نازىك تۇيىندەرگە نازار . باس شۋجي شي جينپيڭ پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىندا
«جۇرەكتىلىكپەن ىزدەنىس جاساۋ» كەرەك دەگەندى ورتاعا قويدى
«حالىق گازەتىنىڭ» ءتىلشىسى دۋ شاڭزى
2023.02.09 16:32 كەلۋ قاينارى : حالىق تورابى
ۋاقىتى: 2 - ايدىڭ 7 - كۇنى تۇستەن بۇرىن
كۇن ءتارتىبى: ورتالىق كوميتەتكە جاڭادان كىرگەن مۇشەلەردىڭ، كانديدات مۇشەلەردىڭ جانە ولكە، مينيسترلىك دارەجەلى نەگىزگى باسشى كادرلاردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسى ورتالىق پارتيا مەكتەبىندە (مەملەكەتتىك اكىمشىلىك شۋەيۋانى) ساباق باستادى.
كوكتەم كىرە بەرە پارتيانىڭ 20 - قۇرىلتايىنان كەيىنگى تۇڭعىش رەتكى ولكە، مينيسترلىك دارەجەلى كادرلاردىڭ كۋرسىندا ساباق باستالدى. كۋرسانتتاردىڭ اراسىندا جاڭا كەلگەندەرى از ەمەس. ورتالىق كوميتەتكە جاڭادان كىرگەن مۇشەلەر، كانديدات مۇشەلەر جانە ولكە، مينيسترلىك دارەجەلى نەگىزگى باسشى كادرلار ءبىر اراعا باس قوستى.
جاڭا جورىقتىڭ «شەشۋشى ساتتەرى» باستالدى، «شەشۋشى ازشىلىق» الدىندا، مىنبەدە باس شۋجي شي جينپيڭنىڭ ءسوزى جۇڭگو ۇلگىسىندەگى وسىزامانداندىرۋعا شوعىرلاندى. جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ءدال بىرنەشە ايدىڭ الدىندا پارتيانىڭ 20 - قۇرىلتايىندا بەلگىلەنگەن پارتيامىزدىڭ وزەكتى مىندەتى ەدى، سونداي - اق وعان «جوعارى دەڭگەيلى جوبا جاسالعان» بولاتىن.
ارماندى ويلاۋدان ارمانعا جەتۋگە دەيىن، 100 جىل بويى مويىماس تاباندىلىقپەن العا باسىپ، 100 جىل بويى مۇراتتان اينىمادى. ەرتە زاماننان تارتىپ قازىرگى داۋىرگە دەيىن ءسوز ەتكەن باس شۋجي شي جينپيڭ ءماجىلىس الاڭىنداعى پارتيا، ۇكىمەت كادرلارىنا تىگىلە قاراپ: «جۇڭگو ۇلگىسىندەگى وسىزامانداندىرۋدى ىلگەرىلەتۋدە، ءسوز جوق، باستاما جىلعى قىزمەتتى ويداعىداي يگەرۋ كەرەك» دەدى.
باستاما جىلى شەشۋگە ءتيىستى قىم - قۋىت ماسەلەلەر بار. جۇيەلى ينجەنەريا رەتىندە، قايتكەندە ءبىر تۇتاس ورنالاستىرۋ جاساپ، ءبىر پاراق جوبا جاساپ، ءبىر تۇلعالاندىرىپ ىلگەرىلەتۋگە بولادى؟ باس شۋجي شي جينپيڭ سوزىندە جۇڭگو ۇلگىسىندەگى وسىزامانداندىرۋدى ىلگەرىلەتۋدە ويداعىداي شەشۋگە ءتيىستى ءبىرقانشا كەلەلى قاتىناستى تىلگە تيەك ەتتى.
«جوعارى دەڭگەيلى جوبالاۋ مەن امالياتتىق ىزدەنۋدىڭ قاتىناسى»، «ستراتەگيا مەن تاكتيكانىڭ قاتىناسى»، «تۋراشىلدىقتى ساقتاۋ مەن جاڭالىق اشۋدىڭ قاتىناسى»، «ونىمدىلىك پەن ادىلدىكتىڭ قاتىناسى»، «ومىرشەڭدىك پەن ءتارتىپتىڭ قاتىناسى»، «ءوز كۇشىنە سۇيەنىپ قۇدىرەتتەنۋ مەن سىرتقا ەسىك اشۋدىڭ قاتىناسى»... وسى ادىستەمەلەر «ءوز ىسىنە شەبەر بولۋدىڭ» وتكىر قارۋى ىسپەتتى، ەل باسقارۋدىڭ جاندى امالياتىمەن تەرەڭ توعىستى.
جۇڭگوشا ەرەكشەلىكتىڭ ءبىرى بولعان «حالىق سانى كولەمى وراسان زور وسىزامانداندىرۋدى» الىپ ايتساق، باس شۋجي بىلاي دەپ اتاپ كورسەتتى: «ءبىر ميلليارد 400 ميلليوننان استام ادامنىڭ تاماق ماسەلەسىن شەشۋدىڭ ءوزى از بولماعان سىن - سايىس سانالادى. مۇنان سىرت جۇمىستاندىرۋ، ءبولىس، وقۋ - اعارتۋ، ەمدەۋ، تۇرعىن ءۇي، قارتتاردى كۇتىمدەۋ، بالالاردى باعۋ - تاربيەلەۋگە اماناتتاۋ سياقتى ماسەلەلەردىڭ قاي - قايسىسىنىڭ شەشۋى دە وڭاي ەمەس، قاي - قايسىسى دا وراسان زور سان - سيفرعا سايادى».
قوسۋ جانە الۋ، قيۋ جانە يە بولۋ، ىلگەرىلەۋ جانە شەگىنۋ الما - كەزەك كەلەدى، ءبارىن قاتار يگەرۋ كەرەك. مىسالى، «تاماق ماسەلەسى» ءارى ەسىك اشۋ مەن ءوزىن الۋەتتەندىرۋگە سايادى، ءارى تۋراشىلدىقتى ساقتاۋ مەن جاڭالىق اشۋعا سايادى، ءارى جوعارى دەڭگەيدە جوبالاۋ مەن امالياتتىق ىزدەنۋدىڭ ديالەكتيكالىق بىرلىگىن دە قامتيدى. وسىعان قاراتا باس شۋجي شي جينپيڭ تەرەڭ ماعىنادا بىلاي دەدى: «ءبىز ماسەلەلەرگە وي جۇگىرتكەندە، شەشىم جاساعاندا، ءىس تىندىرعاندا، ەڭ اۋەلى، حالىق سانىنىڭ نەگىزدىك سانى ماسەلەسىن ويلاستىرۋىمىز، ەلىمىزدىڭ قالا، اۋىلدارىنىڭ دامۋ دەڭگەيىنىڭ پارقى زور بولۋى سياقتى ءىس جۇزىندىك جاعدايدى ويلاستىرۋىمىز كەرەك، قول جەتپەسكە قول سوزۋعا دا، كونەگە جارماسىپ الۋعا دا بولمايدى، تاريحي سابىرلىلىقتى ساقتاپ، ورنىقتىلىق بارىسىندا ىلگەرىلەۋدە، تارتىپپەن بىرتىندەپ ىلگەرىلەۋدە، ۇزدىكسىز ىلگەرىلەتۋدە تاباندى بولۋىمىز كەرەك».
ستراتەگيالىق كورەگەندىك پەن اقىل - پاراساتقا تولى ساباقحانادا باس شۋجي وسى 6 ءتۇرلى كەلەلى قاتىناستى تۇسىندىرگەندە، كوپ رەت ەكى قاتار ءسوزدى اۋىزعا الدى:
ءبىر قاتارى: ىزدەنۋ، جاڭالىق جاراتۋ.
«جۇڭگو ۇلگىسىندەگى وسىزامانداندىرۋدى ىلگەرىلەتۋ − ىزدەنۋ سيپاتتى ءىس، ءالى دە كوپتەگەن بەيتانىس سالا بار، ول ءبىزدىڭ اماليات بارىسىندا جۇرەكتىلىكپەن ىزدەنىس جاساۋىمىزدى، رەفورما جاساپ، جاڭالىق اشۋ ارقىلى ىستەرىمىزدىڭ دامۋىن ىلگەرىلەتۋىمىزدى قاجەت ەتەدى، استە سىڭار ەزۋلىككە سالىنباۋ، تۇيىققا تىرەلمەۋ كەرەك».
«وڭىرلەر، تاراۋلار وزدەرىنىڭ ناقتى ءىس جۇزىندىگىمەن ۇشتاستىرا وتىرىپ ءورىس اشا جاڭالىق اشىپ، اسىرەسە، الدىڭعى لەكتەگى امالياتتا، بەيتانىس سالادا جۇرەكتىلىكپەن ىزدەنىس جاساۋعا، ەلدەن بۇرىن ىستەۋگە باتىل بولۋعا شابىتتاندىرىپ، جاڭا قايشىلىقتاردى، جاڭا ماسەلەلەردى ءونىمدى شەشۋدىڭ وي جەلىسى مەن ءادىسىن قاراستىرىپ، كوبەيتۋگە، جالپىلاستىرۋعا بولاتىن جاڭا تاجىريبەلەردى قۇلشىنا جاراتۋى كەرەك».
تاريحتى ەر جۇرەكتەر جاراتقان. «ادامنىڭ» قۇنىنا قۇرمەت ەتۋ، «ادامنىڭ» قۇدىرەتىن تانۋ، «ادام» ارمانىن ىسكە اسىرۋ − ۇلى ءىستىڭ لوگيكالىق باستاماسى ءارى ەڭ تەرەڭ قۇن نەگىزى.
ءبىر قاتارى: جاۋاپكەرلىك ارقالاپ، ىسكەرلىك كورسەتۋ. باس شۋجي شي جينپيڭنىڭ پوزيتسياسى ايقىن، نىسانالى بولدى:
«شىنايى ءونىمدى شارالار قولدانىپ، جاۋاپكەرلىك ارقالاعىسى كەلمەۋ، جاۋاپكەرلىك ارقالاۋعا باتىلدىق ەتپەۋ، جاۋاپكەرلىك ارقالاۋعا شەبەر بولماۋ سياقتى ماسەلەلەردى شەشۋ كەرەك».
«قاتاڭ دا كۇردەلى كۇرەس بارىسىندا كادرلاردى تەكسەرۋگە، تانۋعا باسا ءمان بەرىپ، كۇرەس جۇرگىزۋگە باتىل، شەبەر، جاۋاپكەرلىك ارقالاۋعا، ىسكەرلىك كورسەتۋگە باتىل، شەبەرلىكپەن يگەرىپ، شەبەرلىكپەن باسقارىپ، باسقالارعا جاماناتتى بولۋدان قورىقپايتىن كادرلاردى قولداۋ، شابىتتاندىرۋ، تاڭدالعاندارىن باتىلدىقپەن ىستەتۋ كەرەك».
«عىلمي جوبالاۋمەن بىرگە، تياناقتاندىرۋدى ءتىپتى دە مىقتاپ يگەرىپ، ءماجىلىس اشۋ، قۇجات تاراتۋ سياقتىلاردى تياناقتاندىرۋمەن بىرگە قوياتىن ناشار قۇبىلىستاردان باتىل ساقتانۋ كەرەك».
وسىزامانداندىرۋ − ادامدى وسىزامانداندىرۋ. ەڭ جاپالى ءىس، ەڭ اۋىر مىندەت − ميلليارد حالىقپەن بىرگە راحاتتا دا، ميحىناتتا دا بىرگە بولىپ، قايراتتانا العا باسۋ. «تۇتاس قوعامنىڭ جاسامپازدىق كومەسكى قۋاتىن تولىق اشۋ»، «قالىڭ پارتيالى كادرلاردىڭ ءىس تىندىرىپ، ناتيجە شىعارۋ بەلسەندىلىگىن تولىق جۇمىلدىرۋ»، «تۇتاس قوعامنىڭ جاسامپازدىق ومىرشەڭدىگىن تولىق قاۋلاتۋ» كەرەك، وسى سوزدەردەن ۋاقىتپەن جارىساتىن كوكەي تەستىلىك سەزىم اڭعارىلادى.
وتكەن جولىمىزعا قايىرىلا قاراساق، نوسەرلى داۋىل، اسقاق ارمان، شۇعىلالى تابىستار جەتكىلىكتى. الدىعا كوز جىبەرسەك، قاتەرلى قايراڭ مەن كومەسكى قۇزدار، داڭق پەن ارمان توعىسىپ جاتىر. ماجىلىستە باس شۋجي شي جينپيڭ ستراتەگيالىق تۇجىرىم جاسادى: «جۇڭگو ۇلگىسىندەگى وسىزامانداندىرۋ − ءبىزدىڭ <ۇيقىداعى ارىستاندى> قالاي وياتىپ، ۇلتتىڭ گۇلدەنۋىن جۇزەگە اسىرۋ سىندى كەلەلى تاريحي تاقىرىپقا بەرگەن جاۋابىمىز، ءوز جولىمىزدى تاڭداعانىمىز، ءوز ءىسىمىزدى ىستەگەنىمىز».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
