بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شينكۋاڭ توبى ەلىمىزدەگى ەڭ ۇلكەن قورعاسىن - مىرىش كەنىنىڭ كەن بارلاۋ ۇقىعىنا يە بولدى

2023.02.13 16:30     كەلۋ قاينارى : شينجياڭ گازەتى

  انار بۇلت \ شينجياڭ گازەتىنىڭ ءتىلشىسى شى شين 2 - ايدىڭ 11 - كۇنى ۇرىمجىدەن حابارلايدى. شينجياڭ گەولوگيا، كەن ىستەرى قارجى قوسۋ (توبى) شەكتى جاۋاپكەرشىلىك سەرىكتەستىگىنەن ۇعىسۋىمىزشا، دۇنيە ءجۇزىنىڭ كەن ىستەرى سالاسى كوز تىگىپ وتىرعان جۇڭگوداعى ەڭ ۇلكەن قورعاسىن - مىرىش كەنىنىڭ كەن بارلاۋ ۇقىعىنا شينكۋاڭ توبى يە بولعان.

  1 - ايدىڭ 19 - كۇنى شينجياڭ الەۋمەتتىك بايلىق ساۋدا سايتى شينجياڭ حوتان اۋدانى حوشاۋيۇن قورعاسىن - مىرىش كەنىنىڭ كەن بارلاۋ ۇقىعىن وتكەرمەلەۋگە مەردىگەر شاقىرۋدىڭ ناتيجەسىن جاريالادى، شينكۋاڭ توبى 25 ميلليارد يۋان حالىق اقشاسىندىق باسەكەلەسۋ باعاسىمەن، جالپى 71.94 نومىرمەن قارا ءۇزىپ العا شىقتى. 2 - ايدىڭ 7 - كۇنى مەردىگەر شاقىرۋ ناتيجەسىن اشىق جاريالاۋ اياقتالدى.

  حوشاۋيۇن قورعاسىن - مىرىش كەنى ەلىمىزدەگى قازىرگە دەيىن تابىلعان ەڭ ۇلكەن قورعاسىن - مىرىش كەنى. 2011 - جىلى اۆتونوميالى رايوندىق گەولوگيالىق كەن بارلاۋ، اشۋ مەكەمەسىنىڭ 8 - گەولوگيا ۇلكەن اترەتى كۇنلۇن تاۋىنان وسى ءبىر ”جەر استى قازىناسىن“ تاپقان. 2012 - جىلدان 2016 - جىلعا دەيىن اۆتونوميالى رايوندىق گەولوگيالىق بارلاۋ قورى جانە اۆتونوميالى رايوندىق گەولوگيالىق كەن بارلاۋ، اشۋ مەكەمەسى ىلگەرىندى - كەيىندى قارجى شىعارىپ الدىن الا جاپپاي تەكسەرۋ جانە بارلاۋ قىزمەتىن ورىستەتتى.

  حوشاۋيۇن قورعاسىن - مىرىش كەنىنىڭ كەن بارلاۋ ۇقىعىن وتكەرمەلەۋگە مەردىگەر شاقىرۋ حۇجاتىنا نەگىزدەلگەندە، وسى كەن رايونىنىڭ جالپى اۋماعى 19. 292 شارشى كيلومەتر بولىپ، 1 - رايون، 2 - رايون، 3 - رايون سىندى 3 كەن رايونىنا بولىنگەن، جالپى كەن رۋداسى 80 ميلليون تونناعا جۋىق، قورعاسىن - مىرىش مەتال مولشەرى 18 ميلليون 800 مىڭ توننا بولاتىندىعى مەجەلەنگەن.

  اۆتونوميالى رايوندىق گەولوگيالىق كەن بارلاۋ، اشۋ مەكەمەسىنىڭ باس ينجەنەرى لي فىڭميڭ تانىستىرىپ بىلاي دەدى: حوشاۋيۇن قورعاسىن - مىرىش كەنىنىڭ بايقالۋى ەلىمىزدىڭ قورعاسىن - مىرىش بايلىعىنىڭ ورنالاسۋ جۇلگەسىن وراسان زور دارەجەدە وزگەرتىپ، شينجياڭدى ەل ىشىندەگى ماڭداي الدى ورىندا تۇراتىن قورعاسىن - مىرىش بايلىعىنداعى ءىرى رايونعا اينالدىردى.

  ”وسى نىساننىڭ مەردىگەرلىگىن الۋ − شينكۋاڭ توبىنىڭ اۆتونوميالى رايوندىق پارتكوم مەن ۇكىمەتتىڭ شينجياڭنىڭ جاسىل كەن كاسىبى سالالار شوعىرىن قالىپتاستىرۋ ستراتەگيالىق ورنالاستىرۋىن تياناقتاندىرۋداعى ناقتى ارەكەتى، سونداي - اق شينكۋاڭ توبىنىڭ شينجياڭ بويىنشا بىرەگەي، ەل ىشىندە تانىمال ۋنيۆەرسال 100 ميلليارد يۋاندىق دەڭگەيدەگى توپ بولۋعا قاراي باسقان ماڭىزدى ءبىر قادامى بولىپ سانالادى“، - دەدى شينكۋاڭ توبى پارتكومىنىڭ مۇشەسى، ورىنباسار باس ديرەكتورى ۋاڭ شياۋبيڭ تەبىرەنىسپەن.

  شينكۋاڭ توبى شينجياڭنىڭ مەملەكەتتىڭ ءىسورىن مەن كاسىپورىندى ءبولۋ رەفورماسىنىڭ قاتىستى تالاپتارىن تياناقتاندىرىپ، اۆتونوميالى رايوندىق گەولوگيالىق كەن بارلاۋ، اشۋ مەكەمەسىنەن ءبولىنىپ شىعىپ قۇرىلعان گەولوگيالىق بارلاۋدى جانە كەن ىستەرىن اشۋدى نەگىزگى كاسىپ ەتكەن اۆتونوميالى رايونعا قاراستى مەملەكەت مەنشىگىندەگى كاسىپورىن.

  اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى پارتكومىنىڭ مۇشەسى، ورىنباسار مەڭگەرۋشى جاڭ جينپيڭ مىنالاردى ءبىلدىردى: شينكۋاڭ توبىنىڭ حوتان اۋدانى حوشاۋيۇن قورعاسىن - مىرىش كەنىنىڭ كەن بارلاۋ ۇقىعىنا يە بولۋى رايونىمىزدىڭ اۆتونوميالى رايونعا قاراستى مەملەكەت مەنشىگىندەگى كاسىپورىنداردىڭ كەن ىستەرىن اشۋ سالاسىندا تاعى ءبىر ماندىك قادام تاستاعاندىعىن كورسەتەدى. كەلەسى قادامدا، اۆتونوميالى رايوندىق مەملەكەت مەنشىگىندەگى مال مۇلىكتى باقىلاۋ - باسقارۋ كوميتەتى شينكۋاڭ توبىنىڭ بارلاۋ، اشۋ ينجەنەرياسىن تەزىرەك باستاۋىنا جەتەكشىلىك ەتىپ، سايكەستىرىپ، بايلىق باسىمدىعىن دامۋ باسىمدىعىنا ەرتەرەك اينالدىرۋعا ۇمتىلىپ، حوتان ايماعىنىڭ ەكونوميكالىق قوعامدىق دامۋىن ءونىمدى تۇردە جەبەيدى.
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار