اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىندا قۋاتتى ەل قۇرۋدى جەدەلدەتۋ كەرەك
− ورتالىق اۋىل - قىستاق قىزمەتى باسشىلىق گرۋپپاسى كەڭسەسىنىڭ مەڭگەرۋشىسى، اۋىل شارۋاشىلىعى، اۋىل - قىستاق مينيسترلىگىنىڭ مينيسترى تاڭ رىنجيان 2023 - جىلعى ورتالىقتىڭ 1 - ءنومىرلى حۇجاتىنا تۇسىنىك جاسادى
□ شينحۋا اگەنتتىگىنىڭ تىلشىلەرى يۇي ۋىنجيڭ، يان فۋجيڭ، حان جيا - نو
2023.02.15 15:01 كەلۋ قاينارى : شينجياڭ گازەتى
شينحۋا اگەنتتىگى 2 - ايدىڭ 13 - كۇنى «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ 2023 - جىلعى اۋىل - قىستاقتى گۇلدەندىرۋدى جاپپاي ىلگەرىلەتۋدىڭ ءتۇيىندى قىزمەتتەرىن ويداعىداي ىستەۋ جونىندەگى پىكىرىن» وكىلەتتىلىكپەن جاريالادى. بۇل جاڭا عاسىردان بەرى اۋىل شارۋاشىلىعى، اۋىل - قىستاق، شارۋالار قىزمەتىنە جەتەكشىلىك ەتۋدەگى 20 - رەتكى ورتالىقتىڭ 1 - ءنومىرلى حۇجاتى. ورتالىق اۋىل - قىستاق قىزمەتى باسشىلىق گرۋپپاسى كەڭسەسىنىڭ مەڭگەرۋشىسى، اۋىل شارۋاشىلىعى، اۋىل - قىستاق مينيسترلىگىنىڭ مينيسترى تاڭ رىنجيان وسى كۇنى حۇجاتتىڭ رۋحى جونىندە جالپى بەتتىك تۇسىنىك جاسادى.
اۋىل شارۋاشىلىعىندا قۋاتتى ەل قۇرۋ نىساناسىن مىقتى كوزدەۋ كەرەك
مەملەكەتتى قۇدىرەتتەندىرۋدە، الدىمەن، ءسوز جوق، اۋىل شارۋاشىلىعىن كۇشەيتۋ كەرەك، اۋىل شارۋاشىلىعى كۇشەيسە عانا، مەملەكەت قۇدىرەتتەنەدى. ورتالىقتىڭ 1 - ءنومىرلى حۇجاتى كەزەكتەگى جاعدايدى تياناق ەتىپ، اۋىل - قىستاقتى گۇلدەندىرۋدى جاپپاي ىلگەرىلەتۋدىڭ ءتۇيىندى قىزمەتتەرىن ورنالاستىردى ءارى ۇزاق بولاشاقتى كوزدە ۇستاي وتىرىپ، اۋىل شارۋاشىلىعىندا قۋاتتى ەل قۇرۋدى جەدەلدەتۋدىڭ جالپى تۇلعالىق تالابى مەن ناقتى ورنالاستىرۋىن العا قويدى.
”ءبىز اۋىل شارۋاشىلىعىندا قۋاتتى ەل بولۋدىڭ تاريحي باعىتىن، ستراتەگيالىق ورنىن تۇراقتاندىرۋىن، جەتەكشىلىك ورنىن جەتە تانىپ، نەگىزگى قامال الۋ باعىتى مەن ستراتەگيالىق ماڭىزدى ءتۇيىنىن ايقىنداپ، ساياساتپەن جانە ماڭىزدى فاكتورلارمەن قامداۋدى ۇزدىكسىز كۇشەيتىپ، عىلىم - تەحنيكا مەن تۇزىمدە جاڭالىق اشۋدى كۇش سالا ىلگەرىلەتىپ، قايراتتانا ىسكە كىرىسىپ، اۋىل شارۋاشىلىعىندا قۋاتتى ەل قۇرۋدا جاقسى باستاما اشۋدى، جاقسى قادام تاستاۋدى ىلگەرىلەتۋىمىز كەرەك“، - دەدى تاڭ رىنجيان.
ول مىنالاردى ءبىلدىردى: جاپپاي سوتسياليستىك وسىزاماندانعان مەملەكەت قۇرۋداعى ەڭ جاپالى، ەڭ اۋىر مىندەت ءالى دە اۋىل - قىستاقتا. حالىقتىڭ تاماشا تۇرمىس قاجەتىن قاناعاتتاندىرۋ، جوعارى ساپالى دامۋدى جۇزەگە اسىرۋ، مەملەكەتتىڭ حاۋىپسىزدىك نەگىزىن بەكەمدەۋ تۇگەلدەي اۋىل شارۋاشىلىعىنىڭ دامۋىنان قول ۇزە المايدى. دۇنيە جۇزىندەگى قۋاتتى ەلدەردىڭ دامۋ تاريحىنا كوز جىبەرسەك، ءبىر مەملەكەت شىنايى قۇدىرەتتەنۋ ءۇشىن، ءسوز جوق، قۋاتتى اۋىل شارۋاشىلىعى تىرەگى بولۋ كەرەك، استىق جانە ماڭىزدى اۋىل شارۋاشىلىق ونىمدەرىمەن قامداۋ، شەشۋشى، وزەكتى تەحنيكا جانە كاسىپ سالاسى تىزبەگى، قامداۋ تىزبەگى سياقتى جاقتاردا باسقالاردىڭ شەكتەمەسىنە ۇشىراماۋ كەرەك. اۋىل شارۋاشىلىعىندا قۋاتتى ەل قۇرۋ − ءارى وسىزاماندانعان قۇدىرەتتى ەل قۇرۋدىڭ تيەسەلى ءمانى، ءارى وسىزاماندانعان قۇدىرەتتى ەل قۇرۋدىڭ ماڭىزدى تىرەگى.
”مەملەكەت جاعدايىن، اۋىل شارۋاشىلىعىنىڭ جاعدايىن تياناق ەتۋ“، ”جۇڭگوشا ەرەكشەلىكتى بەينەلەۋ“... ورتالىقتىڭ 1 - ءنومىرلى حۇجاتىنداعى قاتىستى ورنالاستىرۋلاردى قالاي ءتۇسىنۋ كەرەك؟
تاڭ رىنجيان بىلاي دەدى: دۇنيە ءجۇزى ورتاق مويىندايتىن اۋىل شارۋاشىلىعىندا قۋاتتى ەلدەردىڭ ءوز ورتاق ەرەكشەلىكتەرى بار. ءبىز اۋىل شارۋاشىلىعىن وسىزامانداندىرۋدىڭ ادەتتەگى زاڭدىلىعىنا بويسۇنۋمەن بىرگە، قامداۋ - قامتاماسىز ەتۋى قۋاتتى، عىلىم - تەحنيكالىق جابدىقتالۋى قۋاتتى، جۇمىس جۇرگىزۋ جۇيەسى قۋاتتى، كاسىپ سالاسى سەرپىمدىلىگى كۇشتى، باسەكەلىك قابىلەتى كۇشتى اۋىل شارۋاشىلىعىندا قۋاتتى ەل قۇرۋدى جەدەلدەتۋىمىز، ءتىپتى دە ماڭىزدىسى، ەلىمىزدە ادام كوپ، جەر از بولۋ سىندى بايلىق ەرەكشەلىگىن، ەگىنشىلىك وركەنيەتىنىڭ تاريحي نەگىزىن، ادام مەن تابيعات جاراسىمدى قاتار ءومىر ءسۇرۋ سىندى ءداۋىر تالابىن تولىق ويلاستىرىپ، ءوز كۇشىمىزگە سۇيەنىپ، اس كەسەمىزدى مىقتى ۇستاپ، قوس قاباتتى شارۋاشىلىق تۇزىلىسىنە سۇيەنىپ اۋىل شارۋاشىلىعىن دامىتىپ، ەكولوگيالىق، تومەن كومىر قىشقىل گازدى اۋىل شارۋاشىلىعىن دامىتىپ، ەگىنشىلىك وركەنيەتىن جالعاستىرىپ، بىرگە بايۋدى تىڭعىلىقتى ىلگەرىلەتىپ، اۋىل شارۋاشىلىعىن وسىزامانداندىرۋدىڭ جۇڭگوشا جولىمەن ءجۇرۋىمىز كەرەك.
اۋىل شارۋاشىلىعىندا قۋاتتى ەل قۇرۋدى جەدەلدەتۋ − ۇزاق ۋاقىتتىق مىندەت. تاڭ رىنجيان بىلاي دەدى: كەزەكتە ماڭىزدى ءتۇيىندى اۋىل - قىستاقتى گۇلدەندىرۋدى جاپپاي ىلگەرىلەتۋگە قويىپ، ادام كۇشى ۇسىنىلىمىن، زات كۇشىنىڭ ورنالاستىرىلۋىن، قازىنا كۇشىمەن قامتاماسىز ەتۋدى شوعىرلاندىرىپ، اۋىل - قىستاق كاسىپ سالاسى، دارىندى، مادەنيەت، ەكولوگيا، ۇيىم سىندى ”بەستى گۇلدەندىرۋدى“ تىڭعىلىقتى ىلگەرىلەتۋ كەرەك. اۋىل شارۋاشىلىعىندا قۋاتتى ەل قۇرۋدى جەدەلدەتۋ جوباسىن جەدەل زەرتتەپ، جاساپ، بولاشاقتاعى 5 جىلداعى، 2035 - جىلعى، وسى عاسىردىڭ ورتا شەنىندەگى نىسانالاردى، مىندەتتەردى ەگجەي - تەگجەيلى العا قويىپ، باعدار كارتاسىن، جۇمىس جۇرگىزۋ كارتاسىن تۇراقتاندىرۋ كەرەك.
ءوندىرىستى ورنىقتىرىپ، قامداۋدى قامتاماسىز ەتۋ سىندى ماڭداي الدى ءىرى ءىستى ويداعىداي يگەرۋ كەرەك
استىق جانە ماڭىزدى اۋىل شارۋاشىلىق ونىمدەرىمەن ورنىقتى، حاۋىپسىز قامداۋدى قامتاماسىز ەتۋ − اۋىل شارۋاشىلىعىندا قۋاتتى ەل قۇرۋداعى ماڭداي الدى ءىرى ءىس.
ەلىمىزدىڭ استىق ءونىم مولشەرى ءۇرتىس 8 جىل ءبىر تريلليون 300 ميلليارد جىڭنان استام دەڭگەيگە ورنىقتى، اسىرەسە، بىلتىر ىندەت، اپات جاعدايى، حالىقارادا استىق باعاسىنىڭ قاۋىرت تولقۋى جانە اۋىل شارۋاشىلىق ماتەريالدارىنىڭ باعاسى قىمبات بولۋ سياقتى كوپ ءتۇرلى ءتيىمسىز فاكتورلاردى جەڭىپ، مول ءونىم الىپ، ءونىمدى ارتتىرۋدى جۇزەگە اسىرىپ، ەكونوميكالىق جالپى جاعدايدى ورنىقتىرۋعا پارمەندى تىرەك ازىرلەدى. كەزەكتە جانە الداعى ءبىر مەزگىلدە، ءونىمدى ورنىقتىرۋ، قامداۋدى قامتاماسىز ەتۋ جاعدايى كۇردەلى دە قاتاڭ بولىپ، قىسىم بارعان سايىن كۇشەيەدى.
تاڭ رىنجيان مىنالاردى ءبىلدىردى: ورتالىقتىڭ 1 - ءنومىرلى حۇجاتى استىق جانە ماڭىزدى اۋىل شارۋاشىلىق ونىمدەرىن ورنىقتى ءوندىرۋدى، قامداۋدى قامتاماسىز ەتۋدى ويداعىداي يگەرۋ جونىندە جالپى بەتتىك ورنالاستىرۋ جاسادى، بۇل، باستىسى، 3 جاقتى قامتيدى:
− استىق ءوندىرىسى بار كۇشپەن ويداعىداي يگەرىلەدى. بۇكىل ەلدىڭ استىق ءونىم مولشەرىنىڭ ءبىر تريلليون 300 ميلليارد جىڭنان جوعارى بولۋ نىساناسىن ساقتاۋعا شىنايى كەپىلدىك ەتۋدى تىعىز ارقاۋ ەتە وتىرىپ، مۇمكىندىكتىڭ بارىنشا جەر اۋدانىن ورنىقتىرۋعا، بىرلىك ونىمنەن قامال الۋعا، ءونىمدى كوبىرەك ارتتىرۋعا قۇلشىنۋ كەرەك. توننالىق استىق اتىزىن قۇرۋدى ورىستەتىپ، سويا بۇرشاقتىڭ، جۇگەرىنىڭ بىرلىك ءونىمىن ارتتىرۋ ينجەنەرياسىن اتقارىپ، استىقتىڭ بىرلىك ءونىمىن قۇلشىنا جوعارىلاتۋ؛ سويا بۇرشاق مايى ماتەريالىن كۇش سالا كەڭەيتىپ ەگىپ، سويا بۇرشاقتى، جۇگەرىنى بەلدەۋلەپ ارالاستىرا ەگۋدى تىڭعىلىقتى ىلگەرىلەتىپ، شىعىس سولتۇستىك، حۋاڭحى وزەنى، حۋايحى وزەنى، حايحى وزەنى وڭىرىندە استىق پەن بۇرشاقتى كەزەك ەگۋدى قولداپ، سورتاڭ جەرلەرگە سويا بۇرشاق ەگۋدى ورنىقتى قاداممەن اشىپ پايدالانۋ، كۇرىش پەن قىشىنى كەزەك ەگۋدى ورىستەتۋ؛ استىق پەن ماڭىزدى اۋىل شارۋاشىلىق ونىمدەرىن رەتتەۋدى - مەڭگەرۋدى ءبىر تۇتاس جوسپارلاپ ويداعىداي ىستەپ، ءتىرى شوشقا سياقتى ”كوجە قاتىق“ ونىمدەرىمەن قامداۋدى ورنىقتىرۋ كەرەك.
− اۋىل شارۋاشىلىعىنىڭ جالپىلىق ءوندىرىس قۋاتى وسىرىلەدى. جاڭا كەزەكتى 100 ميلليارد جىڭدىق استىق ءوندىرىس قۋاتىن ءوسىرۋ ارەكەتىن جەدەل باستاپ اتقارىپ، استىق ءوندىرىس قۋاتىنىڭ تەزىرەك تىڭ ساتىعا كوتەرىلۋىن قۇلشىنا ىلگەرىلەتۋ. ماكرو ازىق كوزقاراسىن ورناتىپ، سالالارعا ءبولىپ اتقارۋ جوباسىن جاساپ، استىق، ەكونوميكالىق داقىلدار، جەم - ءشوپ ءبىر تۇتاس جوسپارلاناتىن، ەگىن، ورمان، مال، بالىق شارۋاشىلىعى ۇشتاستىرىلعان، وسىمدىك، حايۋانات، ميكرو ورگانيزمدەرگە تەڭ ءمان بەرىلەتىن كوپ نەگىزدى ازىقپەن قامداۋ جۇيەسىن جەدەل قۇرۋ. قۇرىلعىلى اۋىل شارۋاشىلىعىن وسىزامانداندىرۋدىڭ دارەجەسىن جوعارىلاتۋ ارەكەتىن اتقارۋ كەرەك.
− استىق حاۋىپسىزدىگى نەگىزى جان - جاقتى بەكەمدەلەدى. استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋدىڭ ماتەريالدىق نەگىزىن كۇشەيتىپ، ەگىستىك جەردى ءتۇيىن ەتە وتىرىپ اۋىل شارۋاشىلىعى نەگىزدىك قۇرىلعىلار قۇرىلىسىن ءتۇيىندى تۇردە كۇشەيتىپ، ماڭگىلىك نەگىزگى ەگىس اتىزدارىنىڭ ءبارىن جوعارى ولشەمدى ەگىس اتىزىنا بىرتىندەپ وزگەرتۋدىڭ اتقارۋ جوباسىن جاساپ، عىلىم - تەحنيكالىق جابدىقتاردى تىرەك ەتۋدى كۇشەيتىپ، ەگىمشىلىكتى گۇلدەندىرۋ ارەكەتىن ىشكەرىلەي اتقارىپ، ءتۇيىندى سالالارداعى اۋىل شارۋاشىلىعىنىڭ شەشۋشى، وزەكتى تەحنيكالارىنان قامال الۋدا تىڭ سەرپىلىسكە قول جەتكىزۋدى ىلگەرىلەتۋ كەرەك.
شارۋالار استىق ەگۋدەن اقشا تاۋىپ، پايدا تۇسىرەتىن، جەرگىلىكتى ورىن استىقتى يگەرىپ، جاۋاپكەرشىلىك ارقالاپ، بورىشىن ادا ەتەتىن مەحانيزم قامتاماسىزدىعىن اقاۋسىزداندىرۋ؛ ءبيدايدىڭ ەڭ تومەنگى ساتىپ الۋ باعاسىن ۇزدىكسىز جوعارىلاتىپ، كۇرىشتىڭ ەڭ تومەنگى ساتىپ الۋ باعاسىن ۇيلەسىمدى تۇراقتاندىرىپ، كۇرىش قوسىمشا قاراجاتىن ورنىقتىرىپ، جۇگەرى، سويا بۇرشاق وندىرۋشىلەرگە بەرىلەتىن قوسىمشا قاراجاتتى كەمەلدەندىرۋ، اۋىل شارۋاشىلىق ماتەريالدارىمەن قامداۋدى قامتاماسىز ەتۋ، باعانى ورنىقتىرۋعا توتەپ بەرۋ مەحانيزمىن كەمەلدەندىرىپ، كۇرىشتىڭ، ءبيدايدىڭ، جۇگەرىنىڭ تولىق وزىندىك قۇنىن قامسىزداندىرۋ مەن ەگىمشىلىك كىرىسىن قامسىزداندىرۋىن اتقارۋ كولەمىن بىرتىندەپ كەڭەيتىپ، سويا بۇرشاقتىڭ تولىق وزىندىك قۇنىن قامسىزداندىرۋ مەن ەگىمشىلىك كىرىسىن قامسىزداندىرۋ سىناق ءتۇيىنىن ويداعىداي اتقارۋ كەرەك. نەگىزگى ءوندىرىس رايونىنىڭ مۇددەسىنە تولەم بەرۋ مەحانيزمىن اقاۋسىزداندىرىپ، استىقتى مول وندىرەتىن اۋدانداردى سيلاۋ قارجىسىنىڭ كولەمىن كەڭەيتىپ، ولكە دارەجەلى پارتكوم مەن ۇكىمەتتىڭ ەگىستىك جەردى قورعاۋ جانە استىق حاۋىپسىزدىگى جاۋاپكەرشىلىك ءتۇزىمىن باعالاۋدى قاتاڭداستىرۋ كەرەك.
كولەمدى قايتا كەدەيلەسۋدەن ساقتانۋ تومەنگى شەگىن ساقتاۋ، بەكەمدەۋ كەرەك
ورتالىقتىڭ 1 - ءنومىرلى حۇجاتى كولەمدى قايتا كەدەيلەسۋدەن ساقتانۋدى اۋىل - قىستاقتى گۇلدەندىرۋدى جاپپاي ىلگەرىلەتۋدىڭ تومەنگى شەكتەگى مىندەتى ەتە وتىرىپ ناقتى ورنالاستىرۋ جاسادى.
تاڭ رىنجيان مىنالاردى ءبىلدىردى: كەدەيلىكتەن ارىلتۋدان قامال الۋ جەتىستىگىن بەكەمدەۋ، كەڭەيتۋ جاۋاپكەرشىلىگىن، ءسوز جوق، ۇزدىكسىز قاتايتىپ، ناقتىلاندىرىپ، تۇتاس قىستاق بويىنشا، تۇتاس اۋىل بويىنشا قايتا كەدەيلەسۋ جايتىنىڭ تۋىلۋىنان باتىل ساقتانىپ، كەدەيلىكتەن ارىلعان وڭىرلەر مەن كەدەيلىكتەن ارىلعان بۇقارانىڭ دامۋ اياق الىسىن جەدەلدەتىپ، كىرىس پارقىن، دامۋ پارقىن ۇزدىكسىز ازايتىپ، كەدەيلىكتەن ارىلعان بۇقارانىڭ تۇرمىسىن بارعان سايىن جاقسارتۋ كەرەك. تومەنگى شەكتى ساقتاۋ، دامۋدى جەبەۋ سىندى ەكى جاقتان ورنالاستىرۋ مەن تياناقتاندىرۋدى ءتۇيىندى تۇردە كۇشەيتۋ كەرەك.
− كولەمدى قايتا كەدەيلەسۋ تۋىلماۋ تومەنگى شەگى باتىل ساقتالادى. قايتا كەدەيلەسۋدەن ساقتانۋدى يكەمدى قاداعالاۋ - تەكسەرۋدى كۇشەيتىپ، ساقتاندىرۋ بويىنشا ءۇن قوسۋ رولىن ويداعىداي ساۋلەلەندىرىپ، ەرتە بايقاۋدى، ەرتە ارالاسۋدى، ەرتە كومەكتەسۋ - سۇيەمەلدەۋدى شىنايى ىستەۋ؛ ەڭبەك قابىلەتى بار، تالاپ - تىلەگى بار قاداعالاپ تەكسەرىلەتىن وتباسىلارىنا اشۋ ۇلگىسىندەگى كومەكتەسۋ - سۇيەمەلدەۋ شارالارىن تياناقتاندىرۋ؛ ساتىعا، تۇرگە بولىنگەن قوعامدىق قۇتقارۋ - كومەكتەسۋ جۇيەسىن اقاۋسىزداندىرىپ، ەڭ تومەنگى شەكتەن تۇسىرمەي قامتاماسىز ەتۋدى ويداعىداي ىستەۋ؛ كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ ساياساتىن تياناقتاندىرىپ، نازاردى مەملەكەتتىڭ اۋىل - قىستاقتى گۇلدەندىرۋدە ءتۇيىندى كومەكتەسەتىن - سۇيەمەلدەيتىن اۋداندارعا جانە كەدەيلەردى وزگە جەرگە كوشىرىپ سۇيەمەلدەۋ بويىنشا شوعىرلى ورنالاستىرۋ تۇيىندەرىنە ۇزدىكسىز شوعىرلاندىرىپ، كۇشتى شوعىرلاندىرا وتىرىپ بەيىمدەلۋ، قولداۋ كورسەتۋ؛ اۋىل - قىستاقتى گۇلدەندىرۋ ستراتەگياسىنىڭ ناتيجەسىن باعالاۋدى ءبىر تۇتاس جوسپارلاپ، ورىستەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرىپ باعالاۋ، ساراپتاۋ كەرەك.
− كەدەيلىكتەن ارىلعان وڭىرلەر مەن كەدەيلىكتەن ارىلعان بۇقارانىڭ ىشكى دامۋ قوزعاۋشى كۇشى كۇشەيتىلەدى. جەرگىلىكتى جاعدايعا قاراي ەرەكشە باسىمدىققا يە جەتەكشى كاسىپ سالاسىن جەتىلدىرىپ، ورتالىق قازىنانىڭ اۋىل - قىستاقتى گۇلدەندىرۋدى ىلگەرىلەتۋ قوسىمشا قاراجاتىمەن ۇشتاستىرا وتىرىپ كاسىپ سالاسىنىڭ دامۋىنا جۇمسالۋ سالىستىرماسىن ％60تەن اسىرۋعا كۇش سالىپ، تەحنيكا، قۇرىلعى، تيجارات - ساتۋ سياقتى جاقتارداعى ولقىلىقتاردى تولىقتاپ، مۇددەنى ۇشتاستىرۋ مەحانيزمىن اقاۋسىزداندىرۋ؛ جۇمىستانۋعا كومەكتەسۋ - سۇيەمەلدەۋدى كۇشەيتىپ، قايتا كەدەيلەسۋدەن ساقتانۋ بويىنشا جۇمىستانۋدان قامال الۋ ارەكەتىن اتقارىپ، كەدەيلىكتەن ارىلعان ەڭبەككۇشتەردىڭ جۇمىستانۋ كولەمىن 30 ميلليون ادامنان ورنىقتى اسىرۋعا شىنايى كەپىلدىك ەتۋ؛ شىعىس، باتىس بولىكتەردىڭ سەلبەستىگى مەن ورتالىقتاعى ورىنداردىڭ ءتۇيىندى تۇردە كومەكتەسۋ - سۇيەمەلدەۋىن تەرەڭدەتىپ، قوعامدىق كۇشتەردى كومەكتەسۋ - سۇيەمەلدەۋگە جاپپاي ات سالىسۋعا جەتەكتەۋ كەرەك.
قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق قۇرۋ كەرەك
قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق قۇرۋ ميلليونداعان شارۋانىڭ كورىكتى مەكەن، تاماشا تۇرمىس جونىندەگى ءۇمىتىن ارقالاپ وتىر. ورتالىقتىڭ 1 - ءنومىرلى حۇجاتىندا قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق قۇرۋدى تىڭعىلىقتى ىلگەرىلەتۋ جونىندە ءتۇيىندى ورنالاستىرۋ جاسالدى.
”اۋىل - قىستاقتىڭ وسى زامانعى تۇرمىس شارت - جاعدايىن نەگىزىنەن ازىرلەۋىنە بىرتىندەپ مۇمكىندىك جاساۋ سىندى وسى نىسانانى، ءسوز جوق، مىقتاپ ارقاۋ ەتىپ، اۋىل - قىستاقتىڭ قاتتى بولشەك قۇرىلىسى مەن جۇمساق بولشەك قۇرىلىسىن تىڭعىلىقتى ىلگەرىلەتىپ، اۋىل - قىستاقتىڭ سىرتقى كورىنىسىنەن ىشكى ءمانىن ءتۇسىنۋ، سىرتقى كەلبەتى مەن رۋحىنىڭ سايما - ساي بولۋىن جاپپاي جوعارىلاتۋدى ىلگەرىلەتىپ، شارۋالاردىڭ سول جەردىڭ وزىندە وسى زامانعى وركەنيەتتى تۇرمىس كەشىرۋىنە مۇمكىندىك جاساۋ كەرەك“، - دەدى تاڭ رىنجيان.
ول تانىستىرىپ بىلاي دەدى: اۋىل - قىستاق قۇرىلىسى ورنىقتى ىلگەرىلەتىلەدى. قىستاق جوسپارى قۇرىلىسىن كۇشەيتىپ، شارۋالاردىڭ قالاۋىنا قايشى تۇردە قىستاقتاردى كۇشىنەن قالدىرۋعا، بىرىكتىرۋگە، ۇلكەن الەۋمەتتىك اۋماق قۇرۋعا قاتاڭ تيىم سالىپ، تاس - تالقانىن شىعارىپ بۇزۋدان، قالاعانىنشا قۇرىلىس سالۋدان، كوزسىزدىكپەن اشەكەيلى قاقپا، سامالدىق، ءدالىز سىندى ”تۇبەكتىك كورىنىس“ قالىپتاستىرۋدان ساقتانۋ كەرەك. اۋىل - قىستاق قۇرىلىسى ارەكەتىن ويداعىداي ۇيىمداستىرىپ، اتقارىپ، اۋىل - قىستاقتىڭ قونىس ورتاسىن رەتتەۋ - وڭاۋدى جانە ونىڭ دەڭگەيىن ءوسىرۋدى تىڭعىلىقتى ىلگەرىلەتىپ، اۋىل - قىستاقتىڭ جول، سۋمەن قامداۋ، ەنەرگيا، تۇرعىن ءۇي حاۋىپسىزدىگى سياقتى نەگىزدىك قۇرىلعى قۇرىلىسىن ۇزدىكسىز كۇشەيتۋ كەرەك. نەگىزگى الەۋمەتتىك قىزمەت وتەۋ قابىلەتىن جوعارىلاتىپ، اۋرۋدان ساقتانۋ، زەينەتكەرلىك، وقۋ - اعارتۋ، ەمدەلۋ سياقتى جاقتارداعى الەۋمەتتىك قىزمەت وتەۋ قۇرىلعىلارى قۇرىلىسىن ءتۇيىندى تۇردە جەدەلدەتۋ كەرەك.
اۋىل - قىستاق كاسىپ سالاسىنىڭ جوعارى ساپالى دامۋى ىلگەرىلەتىلەدى. ”جەرگىلىكتى ەرەكشە ونىمدەر“ تالابى بويىنشا اۋىل شارۋاشىلىعىنىڭ، اۋىل - قىستاقتاردىڭ ەرەكشە بايلىقتارىنا سۇيەنىپ، اۋىل شارۋاشىلىعىنىڭ كوپ ءتۇرلى فۋنكتسيالارىن اشىپ، اۋىل - قىستاقتىڭ كوپ نەگىزدى قۇنىن اشىپ، جەرگىلىكتى جاعدايعا قاراي كاسىپ سالاسىن دامىتۋدىڭ قامال الۋ ءتۇيىنىن ءدال تاڭداپ، باستاماشى كاسىپورىنداردى الۋەتتەندىرۋگە، كاسىپ سالاسى تىزبەگىن تولىقتاۋعا، كاسىپ كۇيىن وركەندەتۋگە، ماركا جاراتۋعا كۇش سالۋ كەرەك. شارۋالارمەن بايلانىس جاساۋ، شارۋالاردى جەتەكتەۋ مۇددە بايلانىسى مەحانيزمىن كەمەلدەندىرىپ، ارتقان قۇن پايداسىن شارۋالارعا اناعۇرلىم كوپ قالدىرۋ كەرەك.
”ەلىمىز ەجەلدەن تاتۋلىق ۇستانىمىن قاستەرلەپ كەلەدى، ءتيىمدى دە جاعىمدى بولۋعا، جايدارى دا اق پەيىل بولۋعا، ءبىر جاعادان باس، ءبىر جەڭنەن قول شىعارۋعا ءمان بەرىپ كەلەدى. كورىكتى اۋىل - قىستاقپەن سالىستىرعاندا، جاراسىمدى دا كورىكتى اۋىل - قىستاق − اۋىل - قىستاق قۇرىلىسى ءمانىنىڭ ونان ارى بايىتىلۋى جانە كەڭەيتىلۋى. ول اۋىل - قىستاقتىڭ وبرازى مەن رۋحىن سومداۋعا تەڭ ءمان بەرۋدى، زاتتىق وركەنيەت پەن رۋحاني وركەنيەتتى سايكەستىرۋدى باسا دارىپتەيدى، جاراسىمدىلىق ۇستانىمىن باستان - اياق ءسىڭىرۋ، جۇرت جۇرەگىن نارلەندىرىپ، جۇرت كوڭىلىن مورالمەن توعىستىرىپ، جۇرت تىلەگىن ۇيىستىرىپ، اۋىل - قىستاق حالقىنىڭ ىزگىلىككە تالپىنۋىنا، ورنىقتىلىعىنا، تىنىشتىعىنا شىنايى كەپىلدىك ەتەدى“، - دەدى تاڭ رىنجيان.
كەلەسى قادامدا پارتيا ۇيىمى باسشىلىق ەتكەن اۋىل - قىستاقتى باسقارۋ جۇيەسىن اقاۋسىزداندىرىپ، ءداستۇرلى باسقارۋ بايلىعىنان جانە وسى زامانعى باسقارۋ تاسىلىنەن ويداعىداي پايدالانىپ، اۋىل - قىستاقتى باسقارۋدىڭ ونىمدىلىگىن جوعارىلاتۋ؛ اۋىل - قىستاق رۋحاني وركەنيەت قۇرىلىسىنىڭ تۇتقاسىندا، تۇعىرىندا جانە دانەكەرىندە جاڭالىق اشىپ، سوتسياليستىك وزەكتى قۇن كوزقاراسىن بارىنشا اسقاقتاتىپ جانە امالياتتا ايگىلەپ، اۋىل - قىستاقتىڭ ەسكى سالت - سانانى وزگەرتۋىن ىشكەرىلەي ىلگەرىلەتىپ، اۋىل - قىستاق وركەنيەتىنىڭ جاڭا سالتىن قالىپتاستىرۋ كەرەك.
(شينحۋا اگەنتتىگىنىڭ 2 - ايدىڭ 13 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
