11000 نان استام ادام قازا بولدى! بۇل ءبىر – بىرلەگەن كورىنىستەر «الەمدى مۇڭعا باتىردى»
2023.02.09 11:04 كەلۋ قاينارى : حالىق تورابى
تۇركيا مەن سيريا ۇكىمەتىنىڭ، سونداي – اق قۇتقارۋشى جاقتاردىڭ 1 – ايدىڭ 8 – كۇنى بەرگەن ەڭ جاڭا حابارىنا نەگىزدەلگەندە، تۇركيانىڭ وڭتۇستىگىندەگى سيريامەن شەكارالاسقان وڭىردە تۋىلعان كۇشتى جەر سىلكىنىسىندە ەكى ەلدەن قازا بولعانداردىڭ سانى 11000 نان اسقان، مۇندا تۇركيادان 8574 ادام قازا بولعان، 40 مىڭنان استام ادام جارالانعان. سيريادان 2530 دان استام ادام قازا بولىپ، 4600 دەن استام ادام جارالانعان. قازىر ەكى ەلدە قۇتقارۋ قىزمەتى جەدەل جۇرگىزىلۋدە. جەر سىلكىنىسى تۋىلىپ، قۇتقارۋ قىزمەتى جۇرگىزىلگەننەن بەرى، مۇنداي كورىنىستەر ادام جانىنىڭ قايسارلىعىن سەزدىرگەندەي بولدى. ءتىپتى دە كوپ جاقسىلىقتاردىڭ تۋىلۋىن تىلەيمىز.
جاڭا تۋعان نارەستە قيراندىنىڭ استىنان قۇتقارىلدى
كوپتەگەن اقپارات قۇرالدارىنىڭ 2 – ايدىڭ 7 – كۇنى بەرگەن حابارىنا نەگىزدەلگەندە، تۇركيادا تۋىلعان كۇشتى جەر سىلكىنىسىنىڭ اسەرىنە ۇشىراعان سيريانىڭ الەپپو ولكەسىندەگى ءبىر قيراندىنىڭ استىنان قۇتقارۋ قىزمەتكەرلەرى كىندىگى ءالى اناسىمەن جالعاسىپ جاتقان جاڭا تۋعان نارەستەنى بايقاعان ءارى ونى قۇتقارىپ شىققان.
ادامنىڭ قابىرعاسىن قايىستىراتىنى بۇل كىشكەنتاي قىز نارەستە وسى وتباسىنداعى بىردەن – ءبىر ءتىرى قالعان ادام ەكەن، ونىڭ اكە – شەشەسى جانە اعا – اپەكەسى وسى جولعى جەر سىلكىنىسىندە تۇگەل قازا بولعان، ءبىراق بۇل كىشكەنتاي نارەستە عاجاپتانارلىق جاعدايمەن امان قالعان، قازىر نارەستە جەرگىلىكتى شيپاحاناعا جەتكىزىلىپ ەمدەلۋدە، دەنساۋلىق جاعدايى جاقسى.
بۇكىل دەنەسىن تاس باسىپ قالعان 7 جاسار قىز بالا بىلەگىمەن ءىنىسىن 17 ساعات قورعاعان7.8 بال جەر سىلكىنگەننەن كەيىن، سيرياداعى ءبىر قيراندىنىڭ استىندا باستىرىلىپ قالعان اپەكەلى – باۋىر توراپتاستاردىڭ نازارىن اۋداردى، قۇتقارۋ قىزمەتكەرلەرى بۇل ەكى بالانى بايقاعان كەزدە اپەكەسى ءبىر جاعىنان ءىنسىن قورعاسا، ءبىر جاعىنان ۇمىتسىزدەنگەن بەينەمەن قۇتقارۋدى كۇتكەن.
7 جاسار قىز بالا قۇلاعان كەرپىشتىڭ استىندا قالعان، ول بىلەگىمەن ءىنىسىنىڭ باسىن قورعاعان، ونىڭ وسىلايشا قورعاعانىنا 17 ساعاتتان اسقان، كەسكىننەن اپەكەلى – باۋىردىڭ كىلەمگە ورانىپ جاتقاندىعىن كورۋگە بولادى. قيراندىنى العان كەزدە ادامدار الاقايلاپ سەكىرىپ كەتكەن. بالالار شيپاحاناعا جەتكىزىلىپ ەمدەلۋدە.
قۇتقارۋ قىزمەتكەرى باستىرىلىپ قالعان بالاعا سۋ بەرگەندە بالا كۇلىمسىرەگەن بەينە بايقاتتى
2 – ايدىڭ 7 – كۇنى، تۇركيانىڭ حاتاي ولكەسىندە تۋىلعان جەر سىلكىنىسىنەن قيراندىنىڭ استىندا قالعانداردى قۇتقارۋ قىزمەتكەرى ءبىر ۇل بالانى قۇتقارۋ بارىسىندا وعان بوتەلكەنىڭ قاقپاعىمەن سۋ بەرىپ، بالانىڭ سۋ قۇرامىن تولىقتاعان. قيراندىنىڭ استىندا جاتقان بالا كوزى جارقىراعان بەينەمەن ۇندەمەي سۋدى ءىشىپ العان، ونىڭ ۇستىنە اپپاراتقا قاراپ كۇلىمسىرەگەن، كورگەن ادامنىڭ جانى اشيدى.
اكەسى قيراندىنىڭ استىندا قالعان قىزىنىڭ قولىن ۇستاپ جىبەرگىسى كەلمەدى
2 – ايدىڭ 7 – كۇنى، تۇركيانىڭ كاحرامانمالاش قالاسىندا، 15 جاسار قىز بالا جەر سىلكىنىسىندە قۇلاعان قۇرىلىستىڭ استىندا قالىپ، باقىتقا قارسى قازا بولادى، ونىڭ اكەسى قيراندىنىڭ اراسىندا قازا بولعان قىزىنىڭ قولىن ۇستاپ، كەتكىسى كەلمەي ۇزاق وتىردى. بۇل سۋرەت ادام جۇرەگىن اۋىرتىپ، الەمدى مۇڭعا باتىردى.
اپاتتا راقىمسىز بولعانىمەن، ادام ەت جۇرەكتى پەندە، حالىقارالىق قوعام اپات تۋىلعان رايونعا توقتاۋسىز كومەك قولدارىن سوزۋدا. جۇڭگو ۇكىمەتى جىبەرگەن جۇڭگو قۇتقارۋ اترەتى تۇركياداعى اپات تۋىلعان رايونعا جەدەل اتتاندى. قازىر تۇركياعا جەتىپ بولدى. جۇڭگونىڭ ٴتۇرلى حالىقتىق قۇتقارۋ كۇشتەرى دە اپات تۋىلعان رايونعا جەتتى.
2 – ايدىڭ 7 – كۇنى، مەملەكەتتىك حالىقارالىق دامۋ سەلبەستىك باسقارماسى، جۇڭگو ۇكىمەتىنىڭ دەرەۋ شۇعىل ادامگەرشىلىك كومەك بەرۋ مەحانيزمىن ىسكە قوسىپ، تۇركياعا تۇڭعىش توپتا 40 ميلليون يۋان حالىق اقشاسىندىق شۇعىل كومەك بەرگەندىگىن ءبىلدىردى.
2 – ايدىڭ 8 – كۇنى، سىرتقى ىستەر مينيسترلىگىنىڭ اقپار جاريالاۋشىسى ماۋ نيڭ، جۇڭگونىڭ سيرياعا 30 ميلليون يۋان حالىق اقشاسىندىق شۇعىل كومەك بەرۋدى بەكىتكەندىگىن ءبىلدىردى.
بارلىعىنىڭ امان بولۋىن، ءتىپتى دە كوپ جاقسىلىقتاردىڭ تۋىلۋىن تىلەيمىز!
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
