شينجياڭ ۇيعۇر اۆتونوميالى رايوندىق ۇكىمەت ۇنەمىلىك ىستەر ءماجىلىسىن اشتى
جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ سەنىمىن، بەكىمىن بەكەمدەۋ كەرەك
2023.02.16 15:51 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لي ياڭ 2 - ايدىڭ 14 - كۇنى ۇرىمجىدەن حابارلايدى. 2 - ايدىڭ 13 - كۇنى تۇستەن كەيىن اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق 14 - كەزەكتى حالىق ۇكىمەتىنىڭ 3 - رەتكى ۇنەمىلىك ىستەر ءماجىلىسىن باسقارىپ اشىپ، پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىنداعى ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، تاريحي مادەنيەت مۇرالارىن قورعاۋ، ساپادا قۋاتتى رايون قۇرۋ، اۋىر لاستانعان اۋا رايىنا عىلمي، ءونىمدى توتەپ بەرۋ سياقتى قىزمەتتەردى اقىلداستى.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىنداعى ماڭىزدى ءسوزىنىڭ رۋحىن تەرەڭدەي ءتۇسىنىپ، سەنىمدى، بەكىمدى ونان ارى بەكەمدەپ، جۇيەلىك ويلاۋ مەن عىلمي جوبالاۋعا تاباندى بولىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتىپ، پارتيا 20 - قۇرىلتايىندا العا قويىلعان ءتۇرلى نىسانالىق، مىندەتتەردى ناقتى تياناقتاندىرۋ كەرەك. شينجياڭدى زاڭمەن باسقارۋدى، باسقارۋ قابىلەتىن ءوسىرۋدى كورنەكتى ورىنعا قويىپ، زاڭمەن باسقارۋ ويى مەن زاڭمەن باسقارۋ تاسىلىنەن پايدالانىپ شەشىم جاساۋ، ءىس تىندىرۋ قابىلەتىن ۇزدىكسىز جوعارىلاتۋ كەرەك. جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، ”8 ءىرى كاسىپ سالاسى شوعىرىن“ قالىپتاستىرۋدى جەدەلدەتىپ، جوعارى دەڭگەيدە سىرتقا ەسىك اشۋدى ىلگەرىلەتىپ، جاڭا دامۋ ارناسىنا اناعۇرلىم ويداعىداي قىزمەت وتەۋ جانە توعىسۋ كەرەك. حالىقتى وزەك ەتكەن دامۋ يدەياسىنا تاباندى بولىپ، حالىق تۇرمىسىنداعى 10 ناقتى ءىستى تياناقتاندىرۋ قىزمەتىن شىنايى ويداعىداي يگەرۋ كەرەك. شىنايى مويىنداۋدى كۇشەيتۋدى نىسانا ەتىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، جۇڭحۋا ۇلتىنىڭ ورتاق رۋحاني مەكەنىن قۇرۋ كەرەك. ەكونوميكانىڭ جوعارى ساپالى دامۋىن جانە ەكولوگيالىق ورتانى جوعارى دەڭگەيدە قورعاۋدى سايكەستى ىلگەرىلەتىپ، ەكولوگيالىق وركەنيەت قۇرىلىسىن جەبەۋ كەرەك.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ تاريحي مادەنيەت مۇرالارىن قورعاۋدى كۇشەيتۋ جونىندەگى ماڭىزدى بايىمداۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، قالا، اۋىل تاريحي مادەنيەت مۇرالارىن قورعاۋدىڭ، مۇراگەرلىك ەتۋدىڭ كەلەلى ماڭىزىن اناعۇرلىم تەرەڭدەي تانىپ، قالا، اۋىل قۇرىلىسى مەن تاريحي مادەنيەت مۇرالارىن قورعاۋدىڭ، ودان پايدالانۋدىڭ قاتىناسىن ويداعىداي ءبىر جاقتى ەتۋ كەرەك. تاريح پەن حالىققا وسكەلەڭ جاۋاپتى بولۋ پوزيتسياسىمەن جوبالاۋ - تەكسەرۋ، تەكسەرۋ - باعالاۋ، قۇرۋ - باسقارۋ سياقتى وتكەلدەردى قاتاڭ ويداعىداي يگەرىپ، تاريحي مادەنيەت كوشەلەرىن مالىمدەۋ، مويىنداۋ قىزمەتىن ويداعىداي ىستەپ، عىلمي تۇرگە ايرىلعان، پارمەندى قورعالعان، ءونىمدى باسقارىلعان قالا، اۋىل تاريحي مادەنيەتىن قورعاۋ جانە وعان مۇراگەرلىك ەتۋ جۇيەسىن ورناتۋ كەرەك.
ءماجىلىس مىنالاردى باسا دارىپتەدى: ساپا قىزمەتىن ماڭىزدى كەڭەستىك كۇن تارتىپكە ەنگىزىپ، ساپادا قۋاتتى رايون قۇرۋ ستراتەگياسى مەن ساپانى جوعارىلاتۋ قىزمەتىن تياناقتاندىرۋ سياقتى ءتۇرلى نىسانالاردى، مىندەتتەردى ارقاۋ ەتە وتىرىپ، ساپالى قامداۋدى ۇزدىكسىز كۇشەيتىپ، ساپا نەگىزىن بەكەمدەپ، ساپانى باسقارۋ دەڭگەيىن جوعارىلاتۋ كەرەك. ساپا سيلىعىنا كورسەتۋ، باعالاۋ جانە سيلاۋ - ماداقتاۋ قىزمەتىن جوعارى ولشەممەن، قاتاڭ تالاپپەن ورىستەتىپ، ۇكىمەت ساپاعا ءمان بەرەتىن، كاسىپورىن ساپاعا تالپىناتىن، قوعام ساپانى ارداقتايتىن، بارلىق ادام ساپاعا ءمان بەرەتىن قويۋ رايدى قۇلشىنا تۇلعالاۋ كەرەك.
ءماجىلىس مىنالاردى اتاپ كورسەتتى: اتموسفەرانىڭ لاستانۋىنان ساقتانۋ جانە ونى وڭاۋ ارەكەت جوسپارىن ىشكەرىلەي اتقارىپ، كاسىپورىنداردىڭ ورتانى قورعاۋ تەحنيكاسىن وزگەرتۋ، دەڭگەيىن جوعارىلاتۋ، بىتىراندى كومىردى تازالاۋ، رەتتەۋ، ”كومىردى گازگە وزگەرتۋ“ سياقتى قىزمەتتەردى شىنايى ويداعىداي يگەرۋ كەرەك. بيڭتۋان مەن جەرگىلىكتى ورىننىڭ بىرلەسىپ ارەكەتتەنۋىن كۇشەيتىپ، باقىلاۋ، تەكسەرۋ سىندى ساندى مالىمەتتەرىن ءوزارا ۇلاستىرىپ، ورتاقتاسۋدى تياناقتاندىرىپ، ءتۇيىندى وڭىرلەردىڭ لاستانۋىن وڭاۋ ساپاسىن، ونىمدىلىگىن جوعارىلاتىپ، رايونىمىز اۋا ساپاسىنىڭ كورنەكتى جاقسارۋىن ىلگەرىلەتۋ كەرەك.
ءماجىلىس باسقا دا ىستەردى اقىلداستى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
