مۇشە باۋ انميڭ:
قۋاڭ وڭىرلەردىڭ ەكولوگيالىق وركەنيەت قۇرىلىسىنا دەم بەرەمىن جانە كۇش قوسامىن
انار بۇلت \ شينجياڭ گازەتىنىڭ ءتىلشىسى شيە حۇيبيان
2023.02.15 15:06 كەلۋ قاينارى : شينجياڭ گازەتى
5 جىلدا 30 نەشە ۇسىنىس جوبا العا قويدى... جالعاستى مەملەكەتتىك ساياسي كەڭەستىڭ مۇشەسى بولعان جۇڭگو عىلىم اكادەمياسى شينجياڭ بولىمشە اكادەمياسىنىڭ ورىنباسار باستىعى باۋ انميڭ وسى سانداردى تىلگە العاندا ايرىقشا شاتتانادى.
”ءوزىمنىڭ زەرتتەۋ سالاممەن ۇشتاستىرىپ، دامۋ بارىسىندا شەشۋ شۇعىل قاجەت بولعان ءبىرقانشا ماسەلەنى اڭىس ەتە الۋ، سونىمەن بىرگە ۇكىمەتتىڭ شەشىم جاساۋىنا پايدالانۋ ماتەريالدارىن جانە دايەك ازىرلەۋ بورىشى داڭقتى دەپ بىلەمىن“، - دەدى باۋ انميڭ.
بۇل ۇسىنىس جوبالار شينجياڭنىڭ ەكولوگيالىق ورتاسىن قورعاۋ، سۋ بايلىعىن قامتاماسىز ەتۋ، كومىردى اشۋ - پايدالانۋ، قورىقتاردى باسقارۋدىڭ شەكاراسىن بەلگىلەۋ سياقتىلارعا سايادى، نەگىزىنەن، مەملەكەتتىڭ قاتىستى مينيستىرلىك - كوميتەتتەرىنىڭ جاۋاپ قايتارۋىنا، بىتىرۋگە قۋزاۋىنا قول جەتكىزدى.
مۇندا شينجياڭعا 3 - رەتكى كەشەندى عىلمي تەكسەرۋ جۇرگىزۋ ۇسىنىسى باۋ انميڭدى اسىرەسە قۋانتتى.
2019 - جىلى باۋ انميڭ مەملەكەتتىك ساياسي كەڭەسكە شينجياڭعا 3 - رەتكى كەشەندى عىلمي تەكسەرۋ جۇرگىزۋ قىزمەتىن ورىستەتۋ ۇسىنىسىن تاپسىردى، بۇل ۇسىنىس مەملەكەتتىڭ قاتىستى مينيسترلىك - كوميتەتتەرىنىڭ ايرىقشا نازارىن اۋداردى جانە بار كۇشپەن قولداپ - قۋاتتاۋىنا يە بولدى. 2020 - جىلى عىلىم - تەحنيكا مينيسترلىگى بۇل قىزمەتتى ”14 - بەسجىلدىق“ مەملەكەتتىك عىلىم - تەحنيكانى دامىتۋ جوباسىنا ەنگىزدى، مەملەكەتتىڭ عىلىم - تەحنيكاعا ارناۋلى قولداۋ كورسەتۋى بويىنشا شينجياڭعا 680 ميلليون يۋان ءبولىندى. 2021 - جىلى بۇل ۇسىنىس اۆتونوميالى رايوندىق ۇكىمەتتىڭ قىزمەت بايانداماسىنا جازىلدى، سونىمەن بىرگە اۆتونوميالى رايوننىڭ ”14 - بەسجىلدىق“ جوباسىنا جانە 2035 - جىلعى بولاشاقتىق نىسانا باعدارلاماسىنا ەنگىزىلدى.
”كەزەكتە شينجياڭعا 3 - رەتكى كەشەندى عىلمي تەكسەرۋ جۇرگىزۋ دابىرالى ورىستەتىلۋدە، ءىشىنارا نىساندار دا كەزەڭدىك تابىستارعا قول جەتكىزدى“. باۋ انميڭ بىلاي دەدى: بۇل، شىنىن قۋعاندا، ءوزىمنىڭ 30 نەشە جىلدان بەرگى عىلمي زەرتتەۋمەن شۇعىلدانعان بارىستاعى كەيبىر جيناقتاعان دۇنيەلەرىمدى نەگىز ەتتى، كاسىپتەستەرىممەن بىرگە ءار جولى وسىلاردى كەڭەسكەنىمدە، ساياسي كەڭەستىڭ مۇشەسى سالاۋاتىمدى ەسەلەپ قادىرلەي تۇسەمىن.
باۋ انميڭ، باستىسى، بايلىق ورتاسىن شالعايدان شارلاۋ، سۋ بايلىعىن شالعايدان شارلاۋ، شالعايدان شارلاۋ جانە GISتى قولدانۋ، ت. ب زەرتتەۋلەرىمەن اينالىسادى. عىلمي زەرتتەۋ قىزمەتىمەن اينالىسقان 30 نەشە جىلدان بەرى، ونىڭ بۇكىل شينجياڭدا اياق باسپاعان جەرى قالمادى.
”شاعىن كىرىسۋ ءتۇيىنى ارقىلى كەڭ ورىسكە بەتتەۋگە بولادى. نەگىزگى ساتىعا ىشكەرىلەي بارىپ تەكسەرۋ - زەرتتەۋ جۇرگىزىپ، تەكسەرۋ - زەرتتەۋ بارىسىندا ەلەۋسىز تۇيىندەردەن مەملەكەت جوسپارى مەن حالىق تۇرمىسىن شەشىم ەتەتىن جوبا قاراستىرىپ، حالىقتىڭ تاماشا تۇرمىس تالپىنىسىن رەالدىققا اينالدىرۋعا مۇمكىندىك جاسادىم، بۇل مەنىڭ مىندەت وتەگەلى ۇستانىپ كەلە جاتقان مىزعىماس سەنىمىم“، - دەدى باۋ انميڭ.
بۇنىمەن عانا تىنباي، باۋ انميڭ تاعى جاس عىلمي زەرتتەۋشىلەردى ءوز قىزمەتى نەگىزىندە، اۆتونوميالى رايوننىڭ ءتۇيىندى كاسىپ سالالارىن دامىتۋدى توڭىرەكتەي وتىرىپ جاقسى ۇسىنىستار قويۋعا شابىتتاندىردى، ”مۇنداي ۇلگى جاستاردى ماسەلەلەردى بايقاۋعا شەبەر بولىپ، عىلمي زەرتتەۋ قابىلەتىن جوعارىلاتۋعا شابىتتاندىرادى، سونىمەن بىرگە ادام كۇشىن شوعىرلاندىرىپ ناعىز شەشۋگە ءتيىستى ماسەلەلەردى بايقاۋعا بولادى“.
مەملەكەتتىك ەكى ءماجىلىس كوپ وتپەي اشىلادى، باۋ انميڭ ونان ارى قاربالاستىققا ءتۇستى، ول تەكسەرىپ - زەرتتەۋدەن ەندى عانا كەلە سالىپ، بيىلعى ۇسىنىس جوباسىن وزگەرتىپ، كەمەلدەندىرۋگە كىرىستى.
باۋ انميڭ بىلاي دەدى: تاياۋ جىلداردان بەرى، باتىس سولتۇستىك ءوڭىر كليماتىنىڭ جىلىنۋ، دىمقىلدانۋ بەتالىسى تولىق دالەلدەندى، سونىمەن كەيبىرەۋلەر بولاشاقتا باتىس سولتۇستىك وڭىرگە كەڭ كولەمدى اعاش ەگىپ، ورمان وتىرعىزۋعا بولا ما، جوق پا دەگەندى ورتاعا قويدى، ءىس جۇزىندە، مۇنداي وي وتە جارامسىز ەدى. ”قۋاڭ وڭىرلەردىڭ ورمان - شوپتەرمەن كومكەرىلۋى سيرەك، ەكولوگيالىق اپاتتار ءجيى تۋىلادى، ورمان وتىرعىزۋ مىندەتى جاپالى، عىلمي جاسىلداندىرۋعا تاباندى بولۋدى اناعۇرلىم قاجەت ەتەدى“.
قايتا - قايتا تەكسەرۋ - زەرتتەۋ جۇرگىزۋ ارقىلى، باۋ انميڭ بيىل مەملەكەتتىك ەكى ماجىلىستە ”قۋاڭ وڭىرلەردىڭ جەرىن جاسىلداندىرۋدى عىلمي ىلگەرىلەتىپ، كورىكتى جۇڭگو جاسىل ەكولوگيالىق قالتقى قۇرىلىسىنا كۇش قوسۋدى“ توڭىرەكتەي وتىرىپ ۇسىنىستاردى ورتاعا قويماقشى: جەردى جاسىلداندىرۋ كەڭىستىگىن ايىرۋدى ورىستەتۋ؛ قازىرگى جەرگىلىكتى اعاش تۇرلەرىنەن، ءشوپ تۇرلەرىنەن قارسىلىق قۋاتى كۇشتى، قۋاڭشىلىققا ءتوزىمدى، سورتاڭدىققا ءتوزىمدى سياقتى قاسيەتى بار ساپالى اعاش تۇرلەرىن، ءشوپ تۇرلەرىن تاڭداپ، عىلمي ورنالاستىرۋ جاساۋ؛ جەردى جاسىلداندىرۋ جاعدايىن باقىلاۋ - ولشەۋ ينفورماتسيالارىنىڭ دالمە - ءدال بولۋ دەڭگەيىن جوعارىلاتۋعا ايرىقشا نازار اۋدارۋ، ت. ب.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
