ومىرشەڭدىك كۇش جارىققا شىعىپ، تۇتىنۋ بازارى جاندانا ءتۇستى
− 2023 - جىلدىڭ باسىنداعى شينجياڭنىڭ تۇتىنۋدى جەبەۋ ءبىرىنشى شەبىنە شولۋ
انار بۇلت \ شينجياڭ گازەتىنىڭ ءتىلشىسى حي حۇڭۋي
2023.02.15 15:04 كەلۋ قاينارى : شينجياڭ گازەتى
جاڭا جىل اۆتوكولىك كورمەسى، مۋزيكا فەستيۆالى، قار - مۇز ساياحاتى... بيىل جىل باسىنان بەرى، شينجياڭدا تۇتىنۋدىڭ جاندانۋ اياق الىسى جەدەلدەپ، تاعامجايلار، قار - مۇز ساياحات ورىندارى، كينو بازارى ادامعا تولدى. جەر - جەر، تاراۋلار جاعدايعا قاراي ۇتىمدى جەتەكشىلىك ەتىپ، ءبىر قىدىرۋ ساياسات - شارالاردى شىعارىپ، تۇتىنۋ سەنىمىن سەرپىلتىپ، تۇتىنۋدى جەبەۋدىڭ كومەسكى كۇشىن ءۇرتىس جارىققا شىعاردى.
تۇتىنۋ بازارى ءۇرتىس جانداندى
”وتكەن جىلداردا كوكتەم مەرەكەسى دەمالىسىنان كەيىن سايابىر مەزگىل بولۋشى ەدى، بيىل ولاي بولمادى، ساياحاتشىلاردىڭ اياعى ۇزىلمەدى“. التاي جياڭجۇنشان حالىقارالىق شاڭعى دەمالىس ءوڭىرىنىڭ جوسپارلاۋ - ساتۋ باس باقىلاۋشىسى چىن ياڭ: يۋانشياۋ مەرەكەسى كۇنى دەمالىس ءوڭىرى 5103 ساياحاتشى (رەت) قابىلدادى، - دەدى.
قار - مۇز ساياحاتىن جەتەكشى ەتكەن شينجياڭنىڭ بيىلعى ساياحات كاسىبى جىلدام جاندانىپ، ارىنداي دامىدى. مەيتۋاننىڭ ساندى مالىمەتىندە كورسەتىلۋىنشە، 1 - ايدا ءۇرىمجى قالاسىنداعى كورىنىس تۇيىندەرىنىڭ ەسىك بەلەت تاپسىرىسى، الدىڭعى ايمەن سالىستىرعاندا، ％500تەن استام ارتقان.
”وسى قار ماۋسىمىندا جياڭجۇنشان حالىقارالىق شاڭعى دەمالىس ءوڭىرىنىڭ، كوكتوعاي حالىقارالىق شاڭعى دەمالىس ءوڭىرىنىڭ، قوم (جىكبەلەڭ) حالىقارالىق شاڭعى دەمالىس ءوڭىرىنىڭ جالپى كىرىسى، وتكەن قار ماۋسىمىمەن سالىستىرعاندا، ％86 ارتتى“ دەپ تانىستىردى شينجياڭ التاي ساياحاتتى دامىتۋ توبى شەكتى سەرىكتەستىگىنىڭ القا باستىعى ۋاڭ لانچىڭ.
جاڭا جىل باستالىسىمەن كوپتەگەن تۇتىنۋشىلار ءۇي ەلەكتر جابدىقتارىن الۋمەن قاربالاستاندى، ساۋداگەرلەر دە فورماسى الۋان ءتۇرلى تۇتىنۋدى جەبەۋ قيمىلىن ورىستەتتى.
2 - ايدىڭ 3 - كۇنىنەن 19 - كۇنىنە دەيىن شينجياڭ سۋنيڭ يگوۋ سەرىكتەستىگى ”ءساتتى باستاما“ قيمىلىن باستادى. ”توڭازىتقىش، كىر جۋعىش، اسحانا ەلەكتر جابدىقتارى، سۋ جىلىتقىش ءوتىمدى ساتىلىپ، ساتىلۋدا ۇستاعان سالىستىرماسى ％66.8 بولدى. قازىرگە دەيىن’ءساتتى باستاما‘ قيمىلىنداعى ساتىلۋ سوماسى 20 ميلليون 920 مىڭ يۋان بولىپ، سايكەس مەزگىلدەگىدەن ％182 ارتتى“. شينجياڭ سۋنيڭ يگوۋ ساۋدا شەكتى سەرىكتەستىگىنىڭ بازار باس باقىلاۋشىسى تيان شياۋفي بيىل سۋنيڭ يگوۋدىڭ ۇرىمجىدەن جاڭادان 3 دۇكەن اشۋدى جوسپارلاپ وتىرعاندىعىن تانىستىردى.
كوكتەم مەرەكەسى ورلەۋىنىڭ ارقاسىندا اس - سۋ تۇتىنۋ بازارى ءۇرتىس جانداندى. مەيتۋاننىڭ ساندى مالىمەتىندە كورسەتىلۋىنشە، 1 - ايدا تۇتاس شينجياڭ اسحانالارىنىڭ ينتەرنەت جەلىسىندەگى ساۋدا سوماسى ايلىق اينالمالى الدىڭعى ساناق مەزگىلدەگىمەن سالىستىرعاندا ％102 ارتقان، ۇرىمجىدەگى اسحانالاردىڭ ينتەرنەت جەلىسىندەگى ساۋدا سوماسى ％233 ارتقان.
جىل باسىنان بەرى، جەدەل جەتكىزۋ زات اينالىمى ءۇرتىس قالپىنا كەلىپ، جاقسارىپ، جاڭا جىل مەرەكەسى، كوكتەم مەرەكەسى سياقتى ءداستۇرلى مەرەكەلەردىڭ ءبىر - بىرىمەن قاباتتاسىپ، ”ينتەرنەت مەرەكەلىك زات فەستيۆالى“ سياقتى ءتۇرلى ينتەرنەت جەلىسىندەگى تۇتىنۋدى جەبەۋ قيمىلدارى دابىرالى وتكىزىلىپ، مەرەكەلىك زات، اۋىل شارۋشىلىعى ەرەكشە ونىمدەرىن ساتۋ تەبىندەپ، سەيىل - سەرۋەن تۇتىنۋى قايتا قالپىنا كەلدى.
”1 - ايدا ءبىز 50 مىڭ جەكە ءونىم ساتتىق، مۇنى بىلتىرعى سول تۇستاعىمەن سالىستىرعاندا نەشە ەسەلەندى، بۇل ءبىزدىڭ ونىمدەردىڭ دارەجەسىن كوتەرۋىمىزدىڭ ارقاسى، سونداي - اق جەرگىلىكتى ورىننىڭ تىكە تاراتىلىمى جۇيجىن ۇجىمىنىڭ كۇش ۇستەۋىنىڭ ارقاسى“، - دەدى شينجياڭ لوپ قىستاعى بيو عىلىم - تەحنيكاسى شەكتى سەرىكتەستىگىنىڭ جاۋاپتىسى فىڭ شياۋلۇڭ.
ساندى مالىمەتتەن قاراعاندا، بيىل 1 - ايدا رايونىمىزدىڭ اۋىل - قىستاق ينتەرنەتىندەگى بولشەك ساتىلۋ سوماسى 2 ميلليارد 713 ميلليون يۋان بولىپ، سايكەس مەزگىلدەگىدەن ％98. 33 ارتقان؛ اۋىل شارۋاشىلىعى ونىمدەرىنىڭ ينتەرنەتتە بولشەك ساتىلۋ سوماسى ءبىر ميلليارد 772 ميلليون يۋان بولىپ، سايكەس مەزگىلدەگىدەن ％64. 23 ارتقان. ءتىپتى دە كوپ شينجياڭنىڭ اۋىل شارۋاشىلىعى ەرەكشە ونىمدەرى ەلەكتروندىق ساۋدا تۇعىرى ارقىلى بۇكىل ەل بازارىنا بەت العان...
شينجياڭنىڭ اناعۇرلىم كوپ جاقسى زاتتارىنىڭ شينجياڭنان شىعارىلۋىنا كۇش ۇستەۋ ءۇشىن، 2 - ايدىڭ 12 - كۇنى تيانماۋ ەرەن بازارىنىڭ شينجياڭنان تىكە ساتىپ الۋ جوسپارى ۇرىمجىدە رەسمي باستالىپ، تيانماۋ ەرەن بازارىنىڭ شينجياڭ سارايى رەسمي ينتەرنەت جەلىسىنە قوسىلدى، ولار الداعى ءبىر جىلدا ەنگىزەتىن ماركا سانىن 150 نەشەگە جەتكىزۋدى جوسپارلاپ وتىر.
تۇتىنۋدى جەبەۋ ساياساتىنىڭ كوبەيتكىش رولى كورنەكتى بولدى
”زاۆودتان تەڭ جارىم سالىعى ازايتىلعان زاتتاردى ءتيىمدى باعادا ساتىپ الۋ“، ”3 جىل 0 ءوسىم“، ”ايىرباستاپ الۋ، كوپ ساتىپ السا تولىقتاما قاراجاتتان يگىلىكتەنۋ“... 2 - ايدىڭ 10 - كۇنىنەن 19 - كۇنىنە دەيىن جاڭا جىل اۆتوكولىك ساتىپ الۋ مەرەكەسى شينجياڭ حالىقارالىق كورمە ورتالىعىندا وتكىزىلدى. بيىلعى تۇڭعىش اۆتوكولىك كورمەسى رەتىندە، وسى رەتكى اۆتوكولىك ساتىپ الۋ مەرەكەسى اۆتوكولىك تۇتىنۋ بەلەتى تولىقتاما قاراجاتى، اۆتوكولىك كاسىپورىندارىنىڭ تيىمدىلىگى، بانكە بىرلەستىگىنىڭ تولىقتاما قاراجاتى، فينانستىق قىزمەت وتەۋ سياقتىلاردى ۇستەمەلەدى.
اۆتوكولىك تۇتىنۋىن ورنىقتىرۋ جانە كەڭەيتۋ ءۇشىن، اۆتونوميالى رايون اۆتوكولىك تۇتىنۋىنىڭ قالپىنا كەلۋىن جەبەۋگە قاتىستى ءبىرقانشا شارا شىعاردى، جەر - جەردە دە ناقتى شارا شىعارىپ، ءبىر قىدىرۋ اۆتوكولىك تۇتىنۋىن جەبەۋ ساياسات - شاراسىن شىعاردى. ساندى مالىمەتتە كورسەتىلۋىنشە، بيىل 1 - ايدا تۇتاس رايون اۆتونوميالى رايوننىڭ اۆتوكولىك تۇتىنۋىن جەبەۋ قيمىلى ساياساتىنان يگىلىكتەنگەن اۆتوكولىك 1900 بولىپ، 240 ميلليون يۋاندىق تۇتىنۋعا دەم بەرگەن. تۇتاس رايون اۆتونوميالى رايوننىڭ اۆتوكولىكتەردى تومەنگە ءتۇسىرۋ قيمىلى ساياساتىنان يگىلىكتەنگەن اۆتوكولىك 239 بولىپ، 25 ميلليون 40 مىڭ يۋاندىق تۇتىنۋعا دەم بەرگەن.
ءۇرىمجى قالاسى شۇيموگوۋ رايونى 3 ميلليون يۋاندىق اس - سۋ تۇتىنۋى بەلەتىن تاراتتى؛ اقسۋ ايماعى 21 ميلليون يۋان قارجى قوسىپ، تۇتىنۋ قوسىمشا قاراجاتى قيمىلىن ورىستەتتى؛ قارامايلى 40 ميلليون يۋاندىق بولشەك ساتۋ، اس - سۋ، مادەنيەت - ساياحات تۇتىنۋ بەلەتىن تاراتتى؛ شاعانتوعاي اۋدانى 2 ميلليون يۋاندىق ەلەكتروندىق تۇتىنۋ بەلەتىن تاراتتى... كوپتەگەن جەرلەر تۇتىنۋدى جەبەۋدىڭ ”حۇڭباۋيۇيىن“ تومەنگە ءتۇسىردى، ول ينتەرنەت جەلىسىندە، ينتەرنەت جەلىسىنەن تىس قامتىپ، ساۋدا ساراي، ەرەن بازار، اس - سۋ، وتباسى ەلەكتر جابدىقتارى سياقتى كوپ ءتۇرلى تۇتىنۋ جاعدايىنا سايدى.
بيىل 1 - ايدا شينجياڭنىڭ جەر - جەرىندە تاراتىلعان تۇتىنۋ بەلەتىنىڭ جيىنتىعى ءبىر ميلليون 400 مىڭ 900 بولىپ، جيىنى 824 مىڭ 600 بەلەتتى اداقتاپ ەسەپتەن شىعارعان، 40 ميلليون 703 مىڭ يۋان قارجىنى اداقتاپ ەسەپتەن شىعارعان، 191 ميلليون يۋاندىق تۇتىنۋعا دەم بەرگەن.
جاڭا قوزعالىس ەنەرگياسى تۇتىنۋدىڭ ارتۋ كەڭىستىگىن جانداندىردى
كوكتەم مەرەكەسى دەمالىسىندا، جىگىتىنە ەرىپ اقسۋ قالاسىنا تۋىسشىلاي بارعان ليۋ ۋي سول جەردىڭ تۇتىنۋ كاسىپ كۇيىنىڭ وتە باي ەكەندىگىن بايقاپ، تاڭ قالدى. ”بۇل جەردە جۇيبىنشادان نەشە ونى بار ەكەن، ونىڭ ۇستىنە بارلىعى دۋماندى، ەلىمىزدەگى ۇلكەن قالالاردان قالىسپايدى ەكەن“، - دەدى ليۋ ۋي.
بۇرىن ۇلكەن قالالاردا كەزدەسەتىن ءتۇرلى ءوتىمدى ايگىلى ماركالار اۋدان قالاشىعىنا دەيىن جەتتى، ءبىرىنشى، ەكىنشى جەلىدەگى قالالاردا شارىقتاي تۇسكەن جۇيبىنشا، قۇپيا بولمەلەردەن قۇتىلۋ سياقتى جاڭا تۇتىنۋ اۋدان قالاشىقتارىنىڭ تۇتىنۋ بازارىندا تەز قابىلداندى. قازىر اۋدان قالاشىعى تۇرعىندارى ءداستۇرلى تۇتىنۋدان جاڭا تيپتى تۇتىنۋعا قاراي ويىستى، تۇرمىستىق قاجەتتى تۇتىنۋ بۇيىمدارىن الۋدان ءلاززاتتانۋ سيپاتىنداعى تۇتىنۋعا قاراي، تاۋارلىق تۇتىنۋدان قىزمەت وتەۋ تۇتىنۋىنا قاراي ويىستى.
2 - ايدىڭ 8 - كۇنى ءۇرىمجى مەيجۇي ءۇي جيھازدارى تۇرمىس سارايى گۋاڭحۇي مەيجۇي زات اينالىمى باقشاسى ساۋداگەر شاقىرۋ جينالىسىن وتكىزىپ، مەيجۇي ءۇي جيھازدارى تۇرمىس سارايىن ونان ارى كەڭەيتۋ ءۇشىن، ”دوستار شەڭبەرىن“ قوسىپ، قالا تۇرعىندارىنىڭ ءۇي جيھازدارىن ءبىر بەكەتتىك ساتىپ الۋ قاجەتىن قاناعاتتاندىردى.
2021 - جىلدان باستاپ مەيجۇي ءۇي جيھازدارى زات اينالىمى باقشاسى ”قالانى جاڭالاۋ“ قادامىن باستاپ، بۇرىنعى ورنىنان قالا جالپىلىق تۇلعاسىن قۇردى. ”ءبىز قورا - جاي، ساۋدا، مادەنيەت - ساياحات، وقۋ - اعارتۋ، كەڭسە، قوناق ءۇي سياقتى تۇتىنۋ الاڭ كورىنىس وڭىرلەرىن تۇلعالاۋعا كۇش سالىپ، شينجياڭنىڭ تۇتاس وڭىرىندەگى قوناقتار اعىنىن توپتادىق، بۇل دا مەيجۇي ءۇي جيھازدارى تۇرمىس سارايىن ونان ارى كۇشەيتتى“، - دەدى گۋاڭحۇي ساۋدا - شارۋاشىلىق باسقارۋ (ءۇرىمجى) شەكتى جاۋاپكەرشىلىك سەرىكتەستىگىنىڭ القا باستىعى سو لۋە.
”جاڭا كاسىپ كۇيى“ تومەنگە ءتۇسىپ، ”كونە تۇتىنۋدىڭ“ دەڭگەيى جوعارىلادى، مۇنىڭ استارىندا شينجياڭنىڭ تۇتىنۋ بازارىنىڭ اسا زور ومىرشەڭدىگى جاتىر.
”1 - ايدىڭ وزىندە ۇرىمجىدەگى 2 دۇكەننىڭ ءوزى 3500 وتباسىن كۇتىپ الدى، تۇتىنۋدىڭ كۇسەتتەنگەن جاعدايىنىڭ قايتا ورالۋى بىزگە زور سەنىم سيلادى“، - دەدى 2 - ايدىڭ 13 - كۇنى Family قىزىقتى وتباسى تاعامجايى ايگىلى ماركاسىن جاراتۋشى ليۋ شيڭ.
Family قىزىقتى وتباسى تاعامجايىندا ءدامدى دە اقاۋسىز ازىق - تۇلىك دايىندالۋمەن بىرگە، كەيبىر قىزىقتى تاقىرىپتىق قيمىلدار دا بار، قازىر دۇكەن چىڭدۋدان دا اشىلىپ ۇلگىردى.
”جاڭا ءبىر جىلدا، ءبىز تيجارات تاكتيكامىزدى جوعارىلاتۋ ءۇشىن، ءار كۇنى تەگىن نەگىزگى تاقىرىپتىق قيمىل وتكىزەمىز، سونداي - اق ەرەكشە باۋرامدى ديناميكالىق بالالار ويىنىن ازىرلەدىك“، - دەدى ليۋ شيڭ.
”جاڭا ويناۋ ءتاسىلى“ جاڭا ەكونوميكانى جەبەپ، تۇتىنۋ قوزعالىس قۋاتىن ۇزدىكسىز قاۋلاتتى؛ ايتۋلى ماركالار جاڭا ەل ءىشى نەگىزگى اعىمىن تۇلعالاپ، تۇتىنۋ سەزىنۋىن ۇزدىكسىز جاڭالادى؛ ناقتى ساۋدا ”ينتەرنەت قولدانۋدى“، ”بۇلتقا شىعۋدى“ جەدەلدەتىپ، ينتەرنەت جەلىسىندەگى بازاردى بەلسەنە اشتى؛ مەشتى جاعالاي وتىرىپ شاي قايناتۋ، دالادا قونۋ، تالەڭكە ۇشىرۋ سياقتى جاڭا تۇتىنۋ جاستار شوعىرىنىڭ قارسى الۋىنا يە بولدى... جاڭا كورىنىس، جاڭا كاسىپ كۇيى، جاڭا ويناۋ ءتاسىلى ۇزدىكسىز جارىققا شىعىپ، ىشكى سۇرانىس كومەسكى كۇشىنىڭ قاۋلاۋىن جەدەل جەبەپ، تۇتىنۋدىڭ قالپىنا كەلۋىن، جاقسارۋىن جەتەكتەدى.
2023 - جىلى اۆتونوميالى رايوندىق ساۋدا ىستەرى جانە ساۋدا - ساتتىقتى جەبەۋ قىزمەتى ءماجىلىسى تۇتىنۋ قيمىلدارىن جەبەۋ تۇعىرىن بەلسەنە قۇرىپ، تۇتىنۋدى جەبەيتىن 15تەن استام ەرەكشە ماركانى كۇش سالا تۇلعالاپ، تۇتىنۋ كومەسكى كۇشىن جان - جاقتى، كوپ سالالى قاۋلاتۋدى العا قويدى.
”ساپالى قامداۋ ارقىلى سۇرانىستى جەبەۋ − حالىقتىڭ تاماشا تۇرمىسقا دەگەن قاجەتىن قاناعاتتاندىرۋدىڭ، تۇتىنۋدىڭ جاڭا ارتۋ ءتۇيىنىن جاراتۋدىڭ ماڭىزدى ءتۇيىنى“. اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى حى گوچيڭ مىنالاردى ءبىلدىردى: بيىل رايونىمىز جاڭا كاسىپ كۇيىنىڭ، جاڭا ۇلگىنىڭ اقاۋسىز، ءتارتىپتى دامۋىن اناعۇرلىم جەبەپ، تۇتىنۋدىڭ ءوسۋ اۋقىمىنا ۇيلەسىپ، ءداستۇرلى تۇتىنۋدى دامىتىپ، جاڭاشا تۇتىنۋدى جەتىلدىرىپ، تۇتىنۋعا قىزمەت وتەۋدى كەڭەيتىپ، الەۋمەتتىك تۇتىنۋدى ۇيلەسىمدى كوبەيتىپ، ەرەكشەلەنگەن، الۋان تۇرلىلەنگەن، جوعارى ساپالى تۇتىنۋ سۇرانىسىن كۇش سالا قاناعاتتاندىرادى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
