ۋاكىل حان فىڭشياڭ –
عىلىم – تەحنيكامەن اۋىل شارۋاشىلىعىنا دەم بەرىپ، استىق داقىلىن جاقسى ەكتى (ۋاكىلدەردىڭ، مۇشەلەردىڭ مىندەت وتەۋ حيكاياسى)
«حالىق گازەتىنىڭ» ءتىلشىسى لي ي – چيڭ
2023.02.20 16:03 كەلۋ قاينارى : حالىق تورابى
تەرىستىك جەلى ازىناپ، قوڭىرقاي توپىراقتى اتىزدار تۇتاسىپ، ۇشقىنداپ قار جاۋىپ تۇر. جۇرەلەپ وتىرىپ قولعابىن شەشىپ، توپىراقتى اشىپ، زەر سالا قاراپ كوردى، «بۇل جەرگە جينالعان سۋ قاتىپ قالىپتى، تەزىرەك ءبىر جاقتى ەتۋ كەرەك، ويتپەگەندە كوكتەمگى ەگىسكە ىقپال جەتەدى» دەدى مەملەكەتتىك حالىق قۇرىلتايىنىڭ ۋاكىلى، جيلين ولكەسى سىپيڭ قالاسى ليشۋ اۋدانى فىڭحۋاڭشان اۋىل شارۋاشىلىق ماشينالارى شارۋالار كاسىپتىك سەلبەستىك كووپەراتيۆىنىڭ القا باستىعى حان فىڭشياڭ اعاش تاياقتى اتىز باسىنا شانشىپ، بەلگى قويىپ جاتىپ.
«مۇز قاتقان جەر كىشكەنە ەكەن دەپ ەلەۋسىز قاراۋعا بولمايدى، بۇل كوكتەمگى وندىرىسكە سايادى، وتە مۇقيات بولۋ كەرەك» دەدى حان فىڭشياڭ.
ليشۋ اۋدانى − استىق وندىرىسىندەگى ۇلكەن اۋدان، ەگىستىك جەر اۋماعى 4 ميلليون مۋدان اسادى. بىلتىر جازدا ۇدايى بىرنەشە كۇن نوسەر جاۋىپ، حان فىڭشياڭ جەدەل سەلبەستىك كووپەراتيۆىنىڭ مۇشەلەرىن باستاپ سۋ ىعستىرۋ جاعدايىن انىقتايدى، جاڭبىرعا قاراماي تۇندەلەتىپ جىراشىق قازىپ، اتىز اراسىنداعى توعاندى سۋ ىعىستىرۋ توعانىن تەرەڭدەتەدى. ول ماقتانىشپەن: «بۇرىن اپاتقا ۇشىراعان جەردەن جارىمىنا جەتپەيتىندەي ءونىم الاتىنبىز، بىلتىر جاڭبىر سۋىن ۋاعىندا ىعىستىرعاندىقتان جاڭبىر سۋى باسىپ قالعان جەردىڭ وزىنەن %90 – 80 مولشەرىندە ءونىم الدىم» دەدى.
جاۋىن سۋىن تىزگىندەۋ ءونىمدى ورنىقتىرۋدا، ارتتىرۋدا كەلەلى ماڭىز الادى. كۇزگى جيىن - تەرىننەن كەيىن حان فىڭشياڭ توڭىرەكتەگى 7 قىستاققا بارىپ تەكسەرۋ - زەرتتەۋ جۇرگىزدى. سىپىعا وتىرىپ، قىستاقتاعى شەبەرلەرمەن اڭگىمەلەستى، ول بوران سوعىپ، جاڭبىر جاۋىپ، ەگىنجاي اراسىنداعى توعاننىڭ بىرتىندەپ بىتەلىپ قالعانىن بىلەدى.
«ءبىز ەگىس اتىزدارىنىڭ سۋ ىعىستىرۋ قۇرىلعىلارىن ءتىپتى دە شىدامدى ەتە الامىز با، جوق پا؟» حان فىڭشياڭنىڭ قاراۋىنشا، جاسالىپ بولعان توعانداردى دەر كەزىندە قورعاۋعا تۋرا كەلەدى. ءبىر جاعىنان، اۋىل شارۋاشىلىق تاراۋلارى سەلبەستىك كووپەراتيۆىمەن بىرىككەن كۇش قالىپتاستىرىپ، توعان قازۋ ماشيناسىن ورنالاستىرىپ، الدىن الا ارشىپ، ەگىنجاي اراسىنداعى توعاندى تەرەڭدەتۋى كەرەك؛ ەندى ءبىر جاعىنان، ويپاڭ، سۋ كوپ جينالاتىن جەرلەرگە قاراتا، جەرگىلىكتى جاعدايعا قاراي ىستەپ، ونىڭ توڭىرەگىندەگى اتىزدارعا كەرپىش، تاس توسەپ، بەكەمدەۋ كەرەك. « قازىرگى بار بايلىقتان جاقسى پايدالانىپ، ەگىنجايداعى جينالعان سۋدى ىعىستىرۋ شىعارۋ ءۇشىن ءتىپتى دە كوپ ۋاقىت شىعارۋىمىز كەرەك» دەدى حان فىڭشياڭ.
«حالىق قۇرىلتايى ۋاكىلدەرىنىڭ ۇسىنىس تاپسىرۋىندا تىڭعىلىقتى تەكسەرۋ - زەرتتەۋ − نەگىز، سونىمەن بىرگە، اناعۇرلىم جان - جاقتى ويلاۋ، اناعۇرلىم جان - جاقتى ىستەۋ كەرەك». حان فىڭشياڭ ۇسىنىسىندا تاعى دا وسىزاماندانعان سۋارۋ جابدىقتارىن جالپىلاستىرۋ تەبىنىن ارتتىرۋدى، سونىمەن بىرگە، سۋارۋدى زەردەلىلەندىرۋ، سۋ مەن تىڭايتقىش ءبىر تۇلعالانعان اۋىل شارۋاشىلىق تەحنيكا بىلىمدەرىن جالپىلاستىرىپ، شارۋالاردىڭ قۋاڭشىلىققا توتەپ بەرۋ قابىلەتىن جوعارىلاتۋدى ورتاعا قويدى.
تۇسكە تاياعاندا حان فىڭشياڭ سىمىنداعى توپىراقتى قاعىپ ۇيىنە قايتتى. ول: «تۇستەن كەيىن كورشىلەرىمدى ىزدەپ بارىپ اڭگىمەلەسەمىن، كوپشىلىكتىڭ تاعى قانداي ويلارى بار ەكەنىن كوپتەپ تىڭداپ، ۋاكىلدىك جاۋاپكەرلىگىمدى اتقارىپ، استىقتى جاقسى ەگۋ ءۇشىن جاقسى ۇسىنىس قويامىن» دەدى.
نازىك تۇيىندەرگە نازار اۋدارىپ، ۇسىنىستىڭ جارامدىلىعىن ارتتىردى (ءتىلشى ەستەلىگى)
تىلشىلىك بارىسىندا حان فىڭشياڭ «ەگجەي – تەگجەيلى ىستەۋ» دەگەن ءسوزدى ۇنەمى اۋىزا الىپ وتىردى. توعاندار ايقاسىپ، سۋ قۇدىقتارى كوپتەپ قازىلدى، ليشۋ اۋدانىنا بارعاندا، اۋىل شارۋاشىلىعىنىڭ نەگىزدىك قۇرىلعىلارى سالىنۋ ۇستىندە ەكەنىن كوردىك. «نەگىزدىك قۇرىلعى سالىنىپ بولايىن دەدى، قايتكەندە تولىق پايدالانۋعا بولادى؟» كۇزگى جيىن - تەرىن كەزىندە ەگىنجايداعى توعانداردىڭ توسىلىپ قالۋ مۇمكىندىگىنەن دالمە - ءدال سۋارۋ تانىمى مەن تەحنيكاسىن جالپىلاستىرۋعا دەيىن، حان فىڭشياڭ ەگىستىك جەردىڭ قۋاڭشىلىققا ۇشىراۋ، سۋ باسۋ ماسەلەسىن ارقاۋ ەتىپ، تىڭعىلىقتى تەكسەرۋ - زەرتتەۋ جۇرگىزىپ، اۋىل شارۋاشىلىق ءوندىرىسىنىڭ نازىك تۇستارىنا نازار اۋدارىپ، ۇسىنىستىڭ تياناقتانۋىنا مۇمكىندىك جاسادى.
«استىق ءونىمىن ازىراق كوبەيتە الساق، ەڭبەگىمىزدىڭ جانعانى». اۋەلگى ماقساتىن تىلگە العاندا، ول شىن ىقىلاسپەن وسىلاي دەدى. اۋىل - قىستاققا تامىر تارتقان حالىق قۇرىلتايى ۋاكىلى مىندەتىن اتقارىپ، جاۋاپكەرلىگىن ادا ەتىپ، استىق ەگۋگە جاقسى ۇسىنىس بەرىپ، استىق ءوندىرىسىن ويداعىداي يگەرۋگە ۇلەس قوستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
