اۋىل شارۋاشىلىعى جانە اۋىل - قىستاق مينيسترلىگى: 2023 - جىلى ءتۇيىندى تۇردە ءتورت جاقتان شارۋالاردىڭ كىرىسىن ارتتىرىپ، اۋقاتتانۋ ارناسىن كەڭەيتەدى
2023.02.15 15:40 كەلۋ قاينارى : حالىق تورابى
2 – ايدىڭ 14 - كۇنى تۇستەن بۇرىن ساعات 10 دا، مەملەكەتتىك كەڭەستىڭ اقپارات كەڭسەسى اقپار جاريالاۋ ءماجىلىسىن اشىپ، 2023 - جىلعى اۋىل - قىستاقتى گۇلدەندىرۋدەگى ءتۇيىندى قىزمەتتەردى تانىستىردى.
ورتالىق اۋىل – قىستاق قىزمەتى باسشىلىق گرۋپپاسى كەڭسەسىنىڭ ارناۋلى ورىنباسار مەڭگەرۋشىسى، اۋىل شارۋاشىلىعى جانە اۋىل - قىستاق مينيسترلىگى پارتيا باسشىلىق گرۋپپاسىنىڭ مۇشەسى ۋ حۇڭياۋ بىلاي دەدى: پارتيا 18 - قۇرىلتايىنان بەرى، شارۋالاردىڭ كىرىسى ءۇرتىس ءبىرشاما تەز ارتتى، 2019 - جىلى كىرىستى 2010 - جىلداعىدان ەكى ەسەلەۋ نىساناسىن الدىن الا جۇزەگە اسىردى، 2022 - جىلى شارۋالاردىڭ جان باسىندىق قولداعى كىرىسى تۇڭعىش رەت 20 مىڭ يۋاننان استى، قالا، اۋىل تۇرعىندارىنىڭ كىرىسىنىڭ سالىستىرماسى 2012 – جىلعى 2.88 دەن 2022 – جىلعى 2.45 كە تومەندەدى. مىنانى دا كورە ءبىلۋىمىز كەرەك: قازىر شارۋالار كىرىسىنىڭ ارتۋ قارقىنى باياۋلاپ، كىرىستى ارتتىرۋدىڭ قوزعاۋشى كۇشى السىرەدى، ءسوز جوق، وسكەلەڭ ءمان بەرىپ، ارتىقشىلىق پەن كەمشىلىكتى ۇشتاستىراتىن، ناقتى، جارامدى قاتاڭ شارالار قولدانىپ، شارۋالاردىڭ كىرىسىن ارتتىرىپ، اۋقاتتانۋ ارناسىن كەڭەيتۋ كەرەك. بۇل دا ورتالىقتىڭ بيىلعى 1 - ءنومىرلى قۇجاتى ورنالاستىرعان ءتۇيىندى مىندەت، مۇنى ءتۇيىندى تۇردە ءتۇرت جاقتان مىقتى يگەرەدى.
ءبىرىنشى، جۇمىستانۋدى ورنىقتىرۋ ارقىلى ارتتىرۋ. ەڭبەكاقى سيپاتىندىق كىرىس شارۋالار كىرىسىنىڭ %41.96 ىن ۇستاپ، شارۋالاردىڭ كىرىسىن ارتتىرۋداعى ۇلەسى باسىم ورىندا تۇر. ءبىز جۇمىس ورنىن ورنىقتىرۋ، قيىنشىلىق قىسپاعىنان ارىلتۋ ساياساتتارىن تياناقتاندىرۋدى ىلگەرىلەتىپ، جۇمىستانۋ شەبەرلىگىن جوعارىلاتىپ، جۇمىس ورنىن كوبەيتىپ، جۇمىستانۋ ورايىن جاراتىپ، ديقان جۇمىسكەرلەردىڭ جۇمىستانۋىن ورنىقتىرامىز. قازىر 4/3 تەن استام ديقان جۇمىسكەرلەر ولكە كولەمىندە جۇمىستاندى، جارىمىنان استامى اۋدان كولەمىندە جۇمىستاندى، وسى اۋقىمعا سايكەسىپ، سالىستىرمالى ابزالدىلىعى كورنەكتى، جەتەكتەۋ قۋاتى كۇشتى، جۇمىستاندىرۋ سيىمدىلىعى زور اۋدان كولەمىندىك حالىقتى اۋقاتتاندىرۋ كاسىبىن دامىتىپ، ديقانداردىڭ جاقىن ماڭدا، سول جەردە جۇمىستانۋىنا جەتەكشىلىك ەتۋ كەرەك.
ەكىنشى، تيجارات ونىمدىلىگىن جوعارىلاتۋ. وتباسىلىق شارۋاشىلىقتىڭ تازا كىرىسى ديقاندار كىرىسىنىڭ %34.63 ىن ۇستايدى، مۇنىڭ %60 تەن استامى اۋىل شارۋاشىلىق تيجارات كىرىسىنەن كەلەدى. ءبىز جاڭاشا اۋىل شارۋاشىلىق تيجارات تۇلعالارىن جوعارىلاتۋ ارەكەتىن ىشكەرىلەي ورىستەتىپ، ۇساق شارۋا وتباسىلارىنىڭ سەلبەستىك تيجاراتىن جەبەپ، كىرىستى بىرگە ارتتىرامىز. اۋىل شارۋاشىلىعىنا قوعامدانعان قىزمەت وتەۋدى جەبەۋ ارەكەتىن اتقارىپ، ەگىن ەگىپ بەرۋ، ۋاكىلاتان باسقارۋ، ۋاكىلاتان ءونىم الۋ، تۇتاس بارىستى اماناتتاپ باسقارۋ سياقتى قوعامدانعان قىزمەت وتەۋ ارقىلى ۇساق شارۋا وتباسىلارىن وزىندىك قۇندى ۇنەمدەپ، ونىمدىلىكتى ارتتىرۋعا، ساپانى جوعارىلاتىپ، ونىمدىلىكتى ارتتىرۋعا، ساتۋ ونىمدىلىگىن ارتتىرۋعا جەتەكتەۋ كەرەك.
ءۇشىنشى، مال - مۇلىك كىرىسىنىڭ كومەسكى كۇشىن اشۋ. مال - مۇلىك تازا كىرىسى ديقاندار كىرىسىنىڭ %2.53 ىن ۇستايدى. ءبىز اۋىل - قىستاق جەر ءتۇزىمى رەفورماسىن تەرەڭدەتىپ، ۇقىقتى تۇراقتاندىرۋدى تىڭعىلىقتى جاقسى ىستەپ، ۇقىق بەرۋدى ورنىقتى ىلگەرىلەتىپ، ۇقىقتى ءتارتىپتى جۇرگىزىپ، شارۋالارعا اناعۇرلىم تولىق مال - مۇلىك ۇقىق - مۇددەسىن بەرىپ، شارت - جاعداي جاراتىپ، شارۋالاردىڭ مال - مۇلىك سيپاتتى كىرىسىن ارتتىرىپ، رەفورمانىڭ پايداسىنان اناعۇرلىم كوپ يگىلىكتەنۋىنە مۇمكىندىك جاسايمىز.
ءتورتىنشى، باسقا سالاعا ويىسۋ كىرىسى كەڭەيتىلدى. باسقا سالاعا ويىسۋ تازا كىرىسى شارۋالار كىرىسىنىڭ %20.88 ىن ۇستايدى، ول شارۋالاردىڭ، اسىرەسە، كەدەيلىكتەن ارىلعان حالىقتىڭ، اۋىل - قىستاقتاعى تومەن كىرىستى حالىقتىڭ كىرىسىنىڭ ماڭىزدى قۇرامداس بولەگى. ءبىز اۋىل شارۋاشىلىعىن كۇشەيتۋ، شارۋالارعا تيىمدىلىك جاساۋ، شارۋالاردى اۋقاتتاندىرۋ ساياساتىنىڭ تەبىنىن ۇزدىكسىز ىلگەرىلەتىپ، اۋىل - قىستاقتىڭ قوعامدىق قامتاماسىزداندىرۋ دەڭگەيىن بىرتىندەپ جوعارىلاتىپ، شارۋالارعا بەرىلەتىن قوسىمشا قاراجاتتى ورنىقتى ارتتىرىپ، قوعامدىق حاۋىپسىزدىك تورىن بەكەمدەپ، شارۋالار بۇقاراسىنىڭ قالتاسىن بارعان سايىن قامپايتىپ، تۇرمىسىن بارعان سايىن جاقسارتامىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
