تيانماۋ ەرەن بازارى شينجياڭنان تىكە ساتىپ الۋ جوسپارىن باستادى
10 ميلليون دارەجەلى 10 كاسىپ سالاسى بەلدەۋىن تۇلعالاۋعا دەم بەرەدى
2023.02.16 15:54 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى يۇي جياڭيان 2 - ايدىڭ 14 - كۇنى ۇرىمجىدەن حابارلايدى. 2 - ايدىڭ 13 - كۇنى تيانماۋ ەرەن بازارىنىڭ شينجياڭنان تىكە ساتىپ الۋ جوسپارى ۇرىمجىدە باستالدى. بۇدان كەيىن تيانماۋ ەرەن بازارى شينجياڭنىڭ ءتىپتى دە كوپ ەرەكشە ونىمدەرىن قاينارىنان تىكە ساتىپ الىپ، تيانشان ۇنى، جاقۇت كۇرىش، شىرعاناق شىرىنى سياقتى 10 ميلليون دارەجەلى 10 كاسىپ سالاسى بەلدەۋىن تۇلعالايدى.
باستالۋ سالتىندا، تيانماۋ ەرەن بازارىنىڭ شينجياڭ سارايى رەسمي ينتەرنەت جەلىسىنە قوسىلدى. تۇتىنۋشىلار تيانماۋ ەرەن بازارىن اشىپ ”شينجياڭ“ دەپ ىزدەسە بولعانى توتە كىرىپ، شينجياڭنىڭ ەرەكشە ونىمدەرىن ءبىر جولدا ساتىپ الا الادى. الداعى ءبىر جىلدا تيانماۋ ەرەن بازارى شينجياڭنىڭ 150 ەرەكشە ءونىم ماركاسىن ەنگىزىپ، سايكەس مەزگىلدەگىدەن ەسەلەپ ارتۋدى جوسپارلاپ وتىر.
وزگەشە جاعراپيالىق ورنى مەن كليمات شارت - جاعدايى شينجياڭ ەرەكشە ونىمدەرىنىڭ وزگەشە قاسيەتىن قالىپتاستىرعان. كۇرىشتى مىسالعا الساق، وڭتۇستىك شينجياڭنىڭ ارال قالاسىنان وندىرىلگەن جاقۇت كۇرىشىنىڭ ءدامى مەن قورەكتىك قۇنى ۋچاڭ كۇرىشىنەن قالىسپايدى، بورتتىرىلگەننەن كەيىن ءتۇيىر - ءتۇيىر ءارى جۇمساق جابىسقاپ بولىپ پىسىپ، شايناعان سايىن ءدامى ءتىل ۇيىرەدى. الەۋمەتتىك قارىم - قاتىناس تۇعىرلارىندا كوپتەگەن توراپتاستار ”جەپ كورگەن ەڭ ءدامدى كۇرىشىمىز“ دەپ القايدى.
”وسى رەتكى تىكە ساتىپ الۋ جوسپارىندا جۇرت ابدەن بىلەتىن شىرعاناق شىرىنى، ءجۇنزاۋ شىلانى سياقتىلاردى ساتىپ الۋدان سىرت، تاعى جاقۇت كۇرىش سياقتى ادامدار قانىق بىلە بەرمەيتىن ونىمدەردى اشىپ، كوپتەگەن شينجياڭ ەرەكشە ونىمدەرىنىڭ سىرتقا شىعۋىنا كومەكتەسەمىز“، - دەدى تيانماۋ ەرەن بازارىنىڭ شينجياڭ نىسانىنىڭ جاۋاپتىسى.
تيانشان ۇنى تيانماۋ ەرەن بازارىمەن بۇرىننان سەلبەستىك جاساپ كەلە جاتقان شينجياڭنىڭ ەرەكشە ونىمدەرى ماركاسىنىڭ ءبىرى. بيىل وسى ماركا تيانماۋ ەرەن بازارىمەن جالعاستى ىشكەرىلەي سەلبەستىك جاساپ، تىكە تاراتىپ قاينارىن كورسەتىپ، جاڭا ونىمدەردى جەتىلدىرىپ، 10 ميلليون دارەجەلى كاسىپ سالاسىن تۇلعالايدى.
”كۇرىش، ۇن سياقتى وسى تۇردەگى سالماعى اۋىر، پايداسى ءبىرشاما تومەن ونىمدەر، زات اينالىمى، قامبادا ساقتاۋ وزىندىك قۇنى ساتۋشىلار ءۇشىن ۇلكەن ماسەلە. تيانماۋ ەرەن بازارىمەن سەلبەستىك جاساۋدى تاڭداۋداعى سەبەبىمىز ونىڭ قامداۋ تىزبەگىنىڭ قۋاتىن ۇناتىپ وتىرمىز“. باستالۋ سالتىندا شينجياڭ تيانشان ۇنى (توبى) شەكتى جاۋاپكەرشىلىك سەرىكتەستىگىنىڭ ەلەكتروندى ساۋداعا جاۋاپتىسى نيە چياۋ بىلاي دەدى: تيانماۋ ەرەن بازارى زاتتاردى بۇكىل ەلدىڭ جەر - جەرىنە نەگىزىنەن كەلەسى كۇنى جەتكىزۋدى جۇزەگە اسىرىپ وتىر. بىلتىر تيانشان ۇنىنىڭ تيانماۋ ەرەن بازارىندا ساتىلعان سوماسى سايكەس مەزگىلدەگىدەن ％300 ارتتى.
ۇعىسۋعا قاراعاندا، تيانماۋ ەرەن بازارى ساينياۋ توبىمەن بىرگە شينجياڭ قامبا تورى قۇرىلىسىن ۇزدىكسىز ىلگەرىلەتپەكشى ەكەن. بيىل 8 - ايدا 400 ميلليون يۋان قارجى قوسىپ سالىنعان شينجياڭ ءوڭىرى ورتالىق قامباسى پايدالانۋعا بەرىلەدى، نىسان ىسكە قوسىلعان سوڭ، شينجياڭنىڭ ءتىپتى دە كوپ تاماشا ونىمدەرىنىڭ بۇكىل ەلدە ساتىلۋىنا دەم بەرەدى ەكەن.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
