«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
قازىرگى ەكونوميكالىق قىزمەتتەگى بىرنەشە كەلەلى ماسەلە
2023.02.16 16:13 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 15 - كۇنى، بەيجيڭ. 2 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 4 - سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ 2022 - جىلى 12 - ايدىڭ 15 - كۇنى ورتالىقتىڭ ەكونوميكالىق قىزمەت ماجىلىسىندە سويلەگەن ماڭىزدى ءسوزىنىڭ ءبىر ءبولىمى − «قازىرگى ەكونوميكالىق قىزمەتتەگى بىرنەشە كەلەلى ماسەلە» جاريالانادى.
ماقالادا مىنالار دارىپتەلدى: 2023 - جىلعى ەكونوميكالىق قىزمەت كۇردەلى بولادى، ستراتەگيالىق جالپى جاعدايدى شىعار ءتۇيىن ەتىپ، قوعامدىق پسيحيكالىق مەجەنى جاقسارتۋدان، دامۋ سەنىمىن سەرپىلتۋدەن كىرىسىپ، قىزمەتتەردى ارقاۋدى نەگىز ەتە وتىرىپ جاقسى ىستەۋ كەرەك.
ماقالادا مىنالار اتاپ كورسەتىلدى: ىشكى سۇرانىستى كۇش سالا كەڭەيتۋ كەرەك. جالپى سۇرانىستىڭ جەتكىلىكسىزدىگى − قازىرگى ەكونوميكالىق اينالىم ءدوپ كەلىپ وتىرعان كورنەكتى قايشىلىق. ىشكى سۇرانىمدى ۇلعايتۋ ستراتەگياسىن كۇش سالا اتقارىپ، اناعۇرلىم پارمەندى شارالار قولدانىپ، قوعامدىق ۇدايى ءوندىرىستىڭ تاماشا اينالىمدى جۇزەگە اسىرۋىنا مۇمكىندىك جاراتۋ كەرەك. ساياساتتىق شارالاردى ساپالىلاندىرىپ، تۇتىنۋدىڭ نەگىزدىك رولى مەن قارجى قوسۋدىڭ شەشۋشى رولىن تولىق ساۋلەلەندىرۋ كەرەك. ءبىرىنشى، تۇتىنۋدى قالپىنا كەلتىرۋدى جانە كەڭەيتۋدى ماڭداي الدى ورىنعا قويۋ كەرەك. ەكىنشى، ۇكىمەتتىڭ قارجى قوسۋى مەن ساياساتتىق شابىتتاندىرۋى ارقىلى تۇتاس قوعامنىڭ قارجى قوسۋىنا ءونىمدى دەم بەرۋ كەرەك. ەكسپورتتىڭ ەكونوميكاداعى تىرەكتىك رولىن ۇزدىكسىز ساۋلەلەندىرىپ، ساۋدادا قۇدىرەتتى ەل قۇرۋدى جەدەلدەتۋ كەرەك.
ماقالادا مىنالار اتاپ كورسەتىلدى: وسىزاماندانعان كاسىپ جۇيەسىن قۇرۋدى جەدەلدەتۋ كەرەك. ءبىز ىشكى ونەرگە جاقسى جاتتىعىپ، تابان تىرەپ تۇرۋىمىز كەرەك. ەلىمىزدە دۇنيە جۇزىندەگى ەڭ كەمەلدى كاسىپ جۇيەسى مەن كومەسكى كۇشى ەڭ زور ىشكى سۇرانىم بازارى بار، كاسىپ تىزبەگىنىڭ، قامداۋ تىزبەگىنىڭ سەرپىمدىلىگى مەن حاۋىپسىزدىك دەڭگەيىن شىنايى جوعارىلاتىپ، ولقىلىقتاردى تولىقتاۋدى، ارتىقشىلىقتاردى بەكەمدەۋدى مىقتى يگەرۋ كەرەك. ءبىرىنشى، حالىق شارۋاشىلىعى اينالىمىنىڭ ىركىلىسسىزدىگىنە كەپىلدىك ەتۋ كەرەك. ەلىمىز ەكونوميكاسى، ءسوز جوق، مەملەكەتتىڭ حاۋىپسىزدىگىنە، نەگىزگى حالىق تۇرمىسىنا، نەگىزدىك قۇرىلعىلاردىڭ، نەگىزدىك كاسىپتەردىڭ جالپى تۇلعالىق جاقتان قالىپتى اينالىمىنا شىنايى كەپىلدىك ەتۋى كەرەك. ەكىنشى، كاسىپ جۇيەسىن دارەجەسىن جوعارىلاتۋ نەگىزىندە دامىتۋدى جەدەل جۇزەگە اسىرۋ كەرەك. ءتۇيىندى سالالاردا الدىن الا ورنالاستىرۋ جاساپ، كاسىپ جۇيەسىنىڭ وسىزاماندانۋ دەڭگەيىن جاپپاي جوعارىلاتىپ، ءارى ءداستۇرلى ابزال كاسىپتەردىڭ وزىق ورنىن بەكەمدەۋ، ءارى جاڭا باسەكەلىك ابزالدىق جاراتۋ كەرەك.
ماقالادا مىنالار اتاپ كورسەتىلدى: «ەكىدەن استە اۋىتقىماۋدى» شىنايى تياناقتاندىرۋ كەرەك. ءبىز، ءسوز جوق، پوزيتسيامىزدى ايقىن ءبىلدىرۋىمىز، استە كۇڭگىرتتىككە سالىنباۋىمىز، سوتسياليستىك بازار شارۋاشىلىعى رەفورماسىنىڭ بەتالىسىندا باستان - اياق تاباندى بولۋىمىز، «ەكىدەن استە اۋىتقىماۋدا» تاباندى بولۋىمىز كەرەك. ءبىرىنشى، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسىن تەرەڭدەتىپ، مەملەكەت مەنشىگىندەگى كاسىپورىنداردىڭ وزەكتى باسەكەلىك قۋاتىن جوعارىلاتۋ كەرەك. ەكىنشى، حالىقتىق كاسىپورىنداردىڭ دامۋ ورتاسىن ساپالىلاندىرىپ، حالىقتىق شارۋاشىلىقتىڭ دامۋىن، زورايۋىن جەبەۋ كەرەك.
ماقالادا مىنالار اتاپ كورسەتىلدى: شەتەل قارجىسىن اناعۇرلىم زور تەبىنمەن باۋراۋ جانە پايدالانۋ كەرەك. دۇنيە جۇزىنە كوز جىبەرسەك، دامىعان ەلدەر مەن جاڭادان گۇلدەنگەن ەكونوميكالىق تۇلعالار شەتەل قارجىسىن باۋراۋدى جانە پايدالانۋدى كەلەلى مەملەكەت ساياساتى ەتىپ، ساۋداگەر شاقىرىپ، قارجى ەنگىزۋ جاعىنداعى حالىقارالىق باسەكە ونان ارى شيەلەنىسە ءتۇستى. جوعارى دەڭگەيدە سىرتقا ەسىك اشۋدى ىلگەرىلەتىپ، ەلىمىزدىڭ وراسان زور كولەمدى بازار ابزالدىعىنا سۇيەنىپ، ەل ىشىندەگى زور اينالىم ارقىلى دۇنيە جۇزىلىك بايلىق فاكتورلارىن باۋراپ، ءبىر جاعىنان، ساپالى ىركىندى شەتەل قارجىسىن الىپ قالۋ، ەندى ءبىر جاعىنان، اناعۇرلىم كوپ ساپالى شەتەل قارجىسىن باۋراپ، ساۋدا، قارجى قوسۋ سەلبەستىگىنىڭ ساپاسى مەن دەڭگەيىن جوعارىلاتۋ كەرەك. ءبىرىنشى، بازارعا كىرۋ رۇقساتىن كەڭەيتۋ كەرەك. ەكىنشى، ساۋدا ورتاسىن جاپپاي ساپالىلاندىرۋ كەرەك. ءۇشىنشى، شەتەل كاپيتالىمەن قۇرىلعان كاسىپورىندارعا قىزمەت وتەۋ قىزمەتىن باعىتتامالى تۇردە ويداعىداي ىستەۋ كەرەك.
ماقالادا مىنالار اتاپ كورسەتىلدى: ەلەۋلى ەكونوميكالىق، فينانستىق حاۋىپ - قاتەردەن ءونىمدى تۇردە ساقتانۋ جانە ونى جويۋ كەرەك. ءسوز جوق، ۇستىنەن جونگە سالۋ مەن تۇبىرىنەن جونگە سالۋدى ۇشتاستىرۋدا، الىس پەن جاقىندى ۇشتاستىرۋدا تاباندى بولىپ، جۇيەلىك حاۋىپ - قاتەر تۋىلماۋدىڭ تومەنگى شەگىن بەرىك ساقتاۋ كەرەك. ءبىرىنشى، قورا - جاي كاسىبىنىڭ جۇيەلىك حاۋىپ - قاتەرىنەن ساقتانۋ كەرەك. ەكىنشى، فينانس حاۋىپ - قاتەرىنەن ساقتانۋ جانە ونى جويۋ كەرەك. ءۇشىنشى، جەرگىلىكتى ۇكىمەتتەردىڭ قارىز حاۋىپ - قاتەرىنەن ساقتانۋ جانە ونى جويۋ كەرەك.
ماقالادا مىنالار دارىپتەلدى: 2023 - جىلى ءالى دە كوپتەگەن ماڭىزدى قىزمەتتى ىستەۋگە تۋرا كەلەدى. اۋىل - قىستاقتى گۇلدەندىرۋدى جان - جاقتى ىلگەرىلەتىپ، كولەمدى قايتا كەدەيلەنۋدىڭ تۋىلۋىنان باتىل ساقتانۋ كەرەك. جاڭا كەزەكتى رەفورمانى جاپپاي تەرەڭدەتۋدى جوسپارلاۋ كەرەك. «ءبىر بەلدەۋ، ءبىر جولدى» بىرگە قۇرۋدىڭ ساپالى دامۋىن جەبەۋ كەرەك. وڭىرلىك كەلەلى ستراتەگيا مەن وڭىرلىك سايكەستى دامۋ ستراتەگياسىن ىشكەرىلەي اتقارۋ كەرەك. ەكونوميكالىق، قوعامدىق دامۋدىڭ جاسىل تيپكە بۇرىلىس جاساۋىن ىلگەرىلەتىپ، كورىكتى جۇڭگو قۇرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
