ورتالىق ءتارتىپ تەكسەرۋ كوميتەتى پىكىر باسىپ تاراتتى
اۋىل – قىستاقتى گۇلدەندىرۋ سالاسىنداعى بۇرىس ستيلدەر مەن شىرىكتەسۋ ماسەلەلەرى باتىل جونگە سالىنادى
2023.02.16 16:15 كەلۋ قاينارى : حالىق تورابى
پارتيا 20 - قۇرىلتايىنىڭ اۋىل - قىستاقتى گۇلدەندىرۋ ستراتەگياسىن جاپپاي ىلگەرىلەتۋ جونىندەگى ورنالاستىرۋىن ىشكەرىلەي دايەكتى تياناقتاندىرۋ ءۇشىن، ورتالىق ءتارتىپ تەكسەرۋ كوميتەتى ەكىنشى جالپى ءماجىلىسىنىڭ ورنالاستىرۋلارى مەن تالاپتارىنا ساي، ورتالىق ءتارتىپ تەكسەرۋ كوميتەتى تاياۋدا «اۋىل – قىستاقتى گۇلدەندىرۋ سالاسىنداعى بۇرىس ستيلدەر مەن شىرىكتەسۋ ماسەلەلەرىن ارناۋلى جونگە سالۋ جونىندەگى پىكىردى» باسىپ تاراتىپ، ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارىنان اۋىل - قىستاقتى گۇلدەندىرۋدى جاپپاي ىلگەرىلەتۋ ساياسي جاۋاپكەرلىك سەزىمىن شىنايى جوعارىلاتىپ، قاتاڭ نەگىزگى اۋەندە تاباندى بولىپ، قاتاڭ شارا قولدانىپ، اۋىل - قىستاقتى گۇلدەندىرۋ سالاسىنداعى بۇرىس ستيلدەر مەن شىرىكتەسۋ ماسەلەلەرىن كۇش سالا جونگە سالىپ، اۋىل - قىستاقتى گۇلدەندىرۋدى جاپپاي ىلگەرىلەتۋگە، جالپى حالىقتىڭ بىرگە اۋقاتتانۋىن جەبەۋگە پارمەندى كەپىلدىك ازىرلەۋدى تالاپ ەتتى.
«پىكىردە» مىنالار اتاپ كورسەتىلدى: پارتيانىڭ 20 - قۇرىلتايىندا اۋىل - قىستاقتى گۇلدەندىرۋدىڭ ايبىندى جوباسى جاسالدى، باس شۋجي شي جينپيڭ بۇكىل پارتيانىڭ، بۇكىل قوعامنىڭ كۇشىن جۇمىلدىرىپ، اۋىل - قىستاقتى گۇلدەندىرۋدى ىلگەرىلەتىپ، شارۋالاردىڭ سول جەردىڭ وزىندە وسى زامانعى وركەنيەتتى تۇرمىس كەشىرۋىنە مۇمكىندىك جاساۋدى دارىپتەدى. اۋىل - قىستاقتى گۇلدەندىرۋدى جاپپاي ىلگەرىلەتۋدىڭ تەرەڭدىگى، كەڭدىگى، قيىندىعى كەدەيلىكتەن ارىلتۋدان قامال الۋدان كەم تۇسپەيدى، قانشالىق جاپالى بولعان سايىن، بۇكىل پارتيانىڭ جوعارىدان تومەنگە دەيىن قايراتتانا كۇرەس جاساۋىن، شىنايى يگەرىپ، ناقتى ىستەۋىن، قاتاڭ ءتارتىپ پەن ىسىلعان ستيل ارقىلى قامتاماسىز ەتۋىن سونشالىق قاجەت ەتەدى. اۋىل - قىستاقتى گۇلدەندىرۋ سالاسىنداعى بۇرىس ستيلدەر مەن شىرىكتەسۋ ماسەلەلەرىن ارناۋلى رەتتەۋ – جونگە سالۋدى بەلسەنە ورىستەتۋ − 20 - كەزەكتى ورتالىق ءتارتىپ تەكسەرۋ كوميتەتىنىڭ باستاما كوتەرۋدەگى ماڭىزدى قىزمەتى، ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ارناۋلى رەتتەۋ - جونگە سالۋ قىزمەتىن ورىستەتۋدىڭ ماڭىزدى ءمانىن جەتە تانىپ، جارامدى قاتاڭ شارا قولدانىپ، ورتالىقتىڭ ساياساتىنىڭ تياناقتانۋىنا ىقپال جاسايتىن بارلىق كورنەكتى ماسەلەنى باتىل تۇزەتىپ، بۇقارانىڭ مۇددەسىنە زيان جەتكىزەتىن بارلىق شىرىكتەسۋدى باتىل جازالاپ، ستيلدى دۇرىستاپ، ءتارتىپتى قاتايتۋدىڭ تىڭ تابىستارى ارقىلى قالىڭ بۇقارانىڭ سەنىمى مەن قولداۋىنا يە بولۋى كەرەك.
«پىكىردە» مىنالار دارىپتەلدى: ماڭىزدى ءتۇيىندى دالمە - ءدال يگەرىپ، كورنەكتى ماسەلەلەردى ىشكەرىلەي رەتتەۋ - جونگە سالۋ كەرەك. ساياساتتى تياناقتاندىرۋ جانە قىزمەتتى ىلگەرىلەتۋ بارىسىنداعى فورماشىلدىق، تورەشىلدىك ماسەلەلەرىن كۇش سالا تۇزەتىپ، كاسىپ سالاسى، دارىندىلار، مادەنيەت، ەكولوگيا، ۇيىم سىندى «بەستى گۇلدەندىرۋدى» ارقاۋ ەتىپ، بۇيرىقتى اتقارماۋ، تيىم سالىنسا دا تيىلماۋ، سىڭار جاقتى ءتۇسىنۋ، دورەكىلىكپەن مەڭگەرۋ، قىزمەتتى ىلگەرىلەتە الماۋ، تىڭعىلىقتى ىستەمەۋ، سونداي - اق بۇقارا ءۇشىن جۇمىس بىتىرۋدە ءبىر - بىرىنە يتەرمەلەۋ، سالعىلاسۋ، قول ۇشىمەن ىستەۋ سياقتى ماسەلەلەردى باتىل تۇزەتىپ، جونگە سالىپ، نەگىزگى ساتى كادرلارىنىڭ اۋىرتپالىعىن جەڭىلدەتۋدى شىنايى ىلگەرىلەتۋ كەرەك. كولەمدى قايتا كەدەيلەنۋ تۋىلماۋىنىڭ تومەنگى شەگىن ساقتاۋعا ۇزدىكسىز قۋزاپ، قايتا كەدەيلەنگەندەردى انىقتاۋدا ات ءۇستى ىستەۋ، كومەكتەسۋ - سۇيەمەلدەۋدىڭ دەر كەزىندە دالمە - ءدال بولماۋى، «ءۇشتى قامتاماسىز ەتۋ» جانە اۋىز سۋ حاۋىپسىزدىگى سياقتى نىسانداردى باسقارۋدىڭ، قورعاۋدىڭ پارمەندى بولماۋى سياقتى ماسەلەلەردى كۇش سالا تۇزەتىپ، جونگە سالىپ، كەدەيلىكتەن ارىلتۋدان قامال الۋدىڭ تابىستارىن بەكەمدەۋ، كەڭەيتۋ كەرەك. استىق حاۋىپسىزدىگى، ەگىستىك جەردى قورعاۋ سياقتى ستراتەگيالىق شارالاردى تياناقتاندىرۋ بارىسىنداعى شىرىكتەسۋ جانە ستيل ماسەلەلەرىن باتىل جازالاپ، مەملەكەت مەنشىگىندەگى استىق قامبالارىنداعى «كەمىرۋشىلەردى» قاتاڭ، اۋىر جازالاپ، ەگىستىك جەردى زاڭعا قايشى يەمدەنۋدىڭ استارىنداعى جاۋاپكەرلىك، شىرىكتەسۋ جانە ستيل ماسەلەلەرىن قاتاڭ تەكسەرىپ ءبىر جاقتى ەتىپ، اس - سۋ ىسىراپشىلدىعىن ىشكەرىلەي جونگە سالۋدى ىلگەرىلەتۋ كەرەك. ءتۇيىندى نىسان، ماڭىزدى قارجى، ماڭىزدى بۋىندار جونىندەگى باقىلاۋ - تەكسەرۋدى كۇشەيتىپ، اۋىل شارۋاشىلىعىنا تيىمدىلىك جاساۋ قوسىمشا قاراجاتىن الداپ الۋ، ۇستاپ قالۋ، باسقاعا جۇمساۋ، ينجەنەريا قۇرىلىسى بارىسىندا جاسىرىن مەڭگەرۋ، ۇقىق - اقشا ساۋداسى سياقتى ماسەلەلەردى كۇش سالا جونگە سالىپ، اۋىل - قىستاق كوللەكتيۆ مال - مۇلكىن باقىلاۋ - باسقارۋ جۇيەسىن كەمەلدەندىرۋدى ىلگەرىلەتۋ كەرەك. نەگىزگى ساتىنى باقىلاۋدى كۇشەيتىپ، اۋىل - قىستاقتى جونگە سالۋدى جەبەپ، قىستاق كادرلارىن، اسىرەسە، جالتاقويلاردى باقىلاپ - باسقارۋدى كۇشەيتىپ، «قىستاق زورەكەرلەرىن» رەتتەۋ - جونگە سالۋدى تەرەڭدەتۋگە قۋزاپ، ەسكى سالت - سانانى وزگەرتۋدى ۇزدىكسىز ىلگەرىلەۋ كەرەك.
«پىكىر»دە مىنالار تالاپ ەتىلدى: رەتتەۋ - جونگە سالۋ قىزمەتىندە شىندىققا جۇگىنىپ، ناقتى ءىس ىستەپ، فورماشىلدىقتان، تورەشىلدىكتەن بارىنشا ساقتانىپ، تىڭعىلىقتى ناتيجەگە قول جەتكىزۋگە شىنايى كەپىلدىك ەتۋ كەرەك. قاتاڭ نەگىزگى اۋەندە تاباندى بولىپ، اۋىل - قىستاقتى گۇلدەندىرۋ سالاسىنداعى ماسەلە دەرەكتەرىنە «تۇبەگەيلى تەكسەرۋ» جانە «قايتا قاداعالاۋ» جۇرگىزىپ، جاڭادان قوسىلعان ماسەلە دەرەكتەرىن قاتاڭ تەكسەرىپ، جەدەل ءبىر جاقتى ەتىپ، يكەمدىلىكپەن ءبىر جاقتى ەتىپ، دەرەكتەردىڭ ساقتالعان قورىن ءبىر جاقتى ەتۋ تەبىنىن ارتتىرىپ، تارتىپكە، زاڭعا قايشىلىق جاساۋ ماسەلەلەرىن قاتاڭ تەكسەرۋ كەرەك. باقىلاۋدى ۇشتاستىرۋدى، سايكەستىرۋدى كۇشەيتىپ، اۋىل - قىستاقتى گۇلدەندىرۋ ستراتەگياسىنىڭ تياناقتانۋ جاعدايىن شارلاۋ، شارلاپ تەكسەرۋ، وكىلەتتى باقىلاۋ تۇيىندەرىنە ەنگىزىپ، قازىنا، اۋىل شارۋاشىلىعى، اۋىل - قىستاق، قازىنالىق باقىلاۋ سياقتى فۋنكتسيالىق تاراۋلارمەن تىلدەسۋدى، سەلبەسۋدى كۇشەيتىپ، نەگىزگى ساتىنىڭ باقىلاۋ كۇشىنەن بىرىكتىرىپ پايدالانىپ، جونگە سالۋ قىزمەتىنىڭ بىرىككەن كۇشىن ۇيىستىرۋ كەرەك. شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋدە تاباندى بولىپ، تيپتىك دەلولاردى اشكەرەلەۋ تەبىنىن ارتتىرىپ، دەلو ارقىلى تۇزەتۋدى، جونگە سالۋدى، قۇرۋدى جەبەۋدى تەرەڭدەتىپ، جاڭا ستيل، دۇرىس سالتتى بارىنشا ساۋلەلەندىرىپ، اۋىل - قىستاقتى گۇلدەندىرۋدى جاپپاي ىلگەرىلەتۋدىڭ تاماشا اۋقىمىن قالىپتاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
