شينجياڭ بيىل 4 ميلليون 500 مىڭ مۋ قۇمايتتانعان جەردى جونگە سالۋدى جوسپارلادى
2023.02.14 15:49 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ساۋ حۋا 2 - ايدىڭ 12 - كۇنى ۇرىمجىدەن حابارلايدى. تاياۋدا اشىلعان اۆتونوميالى رايوننىڭ ورمان شارۋاشىلىعى جانە جايلىم قىزمەتى جونىندەگى تەلەۆيزور - تەلەفون ماجىلىسىنەن ۇعىسۋىمىزشا، شينجياڭ بيىل 4 ميلليون 500 مىڭ مۋ قۇمايتتانعان جەردى جونگە سالۋدى جوسپارعا العان، بۇل بۇكىل ەلىمىزدە جونگە سالىناتىن قۇمايتتانعان جەر اۋدانىنىڭ تورتتەن ءبىر بولىگىنەن استامىن يەلەيدى.
شينجياڭدا بيىل قۇمايتتانعان جەردى تۇيىقتاپ قورعاۋ بويىنشا 4 رايون جاڭادان قۇرىلادى، ۇزدىكسىز قۇرىلادى، تىڭنان قوسىلعان تۇيىقتاپ قورعاۋ رايونىنىڭ جەر اۋدانى 228 مىڭ 400 مۋ، بۇل بۇكىل ەلىمىزدە تىڭنان ارتتىرىلعان تۇيىقتاپ قورعالاتىن جەر اۋدانىنىڭ ％50.37ىن يەلەيدى؛ 22 مىڭ 200 مۋ جەردەگى 3 قۇمايتتانۋدان ساقتانۋ، قۇمايتتانۋدى تىزگىندەۋ جالپىلىق ۇلگى كورسەتۋ رايونىن قۇرۋ مىندەتىن ورىندايدى، بۇل بۇكىل ەلىمىز قۇرىلىس مىندەتىنىڭ ％40ىن يەلەيدى؛ قۇرىلىپ بولعان قۇمايتتانعان جەردى تۇيىقتاپ قورعاۋ رايونى، قۇمايتتانۋدان ساقتانۋ، قۇمايتتانۋدى تىزگىندەۋ جالپىلىق ۇلگى كورسەتۋ رايونى قۇرىلىسىنىڭ ونىمدىلىگىن جوعارىلاتىپ، شولەيتتەنگەن، قۇمايتتانعان جەردى بىردەي ازايتۋ جەتىستىگىن بەكەمدەيدى.
وتكەن جىلى شينجياڭ ”ءۇش تەرىستىك“ ىقتاسىن ورمانى، ەگىستىكتەن جايلىمدى قالپىنا كەلتىرۋ، تارىم ويپاتى توڭىرەگىن قۇمايتتانۋدان ساقتاۋ، قۇمايتتانۋدى تىزگىندەۋ سياقتى مەملەكەتتىڭ ءتۇيىندى ەكولوگيالىق ينجەنەرياسىنا سۇيەنىپ، شولەيتتەنۋدەن ساقتانۋ، تىزگىندەۋ قىزمەتىن ورنىقتى ىلگەرىلەتىپ، 6 ميلليون 989 مىڭ 800 مۋ قۇمايتتانعان جەردى جونگە سالىپ، جىلدىق جوسپاردى ％74.7 اسىرا ورىنداپ، جونگە سالعان جەر اۋدانى ەلىمىز بويىنشا الدىڭعى قاتاردا تۇردى. مەملەكەتتىك ورمان شارۋاشىلىعى جانە جايلىم مەكەمەسى جاريالاعان ساندى مالىمەت شينجياڭدا قۇمايتتانعان جانە شولەيتتەنگەن جەر اۋدانى ”بىردەي ازايىپ“، دارەجەسى ”بىردەي تومەندەپ“، جامىلعىمەن كومكەرىلۋ دەڭگەيى مەن كومىر ساقتاۋ قۋاتى ”بىردەي ارتىپ“، شينجياڭنىڭ ەلىمىزدەگى قۇمايتتانعان جەر اۋدانى كەڭەيگەن بىردەن - ءبىر ولكە، رايون بولۋ تاريحىن اياقتاتتى.
قازىر شينجياڭدا 46 قۇمايتتانعان جەردى تۇيىقتاپ قورعاۋ رايونى قۇرىلدى، قورعالعان جەر اۋدانى 8 ميلليون 319 مىڭ مۋعا جەتەدى. ”14 - بەسجىلدىق“ كەزىندە شينجياڭ تاۋ، سۋ، ورمان، اتىز، كول، جايلىم، ءشولدى ءبىر تۇلعالاندىرىپ قورعاۋ مەن جۇيەلى باسقارۋعا تاباندى بولىپ، سولتۇستىك قۇمنان قورعانۋ بەلدەۋى ەكولوگياسىن قورعاۋ جانە قالپىنا كەلتىرۋ كەلەلى ينجەنەرياسىن بارىنشا اتقارىپ، تارىم وزەنى اعارىن، تيانشان جانە التاي تاۋى سياقتى ءتۇيىندى وڭىرلەردىڭ ەكولوگياسىن جان - جاقتى جونگە سالۋدى ىلگەرىلەتىپ، ءشول ەكولوگياسىن قورعاۋ بويىنشا تولەم بەرۋ مەحانيزمى جونىندە ىزدەنىس جاساپ، زەرتتەۋ جۇرگىزىپ، شولەيتتەنۋدەن ساقتانۋ، تىزگىندەۋ ونىمدىلىگىن جانە تيپتەردى ۇگىتتەۋ تەبىنىن ارتتىرىپ، ەكولوگيالىق وركەنيەتتى جانە كوركەم شينجياڭ قۇرۋعا تىڭ ۇلەس قوسادى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
