”جاڭا داۋىردەگى شينجياڭ كادرلارى ۇلكەن ساباقحاناسىنىڭ“ بيىلعى تۇڭعىش لەكسياسى ءوتتى
لين يفۋ ارناۋلى تاقىرىپتا لەكسيا جاسادى
2023.02.16 15:53 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جاڭ يانفاڭ 2 - ايدىڭ 14 - كۇنى ۇرىمجىدەن حابارلايدى. 2 - ايدىڭ 14 - كۇنى ”جاڭا داۋىردەگى شينجياڭ كادرلارى ۇلكەن ساباقحاناسىنىڭ“ بيىلعى تۇڭعىش لەكسياسى ءوتتى. مەملەكەتتىك كەڭەستىڭ اقىلشىسى، بەيجيڭ داشۋەسى جاڭا قۇرىلىمدىق ەكونوميانى زەرتتەۋ ورنىنىڭ باستىعى لين يفۋ، ”ءجۇز جىلدا بولماعان زور وزگەرىس جاعدايىندا، جۇڭگو ۇلگىسىندەگى وسىزامانداندىرۋ ارقىلى شينجياڭنىڭ جوعارى ساپالى دامۋىنا جەتەكشىلىك ەتەيىك“ نەگىزگى تاقىرىبى توڭىرەگىندە، تۇتاس شينجياڭداعى ءار دارەجەلى پارتيا، ۇكىمەت ورىندارىنداعى باسشى كادرلارعا پىسىقتاۋ جۇرگىزىپ، ساباق ءوتتى.
لين يفۋ ۇزاق ۋاقىت بويى ەلىمىزدىڭ وسى زامانعى ەكونومياسىن زەرتتەۋگە جانە دارىندىلاردى باۋلۋعا كۇش سالىپ كەلەدى، تەرەڭ نازاريالىق بىلىمگە، كەڭ ءىلمي كوز اياعا جانە مول امالياتتىق تاجىريبەگە يە. 2015 - جىلدان قازىرگە دەيىن، ول وڭتۇستىك شينجياڭ ءوڭىرىن تىنباي ىشكەرىلەي ارالاپ، سوڭىنا ءتۇسىپ تەكسەرۋ - زەرتتەۋ جۇرگىزىپ، شينجياڭ ەكونوميكاسىنىڭ دامۋى مەن قوعام ورنىقتىلىعىن ىلگەرىلەتۋ جونىنەن كوپتەگەن تەرەڭ تۇسىنىكتەردى العا قويدى.
لەكسيا جاساۋ بارىسىندا لين يفۋ حالىقارالىق كوز ايانى تياناق ەتىپ، ەلىمىزدىڭ كەلەلى جاعدايىن كوزدە ۇستاپ، شينجياڭنىڭ بايلىق ارتىقشىلىعى جانە وڭىرلىك ورىن ەرەكشەلىگىمەن ۇشتاستىرىپ، قايتكەندە دامۋ مەن حاۋىپسىزدىكتى ءبىر تۇتاس جوسپارلاۋعا، ستراتەگيا مەن تاكتيكانى مىقتى يگەرۋگە، بىرگە بايۋدى جۇزەگە اسىرۋعا بولادى دەگەن ءۇش جاقتان كوپتەگەن ناقتى مىسالدار كەلتىرىپ، تايازدان تەرەڭگە بويلاپ، وبرازدى، جاندى تۇسىنىك جاسادى. سالىستىرمالى باسىمدىقتان ويداعىداي پايدالانىپ، جۇڭگو ۇلگىسىندەگى وسىزامانداندىرۋ ارقىلى شينجياڭنىڭ جوعارى ساپالى دامۋىنا جەتەكشىلىك ەتۋ كوزقاراسىن العا قويدى.
”جوعارى ورەدەگى مامانداردىڭ ساباعىن تىڭداۋ ورايىنا يە بولعانىمدى ماقتانىش سەزىنەمىن، كوز ايام كەڭىپ، وي ءورىسىم اشىلىپ، سەنىمىم نىعايىپ، مول تابىسقا يە بولدىم“. لەكسيانى تىڭداپ بولعاننان كەيىن، اۆتونوميالى رايوندىق ساۋدا ىستەرى مەڭگەرمەسى بازار اينالىمى جانە تۇتىنۋدى جەبەۋ باسقارماسىنىڭ باستىعى ياڭ شۋەلي بىلاي دەدى: مۇنان بىلاي سوڭعى ىندەت داۋىرىندەگى تۇتىنۋ ورتاسىنىڭ وزگەرىسىنە ساي، ينتەرنەت جەلىسىندە، ينتەرنەت جەلىسىنەن تىس توعىسپالى دامۋ جاعدايىنا ۇيلەسىپ، تۇتىنۋدى جەبەۋ، دامۋدى جەدەل قالپىنا كەلتىرۋ ناقتى ساياساتتىق شارالاردى بەلسەندى جوسپارلاپ، رايونىمىزدىڭ تۇتىنۋىنىڭ جىلدام جاندانىپ، ارىنداي دامۋىن جەدەلدەتەمىز.
”لەكسيادا شينجياڭنىڭ، اسىرەسە، وڭتۇستىك شينجياڭنىڭ ەكونوميكالىق، قوعامدىق دامۋى جونىندە ىشكەرىلەي تالداۋ جاسالدى ءارى مۇنان بىلايعى ءبىر مەزگىلدەگى دامۋ جونىندە باعىتتامالىلىعى، جەتەكشىلىك ەتۋ سيپاتى كۇشتى كوپتەگەن ناقتى اتقارۋعا بولاتىن ۇسىنىس - پىكىرلەر ورتاعا قويىلدى“. اۆتونوميالى رايوندىق ساۋدا - ونەركاسىپشىلەر بىرلەستىگىنىڭ ورىنباسار ءتوراعاسى ليۋ ۋي الداعى جەردە يدەيانى ونان ارى ازات ەتىپ، حالىق باسقارۋىنداعى شارۋاشىلىقتىڭ اقاۋسىز دامۋىن، حالىق باسقارۋىنداعى شارۋاشىلىق قايراتكەرلەرىنىڭ اقاۋسىز جەتىلۋىن جەبەۋ قىزمەتتەرىن تىڭعىلىقتى ويداعىداي ىستەيتىندىكتەرىن ايتتى.
كوپشىلىك تۇس - تۇستان اۋقىمدى باعامداپ، جالپى جاعدايدى كوزدە ۇستاپ، اۆتونوميالى رايوندىق پارتكومنىڭ ورنالاستىرۋ، تالاپتارى بويىنشا شىنايى يگەرىپ، ناقتى ىستەپ، ءورىس اشا جاڭالىق اشىپ، شينجياڭنىڭ ەكونوميكاسى مەن قوعامىنىڭ جوعارى ساپالى دامۋىن كۇش سالا ىلگەرىلەتەتىندىكتەرىن ءبىلدىردى.
وسى جولعى لەكسيا تەلەۆيزور - تەلەفون ءماجىلىسى فورماسىندا وتكىزىلدى، نەگىزگى ءماجىلىس ورنى شينجياڭ حالىق سارايىنا ورنالاستىرىلدى، ءارقايسى ايماق (وبلىس، قالا)، اۋدان (قالا، رايون)، بيڭتۋان ورگاندارى، ءارقايسى شى (قالا)، تۋان (الاڭ) بولىمشە ءماجىلىس ورنى ورنالاستىرىلدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
