كەشكى بازاردىڭ ساپاسى جاقسارىپ، دارەجەسى جوعارىلادى، مادەنيەت قىزمەت وتەۋى حالىققا تيىمدىلىك جاسادى
چاڭشا تۇتىنۋ كومەسكى كۇشىن تولىق ىسكە قوستى (سەنىمدى بەكەمدەپ، جاڭا باستاماعا قادام تاستاۋ)
«حالىق گازەتىنىڭ» تىلشىلەرى ۋ چيچياڭ، سۇن چاۋ
2023.02.16 16:20 كەلۋ قاينارى : حالىق تورابى
2 - ايدىڭ 11 - كۇنى كەشتە حۋنان چاڭشا قالاسى فۋرۇڭ رايونى ياڭفان كەشكى بازارىنداعى ءبىر جايمانىڭ الدىندا، دۇكەن قوجايىنى ۋاڭ سىچي الارماندارعا شەلپەك جاساۋ بارىسىن كورسەتە ءجۇرىپ، قول تەلەفون ارقىلى تىكە تاراتۋىن ىسكە قوستى. ساعات نولدە ول تىكە تاراتۋىن توقتاتىپ، ءبىر كۇندىك تيجارات كىرىسىن ەسەپتەدى، تاعى دا نەشە مىڭ يۋان كىرىس كىرگەن ەكەن. «بۇرىن باس الماي زات ساتۋمەن بولاتىنبىز، قازىر تىكە تاراتۋ جۇيەسىندە اڭگىمە ايتىپ، اعىن مولشەرىن كوبەيتەمىز». ۋاڭ سىچي − ياڭفان كەشكى بازارىندا تىكە تاراتۋ جۇيەسىن ەڭ ەرتە اشقان قوجايىنداردىڭ ءبىرى، ءبىر جىلدان استام ۋاقىتتان بەرى ول ىسكە قوسقان تىكە تاراتۋ جۇيەسىنىڭ دەمەۋشىلەرى 10 مىڭنان استى، ءار كۇنگى تيجارات سوماسى دا مىڭ يۋاننان ەڭ جوعارى بولعاندا 10 مىڭ يۋانعا كوبەيدى.
ياڭفان كەشكى بازارىنىڭ باس ديرەكتورى لي تيانيۇڭ بىلاي دەدى: چاڭشانىڭ كەشكى ەكونوميكانىڭ تۇتىنۋدى جەبەۋ رولىنا بارعان سايىن ءمان بەرۋىنە بايلانىستى، ياڭفان كەشكى بازارى باسقا كەشكى بازارلار سياقتى جان - جاقتى جاقساردى. ياڭفان كەشكى بازارى سەرىكتەستىك فورماسىنداعى تيجارات باسقارۋ رەفورماسىن اتقارىپ، ماركا جالپىلاستىرۋ تاراۋىن قۇرىپ، تىكە تاراتۋمەن شۇعلىداناتىن دۇكەن قوجايىنىن جەتىلدىردى، سونىمەن بىرگە، حۋناننىڭ مول اقپارات قۇرالدارى بايلىعى مەن اعىن ارناسىن بىرلەستىرىپ، دامۋ كەڭىستىگىن كەڭەيتتى.
تاڭعى ساعات بىردە ۋاڭ سىچي «ياڭفان كەشكى بازارىنىڭ ساۋداگەرلەر تەرمينالى» شاعىن قولدانىس جۇيەسىن اشىپ، تازالانعان جايمانى سۋرەتكە ءتۇسىرىپ ارتقى تەكشەگە شىعاردى. شاعىن قولدانىس جۇيەسىندە زات الۋ، تالون كەسۋ، ازىق - تۇلىك حاۋىپسىزدىگىن ءوزى تەكسەرۋ، سۇيىلتىلعان گازدان پايدالانۋ حاۋىپسىزدىگى سياقتى يقۋاتتىق جۇيەلەر بار، ونى قولدانۋ وتە قولايلى.
«بۇل − ياڭفان كەشكى بازارىنىڭ ساپانى جاقسارتىپ، دارەجەنى جوعارىلاتۋىنىڭ ءبىر جاعى». لي تيانيۇڭ بىلاي دەدى: ساۋداگەرلەر تەرمينالىنان سىرت، باسقارۋ تۇعىرىندا تۇتىنۋشىلار، باسقارۋ تەرمينالى جانە ۇكىمەت تەرمينالى بار. بازار باسقارۋشى جاق ءاربىر باسقارۋشىنىڭ تەكسەرۋ احۋالىنا ەسەپ داپتەرىن ازىرلەيدى. بۇل ساندى مالىمەتتەر ەڭ سوڭىندا ۇكىمەتتىڭ باسقارۋ تاراۋلارىن نەگىزدىك ساندى مالىمەتپەن قامدايدى.
كوكتەم مەرەكەسىنىڭ تۇنىنەن يۋانشياۋ مەرەكەسىنە دەيىن ياڭفان كەشكى بازارى ءبىر ميلليون 200 مىڭ ادام - رەت ساياحاتشى قابىلدادى. كولەمى شاعىن ياڭفان كەشكى بازارىنىڭ جىلدىق ورتاشا تيجارات سوماسى 800 ميلليون يۋان بولىپ، توڭىرەكتەگى 330 نەشە ازىق - تۇلىك مانەرلەۋ دۇكەنىن جانداندىردى. 2022 - جىلى ياڭفان كەشكى بازارى چاڭشانىڭ كەشكى تۇتىنۋدان ۇلگى كورسەتۋ ءتۇيىنى بولىپ باعالاندى.
چاڭشادا ياڭفان كەشكى بازارى سياقتى كەكشى تۇتىنۋدان ۇلگى كورسەتۋ تۇيىندەرى 140 تان استى. تاياۋ جىلداردان بەرى چاڭشا كەشكى ەكونوميكانىڭ دامۋىن ۇزدىكسىز ىلگەرىلەتىپ، «24 ساعاتتىق قالا» قۇرۋدى نىسانا ەتىپ، ءبىر توپ ەرەكشە كەشكى تۇتىنۋ كوشەسى رايونىن جوبالاپ، كەشكى ەكونوميكا ارتۋدى ورنىقتىراتىن، جۇمىستانۋدى ورنىقتىراتىن جالىندى كۇشكە اينالىپ، ىلگەرىندى - كەيىندى تۇتىنۋ شوعىرلانعان 4 رايون مەملەكەت دارەجەلى كەشكى مادەنيەت جانە ساياحات تۇتىنۋى شوعىرلانعان رايونعا تاڭدالدى.
الىپ كۇمىس اق ءتۇستى اي فورمالى شىراقتىڭ استىندا سىراحانا، كوفەحانا، كەشكى بازار رەتى بويىنشا ءتىزىلىپ، ساياحاتشىلار جاياۋلار كوشەسىنىڭ دۋمانىنا باتاتىن، كەمەجايعا بارىپ شياڭجياڭ وزەنىنىڭ تۇنگى كورىنىسىن تاماشالايتىن بولدى. چاڭشا جاڭالىق اشۋعا جەتەكشىلىك ەتەتىن جانە مادەنيەت ەرەكشەلىگىن ايگىلەيتىن كەشكى ەكونوميكا تۇتىنۋ كاسىبىن كۇش سالا دامىتتى. چاڭشا حايشين الاڭىندا سيقىر ويىنى، كونسەرت الڭقىسى، اسەمونەر سارايى، مۇراجاي سياقتىلار بار، بۇل ارا قالانىڭ جاڭا مادەنيەت تۇتىنۋ ورنىنا اينالدى. چاڭشا يۇيحۋا رايونىندا، مۋزىكالى كىتاپ دۇكەنى، «بەرەكە +» كىتاپحاناسى، يۇيحۋا بەيزاتتىق مادەنيەت مۇرالارى كىتاپحاناسى سياقتى تۇندە تيجارات جۇرگىزەتىن كىتاپ دۇكەندەرى، كىتاپحانالار كەشكى كىتاپ وقۋ شەڭبەرىن بىرگە قالىپتاستىردى. چاڭشا قالالىق ۇكىمەت ءار جىلى 30 ميلليون يۋان قارجى قوسىپ، چاڭشا مۋزىكا زالى، ميشي كولى تەاترحاناسى سياقتىلارعا الەۋمەتتىك قىزمەت وتەۋ اقىسىن بەرىپ، حالىققا تيىمدىلىك جاساۋ بەلەتتەرىن بازارعا سالدى.
بيىل كوكتەم مەرەكەسى دەمالىسىندا چاڭشا 2 ميلليون 789 مىڭ 400 ادام - رەت ساياحاتشى قابىلداپ، سايكەس مەزگىلدەگىدەن %109.25 ارتتى؛ ساياحات كىرىسى 2 ميلليارد 969 ميلليون يۋانعا جەتىپ، سايكەس مەزگىلدەگىدەن %93 ارتتى. 1 – ايدىڭ 21 – كۇنىنەن 2 – ايدىڭ 13 – كۇنىنە دەيىن چاڭشانىڭ نەگىزگى كەشكى ەكونوميكا ساۋدا شەڭبەرىندەگى حۋاڭشيڭ وڭتۇستىك جولى جاياۋلار كوشەسىندە جولاۋشىلار اعىنى سايكەس مەزگىلدەگىدەن %68 ارتتى، 1 - مامىر ساۋدا شەڭبەرىندەگى جولاۋشىلار اعىنى سايكەس مەزگىلدەگىدەن %64.9 ارتتى.
1 - ايدىڭ 29 - كۇنى چاڭشا قالاسى 2023 - جىلعى ەكونوميكانىڭ ساپالى دامۋىن ىلگەرىلەتۋدىڭ 10 ءىرى ارەكەت جوباسىن شىعارىپ، تۇتىنۋ سۇرانىسىن ىشكەرىلەي اشىپ، تۇتىنۋ كومەسكى كۇشىن تولىق ىسكە قوسىپ، قالانىڭ ومىرشەڭدىك قۋاتىن ونان ارى كۇشەيتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
