مەملەكەتتىك حالىقارالىق دامۋ جاعىندا سەلبەستىك ورناتۋ باسقارماسى جۇڭگو جاقتىڭ تۇركيا مەن سيريانىڭ جەر سىلكىنىسىنە توتەپ بەرىپ، اپاتتان قۇتقارۋىنا شۇعىل كومەك بەرۋى جونىندەگى ەڭ جاڭا جاعدايلاردى تانىستىردى
2023.02.14 15:02 كەلۋ قاينارى : حالىق تورابى
شينحۋا اگەنتتىگىنىڭ 2 – ايدىڭ 13 – كۇنى بەيجيڭنەن بەرگەن حابارى. مەملەكەتتىك حالىقارالىق دامۋ جاعىندا سەلبەستىك ورناتۋ باسقارماسىنىڭ حابارىنا قاراعاندا، اتالعان باسقارمانىڭ وڭىرلىك 1 – مەڭگەرمەسىنىڭ ورىنباسار باستىعى جىڭ يۋاندۇڭ 2 – ايدىڭ 13 – كۇنى جۇڭگو جاقتىڭ تۇركيا مەن سيريانىڭ جەر سىلكىنىسىنە توتەپ بەرىپ، اپاتتان قۇتقارۋىنا ادامگەرشىلىك كومەك بەرۋ جاعدايى جونىندە تىلشىلەردىڭ سۇراۋىنا جاۋاپ قايتاردى.
جىڭ يۋاندۇڭ بىلاي دەپ تانىستىردى: تۇركيا مەن سيريا كۇشتى جەر سىلكىنىسى اپاتىنا ۇشىراعاننان بەرى، جۇڭگو جاق باستان – اياق ەكى ەلدىڭ جەر سىلكىنىسىنە توتەپ بەرىپ، شۇعىل قۇتقارۋ ورىستەتۋىنە بەلسەندى قولداۋ كورسەتتى ءارى كومەك بەردى. جۇڭگو ۇكىمەتى تۇركياعا كومەككە بەرگەن العاشقى توپتاعى اپاتتان قۇتقارۋ بۇيىمدارى 2 – ايدىڭ 11 – كۇنى جانە 2 – ايدىڭ 12 – كۇنى ەكى توپتا ستامبولعا جەتكىزىلدى، مۇندا تۇركيا جاق شۇعىل قاجەت ەتكەن ءاديال، ماقتالى شاتىر قاتارلى زاتتار قامتىلعان، جۇڭگو جاق جۇرەك سوعۋىن ولشەيتىن اسپاپ، ۆلترا دىبىس ارقىلى دياگنوز قويۋ اسپابى، مەديتسينالىق جوتكەۋ ماشيناسى، قولمەن مەڭگەرىلەتىن اۋرۋ توسەگى قاتارلى زاتتار وسى اپتانىڭ ىشىندە تۇگەل جەتكىزىلەدى. جۇڭگو ۇكىمەتى جىبەرگەن قۇتقارۋ – كومەكتەسۋ اترەتى مەن الەۋمەتتىك قۇتقارۋ – كومەكتەسۋ كۇشتەرى امان قالعانداردان 10 نەشە ادامدى قۇتقارعان.
جىڭ يۋاندۇڭ مىنانى ءبىلدىردى: جۇڭگو ۇكىمەتى سيرياعا ادامگەرشىلىك كومەك ماقساتىندا بەرگەن زاتتاردى جونەلتۋدى قازىر جەدەل اتقارۋدا، مۇندا 30 مىڭ دانا شۇعىل قۇتقارۋ سومكاسى، 20 مىڭ دانا ءاديال، 10 مىڭ ماقتالى كيىم، 300 ماقتالى شاتىر جانە تىنىس الۋ ماشيناسى، ناركوز ماشيناسى، وتتەگىن جاساۋ ماشيناسى قاتارلى زاتتار تەز ارادا جونەلتىلەدى. سونىمەن بىرگە، قازىر اتقارىپ وتىرعان استىق ارقىلى كومەكتەسۋ نىسانىن جەدەل تياناقتاندىرادى، مۇندا 220 توننا ءبيداي قازىر سيرياعا تاسىمالداپ اپاراتىن جولدا، قالعان 3000 توننادان استام كۇرش پەن ءبيدايدى وسى ايدا توپقا ءبولىپ تاسىمالدايدى.
ونىڭ تانىستىرۋىنشا، جۇڭگو قىزىل كرەست قوعامى سيرياعا كومەك رەتىندە جولداعان تۇڭعىش توپتاعى ەمدەۋ بۇيىمدارى داماسكىگە جەتكىزىلگەن، ادامگەرشىلىك ماقساتىندا كومەككە بەرگەن ەكىنشى توپتاعى زاتتاردى بەيجيڭنەن تاسىمالداۋ 2 – ايدىڭ 13 – كۇنى باستالعان. بۇل توپتاعى زاتتار ماقتالى شاتىر، كومەككە اتالعان وتباسىلىق سومكا، جىلۋ ساقتايتىن جەل وتپەيتىن كيىم قاتارلى تۇرمىستىق بۇيىمدار مەن اپاتقا ۇشىراعان رايونعا شۇعىل قاجەت بولعان ءدارى – دارمەك قاتارلى ەمدەۋ بۇيىمدارى بولىپ، اپاتقا ۇشىراعان بۇقارادان 10 مىڭنان استام ادامدى يگىلىككە كەنەلتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
