جيناق حابار: تۇركيا مەن سيريا ەكى ەلدە جەر سىلكىنىسىنەن قازا بولعانداردىڭ سانى 20 مىڭ ادامعا جۋىقتادى
جۇڭگونىڭ ىزدەۋ – كومەكتەسۋ اترەتى ارەكەتتى ءتارتىپتى، پارمەندى ورىستەتۋدە
2023.02.10 14:29 كەلۋ قاينارى : حالىق تورابى
شينحۋا اگەنتتىگىنىڭ 2 – ايدىڭ 9 – كۇنى بەيجيڭنەن بەرگەن حابارى. شينحۋا اگەنتتىگىنىڭ شەتەلدە تۇراتىن تىلشىلەرىنىڭ جيناق حابارى: تۇركيا مەن سيريا ۇكىمەتتەرىنىڭ جانە ىزدەۋ – كومەكتەسۋ قۇرىلىمدارىنىڭ حابارىنا قاراعاندا، 2 – ايدىڭ 6 – كۇنى تۋىلعان جەر سىلكىنىسىندە قازىرگە دەيىن تۇركيا مەن سيريا ەكى ەلدە 20 مىڭعا جۋىق ادام قازا بولعان. جۇڭگونىڭ ىزدەۋ – كومەكتەسۋ اترەتى تۇركياداعى اپات اۋىر بولعان رايون قاتاي ولكەسىندە ارەكەتتى ءتارتىپتى، پارمەندى ورىستەتۋدە.
تۇركيانىڭ اپاتقا جانە شۇعىل جاعدايلارعا قاتىستى قىزمەتتەردى باسقارۋ باسقارماسىنىڭ 2 – ايدىڭ 9 – كۇنى تۇستەن كەيىن جاريالاعان ەڭ جاڭا ساناق مالىمەتىنە قاراعاندا، 2 – ايدىڭ 6 – كۇنى تۇركيانىڭ وڭتۇستىگىندە تۋىلعان كۇشتى جەر سىلكىنىسىندە اتالعان ەلدە قازا بولعانداردىڭ سانى 16 مىڭ ادامنان اسقان.
سيريا ۇكىمەتى مەن ىزدەۋ – كومەكتەسۋ قۇرىلىمدارىنىڭ حابارلاۋىنشا، سيريا شەكاراسى ىشىندە قازا بولعانداردىڭ سانى 3500 ادامنان اسقان.
جەرگىلىكتى ۋاقىت بويىنشا 2 – ايدىڭ 6 – كۇنى تۇستەن بۇرىن، كومەككە اتتانعان جۇڭگو ىزدەۋ – كومەكتەسۋ اترەتى كازارماداعى جەتەكشىلىك ەتۋ بولىمىندە ىزدەۋ قىزمەتىنە ورنالاستىرۋ جاساعان سوڭ، ىزدەۋ – كومەكتەسۋ گرۋپپاسىنان ەكەۋىن ىزدەۋ – كومەكتەسۋ ورنىنا قايتالاي جىبەرگەن. ساعات 16 دان 40 مينۋت اينالاسىندا، جۇڭگونىڭ ىزدەۋ – كومەكتەسۋ اترەتى تۇركيانىڭ ىزدەۋ – كومەكتەسۋ اترەتىمەن سەلبەسە وتىرىپ، قۇرىلىس قيراندىسىنىڭ استىندا كومىلىپ امان قالعان ايەل ادامدى قۇتقارىپ شىققان. ۇعىسۋعا قاراعاندا، بۇل ايەلدى قۇتقارىپ شىققان كەزدە، اپات تۋىلعاننان كەيىنگى كومەكتەسۋ – قۇتقارۋعا ەڭ قولايلى مەزگىل ىشىندەگى 72 ساعاتتان اسىپ كەتكەن.
جۇڭگونىڭ ىزدەۋ – كومەكتەسۋ اترەتىنىڭ ورىنباسار باستىعى جاۋ ياڭنىڭ ايتۋىنشا، جۇڭگونىڭ ىزدەۋ – كومەكتەسۋ اترەتى تىرشىلىك بەلگىلەرىن بارلاۋ اسپابى جانە ءيىسشىل يتكە ىزدەتۋ قاتارلى ءتۇرلى تاسىلدەردى قولدانىپ، قۇرىلىس قيراندىلارىنىڭ اراسىنان قابات بويىنشا ءبىر – بىرلەپ ىزدەستىرىپ، ەڭ سوڭىندا امان قالعان ايەلدى بايقاعان. ول ءبىرشاما كەڭىرەك بوستىققا قىسىلىپ قالعاندىقتان امان قالعان.
2 – ايدىڭ 9 – كۇنى تاڭ سارىدە، جۇڭگونىڭ ىزدەۋ – كومەكتەسۋ اترەتى مەن تۇركيانىڭ ىزدەۋ – كومەكتەسۋ اترەتى كۇش قوسا وتىرىپ، 8 قاباتتىق قۇلاعان عيماراتتىڭ قيراندىسىنىڭ اراسىنان جۇكتى ايەلدى قۇتقارىپ شىققان.
جۇڭگونىڭ ىزدەۋ – كومەكتەسۋ اترەتى سول كۇنى بىرلەسكەن مەملەكەتتەر ۇيىمىنىڭ ىزدەۋ جانە كومەكتەسۋ جاعىندا كەڭەس بەرۋ ۇيىرمەسىمەن كەزدەسىپ، ىزدەۋ – كومەكتەسۋ اترەتىنىڭ وسى رەتكى ىزدەۋ – كومەكتەسۋ قىزمەتىن ورىستەتۋ جاعدايىن تانسىترعان ءارى قىزمەت جونىندە اۋىس – كۇيىس جاساعان. كەڭەس بەرۋ ۇيىرمەسىنىڭ بايلانىس جاساۋشى قىزمەتكەرى جۇڭگونىڭ ىزدەۋ – كومەكتەسۋ اترەتىنىڭ تۇركياداعى اپات تۋىلعان جەرگە دەرەۋ جەتىپ ىزدەۋ – كومەكتەسۋ قىزمەتىن ورىستەتكەنىن ماداقتاعان.
تۇركيانىڭ ءادىليا مينيسترلىگىنىڭ 2 – ايدىڭ 9 – كۇنى ايتۋىنشا، اتالعان ەلدىڭ وڭتۇستىگىندەگى قاتاي ولكەسىندەگى تۇرمەدە قاماۋدا جاتقان ادامدار ءورت قويىپ، تۇرمەدەن قاشپاقشى بولعان. اماندىق قورعاۋ قوسىندارى ولاردىڭ تۇرمەدەن قاشۋ جوسپارىن ساتسىزدىككە ۇشىراتقان، قاماۋدا جاتقانداردان 3 ادام وقيعا بارىسىندا قازا بولعان. (حاباردى دايىنداۋعا قاتىناسقان تىلشىلەر: شيۇڭ سىحاۋ، ۋاڭ فىڭ، ۋاڭ تىڭفەي، ۋ سىيۇي، لي جىنبەي، سادات)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
