بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لي كىچياڭ، لي جانشۋ يراننىڭ زۇڭتۇڭى رايسيمەن جەكە – جەكە كەزدەستى

2023.02.15 16:29     كەلۋ قاينارى : حالىق تورابى

  شينحۋا اگەنتتىگى، 2 - ايدىڭ 14 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 2 - ايدىڭ 14 - كۇنى تۇستەن بۇرىن حالىق سارايىندا جۇڭگوعا مەملەكەتتىك ساپارمەن كەلگەن يراننىڭ زۇڭتۇڭى رايسيمەن كەزدەستى.

  لي كىچياڭ مىنانى ءبىلدىردى: جۇڭگو مەن يران _ وركەنيەتتى بايىرعى ەلدەر، حالىقتار اراسىنداعى دوستىق بارىس – كەلىستىڭ تاريحى ۇزاق. ءتوراعا شي جينپيڭ سىزبەن كەڭەس وتكىزىپ، ەكى ەل قارىم - قاتىناسىنىڭ دامۋىن جاپپاي جوسپارلايدى. جۇڭگو جاق جۇڭگو - يران قارىم - قاتىناسىن دامىتۋعا ايرىقشا ءمان بەرەدى، يرانمەن بىرگە ءوزارا قۇرمەت ەتۋددە، تەڭ تۇرعىدا مامىلە جاساۋدا تاباندى بولىپ، جۇڭگو مەن يراننىڭ جان - جاقتى ستراتەگيالىق سەرىكتەستىك قارىم - قاتىناسىنىڭ تىڭ ساتىعا كوتەرىلۋىن ىلگەرىلەتىپ، دۇنيە ءجۇزىنىڭ بەيبىتشىلىگىن قورعاپ، بىرگە دامۋدى جەبەپ، ەكى جاقتاعى حالىقتارعا باقىت جاراتۋدى قالايدى.

  لي كىچياڭ مىنالاردى اتاپ كورسەتتى: جۇڭگو جاق يران جاقپەن بىرگە ناقتى سەلبەستىك دەڭگەيىن جوعارىلاتۋدى قالايدى. جۇڭگو مەن يراننىڭ جان - جاقتى سەلبەستىك جوسپارىن ويداعىداي تياناقتاندىرىپ، ەكونوميكا - ساۋدا سياقتى سالالارداعى سەلبەستىكتى ىلگەرىلەتىپ، ونىمدەردى ەكسپورت ەتۋدى ءوزارا كەڭەيتىپ، ءوزارا پايدا جەتكىزەتىن، حالىق تۇرمىسىن جاقسارتۋعا ءتيىمدى نىسانداردى اتقارۋدى ىلگەرىلەتۋ كەرەك. ادامداردىڭ بارىس - كەلىسىن ارتتىرىپ، ەكى ەل دوستىعىنىڭ حالىق رايى نەگىزىن بەكەمدەۋ كەرەك.

  رايسي مىنانى ءبىلدىردى: يران مەن جۇڭگونىڭ بارىس - كەلىسى ارىدان باستاۋ الادى، ەكى ەل توتەنشە تاتۋ قارىم – قاتىناستى جالعاستىرىپ كەلەدى. يران جاق جۇڭگومەن قارىم - قاتىناستى دامىتۋعا كۇش سالادى، ءوزارا قۇرمەت ەتۋ، ءوزارا پايدا جەتكىزىپ، تەڭ يگىلىككە كەنەلۋ نەگىزىندە ەكى ەلدىڭ جان - جاقتى سەلبەستىك جوسپارىن ويداعىداي تياناقتاندىرىپ، ءار سالاداعى سەلبەستىكتى تەرەڭدەتىپ، ەكى ەل قاتىناسىنىڭ ۇزدىكسىز العا دامۋىن ىلگەرىلەتۋدى قالايدى. يران جاق جۇڭگو جاقپەن حالىقارالىق ىستەردەگى تىلدەسۋدى، سايكەسۋدى كۇشەيتىپ، دۇنيە ءجۇزىنىڭ بەيبىتشىلىگى مەن ورنىقتىلىعىن بىرگە قورعاۋدى قالايدى.

  ۋاڭ ي، حى ليفىڭ قاتارلىلار كەزدەسۋدە بىرگە بولدى.

  شينحۋا اگەنتتىگى، 2 - ايدىڭ 14 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 2 - ايدىڭ 14 - كۇنى حالىق سارايىندا يراننىڭ زۇڭتۇڭى رايسيمەن كەزدەستى.

  لي جانشۋ مىنانى ءبىلدىردى: جۇڭگو مەن يران _ وركەنيەتتى بايىرعى ەلدەر، نەشە مىڭ جىلدان بەرى ەكى ەل حالىقتارى تەرەڭ دوستىق ورناتتى. تاياۋ جىلداردان بەرى ەكى ەل باسشىلارىنىڭ ستراتەگيالىق جەتەكشىلىگىندە جۇڭگو مەن يراننىڭ قاتىناسى اناعۇرلىم اقاۋسىز، ورنىقتى بولدى. جۇڭگو جاق يران جاقپەن بىرگە قۇلشىنىپ، ەكى ەل باسشىلارى كەلىسكەن ماڭىزدى ورتاق تانىمدى جەتەكشى ەتىپ، ناقتى سەلبەستىكتى تەرەڭدەتىپ، گۋمانيتارلىق اۋىس - كۇيىستى كۇشەيتىپ، جۇڭگو مەن يراننىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ جاڭا داۋىردە اناعۇرلىم زور دامۋعا قول جەتكىزۋىن ىلگەرىلەتىپ، ەكى ەل حالىقتارىنا ءتىپتى دە زور باقىت جاراتۋدى قالايدى. ەكى جاق ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىر - ءبىرىن ۇزدىكسىز قولداپ، ىشكى ىستەرگە كيلىكپەۋ پرينسيبى سياقتى حالىقارالىق قارىم - قاتىناستىڭ نەگىزگى ولشەمىن بىرگە قورعاپ، وركەندەپ كەلە جاتقان ەلدەردىڭ ورتاق مۇددەسىن قورعاۋى كەرەك. ەكى ەلدىڭ زاڭ شىعارۋ قۇرىلىمدارى دوستىق بارىس - كەلىستى كۇشەيتىپ، ەكى ەل باسشىلارىنىڭ ورتاق تانىمىن تياناقتاندىرۋدى زاڭ شىعارۋ جاعىنان قامتاماسىزداندىرىپ، ەل باسقارۋ تاجىريبەلەرىن اۋىستىرۋدى كۇشەيتۋى كەرەك.

  رايسي مىنانى ءبىلدىردى: يران مەن جۇڭگونىڭ ءداستۇرلى دوستىعى ارىدان باستاۋ الادى. ەكى جاقتىڭ ءار سالاداعى سەلبەستىك كومەسكى كۇشىن تولىق اشىپ، يران مەن جۇڭگونىڭ جان - جاقتى ستراتەگيالىق سەرىكتەستىك قارىم - قاتىناسىنا تىڭ ومىرشەڭدىك كۇش قوسۋدى ءۇمىت ەتەمىن. جۇڭگو جاقپەن بىرگە حالىقارالىق ادىلدىك پەن ادىلەتتىلىكتى قورعاۋعا پەيىلمىز.

  ۋ ۋەيحۋا كەزدەسۋدە بىرگە بولدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار