شينجياڭدا بيىل 4 ميلليون 100 مىڭ مۋ جوعارى ولشەمدى ەگىنجاي جاڭادان قۇرىلادى
2023.02.14 16:03 كەلۋ قاينارى : حالىق تورابى
انار بۇلت – شينجياڭ گازەتىنىڭ 2 – ايدىڭ 12 – كۇنى ۇرىمجىدەن بەرگەن حابارى. بيىل تۇتاس شينجياڭدا (بيڭتۋاندى قامتيدى) 4 ميلليون 100 مىڭ مۋ جوعارى ولشەمدى ەگىنجاي جاڭادان قۇرىلىپ، ەگىنجاي نەگىزدىك قۇرىلعى شارت - جاعدايى اناعۇرلىم جاقسارتىلىپ، وسى زامانعى اۋىل شارۋاشىلىعىنىڭ دامۋىنا بەرىك نەگىز قالانادى.
جۋىقتا، ورتالىق شينجياڭعا 2023 - جىلعى جوعارى ولشەمدى ەگىنجاي قۇرىلىسى مىندەتىن جۇكتەدى. مۇندا شينجياڭ (جەرگىلىكتى ورىن) 3 ميلليون 400 مىڭ مۋ، بيڭتۋان 700 مىڭ مۋ جوعارى ولشەمدى ەگىنجايدى جاڭادان قۇرادى. شينجياڭداعى اۋىل شارۋاشىلىعى، اۋىل - قىستاق تاراۋلارى جەر - جەردىڭ ەگىستىك جەر بايلىعى ارتىقشىلىعى، دامۋ نىساناسى، جوعارى ولشەمدى ەگىنجاي قۇرىلىسى نىساندار زاپاس قورى جانە باعالاۋدان ءوتۋ جاعدايى، بىلتىرعى جوعارى ولشەمدى ەگىنجاي قۇرىلىسىنا باعا بەرۋ، شابىتتاندىرۋ، باعالاۋ ناتيجەسى سياقتىلارعا نەگىزدەلە وتىرىپ، بيىلعى جوعارى ولشەمدى ەگىنجاي قۇرىلىسى مىندەتىن عىلىمي، ۇيلەسىمدى ءبولىپ، قۇرىلىس مىندەتىن سول جىلى جوسپارعا الىپ، سول جىلى اتقارىپ، سول جىلى ورىنداۋعا شىنايى كەپىلدىك ەتتى.
تانىستىرۋعا قاراعاندا، بيىل شينجياڭ استىق ءوندىرىس قۋاتىن ارتتىرۋدى ماڭداي الدى نىسانا ەتىپ، نازاردى ماڭگىلىك نەگىزگى ەگىنجايلارعا شوعىرلاندىرىپ، استىق ءوندىرىسى يقۋات رايونىندا، ماڭىزدى اۋىل شارۋاشىلىعى ونىمدەرىن ءوندىرۋ، قورعاۋ رايونىندا جانە اۆتونوميالى رايون تۇراقتاندىرعان ميلليون مۋلىق ءتورت ساپالى تۇقىم جەتىلدىرۋ بازاسىندا جوعارى ولشەمدى ەگىنجاي قۇرۋدى ماڭداي الدى ورىنعا قويادى. وزگەرتۋ، دەڭگەيىن جوعارىلاتۋ نىسانىندا، باستىسى، ماڭگىلىك نەگىزگى ەگىنجاي بەلگىلەنگەن كولەمى ىشىندەگى قۇرىلىس ولشەمى ءبىرشاما تومەن، استىق ءوندىرىس قۋاتى مەملەكەت ولشەمىنە جەتپەگەن جوعارى ولشەمدى ەگىنجايلار ءتۇيىندى تۇردە تاڭدالادى. اۋىل شارۋاشىلىعىندا سۋ، توپىراق بايلىعى قايشىلىعى كورنەكتى بولۋ جاعدايىن تياناق ەتىپ، جوعارى ءونىمدى سۋ ۇنەمدەۋ ينجەنەرياسى قۇرىلىسىن اتقارۋعا كۇش سالىپ، سۋ بايلىعىنان پايدالانۋ ونىمدىلىگىن ونان ارى جوعارىلاتادى.
«ءبىز جەر - جەردىڭ كوپ نەگىزدى ۇسىنىلىم مەحانيزمىن اقاۋسىزداندىرۋىنا، كەمەلدەندىرۋىنە، كوپ جاقتى قارجى توپتاۋىنا قۋزاۋ سالىپ، جەتەكشىلىك ەتىپ، جوعارى ولشەمدى ەگىنجاي قۇرىلىسى مىندەتىنىڭ ءساتتى ىلگەرىلەۋىنە شىنايى كەپىلدىك ەتەمىز» دەپ تانىستىردى شينجياڭ ۇيعۇر اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى ەگىنجاي قۇرىلىسىن باسقارۋ باسقارماسىنىڭ باستىعى جاڭ ميڭ - ي: بيىل ورتالىقتىڭ شينجياڭنىڭ جوعارى ولشەمدى ەگىنجاي قۇرىلىسىن قولداۋىنا بەلسەنە قول جەتكىزىپ، ورتالىق پەن اۆتونوميالى رايوننىڭ قازىنالىق قارجىسىن سۇيمەن ەتىپ، اۋىل شارۋاشىلىعىن قولدايتىن، اۋىل شارۋاشىلىعىنا ساياتىن ءتۇرلى قاتىستى قارجىنىڭ، قوعامداعى ءار سالانىڭ جوعارى ولشەمدى ەگىنجاي قۇرىلىسىنا بەلسەنە ات سالىسۋىن جەبەپ، قارجى ارناسىن ۇزدىكسىز كەڭەيتىپ، كوپ تاراۋلار قارجىسىنىڭ جوعارى ولشەمدى ەگىنجاي قۇرىلىسىنا شوعىرلى تۇردە قوسىلاتىن تاماشا مەحانيزم قالىپتاستىرۋعا كۇش سالامىز.
سوڭعى جىلدان بەرى، شينجياڭ ەگىستىك جەردى قورعاۋدىڭ ەڭ قاتاڭ ءتۇزىمىن جانە جەردى ۇنەمدەپ پايدالانۋدىڭ ەڭ قاتاڭ ءتۇزىمىن تياناقتاندىرىپ، قارجىعا قول جەتكىزۋ، كوپ ارنالى ۇسىنىلىمدى كۇشەيتۋ، تۇزىممەن قامتاماسىزداندىرۋدى نىعايتۋ، نىسان قۇرىلىسىن باسقارۋدى مىقتى يگەرۋ، تەحنيكالىق تىرەكتى كۇشەيتۋ ارقىلى جوعارى ولشەمدى ەگىنجاي قۇرىلىسىن بەلسەندى ىلگەرىلەتتى. 2022 - جىلدىڭ سوڭىنا دەيىن، تۇتاس شينجياڭدا (جەرگىلىكتى ورىن) اشىلعان جوعارى ولشەمدى ەگىنجاي اۋماعى جيىنى 36 ميلليون مۋدان اسىپ، تۇتاس شينجياڭداعى ەگىستىك جەر اۋدانىنىڭ ％40تەن استامىن يەلەدى. جوعارى ولشەمدى ەگىنجاي قۇرىلىسىن ۇزدىكسىز ىلگەرىلەتۋ ارقىلى تۇتاس شينجياڭدا ەگىنجاي نەگىزدىك قۇرىلعىلارى شارت - جاعدايى اناعۇرلىم جاقسارىپ، سۋ بايلىعىنان پايدالانۋ ونىمدىلىگى اناعۇرلىم جوعارىلاپ، اۋىل شارۋاشىلىعىنىڭ كولەمدەندىرىپ شارۋاشىلىق جۇرگىزۋى جەبەلدى. باستاپقى تۇسپال ەسەپكە قاراعاندا، جوعارى ولشەمدى ەگىنجايدى سۇيەنىش ەتكەندە رايونىمىزدىڭ استىق ءوندىرىس قۋاتىن ％20 دا− %5 جوعارىلاتۋعا، اۋىل شارۋاشىلىعىندا ۇيلەسىمدى كولەمدە تيجارات جۇرگىزۋ سالىستىرماسىن ％50 دە %30 جوعارىلاتۋعا، شارۋالاردىڭ ەگىمشىلىك بۋىنىنداعى مۋ باسىندىق ورتاشا كىرىسىن 100 دە 200 يۋانعا دەيىن جوعارىلاتۋعا بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
