شي جينپيڭ يراننىڭ زۇڭتۇڭى رايسيمەن كەڭەس وتكىزدى
2023.02.15 16:24 كەلۋ قاينارى : حالىق تورابى
 |
2 - ايدىڭ 14 - كۇنى مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن يراننىڭ زۇڭتۇڭى رايسيمەن كەڭەس وتكىزدى. سۋرەتتە: كەڭەستەن بۇرىن شي جينپيڭ حالىق سارايىنىڭ سولتۇستىك زالىندا رايسيدى قارسى الۋ سالتىن وتكىزدى.
سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
|
شينحۋا اگەنتتىگى، 2 - ايدىڭ 14 - كۇنى، بەيجيڭ (ءتىلشى ليۋ حۋا). 2 - ايدىڭ 14 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا جۇڭگوعا مەملەكەتتىك ساپارمەن كەلگەن يراننىڭ زۇڭتۇڭى رايسيمەن كەڭەس وتكىزدى.
شي جينپيڭ مىنالاردى اتاپ كورسەتتى: جۇڭگو مەن يران _ ءداستۇرلى دوستار، ەكى ەل قارىم - قاتىناسى ءتۇرلى حالىقارالىق اۋمالى - توكپەلى وزگەرىستەردىڭ سىنىنان ءوتتى. قازىرگى دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى سىندى كۇردەلى جاعداي الدىندا جۇڭگو مەن يران ءبىرىن - ءبىرى قولداپ، ىنتىماقتاسا سەلبەسىپ، قول ۇستاسا وتىرىپ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانىپ، ستراتەگيالىق ءوزارا سەنىمدىلىكتى ۇزدىكسىز بەكەمدەپ، ناقتى سەلبەستىكتى ورنىقتى قاداممەن ىلگەرىلەتىپ، ورتاق مۇددەنى جەبەپ، حالىقارالىق ادىلدىكتى، تۋراشىلدىقتى قورعاپ، جۇڭگو مەن يران دوستىعىنىڭ جاڭا تاراۋىن جازدى. جۇڭگو جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتىپ، ساپالى دامۋ مەن جوعارى دەڭگەيدەگى ەسىك اشۋدى تاباندىلىقپەن ىلگەرىلەتىپ، دۇنيە ءجۇزىنىڭ بەيبىتشىلىگىن تاباندىلىقپەن قورعاپ، بىرگە دامۋدى جەبەۋدە. جۇڭگو باستان - اياق ستراتەگيالىق تۇرعىدان جۇڭگو - يران قارىم - قاتىناسىنا مامىلە جاسايدى جانە ونى دامىتادى، حالىقارالىق جانە وڭىرلىك جاعداي قالاي وزگەرسە دە، جۇڭگو يرانمەن دوستىق سەلبەستىكتى تيتتەي دە اۋىتقىماستان دامىتىپ، جۇڭگو مەن يراننىڭ جان - جاقتى ستراتەگيالىق سەرىكتەستىك قارىم - قاتىناسىنىڭ ۇزدىكسىز تىڭ دامۋعا قول جەتكىزۋىن ىلگەرىلەتىپ، 100 جىلدا بولماعان زور وزگەرىس بارىسىندا دۇنيە ءجۇزىنىڭ بەيبىتشىلىگى مەن ادامزاتتىڭ العا باسۋىندا بەلسەندى رول اتقارادى.
شي جينپيڭ بىلاي دەپ دارىپتەدى: جۇڭگو جاق يران جاقتىڭ مەملەكەتتىڭ يەلىك ۇقىعىن، تاۋەلسىزدىگىن، تەرريتوريا تۇتاستىعىن، ۇلتتىڭ ار - نامىسىن قورعاۋىن قولدايدى، يران جاقتىڭ سىڭار جاقتىلىققا، زورەكەرلىككە قارسى تۇرۋىن قولدايدى، سىرتقى كۇشتەردىڭ يراننىڭ ىشكى ىسىنە كيلىگۋىنە، يراننىڭ حاۋىپسىزدىگى مەن ورنىقتىلىعىن بۇلدىرۋىنە قارسى تۇرادى، ءبىر - ءبىرىنىڭ وزەكتى مۇددەسىنە ساياتىن ماسەلەلەردە يران جاقپەن ۇزدىكسىز تۇردە ءوزارا باتىل قولداۋ كورسەتۋدى قالايدى. جۇڭگو جاق يران جاقپەن بىرگە ەكى ەلدىڭ جان - جاقتى سەلبەستىك جوسپارىن ويداعىداي تياناقتاندىرىپ، ساۋدا، اۋىل شارۋاشىلىعى، ونەركاسىپ، نەگىزدىك قۇرىلعى سياقتى سالالارداعى ناقتى سەلبەستىكتى تەرەڭدەتىپ، يراننىڭ اناعۇرلىم كوپ ساپالى اۋىل شارۋاشىلىق ونىمدەرىن يمپورت ەتۋدى قالايدى. جۇڭگو جاق يران جاقپەن «ءبىر بەلدەۋ، ءبىر جولدى» بىرگە قۇرۋ سەلبەستىگىن ۇزدىكسىز ورىستەتىپ، ۇلاستىرۋ - تۇتاستىرۋدى جەبەپ، گۋمانيتارلىق اۋىس - كۇيىستى كەڭەيتۋدى قالايدى.
شي جينپيڭ بىلاي دەپ اتاپ كورسەتتى: ورتا شىعىستىڭ ورنىقتىلىعىن قورعاۋ وڭىردەگى ەلدەردىڭ جانە حالىقتاردىڭ باقىتىنا سايادى، دۇنيە ءجۇزىنىڭ بەيبىتشىلىگىن قورعاۋدا، دۇنيە ءجۇزى ەكونوميكاسىنىڭ دامۋىن جەبەۋدە، ەنەرگيامەن ورنىقتى قامداۋدى قامتاماسىز ەتۋدە ايرىقشا ماڭىزدى. جۇڭگو جاق يران جاقتىڭ توڭىرەكتەگى كورشى ەلدەرمەن قارىم - قاتىناستى بەلسەنە جاقسارتۋدى قالاپ وتىرعانىن القايدى، وڭىردەگى ەلدەردىڭ تىلدەسۋ، كەڭەسۋ ارقىلى قايشىلىقتى شەشىپ، تاتۋ كورشىلىك دوستىقتى جۇزەگە اسىرىپ، ءوڭىردىڭ بەيبىتشىلىگى مەن ورنىقتىلىعىن جەبەۋدە ۇزدىكسىز سىندارلى رول اتقارۋىن قالايدى. جۇڭگو جاق يران جاقپەن بىرلەسكەن مەملەكەتتەر ۇيىمى، شاڭحاي سەلبەستىك ۇيىمى سياقتى كوپ جاقتى تۇعىرلاردا بايلانىستى جانە سەلبەستىكتى كۇشەيتىپ، ناعىز كوپ جاقتىلىقتى امالياتتا ايگىلەپ، وركەندەپ كەلە جاتقان ەلدەردىڭ ورتاق مۇددەسىن قورعاۋدى قالايدى. جۇڭگو جاق يراننىڭ يادرو ماسەلەسى جونىندەگى جان - جاقتى كەلىسىمىن قالپىنا كەلتىرۋ - اتقارۋ كەلىسسوزىنە ۇزدىكسىز سىندارلى تۇردە ات سالىسىپ، يراننىڭ ورىندى، زاڭدى ۇقىق - مۇددەسىن قورعاۋىن قولداپ، يراننىڭ يادرو ماسەلەسىنىڭ ەرتەرەك ۇيلەسىمدى شەشىلۋىن ىلگەرىلەتەدى.
رايسي مىنانى ءبىلدىردى: يران مەن جۇڭگونىڭ دوستىعى سىننان وتكەن، ۋاقىت وتكەن سايىن بەكەمدەلىپ كەلەدى. دەربەس، ءوز - وزىنە قوجايىن بولعان ەكى ءىرى ەل رەتىندە يران - جۇڭگو قارىم - قاتىناسى ءوزارا قۇرمەت ەتۋ رۋحىن نەگىز ەتكەن، ەكى ەل ءوزارا سەنىم ارتۋعا بولاتىن شىنايى ستراتەگيالىق سەرىكتەر سانالادى. يران جاق يران مەن جۇڭگونىڭ جان - جاقتى ستراتەگيالىق سەرىكتەستىك قاتىناسىن تەرەڭدەتۋگە جانە جوعارىلاتۋعا كۇش سالۋ بەكىمىنەن اۋىتقىمايدى، ءارقانداي حالىقارالىق جانە وڭىرلىك جاعداي وزگەرىسىنىڭ ىقپالىنا ۇشىرامايدى. يران جاق جۇڭگو جاقپەن ءار دارەجەلى بارىس - كەلىستى كۇشەيتىپ، يران مەن جۇڭگونىڭ جان - جاقتى سەلبەستىك جوسپارىن ويداعىداي تياناقتاندىرىپ، ساۋدا، نەگىزدىك قۇرىلعى سياقتى سالالارداعى ناقتى سەلبەستىكتى تەرەڭدەتۋدى ءۇمىت ەتەدى، جۇڭگو كاسىپورىندارىنىڭ يرانعا بارىپ قارجى قوسۋىن قارسى الامىز، اناعۇرلىم كوپ جۇڭگولىق ساياحاتشىنىڭ يرانعا بارىپ ساياحاتتاۋىن ءۇمىت ەتەمىز. يران جاق جۇڭگو جاقتىڭ يراننىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا قاستەرلى كومەك كورسەتكەنىنە العىس ايتادى، جۇڭگو جاقتىڭ يراننىڭ يادرو ماسەلەسى جونىندەگى جان - جاقتى كەلىسىمىن قالپىنا كەلتىرۋ - اتقارۋ كەلىسسوزى سياقتى ماسەلەلەردە ادىلەتتى جاقتاعانىنا العىس ايتادى. يران جاق جۇڭگو جاق العا قويعان «ءبىر بەلدەۋ، ءبىر جول» باستاماسىن، دۇنيە جۇزىلىك دامۋ باستاماسىن جانە دۇنيە جۇزىلىك حاۋىپسىزدىك باستاماسىن باتىل قولدايدى، بۇعان بەلسەنە ات سالىسادى. يران مەن جۇڭگو سىڭار جاقتىلىق پەن زورەكەرلىككە باتىل قارسى تۇرادى، سىرتقى كۇشتەردىڭ ىشكى ىستەرگە كيلىگۋىنە باتىل قارسى تۇرادى. يران جاق جۇڭگونىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋىن باتىل قولدايدى. يران جاق جۇڭگومەن حالىقارالىق جانە وڭىرلىك ىستەر جونىندە بايلانىستى كۇشەيتىپ، شاڭحاي سەلبەستىك ۇيىمى سياقتى كوپ جاقتى ورىنداردا تاماشا سەلبەستىكتى ساقتاپ، حالىقارالىق ادىلدىك پەن ادىلەتتىلىكتى، ءوڭىردىڭ جانە دۇنيە ءجۇزىنىڭ بەيبىتشىلىگى مەن حاۋىپسىزدىگىن قورعاۋدى قالايدى.
ەكى ەل باسشىلارى ورتاق كوڭىل ءبولىپ وتىرعان حالىقارالىق، وڭىرلىك ماسەلەلەر جونىندە پىكىر اۋىستىردى.
كەڭەستەن كەيىن ەكى ەل باسشىلارى اۋىل شارۋاشىلىعى، ساۋدا، ساياحات، قورشاعان ورتانى قورعاۋ، دەنساۋلىق ساقتاۋ، اپاتتان قۇتقارۋ، مادەنيەت، دەنەتاربيە سياقتى سالالارداعى كوپتەگەن ەكى جاقتى سەلبەستىك قۇجاتىنا قول قويۋعا كۋا بولدى.
كەڭەستەن بۇرىن شي جينپيڭ حالىق سارايىنىڭ سولتۇستىك زالىندا رايسيدى قارسى الۋ سالتىن وتكىزدى.
تيان - انمىن الاڭىندا 21 رەت قۇرمەت ساليۋتى اتىلدى، قۇرمەت قاراۋىلى ساپ تۇزەپ قۇرمەت ءبىلدىردى. ەكى ەلدىڭ مەملەكەت باسشىلارى پارات مىنبەسىنە شىقتى، اسكەري وركەستر جۇڭگو مەن يران ەكى ەلدىڭ مەملەكەت گيمنىن ورىندادى. رايسي شي شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن كوردى.
ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.
رايسي جۇڭگودا ساپاردا بولعان كەزدە ەكى جاق «جۇڭحۋا حالىق رەسپۋبليكاسى مەن يران ءىسلام رەسپۋبليكاسىنىڭ بىرلەسكەن مالىمدەمەسىن» جاريالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
