ماڭىزدى اقپارات! ورتالىق كوميتەتتىڭ 2023 – جىلعى 1 – ءنومىرلى قۇجاتى جاريالاندى
2023.02.14 15:00 كەلۋ قاينارى : حالىق تورابى
ورتالىق كوميتەتتىڭ 2023 – جىلعى 1 – ءنومىرلى قۇجاتى جاريالانىپ، 2023 – جىلى اۋىل – قىستاقتى گۇلدەندىرۋدى جاپپاي ىلگەرىلەتۋدەگى ءتۇيىندى قىزمەتتەردى ويداعىداي ىستەۋ ورتاعا قويىلعان
ورتالىق كوميتەتتىڭ 21 – عاسىردىڭ باسىنان بەرگى اۋىل شارۋاشىلىعى، اۋىل – قىستاق جانە شارۋالار قىزمەتىنە جەتەكشىلىك ەتۋدەگى 20 – رەتكى 1 – ءنومىرلى قۇجاتى 2 – ايدىڭ 13 – كۇنى جاريالاندى.
بۇل قۇجاتتىڭ اتى «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ 2023 – جىلى اۋىل – قىستاقتى گۇلدەندىرۋدى جاپپاي ىلگەرىلەتۋدەگى ءتۇيىندى قىزمەتتەردى ويداعىداي ىستەۋ جونىندەگى پىكىرى» دەپ اتالادى، جالپى مازمۇنى توعىز بولىمنەن تۇرادى، مۇندا مىناداي مازمۇندار قامتىلادى: استىق جانە ماڭىزدى اۋىل شارۋاشىلىعى ونىمدەرىن ءوندىرۋدى ورنىقتىرىپ، قامداۋعا كەپىلدىك ەتۋ، اۋىل شارۋاشىلىعى نەگىزدىك قۇرىلعىلارى قۇرىلىسىن كۇشەيتۋ، اۋىل شارۋاشىلىعى سالاسىنداعى عىلىم – تەحنيكانى جانە جابدىقتارمەن قامداۋدى كۇشەيتۋ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ جانە كەڭەيتۋ، اۋىل – قىستاقتاعى ءوندىرىستىڭ جوعارى ساپالى دامۋىن ىلگەرىلەتۋ، شارۋالاردىڭ كىرىسىن ارتتىرىپ، اۋقاتتانۋ جولدارىن كەڭەيتۋ، قونىستانۋعا، شارۋاشىلىق قۇرۋعا جايلى جانە كورىكتى اۋىل – قىستاق قۇرىلىسىن تىڭعىلىقتى ىلگەرىلەتۋ، پارتيانىڭ ۇيىمدىق باسشىلىعىنىڭ اۋىل – قىستاقتى جونگە سالۋ جۇيەسىن كەمەلدەندىرۋ، ساياساتتىق جاقتان كەپىلدىك ەتۋدى جانە ءتۇزىلىس، مەحانيزم جاعىندا جاڭالىق اشۋدى كۇشەيتۋ.
قۇجاتتا مىنالار ورتاعا قويىلعان: جاپپاي سوتسياليستىك وسىزاماندانعان مەملەكەت قۇرۋداعى ەڭ جاپالى، ەڭ اۋىر مىندەت ءالى دە اۋىل – قىستاقتا. دۇنيە جۇزىندە ءجۇز جىلدا كەزدەسپەگەن زور وزگەرىستەر جەدەل تۋىلۋدا، ەلىمىزدىڭ دامۋى ستراتەگيالىق ورايلار مەن حاۋىپ – قاتەرلەر، سىناقتار بىرگە ءومىر سۇرەتىن، تۇراقسىز، مەجەلەۋ قيىن فاكتورلار كوبەيگەن مەزگىلگە قادام تاستادى، اۋىل شارۋاشىلىعى، اۋىل – قىستاق جانە شارۋالار قىزمەتى سىندى نەگىزگى ءتۇيىن توتەنشە ماڭىزدى، بۇل جاعىنان اعاتتىق جىبەرۋگە بولمايدى. پارتيا ورتالىق كوميتەتى بىلاي دەپ قارايدى: اۋىل شارۋاشىلىعى، اۋىل – قىستاق، شارۋالار قىزمەتىنە ساياتىن ماسەلەلەردى، ءسوزسىز، تاباندىلىقپەن ويداعىداي شەشۋدى بۇكىل پارتيانىڭ ماڭىزدى قىزمەتتەرىنىڭ ىشىندەگى ەڭ ماڭىزدى قىزمەت رەتىندە قاراپ، بۇكىل پارتياداعىلاردىڭ، بۇكىل قوعامنىڭ كۇشىن جۇمىلدىرا وتىرىپ، اۋىل – قىستاقتى گۇلدەندىرۋدى جالپى بەتتىك ىلگەرىلەتۋ، اۋىل شارۋاشىلىعىن، اۋىل – قىستاقتى وسىزامانداندىرۋدى جەدەلدەتۋ كەرەك.
قۇجاتتا مىنالار ورتاعا قويىلعان: استىق حاۋىپسىزدىگىنە كەپىلدىك ەتۋ، كولەمدى تۇردە قايتا كەدەيلەسۋدەن ساقتانۋ قاتارلى تومەنگى شەكتەردى قاتاڭ كۇزەتىپ، اۋىل – قىستاقتى دامىتۋ، اۋىل – قىستاق قۇرىلىسى، اۋىل – قىستاقتى جونگە سالۋ قاتارلى ءتۇيىندى قىزمەتتەردى تىڭعىلىقتى ىلگەرىلەتىپ، اۋىل شارۋاشىلىعىنداعى قۇدىرەتتى مەملەكەتتى جەدەل قۇرىپ، قونىستانۋعا، شارۋاشىلىق قۇرۋعا جايلى ءارى كورىكتى اۋىل – قىستاق قۇرۋ كەرەك.
ورتالىق كوميتەتتىڭ اۋىل – قىستاق قىزمەتىنە باسشىلىق ەتۋ گرۋپپاسى كەڭسەسىنىڭ قاتىستى جاۋاپتىسى بىلاي دەدى: پارتيا 20 – قۇرىلتايىنىڭ رۋحىن جالپى بەتتىك دايەكتى تياناقتاندىرۋ، باس شۋجي شي جينپيڭنىڭ اۋىل شارۋاشىلىعى، اۋىل – قىستاق جانە شارۋالار قىزمەتى جونىندەگى ماڭىزدى بايىمداۋلارىن ىشكەرىلەي دايەكتى تياناقتاندىرۋ، اۋىل – قىستاقتى كوركەيتۋدەگى جاۋاپكەرشىلىك ءتۇزىمىن جالپى بەتتىك تياناقتاندىرۋ، 2023 – جىلعى ءتۇيىندى قىزمەتتەردى تىڭعىلىقتى، شىنايى، ويداعىداي ىستەۋ، بەلگىلەنگەن نىسانالىق مىندەتتەردى تولىعىمەن، ويداعىداي ورىنداۋ، اۋىل – قىستاقتى گۇلدەندىرۋدى جاپپاي ىلگەرىلەتۋدە ۇزدىكسىز تىڭ ىلگەرىلەۋشىلىكتەرگە قول جەتكىزۋدى جەبەۋ، اۋىل شارۋاشىلىعىندا قۇدىرەتتى ەل قۇرۋدىڭ باستاماسىن جاقسى باستاۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
