«جىل بويى ادام جەتىسپەيدى»! ايلىق ەڭبەكاقىسى ون مىڭ يۋاننان اسادى، بۇل سالا وتە تارتىمدى بولۋدا
2023.02.14 15:42 كەلۋ قاينارى : حالىق تورابى
كوكتەم مەرەكەسىنەن كەيىن جۇرتتىڭ جۇمىس ورنىنا قايتۋىنا بايلانىستى، جەر – جەردەگى وتباسىلىق قىزمەت وتەۋ بازارى ۇزدىكسىز قايتا جانداندى، جىجياڭ ولكەسىنىڭ حاڭجوۋ قالاسىندا جارىم كۇندىك كۇتۋشىلىك جۇمىسىن ىستەيتىندەر جانە بالا باۋلۋشى ساپالى قىزمەتشىلەر تاپشى بولۋدا.
جۋىردا، حاڭجوۋ قالاسى شياۋشان رايونىنداعى وتباسىلىق قىزمەت وتەۋمەن شۇعىلداناتىن دەلدالدىق دۇكەندەرگە وتباسىلىق جۇمىسقا الۋدى كۇتىپ وتىرعان اپايلار لىق تولدى، ولاردىڭ كوبى وتباسىندا بولىپ قارتتاردى كۇتىمدەيتىن كۇتۋشىلەر. وتباسىلىق دەلدالدىق سەرىكتەستىكتىڭ ايتۋىنشا، كوكتەم مەرەكەسىنىڭ الدىندا قارتتاردى كۇتۋشىلەر مەن كاسىپتىك كۇتۋشىلەر تاپشى بولعان، باعاسى دا وتە جوعارى بولعان، قازىر كۇتۋشىلەر بىرتىندەپ جۇمىس ورنىنا قايتىپ كەلگەن، ادام جەتكىلىكتى بولعاندىقتان، قىزمەت وتەۋ باعاسى دا قالپىنا كەلگەن. ايلىق ەڭبەكاقىسى ادەتتە 5000 يۋان اينالاسىندا. الايدا، جارىم كۇن وتباسىندا جۇمىس ىستەيتىن كۇتۋشىلەرگە سۇرانىس مولشەرى وتە كوپ بولعان، وسى تەكتەس جۇمىس ىستەيتىن كۇتۋشىلەر كۇنىنە 3 – 4 ساعات جۇمىس ىستەيدى، باستىسى بالانى مەكتەپتەن اكەلەدى، تازالىق ىستەيدى، ءبىر ۋاققى تاماقتى ىستەيدى، ايلىق ەڭبەكاقىسى 3500 يۋان اينالاسىندا بولادى.
جىجياڭ ولكەسى حاڭجوۋ قالاسى شياۋشان رايونىنداعى بەلگىلى وتباسىلىق قىزمەت وتەۋ سەرىكتەستىگىنىڭ جاۋاپتىسى ۋاڭ چياڭ: بالاسى بالالار باقشاسىنا باراتىن وتباسىلار كۇتۋشىنىڭ بالانى بالالار باقشاسىنان الىپ كەلۋىن قاجەت ەتەدى، ونان سوڭ كەشكى تاماق ىستەۋى، تازالىق ىستەۋى قاجەت، مۇنداي جۇمىسپەن شۇعىلداناتىندار تۇستەن كەيىنگى كەزەكتەگى كۇتۋشىلەر سانالادى. وسىنداي كۇتۋشىلەرگە بولعان قاجەتسىنۋ مولشەرى ءبىرشاما زور، ونىڭ ۇستىنە، ءبىرشاما تاپشى بولىپ وتىر.
تاعى ءبىر وتباسىلىق قىزمەت وتەۋ سەرىكتەستىگىنىڭ ايتۋىنشا، قازىر وتباسىلىق قىزمەت وتەۋ سالاسىندا جۇمىس ىستەيتىندەردىڭ سانى كوپ، مەرەكەدەن كەيىن وتباسىلىق قىزمەت وتەۋ بازارىندا ادام جەتەرلىك بولعان. الايدا، ءىشىنارا ادام ىستەتۋشىلەردىڭ وتباسىلىق قىزمەت وتەۋگە بولعان تالابى جوعارى، تاجىريبەسى مول كۇتۋشىلەردى اناعۇرلىم ۇناتادى، وسىنىڭ سالدارىنان كاسىپتىك وتباسىلىق قىزمەت وتەيتىن كۇتۋشىلەردى جۇمىسقا شاقىراتىندار وتە كوپ، وتە – موتە، نارەستەلەر مەن سابيلەردى كۇتىمدەيتىن بالا باۋلۋشىلارعا دەگەن سۇرانىس وتە زور.
جىجياڭ ولكەسى حاڭجوۋ قالاسى شياۋشان رايونىنداعى بەلگىلى وتباسىلىق قىزمەت وتەۋ سەرىكتەستىگىنىڭ جاۋاپتىسى لي حۇڭجىن: بالا باۋلۋشىلار ءالى دە جەتكىلىكسىز، جىل بويى ادام جەتىسپەيدى، وتە – موتە، ءوزى جاس، ءوزى تاجىريبەلىلەر از، قىزمەتتى جاقسى ىستەيتىن كۇتۋشىلەردىڭ ەڭبەكاقىسى ايىنا سەگىز مىڭ يۋاننان ون مىڭ يۋانعا دەيىن بارادى. ۇزدىك، تاجىريبەلى وتباسىلىق كۇتۋشىلەر وتە كەمشىل.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
