ۋاكىل لي فىڭ −
نەگىزگى ساتىعا نازار اۋدارىپ، حالىق ءۇشىن ءۇن قاتتى (ۋاكىلدەردىڭ، مۇشەلەردىڭ مىندەت وتەۋ حيكاياسى)
«حالىق گازەتىنىڭ» ءتىلشىسى جۇي يۇنپىڭ
2023.02.14 16:18 كەلۋ قاينارى : حالىق تورابى
بيىل 1 - ايدا شاڭحاي مىسىق ايۋ ماشينا (توبى) شەكتى سەرىكتەستىگىنىڭ ساتىپ الۋ ديرەكتورى لي فىڭ تاعى دا مەملەكەتتىك حالىق قۇرىلتايىنىڭ ۋاكىلى بولىپ سايلاندى، بۇل وعان ارقالاعان جاۋاپكەرلىگىنىڭ اناعۇرلىم اۋىرلاعانىن سەزىندىردى.
«مەن نەگىزگى ساتىدان كەلگەن حالىق قۇرىلتايى ۋاكىلىمىن، نەگىزگى ساتىداعى بۇقارانىڭ توڭىرەگىندەگى ىستەرگە نازار اۋدارامىن». وتكەن 5 جىلدا لي فىڭ 10 نەشە ۇسىنىس تاپسىردى، مازمۇنى يكەمدى جۇمىستانۋشىلەردىڭ قوعامدىق قامتاماسىزداندىرۋى، قيىنشىلىق قىسپاعىندا قالعان بالالاردى قامتاماسىزداندىرۋ، كونە، شاعىن اۋماقتاردى جاڭالاۋ سياقتى حالىق تۇرمىسى تاقىرىبىنا سايادى.
«قيىنشىلىق قىسپاعىنداعى بالالاردى ويداعىداي قامتاماسىز ەتۋ ويىم رەال تۇرمىستان كەلدى. مەن ءوزىم شاڭحايعا كەلىپ جۇمىس ىستەدىم، ماڭايىمداعى كوپتەگەن دوستارىم وزدەرى شاڭحايدا جۇمىس ىستەسە دە، بالالارىن جاندارىنا اكەلە الماۋدان ۋايىمدايتىن». لي فىڭ بىلاي دەدى: ەگەر بالالار وتباسىنىڭ ەكونوميكالىق كەدەيلىگى، ءوزىنىڭ مۇگەدەك بولۋى، قامقورشىسى بولماۋ سياقتى سەبەپتەردەن ءومىر ءسۇرۋ، دامۋ جانە حاۋىپسىزدىك قيىنشىلىعىنا ءدوپ كەلسە، بالالاردىڭ ۇقىق - مۇددەسىنە ىقپال جاساپ قانا قويماي، قوعامنىڭ جاراسىمدىلىعىنا دا ىقپال جاسايدى. ىشكەرىلەي تەكسەرۋ - زەرتتەۋ جۇرگىزگەننەن كەيىن ول قيىنشىلىق قىسپاعىندا قالعان بالالاردى قامتاماسىزداندىرۋ ءتۇزىمىن ونان ارى كەمەلدەندىرىپ، قيىنشىلىق قىسپاعىندا قالعان بالالاردى بايقاۋ مەحانيزمىن ورناتۋعا ۇندەدى.
ەكى جىل بويى وسى تاقىرىپ جونىندە ۇسىنىس بەرگەننەن كەيىن لي فىڭ ورتالىقتان تارتىپ جەرگىلىكتى ورىندارعا دەيىن، قيىنشىلىق قىسپاعىندا قالعان بالالارعا بارعان سايىن كوپ نازار اۋدارىلىپ، ساياساتتىق قولداۋ كورسەتىلگەنىن بايقادى. «مەملەكەتتىك حالىق قۇرىلتايىنىڭ ۋاكىلى رەتىندە، ەڭ ماڭىزدىسى، ماسەلەنى بايقايتىن قىراعى كوز بولۋ كەرەك». لي فىڭ بىلاي دەدى: مەن نەگىزگى ساتىدا قىزمەت ىستەيمىن، بايقالعان قيىنشىلىقتار مەن ماسەلەلەردىڭ كوبى شارۋا جۇمىسكەرلەر قاتارلى قاۋىم جاپپاي جولىققان ماسەلەلەر، «نەگىزگى ساتىداعى بۇقارا مەملەكەتتىڭ كەيبىر ساياساتتارىن ونشا بىلمەۋى نەمەسە قالاي اڭىس ەتۋدى بىلمەۋى مۇمكىن، بۇل حالىق قۇرىلتايى ۋاكىلدەرىنىڭ بايقاۋىن جانە ۇندەۋ جاساۋىن قاجەت ەتەدى».
وسى ەكى جىلدا لي فىڭ نەگىزىنەن جاڭادان جۇمىستانعان قاۋىمنىڭ ۇقىق - مۇددەسىن قورعاۋعا نازار اۋداردى. «تاماق تاسۋشى، جەدەل جەتكىزۋشى، ينتەرنەتتە كەلىسىلگەن اۆتوكولىك شوفەرى قاتارلىلاردىڭ باسىم كوپ ساندىسىندا تۇراقتى نەمەسە ايقىن جالداۋ قاتىناسى جوق، جۇمىستانۋ ۋاقىت شەگى مەن جۇمىستانۋ فورماسى يكەمدى، جۇمىس ورنى مەن ادامداردىڭ جىلجىمالىلىعى زور، ءبىر ءبولىم ادامداردا قوعامدىق قامسىزداندىرۋ اقىسىن تاپسىرۋ ارناسى جوق». وسى ماسەلەگە باعىتتاي وتىرىپ، لي فىڭ جۇمىستى سىرتقا كوتەرمەگە بەرۋگە قاتىستى زاڭ - ەرەجەلەر مەن ۇقىق - مۇددەنى قامتاماسىزداندىرۋ مەحانيزمىن كەمەلدەندىرۋ سياقتى قاتىستى ۇسىنىستاردى تالاي رەت ورتاعا قويىپ، جاڭا جۇمىستانۋ فورماتسياسىنداعى ەڭبەكشىلەرگە دەم بەردى جانە ۇندەۋ جاسادى.
ءتىلشى ەستەلىگى
بۇقارانىڭ ءۇنى مەن ءۇمىتىن جەتكىزۋ
«ماسەلەنى بايقاۋدا قىراعى كوز بولۋ كەرەك»، مەملەكەتتىك حالىق قۇرىلتايىنىڭ ۋاكىلى لي فىڭنىڭ وسى ءسوزى − ونىڭ مىندەت اتقارۋدان العان اسەرى. تاماشا تۇرمىسقا دەگەن تالپىنىستىڭ اسەرىنەن تاياۋ جىلداردان بەرى ءبىر توپ شارۋا جۇمىسكەر قالاعا كىرىپ جۇمىس ىستەپ، تاماق تاسۋشى، ينتەرنەتتە ۋادەلەسكەن اۆتوموبيل شوفەرى سياقتى جاڭادان جۇمىستانعان قاۋىمعا اينالدى، قوعامدىق قامتاماسىزداندىرۋ، پەرزەنتتەرىن تاربيەلەۋ سياقتىلار − ولار ءدوپ كەلىپ وتىرعان رەال ماسەلە. نەگىزگى ساتى ۋاكىلى رەتىندە مىندەت اتقارۋ بارىسىندا لي فىڭنىڭ بۇقارانىڭ ءۇنى مەن ءۇمىتىن جەتكىزۋدەن جازباۋى حالىق قۇرىلتايى ۋاكىلىنىڭ بورىشى مەن جاۋاپكەرلىگىن ايگىلەدى.
پارتيا 20 - قۇرىلتايىنىڭ بايانداماسىندا جالپى بارىستىق حالىق دەموكراتياسىن دامىتۋ جۇڭگو ۇلگىسىندەگى وسىزامانداندىرۋدىڭ ماندىك تالابىنىڭ ماڭىزدى مازمۇنى ەتىپ بەلگىلەندى. قازىر حالىق قۇرىلتايى ۋاكىلدەرىنىڭ ءتۇرلى تاسىلدەر ارقىلى حالىقتىڭ پىكىرى مەن تالابىن تىڭداپ جانە اڭىس ەتىپ، حالىق بۇقاراسىمەن ەتەنە بايلانىستى ۇزدىكسىز كۇشەيتىپ، رولىن تولىق ساۋلەلەندىرىپ، جالپى بارىستىق حالىق دەموكراتياسىن ىلگەرىلەتىپ جاتقانىن قۋانا بايقاپ وتىرمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
