جانعا شۋاق شاشاتىن شارالارمەن جاستار مەن ورەندەردىڭ پسيحولوگيالىق اقاۋسىزدىعىن قورعادى
انار بۇلت \ شينجياڭ گازەتىنىڭ ءتىلشىسى جاڭ يۇنمەي
2023.02.15 15:05 كەلۋ قاينارى : شينجياڭ گازەتى
”كوميتەتىمىز وقۋ - اعارتۋ مينيسترلىگى سياقتى قاتىستى تاراۋلارمەن بىرگە، مەكتەپ − وتباسى − قوعام − ەمدەۋ قۇرىلىمى سىندى پسيحولوگيالىق قىزمەت وتەۋ ۇلگىسىن ورناتىپ، اقاۋسىزداندىرىپ، مەكتەپتەگى پسيحولوگيالىق اقاۋسىزدىق تاربيەسى جانە داعدارىستىڭ الدىن الۋ كاسىپتىك قوسىن قۇرىلىسىن ويداعىداي ىستەپ، پسيحولوگيالىق ارەكەتكە قاتىستى ماسەلە جانە جابىعۋ اۋرۋى سياقتى رۋحاني اۋرۋلاردى ەرتە بايقاۋدى، وعان ەرتە ارالاسۋدى جەبەيدى“. مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاۋابىن كورگەن مەملەكەتتىك 13 - كەزەكتى ساياسي كەڭەستىڭ شينجياڭدا تۇراتىن مۇشەسى دىڭ حۇڭ ايرىقشا ريزا بولدى.
دىڭ حۇڭ كەزىندە ەمدەۋ قىزمەتكەرى بولاتىن، كلينيكالىق قىزمەت بارىسىندا، جابىعۋ اۋرۋىنا شالدىققان ناۋقاستاردى كوپ كورگەن، ولاردىڭ كەيبىرەۋى ازامات جاسىنا تولماعاندار. ”2 جىلدىڭ الدىندا، مەن تەكسەرۋ - زەرتتەۋ بارىسىندا بالالاردىڭ، جاستار مەن ورەندەردىڭ پسيحولوگيالىق اقاۋسىزدىعىنىڭ كۇننەن - كۇنگە كورنەكتى بولعان الەۋمەتتىك دەنساۋلىق ساقتاۋ ماسەلەسىنە اينالعاندىعىن بايقادىم“، - دەدى دىڭ حۇڭ.
مەملەكەتتىك ساياسي كەڭەس 13 - كەزەكتى كوميتەتىنىڭ 5 - ماجىلىسىندە دىڭ حۇڭ ”جاستار مەن ورەندەردىڭ جابىعۋ اۋرۋىنان ساقتانۋ - ەمدەۋ، پسيحولوگيالىق ساۋىقتىرۋ جۇيەسىن ورناتۋ“ جونىندە ۇسىنىس جوبانى العا قويىپ، جاستار مەن ورەندەردىڭ جابىعۋ اۋرۋىنا شالدىققان فاكتورلارىنىڭ كوبى وتباسى، مەكتەپ، قوعام جاعىنداعى سىرتقى فاكتورلارمەن قاتىستى دەپ قاراپ، جاستار مەن ورەندەردىڭ جابىعۋ اۋرۋىنان ساقتانۋ - ەمدەۋ جانە پسيحولوگيالىق ساۋىقتىرۋدىڭ جان - جاقتىلى، كوپ نەگىزدى، ءبىر تۇلعالى جۇيەسىن قۇرۋدى ۇسىنىس ەتتى. سونىمەن بىرگە، جابىعۋ اۋرۋىنان ساقتانۋ - ەمدەۋ بىلىمدەرىن جالپىلاستىرۋ ۇگىتىن كۇشەيتىپ، بۇقارانى جابىعۋ اۋرۋىن دۇرىس تانۋعا جەتەكشىلىك ەتۋدى، استە سىرقاتىن جاسىرىپ، شيپاگەردەن قورىنباۋدى ايتتى.
”ءسىزدىڭ ورتاعا قويعان ۇسىنىستارىڭىزدىڭ باعىتتامالىلىعى كۇشتى، شارالارى ناقتى، الداعى جەردە ەلىمىزدىڭ پسيحولوگيالىق اقاۋسىزدىق قىزمەتىن كۇشەيتۋدە ماڭىزدى ۇلگىلىك مانگە يە“. مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاۋابى دىڭ حۇڭدى ءسۇيىندىردى. وسىدان بۇرىن، وسى كوميتەتتەگى قاتىستى قىزمەتكەرلەر تەلەفون، جازباشا فورمالار ارقىلى دىڭ حۇڭمەن ۇسىنىس جوبانىڭ مازمۇنى جونىندە قايتا - قايتا اۋىس - كۇيىس جاساپ، وعان مەملەكەتتىك دەنساۋلىق ساقتاۋ، سالاماتتىق كوميتەتىنىڭ ۇسىنىس جوباعا وسكەلەڭ ءمان بەرگەندىگىن تەرەڭ سەزىندىردى.
جاۋاپتا بىلاي دەلىندى: جۋىق جىلداردان بەرى، مەملەكەتتىك دەنساۋلىق ساقتاۋ، سالاماتتىق كوميتەتى جاستار مەن ورەندەردىڭ جابىعۋ اۋرۋىنان ساقتانۋىنا، وعان ارالاسۋعا ءتۇيىندى تۇردە نازار اۋدارىپ، وقۋ - اعارتۋ، حالىق ىستەرى سياقتى تاراۋلارمەن بىرگە، رۋحاني دەنساۋلىق ساقتاۋ جانە پسيحولوگيالىق اقاۋسىزدىق قىزمەت وتەۋ تورابىن قۇرۋ، كەمەلدەندىرۋ، قىزمەت وتەۋ قابىلەتىن جوعارىلاتۋ سياقتىلاردى ارقاۋ ەتىپ، كوپ ءتۇرلى قىزمەت ورىستەتتى. مۇندا قاتىستى ساياساتتىق شارالار شىعارىپ، جەر - جەردىڭ پسيحولوگيالىق اقاۋسىزدىققا قىزمەت وتەۋ تورابىن كەمەلدەندىرۋىنە جەتەكشىلىك ەتىپ، پسيحولوگيالىق اقاۋسىزدىققا قىزمەت وتەۋ قابىلەتىن جوعارىلاتتى؛ كوپ ارنالى، كوپ فورمالى پسيحولوگيالىق اقاۋسىزدىق ۇگىت - تاربيە قيمىلىن ورىستەتۋگە ۇيىمداستىرىپ، تۇتاس قوعامدى پسيحولوگيالىق اقاۋسىزدىق ماسەلەسىنە ورتاق نازار اۋدارۋعا جەتەكتەدى؛ رۋحاني سالاماتتىق جانە پسيحولوگيالىق اقاۋسىزدىق كاسىپتىك قىزمەتكەرلەرىن تاربيەلەۋ تەبىنىن ارتتىرىپ، كاسىپپەن شۇعىلدانۋشىلاردى تاربيەلەۋ مەن جالعاستى تاربيەلەۋدى كۇشەيتتى؛ بۇكىل ەل كولەمىندە قوعامدىق پسيحولوگيالىق قىزمەت وتەۋ جۇيەسى قۇرىلىسىن تۇيىندە سىناق ەتۋدى ورىستەتىپ، پسيحولوگيالىق اقاۋسىزدىققا قىزمەت وتەۋ جۇيەسىن ۇزدىكسىز كەمەلدەندىردى.
مەملەكەتتىك دەنساۋلىق ساقتاۋ، سالاماتتىق كوميتەتى دىڭ حۇڭ العا قويعان ۇسىنىستارعا دا ءبىر - بىرلەپ جاۋاپ قايتاردى ءارى پسيحولوگيالىق اقاۋسىزدىق عىلىمىن جالپىلاستىرۋ، ۇگىتتەۋ قىزمەتىن ونان ارى كۇشەيتىپ، وقۋشىلاردىڭ، وقىتۋشىلاردىڭ، اتا - انالاردىڭ پسيحولوگيالىق اقاۋسىزدىق تانىمىن جوعارىلاتاتىندىعىن ءبىلدىردى.
”جاستار مەن ورەندەردىڭ پسيحولوگيالىق اقاۋسىزدىعىنا قامقورلىق جاساۋدا جانعا شۋاق شاشاتىن شارالاردى كوبىرەك قولدانۋ كەرەك. قوعامداعى ءار سالانىڭ بىرگە قۇلشىنۋىندا، ءتىپتى دە كوپ بالانىڭ پسيحولوگيالىق مۇناردان، ءسوز جوق، ارىلۋىنا كومەكتەسەتىن بولامىز“، - دەدى دىڭ حۇڭ.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
