بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

مەملەكەتتىك تەمەكىنى ارناۋلى ساتۋدى باسقارۋ مەكەمەسى «ءسۇتتى شاي ستاكانى»، «كولا قالبىرى» قاتارلى فورماداعى زاڭعا قايشى ەلەكتروندى تەمەكىلەردى ساۋدالاۋشىلارعا قاتاڭ سوققى بەردى

2023.02.13 15:59     كەلۋ قاينارى : حالىق تورابى


  مەملەكەتتىك تەمەكىنى ارناۋلى ساتۋدى باسقارۋ مەكەمەسى جۋىردا «ءسۇتتى شاي ستاكانى»، «كولا قالبىرى» قاتارلى فورماداعى ءيىسى وزگەرتىلگەن ەلەكتروندى تەمەكىلەردى جونگە سالۋ قىزمەتىن ورىستەتىپ، ءتۇرلى دەلولاردان 593 دەلونى انىقتاپ، 188 ادامنىڭ قىلمىستىق ىستەر جاۋاپكەرشىلىگىن قۋزاستىرىپ، ءتۇرلى «ءسۇتتى شاي ستاكاندارى» مەن «كولا قالبىرلارىنان» 723 مىڭ 800 داناسىن انىقتاپ قولعا ءتۇسىرىپ، وسى تەكتەس زاڭعا قايشى قىلمىستارعا سوققى بەرۋ قىزمەتىندە كورنەكتى ونىمدىلىكتەرگە قول جەتكىزدى.

  جۋىرداعى ءتورت ايدان بەرى، مەملەكەتتىك تەمەكىنى ارناۋلى ساتۋدى باسقارۋ باسقارۋ مەكەمەسى زاڭ اتقارۋ سالاسىنداعى تەكسەرۋشى قىزمەتكەرلەردەن 226 مىڭ 600 ادامدى (رەت) اتتانىسقا كەلتىرىپ، ساتۋ تۇيىندەرىنەن 121 مىڭ 500 دۇكەنگە (رەت) بارىپ تەكسەرۋ جۇرگىزگەن. بازارداعى تەكسەرۋ ناتيجەسىنە نەگىزدەلگەندە، وسى تەكتەس تاۋارلاردىڭ بارلىعى زاڭسىز وندىرىلگەن جالعان، جارامسىز ەلەكتروندى تەمەكىلەرگە جاتادى، ولاردىڭ فورماسى بالالاردىڭ ويىنشىعىنا، جاڭا اۋقىمداعى سۋسىندىقتارعا نەمەسە كوز جاۋىن الاتىن جەمەكتىكتەردىڭ قورابىنا ۇقساتىپ جاسالادى، اقىل توقتاتپاعان ازامات جاسىنا تولماعانداردى نەداۋىر باۋرايدى، ونىڭ ۇستىنە، وعان قوسىلعان قۇرامى كۇردەلى، ءونىم ساپاسى ادامدى الاڭداتادى، جاسىرىن حاۋپى كورنەكتى، ازامات جاسىنا تولماعانداردىڭ دەنساۋلىعىنىڭ اقاۋسىزدىعىنا ىقپال جاسايدى. زاڭسىز ەلەمەنتتەر باستىسى ينتەرنەت ارقىلى جاسىرىن ساۋدالاۋدى نەگىز ەتەدى، ءتىپتى ازامات جاسىنا تولماعانداردى ۋاكىل رەتىندە ينتەرنەتتەن سىرت بولشەك ساتۋمەن شۇعىلدانۋعا شىرعالايدى.

  مەملەكەتتىك تەمەكىنى ارناۋلى ساتۋدى باسقارۋ مەكەمەسىنىڭ ايتۋىنشا، جەر – جەر قاتاڭ سوققى بەرىپ، ازامات جاسىنا تولماعاندارعا ەلەكتروندى تەمەكىنى ساۋدالاۋ دەلوسىنان 363 دەلونى، ەلەكتروندى تەمەكىنى كۋالىكسىز تيجارات ەتۋ دەلوسىنان 115 دەلونى ارت – ارتىنان انىقتاعان، «ءسۇتتى شاي ستاكانى» جانە «كولا قالبىرى» دەلوسىنان 593 دەلونى انىقتاپ ءبىر جاقتى ەتكەن، قىلمىستىق ىستەرگە ساياتىن دەلو سانى 84 دەلو بولعان، قىلمىستىق ىستەر بويىنشا 188 ادامنىڭ جاۋاپكەرشىلىگى قۋزاستىرىلعان، «ءسۇتتى شاي ستاكانى» مەن «كولا قالبىرىنان» 723 مىڭ 800 داناسىن انىقتاپ قولعا تۇسىرگەن، دەلوعا ساياتىن سوما 507 ميلليون يۋان بولعان، ورتا، باستاۋىش مەكتەپتەردىڭ، بالالار باقشالارىنىڭ ماڭىندا ەلەكتروندى تەمەكىنى ساۋدالايتىن تۇيىندەردەن 373 دۇكەندى جاپتى، اۆتوماتتى ساۋدالاۋ ماشينالارىنان 27 ماشينانى جويدى، زاڭ – تۇزىمدەرگە قايشى ءتۇرلى جالعانىمداردان 1471 جالعانىمدى ءوشىردى.

  كەلۋ قاينارى: حالىق تورابى



جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار