شينجياڭ بيىل 6000 كيلومەتر اۋىل - قىستاق تاس جولىن جاڭادان سالادى، وزگەرتىپ سالادى
2023.02.14 16:02 كەلۋ قاينارى : حالىق تورابى
انار بۇلت – شينجياڭ گازەتىنىڭ 2 – ايدىڭ 12 – كۇنى ۇرىمجىدەن بەرگەن حابارى. ءتىلشىنىڭ شينجياڭ ۇيعۇر اۆتونوميالى رايوندىق قاتىناس - تاسىمال قىزمەتى بەينە ەكران ماجىلىسىنەن ۇعىسۋىنشا، بيىل شينجياڭ اۋىل - قىستاق قاتىناس نەگىزدىك قۇرىلعىلارىن ونان ارى كەمەلدەندىرىپ، 6000 كيلومەتر اۋىل - قىستاق تاس جولىن جاڭادان سالىپ، وزگەرتىپ سالىپ، اۋىل - قىستاق تاس جولىنا 8 ميلليارد يۋان قارجى قوسادى ەكەن، 3 - دارەجەلى جانە ودان جوعارى تاس جول تۇتاسقان اۋىل - قالاشىقتان بەسەۋىن، اسفالت جول تۇتاسقان تابيعي قىستاقتان 50 دى تىڭنان كوبەيتەدى، جەرگىلىكتى جاعدايعا قاراي، يقۋاتى كەمەلدى 22 جالپىلىق تاس جول اۆتوكولىك جولاۋشىلار قاتىناس بەكەتى نىسانىن ورىندايدى.
تانىستىرۋعا قاراعاندا، بيىل شينجياڭ ۇيعۇر اۆتونوميالى رايوندىق قاتىناس - تاسىمال مەڭگەرمەسى اۋىل - قىستاق تاس جولىن باسقارۋ - جوندەۋ - قورعاۋ دەڭگەيىن جوعارىلاتىپ، شينجياڭ ۇيعۇر اۆتونوميالى رايونىنىڭ كورىكتى اۋىل - قىستاق جولى قۇرىلىسى باعدارناماسىن جانە اۋىل - قىستاق تاس جولىن جوندەۋ - قورعاۋ ولشەمىن جەدەل العا قويىپ، جول جاعدايىن اۆتوماتتى تەكسەرۋ - ولشەۋدى ىلگەرىلەتەدى، سونىمەن بىرگە، اۋىل - قىستاق تاس جولىن باسقارۋ، جوندەۋ - قورعاۋ ءتۇزىلىسى رەفورماسىن ۇزدىكسىز تەرەڭدەتىپ، اۋىل - قىستاق تاس جولىندا «تاس جول باستىعى ءتۇزىمىنىڭ» ونىمدىلىگىن باعالاۋدى جاپپاي ورىستەتەدى.
سونىمەن بىرگە، شينجياڭ ۇيعۇر اۆتونوميالى رايوندىق قاتىناس - تاسىمال مەڭگەرمەسى اۋىل - قىستاق تاس جولىنىڭ اۆتوكولىك ساتىپ الۋ سالىعىندا «قوسىمشا قاراجات ەسەبىندە سيلىق بەرۋ» ساندى مالىمەتىن تىرەك ەتۋ سياقتى ينفورماتسيالانعان جۇيەنى قولدانۋدى كۇشەيتەدى، «اۋىل - قىستاق تاس جولى قۇرىلىسىندا بازار سەنىمدىلىگى ينفورماتسياسىن باسقارۋ جۇيەسىن» پايدالانۋدى باستايدى. اۋىل - قىستاقتا جولاۋشى، زات، پوچتانىڭ ىشكەرىلەي توعىسا دامۋىن بار كۇشپەن ىلگەرىلەتەدى، ءسويتىپ، 80 قاتىناس - پوچتا سەلبەستىك قىزمەت وتەۋ ءتۇيىنىن، 150 اۋىل - قىستاق جولاۋشى كەزەكشى اۆتوبۋز ۋاكىلدىك تاسىمالداۋ جەلىسىن جاڭادان ارتتىرادى.
2022 – جىلى شينجياڭ اۋىل - قىستاق بۇقاراسىنىڭ ءجۇرىس – تۇرىسىنداعى «ەڭ سوڭعى ءبىر كيلومەتر» اناعۇرلىم ىركىلىسسىز بولدى. تۇتاس جىلدا جاڭادان وزگەرتىلىپ سالىنعان اۋىل - قىستاق تاس جولى 6442 كيلومەتر بولىپ، 8 ميلليارد 126 ميلليون يۋان قارجى قوسۋ ورىندالدى، جىلدىق مىندەت تۇگەلدەي اسىرا ورىندالىپ، اۋىل - قىستاق ءوڭىرىنىڭ جول تورابىمەن قامتىلۋى تەرەڭ ءارى ءورىسى ءتىپتى دە كەڭ بولدى. 2421 كيلومەتر اۋىل - قىستاق تاس جولىن جوندەۋ - قورعاۋ ينجەنەرياسى اتقارىلىپ، ايماق، اۋدان ەكى دارەجەلى «تاس جول باستىعى ءتۇزىمىنىڭ» قامتۋ مولشەرى تۇگەلدەي %100 كە جەتىپ، تۇتاس شينجياڭنىڭ اۋىل - قىستاق تاس جولىندا «جولدىڭ، ءسوز جوق، جوندەلۋ - قورعالۋى، جوندەۋ - قورعاۋدىڭ، ءسوز جوق، جاقسى بولۋى» نەگىزىنەن ورىندالدى. جاڭادان 27 تاس جول، اۆتوكولىك جولاۋشى قاتىناس بەكەتى سالىنىپ، اۋىل - قىستاقتا جولاۋشى، زات، پوچتا ۇزدىكسىز توعىسپالى دامىپ، اۋىل - قالاشىقتى جەدەل جولداما تۇيىنىمەن جاپپاي قامتۋ جۇزەگە اسىرىلدى، قۇرىلىمدىق قىستاقتاردا جەدەل جولداما قىزمەت وتەۋىنىڭ جەتكىزىلۋ مولشەرى %95 تەن اسىپ، تۇتاس شينجياڭدا قالا، اۋىل قاتىناس - تاسىمالى ءبىر تۇلعالانعان 4A دارەجەلىدەن جوعارى رايون، اۋدان سالىستىرماسى %88.5 كە جەتىپ، 552 كيلومەتر اۋىل - قىستاق بايلىق جولى، ساياحات جولى، كاسىپ جولى سالىندى، 22 مىڭ اۋىل - قىستاق تاس جولىن جوندەۋ - قورعاۋ ارناۋلى قىزمەت ورنى نەگىزىندە 6223 جول باسقارۋشى تىڭنان قوسىلدى، نىسان قۇرىلىسىنىڭ ارقاسىندا 29 مىڭ شينجياڭدىق ءار ۇلت بۇقاراسىنىڭ ءوزى تۇرعان جەردە، سول ماڭدا كاسىپتەنۋىنە كومەك جاسالدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
