اۋىل – قىستاقتارداعى اراق ءىشىپ اۆتوموبيل جۇرگىزۋدى جونگە سالۋدا «ەسكەرۋسىز ءوڭىر» قالدىرماۋ كەرەك
ۋ شۋە – ان
2023.02.15 15:10 كەلۋ قاينارى : حالىق تورابى
دەمالىس كەزىندە تۋىس – تۋعاندارىم مەن دوس – جاراندارىمنان ەستۋىمشە، قازىر كەيبىر اۋىل – قىستاقتاردا اراق ءىشىپ اۆتوموبيل جۇرگىزۋ جاعدايى ۇنەمى تۋىلىپ، تاس جولداعى قاتىناس ىستەرىنە بەلگىلى دەڭگەيدە حاۋىپ توندىرەدى ەكەن. ماس بولىپ اۆتوموبيل جۇرگىزۋ قىلمىستىق ىستەر قاتارىنا ەنگىزىلگەن سوڭ، ءبىرقىدىرۋ قاتاڭ جونگە سالۋ ارەكەتتەرى ورىستەتىلىپ، اراق ىشكەن سوڭ اۆتوموبيل جۇرگىزۋ جاعدايى زور مولشەردە ازايعان، الايدا، ءىشىنارا اۋىل – قىستاقتاردا ءالى دە جونگە سالۋ جاعىندا ولقىلىقتار مەن «ەسكەرۋسىز وڭىرلەر» ساقتالىپ وتىر، اراق ءىشىپ اۆتوموبيل جۇرگىزۋ، ماس بولىپ اۆتوموبيل جۇرگىزۋ سىندى قاتىناس زاڭىنا قايشى ارەكەتتەر ءالى دە از ەمەس، وسىدان بارىنشا ساقتانعان ءجون.
وبيەكتيۆ جاقتان الىپ ايتقاندا، شارۋالاردىڭ تۇرمىس ورەسىنىڭ جوعارىلاۋىنا بايلانىستى، اۋىل – قىستاقتاردا موتورلى كولىكتەردىڭ سانى كۇن سايىن كوبەيدى، الايدا، اۋىل – قىستاقتا جەر كەڭ، ادام از، تاس جولداعى اۆتوموبيلدەر بىتىراڭعى بولعاندىقتان، قاتىناس حاۋىپسىزدىگىن باسقارۋعا جانە زاڭ اتقارۋعا قيىندىق تۋدىرادى. شارت – جاعدايى شەكتى ءىشىنارا جەرلەر سانى از ساقشى كۇشىن كەڭ – بايتاق اۋىل – قىستاقتارداعى اراق ءىشىپ اۆتوموبيل جۇرگىزگەندەرگە تور جايىپ تەكسەرۋ جۇرگىزۋگە ۇيىمداستىرسا، انىقتاپ ءبىر جاقتى ەتۋ ونىمدىلىگى ۇنەمى تومەن بولادى، ال، كۇزەت قويۋ ارقىلى تەكسەرۋ جۇرگىزگەنمەن، اۋىل – قىستاقتاعى تاس جول تورىنىڭ ءوزارا توعىساتىنى، اشىق بولاتىنى سىندى جاعراپيالىق ەرەكشەلىكتەردىڭ ىقپالىنا ۇشىرايتىندىقتان، بۇل شارانىڭ ونىمدىلىگى دە شەكتى. وسىنىڭ سالدارىنان ءىشىنارا شارۋالار اراق ءىشىپ اۆتوموبيل جۇرگىزگەندە سالىمىن سىناۋ ويىندا بولادى، وسىلايشا اۋىل – قىستاقتارداعى قاتىناستى باسقارۋعا حاۋىپتى فاكتورلار تۋىندايدى.
اۋىل – قىستاقتارداعى اراق ءىشىپ اۆتوموبيل جۇرگىزۋدى جونگە سالۋعا ساياتىن ءتۇرلى قيىنشىلىقتارعا باعىتتاي وتىرىپ، قاتىستى تاراۋلار اناعۇرلىم ءمان بەرۋى، ونان ارى قاتاڭ جونگە سالۋى، اۋىل – قىستاقتاعى اراق ءىشىپ اۆتوموبيل جۇرگىزۋدى باسقارۋداعى «ەسكەرۋسىز ءوڭىردى» تەزىرەك الاستاۋى كەرەك. زاڭ اتقارۋ جاعىنداعى قيىن ماسەلەلەرگە باعىتتاي وتىرىپ، قاتىناس ساقشى تاراۋلارى ادام كۇشىن ۇيلەسىمدى جوتكەۋى قاجەت، وتە – موتە، مەرەكە، دەمالىس كۇندەرى قاتارلى ەرەكشە كۇندەرگە باعىتتاي وتىرىپ، اۋىل – قىستاقتارعا ساقشى كۇشىن كوبىرەك جىبەرگەنى ءجون، ال، ۇدايىلانعان زاڭ اتقارۋ مەحانيزمىن قالىپتاستىرۋ جاعىندا، باقىلاۋ كامەراسىن ورناتۋ، كورگەندەردى اشكەرەلەۋگە شابىتتاندىرۋ قاتارلى تاسىلدەردى قولدانۋ ارقىلى اۋىل – قىستاقتارداعى اۆتوموبيل جۇرگىزۋ حاۋىپسىزدىگىن قورعاۋ تورىن جان – جاقتى شارالارمەن بەكەمدەۋ كەرەك. سونىمەن بىرگە، اۋىل – قىستاقتاعى بۇقاراعا باعىتتاي وتىرىپ، اۆتوموبيلدى حاۋىپسىز جۇرگىزۋگە ساياتىن زاڭدى جالپىلاستىرۋ جاعىنداعى ۇگىت تەبىنىن ارتتىرىپ، قىستاق تۇرعىندارىن اراق ءىشىپ اۆتوموبيل جۇرگىزۋدىڭ زالالى مەن زاڭعا قايشى ەكەنىن تانىپ جەتۋگە جەتەلەۋ ءارى تيپتىك دەلولاردى ۇگىتتەپ، ءتالىم – تاربيەلىك رولىن، ساقتاندىرۋ رولىن ساۋلەلەندىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
