تىلشىلەردى قابىلداۋ ماجىلىسىندە ايتۋىنشا، تۇركيا قارۋلى قوسىنى سول كۇنى اپات تۋىلعان جەرگە تۇتقيىل سوققى بەرۋ باتاليونىنان 9 باتاليوندى جىبەرگەن، قازىر اپات تۋىلعان جەردەگى اسكەرلەردىڭ سانى 7500 ادامعا جەتكەن. ارميا جاق 2 – ايدىڭ 8 – كۇنى تاعى دا 1500 ادامدى اپات تۋىلعان جەرگە بارىپ ىزدەستىرۋ – قۇتقارۋ ىستەرىنە اتسالىسۋعا جىبەرەدى. اپات تۋىلعان جەردەگى ارمياعا قاراستى بارلىق ورىندار مەن كازارمالار اپاتقا ۇشىراعان بۇقاراعا اشىق ۇستالعان.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار