بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جۇڭگو ۇلگىسىندەگى وسىزامانداندىرۋ ادامزات وركەنيەتىنىڭ جاڭا فورماتسياسىن جاراتتى

− باس شۋجي شي جينپيڭنىڭ پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىنداعى ماڭىزدى ءسوزىن ىشكەرىلەي ۇيرەنۋ، ءتۇسىنۋ جونىندە

□ حالىق گازەتىنىڭ شولۋشىسى

2023.02.13 16:31     كەلۋ قاينارى : شينجياڭ گازەتى

  پارتيا مەن حالىق ىستەرى − ادامزاتتىڭ العا باسۋ ىستەرىنىڭ ماڭىزدى قۇرامداس بولىگى. ورتالىق كوميتەتكە جاڭادان كىرگەن مۇشەلەردىڭ، كانديدات مۇشەلەردىڭ جانە ولكە، مينيسترلىك دارەجەلى نەگىزگى باسشى كادرلاردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىندا باس شۋجي شي جينپيڭ ”جۇڭگو ۇلگىسىندەگى وسىزامانداندىرۋ جۇڭحۋانىڭ تاڭداۋلى ءداستۇرلى مادەنيەتىنە تەرەڭ تامىر تارتىپ، عىلمي سوتسياليزمنىڭ العاباسارلىق ءمانىن ايگىلەپ، ادامزاتتىڭ بارلىق تاڭداۋلى وركەنيەت جەتىستىگىنەن ۇلگى الىپ، ونى قابىلداپ، ادامزات وركەنيەتىنىڭ العا باسۋداعى دامۋ بەتالىسىنا ۋاكىلدىك ەتىپ، باتىستىڭ وسىزامانداندىرۋ ۇلگىسىنە ۇقسامايتىن جاڭا كارتينانى ايگىلەدى، ول ادامزات وركەنيەتىنىڭ شىت جاڭا فورماتسياسى“ دەپ اتاپ كورسەتىپ، ”جۇڭگو ۇلگىسىندەگى وسىزامانداندىرۋ قالىڭ وركەندەپ كەلە جاتقان ەلدەردىڭ دەربەس، ءوز كۇشىنە سۇيەنىپ وسىزاماندانۋعا قادام تاستاۋىنا تيپتىك ۇلگى ورناتتى، ولارعا شىت جاڭا تاڭداۋ ازىرلەدى“ دەپ باسا دارىپتەدى.

  وسىزاماندانۋدى جۇزەگە اسىرۋ − دۇنيە جۇزىندەگى ءار ەل حالقىنىڭ ورتاق تالپىنىسى. وسىزاماندانۋعا تالپىنۋداعى توتەنشە ماشاقاتتى كۇرەس بارىسىندا، پارتيامىز حالىققا باسشىلىق ەتىپ، دۇنيەدە سيرەك كەزدەسەتىن ەكونوميكانىڭ تەز قارقىنمەن دامۋى جانە قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتى جاراتۋمەن بىرگە، جۇڭگو ۇلگىسىندەگى وسىزاماندانۋ جولىمەن ءساتتى ءجۇرىپ، ادامزات وركەنيەتىنىڭ جاڭا فورماتسياسىن جاراتتى. اسىرەسە، پارتيا 18 - قۇرىلتايىنان بەرى، پارتيامىز بۇرىنعى بار نەگىزدە ۇزدىكسىز العا باسىپ، نازاريادا جانە امالياتتا جاڭالىق اشۋدى، سەرپىلىس جاساۋدى ۇزدىكسىز جۇزەگە اسىرىپ، جۇڭگو ۇلگىسىندەگى وسىزامانداندىرۋدى تابىستى تۇردە ىلگەرىلەتتى جانە كەڭەيتتى. 10 جىل ۇدەرە العا تارتىپ، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى جۇڭگو ارمانىن العا قويىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى ىلگەرىلەتىپ، جۇڭگوشا سوتسياليزمگە تاباندى بولىپ جانە ونى دامىتىپ، زاتتىق وركەنيەتتىڭ، ساياسي وركەنيەتتىڭ، رۋحاني وركەنيەتتىڭ، قوعامدىق وركەنيەتتىڭ، ەكولوگيالىق وركەنيەتتىڭ سايكەستى دامۋىن ىلگەرىلەتىپ، ادامزات وركەنيەتىنىڭ جاڭا فورماتسياسىن ۇزدىكسىز بايىتىپ جانە دامىتىپ، پارتيا مەن مەملەكەت ىستەرىندە تاريحي تابىسقا قول جەتۋىن، تاريحي وزگەرىس تۋىلۋىن ىلگەرىلەتتى، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى قارىشتاۋدى قارسى الىپ، جۇڭگو كوممۋنيستىك پارتياسى مەن جۇڭگو حالقى ادامزات ءدوپ كەلگەن ورتاق ماسەلەلەردى شەشۋگە اناعۇرلىم كوپ، اناعۇرلىم ويداعىداي جۇڭگو پاراساتىن، جۇڭگو جوباسىن، جۇڭگو كۇشىن ازىرلەپ، ادامزاتتىڭ بەيبىتشىلىگى مەن دامۋى سىندى اسقاق ىسكە تىڭ دا اناعۇرلىم زور ۇلەس قوستى. اماليات جۇڭگو ۇلگىسىندەگى وسىزامانداندىرۋ جۇڭگونىڭ بايتاق دالاسىنا تامىر تارتقاندىعىن، جۇڭگونىڭ ءىس جۇزىندىگىنە ۇيلەسەتىندىگىن، سوتسياليستىك قۇرىلىستىڭ زاڭدىلىعىن ايگىلەگەندىگىن، ادامزات قوعامىنىڭ دامۋ زاڭدىلىعىن دا ايگىلەگەندىگىن، ادامزاتتىڭ وسىزامانداندىرۋدى جۇزەگە اسىرۋىنا جاڭا تاڭداۋ ازىرلەگەندىگىن تولىق ايگىلەدى. جۇڭگو ۇلگىسىندەگى وسىزامانداندىرۋ جولى بارعان سايىن كەڭەيە تۇسەدى، ءوزىن اناعۇرلىم ويداعىداي دامىتىپ، دۇنيە ءجۇزىن باقىتقا كەنەلتەتىندىگى داۋسىز.

  باس شۋجي شي جينپيڭ بىلاي دەپ باسا دارىپتەدى: ”جۇڭگو ۇلگىسىندەگى وسىزامانداندىرۋ ’وسىزامانداندىرۋ = باتىستاندىرۋ‘ دەيتىن تەرىس ويدى تالقانداپ، وسىزامانداندىرۋدىڭ تاعى ءبىر كارتيناسىن ايگىلەپ، وركەندەپ كەلە جاتقان ەلدەردىڭ وسىزاماندانۋعا بەت الۋ جول تاڭداۋىن كەڭەيتىپ، ادامزاتتىڭ اناعۇرلىم جاقسى قوعامدىق ءتۇزىم جونىندە ىزدەنىس جاساۋىنا جۇڭگو جوباسىن ازىرلەدى“. دۇنيە جۇزىندە ءبىر مىقتىنىڭ عانا ءسوزىن ەسەپكە الاتىن وسىزاماندانۋ ۇلگىسى دە، تورتكىل دۇنيەنىڭ بارىنە ءدال تۇسە بەرەتىن وسىزاماندانۋ ولشەمى دە بولمايتىندىعىن، ءسوز جوق، تەرەڭ تانىپ جەتۋ كەرەك. جاڭا جۇڭگو قۇرىلعاننان، اسىرەسە، رەفورما جاساعاننان، ەسىك اشقاننان بەرى، ءبىز نەشە ون جىل ۋاقىت جۇمساپ، باتىستاعى دامىعان ەلدەردىڭ نەشە 100 جىل باسقان ونەركاسىپتەنۋ بارىسىن ورىنداپ، دۇنيە ءجۇزىن جالت قاراتقان دامۋ تابىستارىن جاراتىپ، جۇڭحۋا ۇلتىنىڭ ۇلى گۇلدەنۋىنە كەڭ بولاشاق اشتىق. بۇل مىنانى تولىق كورسەتتى: ءبىر ەلدى باسقارۋدا، ءبىر ەلدىڭ وسىزامانداندىرۋدى جۇزەگە اسىرۋىن ىلگەرىلەتۋدە، تەك باتىستىڭ ءتۇزىم ۇلگىسى سىندى ءبىر عانا جول جوق، ءار ەلدىڭ ءوز جولىمەن جۇرۋىنە ابدەن بولادى. جۇڭگو ۇلگىسىندەگى وسىزامانداندىرۋ وركەندەپ كەلە جاتقان ەلدەردىڭ وسىزاماندانۋعا بەت الۋىنىڭ جاڭا جولىن اشىپ، تەك باتىستىڭ كاپيتاليزم جولىنىڭ عانا وسىزاماندانۋدى جۇزەگە اسىرا الاتىندىعى سىندى اڭىزدى بۇزدى، سونداي - اق شىندىق ارقىلى ”تاريح اقىرلاسادى ءپاتۋاسىنىڭ“ كۇيرەگەندىگىن جاريالادى، ءار ەل ەڭ اقىرىندا تۇگەلدەي باتىس ءتۇزىمى ۇلگىسىن تۇراق ەتەدى دەگەن جالعىز جەلىلىك تاريح كوزقاراسىنىڭ كۇيرەگەندىگىن جاريالادى. ءبىز پارتيانىڭ نەگىزگى نازارياسىنان، نەگىزگى لۋشيانىنان، نەگىزگى جالپى جوباسىنان اۋىتقىماۋعا تاباندى بولىپ، جول سەنىمىنە، نازاريا سەنىمىنە، ءتۇزىم سەنىمىنە، مادەنيەت سەنىمىنە تاباندى بولىپ، بۇلجىماي ءوز جولىمىزبەن ويداعىداي ءجۇرىپ، ءوز ءىسىمىزدى الاڭسىز ىستەپ، مەملەكەت پەن ۇلتتىڭ دامۋىندا ءوز كۇشىمىزدى تياناق ەتۋگە تاباندى بولۋىمىز، ەلىمىزدىڭ دامۋ، العا باسۋ تاعدىرىن ءوز قولىمىزدا مىقتاپ يگەرۋگە تاباندى بولۋىمىز كەرەك.

  پارتيا 20 - قۇرىلتايى جۇڭگو ۇلگىسىندەگى وسىزامانداندىرۋدىڭ ماندىك تالابىن عىلمي جيناقتادى. بۇل تۇجىرىم − پارتيانىڭ ەلىمىزدىڭ جانە دۇنيە جۇزىندەگى وزگە ەلدەردىڭ وسىزامانداندىرۋ قۇرىلىسىنىڭ تاريحي تاجىريبەلەرىن ىشكەرىلەي قورىتىندىلاپ، ەلىمىز سياقتى شىعىستاعى ءىرى ەلدە وسىزامانداندىرۋدى قالاي جەدەل جۇزەگە اسىرۋ جونىندە تانىمدى ۇزدىكسىز تەرەڭدەتۋ، ستراتەگيانى ۇزدىكسىز جەتىلدىرۋ، امالياتتى ۇزدىكسىز بايىتۋ ارقىلى قالىپتاستىرعان يدەيا، نازاريا جاۋھارى. باس شۋجي شي جينپيڭ بىلاي دەپ اتاپ كورسەتتى: ”جۇڭگو ۇلگىسىندەگى وسىزامانداندىرۋدا قامتىلعان وزگەشە دۇنيە كوزقاراسى، قۇن كوزقاراسى، تاريح كوزقاراسى، وركەنيەت كوزقاراسى، دەموكراتيا كوزقاراسى، ەكولوگيا كوزقاراسى سياقتىلار جانە ونىڭ ۇلى امالياتى − دۇنيە ءجۇزىنىڭ وسىزامانداندىرۋ نازارياسى مەن امالياتى جونىندەگى كەلەلى جاسامپازدىق“. جۇڭگو ۇلگىسىندەگى وسىزامانداندىرۋ نازارياسى جۇڭگونىڭ مەملەكەت جاعدايىنا، جۇڭگونىڭ رەال جاعدايىنا نەگىزدەلگەن كەلەلى نازاريالىق جاسامپازدىق ەكەندىگىن، ونىڭ ەلىمىزدىڭ وسىزاماندانۋىنىڭ دامۋ بەتالىسىن ايگىلەۋمەن بىرگە، ادامزات وركەنيەتى العا باسۋىنىڭ دامۋ بەتالىسىنا دا ۋاكىلدىك ەتەتىندىگىن؛ جۇڭگو ۇلگىسىندەگى وسىزامانداندىرۋ − بۇرىنعىلار ىستەپ كورمەگەن جاڭالىق، ونىڭ ادامزات قوعامىنىڭ دامۋىنداعى كوپتەگەن قيىن ماسەلەلەردى شەشىپ، باتىستىڭ كاپيتالدى وزەك وتكەن وسىزامانداندىرۋىن، ەكى ۇيەككە جىكتەلگەن وسىزامانداندىرۋىن، ماتەرياشىلدىق ۇلعايعان وسىزامانداندىرۋىن، سىرتقا ىرگە كەڭەيتۋ، تالان - تاراجىلاۋ سىندى وسىزامانداندىرۋ كونە جولىن تاستاعاندىعىن تەرەڭ تانۋىمىز كەرەك. العا باسۋ جولىندا ءبىز قاي - قاشان دا جۇڭگو كوممۋنيستىك پارتياسىنىڭ باسشىلىعىنا بۇلجىماي تاباندى بولىپ، جۇڭگوشا سوتسياليزمگە تاباندى بولىپ، جوعارى ساپالى دامۋدى جۇزەگە اسىرىپ، جالپى بارىستىق حالىق دەموكراتياسىن دامىتىپ، حالىقتىڭ رۋحاني الەمىن بايىتىپ، جالپى حالىقتىڭ بىرگە بايۋىن جۇزەگە اسىرىپ، ادام مەن تابيعاتتىڭ جاراسىمدى قاتار ءومىر ءسۇرۋىن جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، ادامزات وركەنيەتىنىڭ جاڭا فورماتسياسىن جاراتۋىمىز كەرەك. الەمدىك كوز ايانى كەڭەيتىپ، سىرتقا ەسىك اشۋعا تاباندى بولىپ، دۇنيە جۇزىندەگى ءار ەلدىڭ وسىزامانداندىرۋداعى تابىستى تاجىريبەلەرىنەن بەلسەنە ۇيرەنىپ، ۇلگى الىپ، پىكىر اۋىستىرۋ، ءوزارا ۇلگى الۋ بارىسىندا جۇڭگو ۇلگىسىندەگى وسىزامانداندىرۋدىڭ كەڭدىگى مەن تەرەڭدىگىن ۇزدىكسىز ۇلعايتۋىمىز كەرەك.

  بۇگىنگى دۇنيە جۇزىندە كوپتەگەن مەملەكەتتەر وسىزامانداندىرۋدى قۇلشىنا جۇرگىزىپ جاتقان بولسا دا، الايدا جاپپاي وسىزاماندانعان مەملەكەتتى شىن مانىندە قۇرعانى ساناۋلى عانا. ءىشىنارا وركەندەپ كەلە جاتقان مەملەكەتتەر وزىندىك دامۋداعى مەملەكەت جاعدايىمەن جانە تاريحي ورنىمەن ساناسپاي، بۇكىلدەي باتىستىڭ ۇلگىسىن قاز - قالپىندا قولدانىپ، ناتيجەدە دامۋ بارىسى اسا ماشاقاتتى بولدى. سايىپ كەلگەندە، ادامزات تاريحىندا ەشقانداي ءبىر ۇلت، ەشقانداي ءبىر مەملەكەت سىرتقى كۇشكە سۇيەنۋ، شەتەلدىڭ ۇلگىسىن قاز - قالپىندا قولدانۋ، باسقالاردىڭ سوڭىنان ىلەسىپ، ەل قالاي جۇرسە سولاي ءجۇرۋ ارقىلى قۇدىرەتتەنۋدى جانە گۇلدەنۋدى جۇزەگە اسىرعان ەمەس. ەلىمىزدىڭ وسىزامانداندىرۋ قۇرىلىسىنىڭ بۇگىنگىدەي تاماشا جاعدايعا قول جەتكىزۋى، تۇپتەپ كەلگەندە، ءبىزدىڭ وسىزامانداندىرۋىمىز جۇڭگو كوممۋنيستىك پارتياسىنىڭ باسشىلىعىنداعى سوتسياليستىك وسىزامانداندىرۋ بولعاندىقتان، وندا ءار ەلدىڭ وسىزاماندانۋىنداعى ورتاق ەرەكشەلىك بولۋمەن قاتار، ونان دا ماڭىزدىسى، ءوزىمىزدىڭ مەملەكەت جاعدايىمىزدى نەگىز ەتكەن جۇڭگوشا ەرەكشەلىك تە بولعاندىعىنان. جۇڭگو ۇلگىسىندەگى وسىزامانداندىرۋدىڭ تابىسقا جەتۋىنىڭ سەبەبى، ول جۇڭگونىڭ ءىس جۇزىندىگىنە ۇيلەسەدى، جۇڭگو حالقىنىڭ قالاۋىن بەينەلەيدى، ءداۋىردىڭ دامۋ تالابىنا سايكەسەدى، ول − پارتيامىزدىڭ جۇڭگونىڭ بايتاق دالاسىنا تامىر تارتىپ، دەربەس، ءوز كۇشىنە سۇيەنە وتىرىپ ىزدەنىس جاساپ تاپقان وسىزامانداندىرۋ جولى. جۇڭگو ۇلگىسىندەگى وسىزامانداندىرۋدىڭ تابىستى امالياتى قالىڭ وركەندەپ كەلە جاتقان ەلدەردىڭ دەربەس، ءوز كۇشىنە سۇيەنىپ وسىزاماندانۋعا قادام تاستاۋىنا ۇلگى ورناتتى، دۇنيە جۇزىندەگى دامۋدى جەدەلدەتۋدى كوكسەپ وتىرعان ءارى ءوزىنىڭ دەربەستىگىن ساقتاعىسى كەلەتىن مەملەكەتتەر مەن ۇلتتارعا شىت جاڭا تالعام ۇسىندى.

  جۇڭگو كوممۋنيستىك پارتياسى − جۇڭگو حالقىن باقىتقا كەنەلتۋدى كوزدەيتىن، جۇڭحۋا ۇلتىنىڭ ۇلى گۇلدەنۋىن كوزدەيتىن پارتيا، ادامزاتتىڭ العا باسۋىن دا كوزدەيتىن، دۇنيە ءجۇزىنىڭ ۇلى بىرلىگىن دە كوزدەيتىن پارتيا. بۇقارانى كوڭىل تورىنە قويىپ، قولىمىزعا اقيقاتتى ۇستاپ، ومىردەگى دۇرىس جولدى باسقان ءبىزدىڭ سەنىمىمىز كامىل، كۇشىمىز مىعىم. بولاشاققا بەت العاندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، باتىلدىقپەن تاريحتىڭ دۇرىس جاعىندا تۇرىپ، ادامزات وركەنيەتىنىڭ العا باسۋى جاعىندا تۇرىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە تاباندى بولامىز، جاڭا داۋىردەگى جاڭا جورىقتا دۇنيە ءجۇزىن جالت قاراتاتىن تىڭ دا اناعۇرلىم زور كەرەمەتتەر جاراتۋعا، ادامزات وركەنيەتىنىڭ العا باسۋىنا جانە دۇنيە ءجۇزىنىڭ بەيبىتشىلىگى مەن دامۋىنا تىڭ دا اناعۇرلىم زور ۇلەس قوسۋعا سەنىمىمىز كامىل، قابىلەتىمىز قاپتال جەتەدى.

  (شينحۋا اگەنتتىگىنىڭ 2 - ايدىڭ 11 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار