جۇڭگو ۇلگىسىندەگى وسىزامانداندىرۋدى ىلگەرىلەتۋ ءبىرقانشا كەلەلى قاتىناستى ويداعىداي شەشۋدى قاجەت ەتەدى
− باس شۋجي شي جينپيڭنىڭ پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىنداعى ماڭىزدى ءسوزىن ىشكەرىلەي ۇيرەنۋ، ءتۇسىنۋ جونىندە
«حالىق گازەتىنىڭ» شولۋشىسى
2023.02.13 16:40 كەلۋ قاينارى : حالىق تورابى
«جۇڭگو ۇلگىسىندەگى وسىزامانداندىرۋدى ىلگەرىلەتۋ − جۇيەلى ينجەنەريا، ءبىر تۇتاس جوسپارلاپ تەڭ ءمان بەرىپ، جۇيەلى جوسپارلاپ، تۇتاس تۇلعالىق ىلگەرىلەتۋ كەرەك»، ورتالىق كوميتەتكە جاڭادان كىرگەن مۇشەلەردىڭ، كانديدات مۇشەلەردىڭ جانە ولكە، مينيسترلىك دارەجەلى نەگىزگى باسشى كادرلاردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىندا باس شۋجي شي جينپيڭ جۇڭگو ۇلگىسىندەگى وسىزامانداندىرۋدى ىلگەرىلەتۋدە ويداعىداي شەشۋگە ءتيىستى ءبىرقانشا كەلەلى قاتىناس جونىندە تەرەڭ پايىمداۋ جاساپ، ايقىن تالاپتار قويىپ، ماركسيزمدىك ماتەرياليستىك ديالەكتيكانىڭ يدەياسىن، ءادىسىن تولىق ايگىلەدى، بۇل پارتيامىزدىڭ جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندەگى تانىمىنىڭ ونان ارى تەرەڭدەۋى سانالادى.
پارتيانىڭ 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭگو ۇلگىسىندەگى وسىزامانداندىرۋمەن جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ايبىندى جوباسىن جاساپ، ەكپىندەي ىلگەرىلەۋدىڭ جاڭا جورىعىنىڭ داۋىرلىك دابىلىن قاقتى. جوعارى دەڭگەيدە جوبالاۋ مەن امالياتتىق ىزدەنىس جاساۋ، ستراتەگيا مەن تاكتيكا، تۋراشىلدىقتان اينىماۋ مەن جاڭالىق اشۋ، ونىمدىلىك پەن ادىلدىك، ومىرشەڭدىك كۇش پەن ءتارتىپ، ءوز كۇشىنە سۇيەنىپ، ءوزىن الۋەتتەندىرۋ مەن سىرتقا ەسىك اشۋ سياقتى ءبىرقىدىرۋ كەلەلى قاتىناستى دۇرىس ويداعىداي ءبىر جاقتى ەتۋ بۇكىل پارتيانىڭ جۇڭگو ۇلگىسىندەگى وسىزامانداندىرۋدى دۇرىس ءتۇسىنىپ، ەلىمىزدىڭ دامۋى ءدوپ كەلگەن جاڭا ستراتەگيالىق ورايمەن، جاڭا ستراتەگيالىق مىندەتپەن، جاڭا ستراتەگيالىق كەزەڭمەن، جاڭا ستراتەگيالىق تالاپپەن، جاڭا ستراتەگيالىق ورتامەن تىعىز بايلانىستىرىپ، جاپپاي سوتسياليستىك وسىزاماندانعان مەملەكەت قۇرۋدىڭ ءتۇرلى نىسانالىق مىندەتتەرىنىڭ جاپالىلىعى مەن كۇردەلىلىگىن جەتە تانىپ، دايەكتى تياناقتاندىرۋ سانالىلىعى مەن تاباندىلىعىن كۇشەيتىپ، جاڭا جورىقتا پارتيا مەن مەملەكەت ىستەرى دامۋىنىڭ جاڭا جاعدايىن جاراتۋعا قۇلشىنۋىندا توتەنشە كەلەلى ماڭىز الادى.
جوعارى دەڭگەيدە جوبالاۋ مەن امالياتتىق ىزدەنىس جاساۋ ديالەكتيكالىق بىرلىككە يە. پارتيا 20 - قۇرىلتايىنىڭ بايانداماسىندا جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگى، ماندىك تالابى، كەلەلى پرينسيبى تەرەڭ پايىمدالدى، بۇل − جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جوعارى دەڭگەيلى جوباسى. جۇڭگو ۇلگىسىندەگى وسىزامانداندىرۋ كەزەڭگە، سالاعا ءبولىپ ىلگەرىلەتىلەدى. ءار كەزەڭدەگى دامۋ نىساناسىن جۇزەگە اسىرۋ، ءار سالاداعى دامۋ ستراتەگياسىن تياناقتاندىرۋ ءۇشىن دە جوعارى دەڭگەيدە جوبا جاساۋعا تۋرا كەلەدى. باس شۋجي شي جينپيڭ بىلاي دەپ اتاپ كورسەتتى: « جوعارى دەڭگەيدە جوبالاۋ جۇرگىزۋدە دۇنيە ءجۇزىنىڭ دامۋ اۋقىمىنا تەرەڭدەي كوز جەتكىزىپ، حالىق بۇقاراسىنىڭ ورتاق تىلەگىن دۇرىس يگەرىپ، ەكونوميكالىق، قوعامدىق دامۋ زاڭدىلىعى جونىندە ىشكەرىلەي ىزدەنىس جاساپ، بەلگىلەنگەن جوبالار مەن ساياسات جۇيەسىنىڭ ءداۋىر ەرەكشەلىگىن ايگىلەۋىنە، زاڭدىلىقتى يگەرۋىنە، جاسامپازدىق سيپاتقا باي بولۋىنا مۇمكىندىك جاساپ، الىس پەن جاقىندى ۇشتاستىرۋدى، جوعارى مەن تومەندى تۇتاستىرۋدى، مازمۇندى سايكەستىرۋدى ورىنداۋ قاجەت». جۇڭگو ۇلگىسىندەگى وسىزامانداندىرۋدى ىلگەرىلەتۋ − ىزدەنىس سيپاتتى ءىس، تاعى كوپتەگەن بەيمالىم سالالار بار، ءبىزدىڭ اماليات بارىسىندا باتىلدىقپەن ىزدەنىس جاساپ، رەفورما جاساپ، جاڭالىق اشۋ ارقىلى ىستەرىمىزدىڭ دامۋىن ىلگەرىلەتۋىمىزگە تۋرا كەلەدى، استە سىڭار ەزۋلىككە باسۋعا، تەر توكپەي يگىلىكتەن دامەتۋگە بولمايدى. جەر - جەر، تاراۋلار وزدەرىنىڭ ناقتى ءىس جۇزىندىگىمەن ۇشتاستىرىپ، ءورىس اشا جاڭالىق جاراتىپ، اسىرەسە، الدىڭعى لەكتەگى اماليات، بەيمالىم سالالاردا باتىلدىقپەن ىزدەنىس جاساۋعا، باتىلدىقپەن الدا جۇرۋگە شابىتتاندىرىپ، جاڭا قايشىلىقتار مەن جاڭا ماسەلەلەردى ءونىمدى شەشۋدىڭ وي جەلىسى مەن ادىستەرىن قاراستىرىپ، كوشىرىپ قولدانۋعا، جالپىلاستىرۋعا بولاتىن جاڭا تاجىريبەلەردى قۇلشىنا جاراتۋى كەرەك.
ستراتەگيا مەن تاكتيكانى دۇرىس قولدانۋ − پارتيامىزدىڭ شۇعىلالى تاريح جاراتۋىنىڭ، بولاشاقتىق ۇلى ىستەردى تىندىرۋىنىڭ، ءتۇرلى حاۋىپ - قاتەر مەن سىن - سايىستى جەڭۋىنىڭ، جەڭىستەن جەڭىسكە ۇزدىكسىز جەتۋىنىڭ تابىس سىرى. جۇڭگو ۇلگىسىندەگى وسىزامانداندىرۋدى ىلگەرىلەتۋدە، ءسوز جوق، وسى تابىس سىرىن ويداعىداي قورىتىندىلاۋ، ويداعىداي قولدانۋ كەرەك. ستراتەگيالىق كورەگەندىكتى كۇشەيتىپ، زاتتار دامۋىنىڭ تابيعي بەتالىسىن دۇرىس يگەرىپ، العا باسۋ جولىندا جارىققا شىعۋى مۇمكىن بولعان وراي مەن سىنداردى قىراعىلىقپەن قانىق ءبىلىپ، عىلمي ستراتەگيامەن بولاشاقتى بولجاپ، بولاشاققا جەتەكشىلىك ەتۋ؛ ستراتەگيانىڭ جالپى جاعدايلىق سيپاتىن كۇشەيتىپ، ستراتەگيالىق نىسانانى جوسپارلاۋدىڭ، ستراتەگيالىق شارا بەلگىلەۋدىڭ، ستراتەگيالىق ورنالاستىرۋ جاساۋدىڭ بارلىعىندا پارتيا مەن مەملەكەت ىستەرىنىڭ كوركەيۋ - قۇرۋىنا، جەڭىس - جەڭىلىسىنە، بىرەۋى ارقىلى ءبارىن تۇزەتۋگە قاتىستى كەلەلى ماسەلەلەردى شەشۋدى كوزدەۋ؛ ستراتەگيانىڭ ورنىقتىلىق سيپاتىن كۇشەيتىپ، ستراتەگيا قالىپتاسقان زامان ۇزاق ۋاقىت تاباندى بولۋ، سوڭىنا دەيىن يگەرۋ، ءىستى باسىنان اياعىنا دەيىن ءساتتى جۇرگىزىپ، تابىستى اياقتاتۋ، بەتالدى وزگەرتپەۋ كەرەك. تاكتيكا ستراتەگيانىڭ جەتەكشىلىگىندە ستراتەگيالىق قىزمەت وتەيدى، ول − ستراتەگيانى اتقارۋدىڭ عىلمي ءادىسى. ستراتەگيانىڭ پرينسيپتىك سيپاتى مەن تاكتيكانىڭ يكەمدىلىك سيپاتىن ورگانيكالى ۇشتاستىرىپ، يكەمدى دە بەيىمدى بولىپ، جاعدايدىڭ وزگەرىسىنە قاراي يكەمدى توتەپ بەرىپ، ۇستىندە كەسىم جاساپ، جەرگىلىكتى جاعدايعا قاراي ىستەۋ، اۋقىمعا قاراي ارەكەتتەنۋ، ۇتىمدى جاعدايعا بەيىمدەلۋ بارىسىندا ستراتەگيالىق ىرىقتىلىقتى يگەرۋ كەرەك.
تۋراشىلدىقتان اينىماۋ مەن جاڭالىق اشۋ − پارتيامىزدىڭ جاڭا داۋىردەگى ەل باسقارۋداعى ماڭىزدى ويلاۋ ءادىسى. تۋراشىلدىقتى ساقتاعاندا عانا باعداردان اداسپاۋعا، ويرانداۋ سيپاتتى قاتەلىك وتكىزبەۋگە بولادى، جاڭالىق اشقاندا عانا ءداۋىردى يگەرۋگە، داۋىرگە جەتەكشىلىك ەتۋگە بولادى. جۇڭگو ۇلگىسىندەگى وسىزامانداندىرۋ جونىندەگى ىزدەنىس − مۇراگەرلىك ەتۋ بارىسىندا دامۋ، تۋراشىلدىقتى ساقتاۋ بارىسىندا جاڭالىق جاراتۋ سىندى تاريحي بارىس. جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جاڭا جورىعىندا الدىمەن جۇڭگو ۇلگىسىندەگى وسىزامانداندىرۋدىڭ قاينار كوزىن، تامىرىن جانە رۋحىن ويداعىداي قورعاپ، جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگىندە، ماندىك تالابىندا، كەلەلى پرينسيبىندە بۇلجىماي تاباندى بولىپ، جۇڭگو ۇلگىسىندەگى وسىزامانداندىرۋدىڭ دۇرىس بەتالىسىنا كەپىلدىك ەتۋ كەرەك. سونىمەن بىرگە، جاڭالىق اشۋدى مەملەكەتتىڭ دامۋ جالپى جاعدايىنىڭ كورنەكتى ورنىنا قويىپ، ءداۋىردىڭ دامۋ تالابىنا سايكەسىپ، كەلەلى نازاريالىق جانە امالياتتىق ماسەلەلەردى شەشۋدى كوزدە ۇستاپ، وزگەرىستى بەلسەنە تانىپ، وزگەرىسكە تالپىنىپ، رەفورما جاساپ، جاڭالىق اشۋدى زور كۇشپەن ىلگەرىلەتىپ، دامۋدىڭ جاڭا قوزعاۋشى كۇشتەرىن، جاڭا باسىمدىقتارىن ۇزدىكسىز سومداپ، جاڭالىق اشۋدى تۇتاس قوعامدا سالتقا اينالدىرۋ كەرەك.
ادىلدىك ونىمدىلىك نەگىزىندە قۇرىلادى، ونىمدىلىك تە ادىلدىكتى العى شارت ەتكەندە عانا باياندى بولادى. ونىمدىلىك پەن ادىلدىكتىڭ قاتىناسىن ويداعىداي شەشىپ، بالكۇلشەنى ۇلكەن جاساۋمەن بىرگە، بالكۇلشەنى ويداعىداي بولگەندە عانا، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرۋگە بولادى. جۇڭگو ۇلگىسىندەگى وسىزامانداندىرۋدا ءارى كاپيتاليزمنەن دە جوعارى ونىمدىلىك جاراتۋ، ءارى قوعامدىق ادىلدىكتى اناعۇرلىم ءونىمدى تۇردە قورعاۋ، ونىمدىلىك پەن ادىلدىككە تەڭ ءمان بەرۋدى، ءبىرىن - ءبىرى جەبەۋدى، ءبىرىن - ءبىرى بىرلىككە كەلتىرۋدى اناعۇرلىم ويداعىداي جۇزەگە اسىرۋ كەرەك. سوتسياليستىك نەگىزگى ەكونوميكالىق تۇزىمدە تاباندى بولىپ جانە ونى كەمەلدەندىرىپ، جالپىلىق مەنشىكتەگى شارۋاشىلىقتى تيتتەي دە اۋىتقىماستان بەكەمدەپ جانە دامىتىپ، جالپىلىق مەنشىككە جاتپايتىن شارۋاشىلىقتىڭ دامۋىنا تيتتەي دە اۋىتقىماستان دەم بەرىپ، قولداۋ كورسەتىپ، جەتەكشىلىك ەتىپ، بازاردىڭ بايلىقتى ىڭعايلاۋداعى شەشۋشى رولىن تولىق ساۋلەلەندىرىپ، ۇكىمەتتىڭ رولىن اناعۇرلىم ويداعىداي ساۋلەلەندىرىپ، بۇكىل ەل بويىنشا بىرلىككە كەلگەن ءىرى بازار قۇرىپ، ماڭىزدى فاكتورلاردى بازارلاندىرۋ رەفورماسىن تەرەڭدەتىپ، جوعارى ولشەمدى بازار جۇيەسىن ورناتىپ، بازارلانعان، زاڭمەن باسقارىلاتىن، حالىقارالانعان ماڭداي الدى ساۋدا ورتاسىن قالىپتاستىرىپ، جالپى فاكتورلىق ءوندىرىس ونىمدىلىگىن كۇش سالا جوعارىلاتىپ، ۇقىق، وراي، ەرەجە ادىلدىگىن باستى مازمۇن ەتكەن قوعامدىق ادىلدىكتى قامتاماسىزداندىرۋ جۇيەسىن جەدەل ورناتىپ، حالىقتىڭ تەڭ تۇرعىدا ات سالىسۋىنا، تەڭ تۇرعىدا دامۋ ۇقىعىنا كەپىلدىك ەتىپ، جالپى حالىقتىڭ بىرگە اۋقاتتانۋىندا اناعۇرلىم كورنەكتى ماندىك ىلگەرىلەۋشىلىككە قول جەتكىزۋدى تىڭعىلىقتى ىلگەرىلەتۋ كەرەك.
وسىزاماندانعان قوعام ءارى ومىرشەڭدىك كۇشكە تولى، ءارى تاماشا تارتىپكە يە بولۋى، ومىرشەڭدىك پەن ءتارتىپتىڭ ورگانيكالى بىرلىگىن جارىققا شىعارۋى كەرەك. جۇڭگو ۇلگىسىندەگى وسىزامانداندىرۋدا ومىرشەڭ ءارى بىلىقپايتىن، ومىرشەڭ ءارى ءتارتىپتى اۋقىمدىق تەپە - تەڭدىك جۇزەگە اسۋعا ءتيىس، سولاي ىستەۋ دە كەرەك. ءار جاقتاعى ءتۇزىلىس، مەحانيزم رەفورماسىن تەرەڭدەتىپ، تۇتاس قوعامنىڭ جاسامپازدىق كومەسكى كۇشىن تولىق ىسكە قوسىپ، عالىمدار، كاسىپورىنشىلار، كوركەمونەرشىلەر قاتارلى ءار جاقتاعى دارىندىلاردى، اسىرەسە، جاس دارىندىلاردى جاڭالىق اشۋعا، جاسامپازدىق جاراتۋعا شابىتتاندىرۋ كەرەك. شىنايى دا ءونىمدى شارالار قولدانىپ، جاۋاپكەرلىك ارقالاعىسى كەلمەۋ، جاۋاپكەرلىك ارقالاۋعا باتىلدىق ەتپەۋ، جاۋاپكەرلىك ارقالاۋعا شەبەر بولماۋ سياقتى ماسەلەلەردى شەشىپ، قالىڭ پارتيالى كادرلاردىڭ ءىس تىندىرىپ، يگىلىك جاراتۋ بەلسەندىلىگىن تولىق جۇمىلدىرۋ كەرەك. ەڭبەك بايلىق جاراتاتىن، ىسكەرلىك ناتيجە جاراتاتىن، كۇرەس جاساۋ باقىت جاراتاتىن دۇرىس بەتالىستى قالىپتاستىرىپ، بۇكىل قوعامنىڭ جاسامپازدىق ومىرشەڭدىگىن تولىق قاۋلاتۋ كەرەك. دامۋ مەن حاۋىپسىزدىكتى ءبىر تۇتاس جوسپارلاپ، مەملەكەتتىڭ جالپى تۇلعالىق حاۋىپسىزدىگى كوزقاراسىن دايەكتىلەندىرىپ، مەملەكەت حاۋىپسىزدىگى جۇيەسىن اقاۋسىزداندىرىپ، مەملەكەت حاۋىپسىزدىگىن قورعاۋ قابىلەتىن كۇشەيتىپ، مەملەكەت بيلىگىنىڭ حاۋىپسىزدىگىن، ءتۇزىمنىڭ حاۋىپسىزدىگىن، يدەولوگيانىڭ حاۋىپسىزدىگىن جانە ءتۇيىندى سالالاردىڭ حاۋىپسىزدىگىن باتىل قورعاۋ كەرەك.
جۇڭگو ۇلگىسىندەگى وسىزامانداندىرۋدى ىلگەرىلەتۋدە، ءسوز جوق، دەربەس، ءوز - وزىنە قوجا بولۋدا، ءوزىن – ءوزى الۋەتتەندىرۋدە تاباندى بولۋ، مەملەكەت پەن ۇلتتىڭ دامۋىن ءوز كۇش - قۋاتىنىڭ نەگىزىنە قويۋدا، ەلىمىزدىڭ دامۋ، العا باسۋ تاعدىرىن ءوز قولىمىزدا بەرىك ۇستاۋدا تاباندى بولۋ كەرەك. جاڭا دامۋ ارناسىن جەدەل ورناتىپ، ەلىمىز ەكونوميكاسى دامۋىنىڭ نەگىزىن بەكەمدەپ، دامۋدىڭ حاۋىپسىزدىگىن، ورنىقتىلىعىن كۇشەيتىپ، ەلىمىزدىڭ ءومىر ءسۇرۋ قۋاتىن، باسەكەلىك قۋاتىن، دامۋ قۋاتىن، باياندىلىق قۋاتىن كۇشەيتۋ كەرەك. بۇكىل ەل بولىپ جۇمىلۋ سىندى جاڭاشا ءتۇزىلىستى اقاۋسىزداندىرىپ، مەملەكەتتىڭ ستراتەگيالىق عىلىم - تەحنيكالىق كۇشىن نىعايتىپ، عىلىم - تەحنيكادا ءوزىن – ءوزى الۋەتتەندىرۋ اياق الىسىن جەدەلدەتىپ، شەتەلگە يەك سۇيەۋ ماسەلەسىن شەشۋ كەرەك. جوعارى دەڭگەيدە سىرتقا ەسىك اشۋدى ۇزدىكسىز كەڭەيتىپ، دۇنيە جۇزىلىك كاسىپتەردىڭ جۇمىس ءبولىسى مەن سەلبەستىگىنە ىشكەرىلەي ات سالىسىپ، ەل ءىشى مەن حالىقارا سىندى ەكى ءتۇرلى بايلىقتان ويداعىداي پايدالانىپ، جۇڭگو ۇلگىسىندەگى وسىزامانداندىرۋدىڭ دامۋ كەڭىستىگىن كەڭەيتۋ كەرەك.
باس شۋجي شي جينپيڭ بىلاي دەپ اتاپ كورسەتتى: «جۇڭگو ۇلگىسىندەگى وسىزامانداندىرۋ − ءبىزدىڭ قايتكەندە ’ۇيقىداعى ارىستاندى‘ وياتۋعا، ۇلتتىڭ گۇلدەنۋىن جۇزەگە اسىرۋعا بولاتىنى سىندى وسى كەلەلى تاريحي تاقىرىپقا بەرگەن جاۋابىمىز، ءوز جولىمىزدى تاڭداۋىمىز، ءوز ءىسىمىزدى ىستەۋىمىز». جاڭا جورىق − داڭق پەن ارمانعا تولى ۇزاق جورىق. جاڭا نىساناعا قاراي قايراتتانا اتتانۋ ءۇشىن، ءبىز مۇراتتان اينىماۋ، جولدى وزگەرتپەۋ بەكىمىنەن تاپجىلماي، ءوزىمىز تاڭداعان دۇرىس جولدا كوكىرەك كەرە العا باسىپ، العان بەتتەن قايتپاي، شىنايى ىستەپ، جۇڭحۋا ۇلتىنىڭ ۇلى گۇلدەنۋىن تاباندىلىقپەن جاپپاي ىلگەرىلەتۋىمىز كەرەك. ءبىز وسىزاماندانۋعا ۇزدىكسىز بەت العان جۇڭگونىڭ دۇنيە جۇزىنە اناعۇرلىم كوپ وراي جاراتىپ، حالىقارالىق سەلبەستىككە اناعۇرلىم قۇدىرەتتى قوزعاۋشى كۇش قوسىپ، بۇكىل ادامزاتتىڭ العا باسۋىنا اناعۇرلىم زور ۇلەس قوساتىنىنا كامىل سەنەمىز!
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
