شينجياڭ: ءۇرىمجى، كورلا، قاشقار، قۇلجا سياقتى قالالاردا «كورىكتى قالا» قۇرىلىسىن ورىستەتتى
2023.02.09 14:09 كەلۋ قاينارى : حالىق تورابى
شينجياڭ ۇيعۇر اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسى، شينجياڭ ۇيعۇر اۆتونوميالى رايوندىق دامۋ جانە رەفورما كوميتەتى تاياۋدا شىعارعان «شينجياڭ ۇيعۇر اۆتونوميالى رايونىنىڭ قالا - اۋىل قۇرىلىسى سالاسىنداعى كومىر قىشقىل گازىن شىعارۋدى بەلگىلەنگەن وركەش مانىنە جەتكىزۋدى اتقارۋ جوباسىندا»، قالا جوباسى قۇرىلىسىن باسقارۋدى ءبىرتۇتاس جوسپارلاپ، قالا جان سانىن، قۇرىلىس كولەمىن جانە تىعىزدىعىن ۇيلەسىمدى بەلگىلەۋدى العا قويدى. قالالاردىڭ توپتانىپ دامۋ ۇلگىسىن ورناتىپ، ءاربىر توپتىڭ اۋدانى 50 شارشى كيلومەتردەن، توپ ىشىندەگى حالىق سانىنىڭ تىعىزدىعى پرينسيپتىك جاقتان ٴبىر شارشى كيلومەترگە ون مىڭ ادامنان اسپاۋى كەرەك. ەكولوگيالىق كاريدور، كورىنىس كاريدورى، اۋا الماستىرۋ كاريدورى سياقتى قۇرىلىستاردى ءبىرتۇتاس جوسپارلاپ، توپتار اراسىنداعى ەكولوگيالىق كاريدوردى ٴۇزىلىسسىز تۇتاستىرىپ، ناق كەڭدىگى 100 مەتردەن كەم بولماۋى كەرەك. قۇرىلىستى شاعۋدى باسقارۋ تالابىن تياناقتاندىرىپ، زور شاعۋ، زور قۇرىلىس سالۋعا تيىم سالۋ، قالانىڭ جاڭالانۋ بىرلىگى نەمەسە نىسان ىشىندە شاعىلعان قۇرىلىس كولەمى پرينسيپتىك جاقتان قازىرگى قۇرىلىس جالپى اۋدانىنىڭ %20 ىنەن اسىپ كەتپەۋ، بوس تۇرعان ۇيلەردى ازايتۋ كەرەك. ءزاۋلىم عيماراتتاردى باسقارۋ - مەڭگەرۋدى كۇشەيتىپ، جاڭادان سالىناتىن ءزاۋلىم عيماراتتاردى قاتاڭ تىزگىندەۋ كەرەك، ادەتتە ءزاۋلىم عيماراتتاردى جاڭادان سالۋعا بولمايدى. تۇرعىن ۇيگە پايدالانىلاتىن جەردىڭ سالىستىرماسىن تەڭەستىرۋ كەرەك. قالانىڭ سيىمدىلىعى زور الەۋمەتتىك قاتىناس پەن تەز قارقىندى نەگىزگى جەلى قاتىناسىن ۇيلەسىمدى ورنالاستىرىپ، جول تورابىنىڭ تىعىزدىعى ٴار شارشى كيلومەترگە 8 كيلومەتردەن جوعارى بولۋ كەرەك. قالانىڭ بەت - بەينەسىنىڭ ەرەكشەلىگىن جوعارىلاتىپ، قالانىڭ وزگەشە وڭىرلىك ورتاسى، تاريحي مادەنيەت جۇلگەسى، مادەنيەت ەرەكشەلىگى سياقتى «گەنىن» ساقتاپ قالۋ كەرەك. ءۇرىمجى، كورلا، قاشقار، قۇلجا سياقتى قالالاردا «كورىكتى قالا» قۇرىلىسىن ورىستەتەدى. 2025 - جىلعا بارعاندا ءارقايسى قالانىڭ قالا قۇرىلىسىندا كەلبەتى ايقىن جاسىل ەكولوگيالىق ۇلگى قالا رايونىنان كەمىندە ەكەۋى قۇرىلادى؛ 2030 - جىلعا بارعاندا، بۇكىل شينجياڭدا از دەگەندە بەت - بەينەسى ايقىن جاسىل ەكولوگيادان ۇلگى كورسەتەتىن 5 قالا قۇرىلادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
