سەگىز تاراۋ بىرلەسىپ پىكىر جاريالادى
اسكەري مىندەتتەن بوساعان سوڭ جۇمىستانۋى قيىنعا سوققان اسكەريلەرگە كومەكتەسەدى
2023.02.21 14:23 كەلۋ قاينارى : حالىق تورابى
حالىق گازەتىنىڭ ءتىلشىسى لي لۇڭ – ي 2 – ايدىڭ 20 – كۇنى بەيجيڭنەن حابارلايدى. جۋىردا اسكەري مىندەتتەن بوساعان اسكەريلەرگە قاتىستى ىستەر مينيسترلىگى، مەملەكەتتىك دامۋ – رەفورما كوميتەتى، قازىنا مينيسترلىگى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، اۋىل شارۋاشىلىعى جانە اۋىل – قىستاق مينيسترلىگى، مەملەكەتتىك قازىنا ىستەرى باس مەكەمەسى، بازاردى باقىلاۋ – باسقارۋ باس مەكەمەسى، مەملەكەتتىك ونەركاسىپشىلەر مەن ساۋداگەرلەر بىرلەستىگى قاتارلى 8 تاراۋ «اسكەري مىندەتتەن بوساعان سوڭ جۇمىستانۋى قيىنعا سوققان اسكەريلەرگە كومەكتەسۋدى كۇشەيتۋ قىزمەتى جونىندەگى پىكىردى» (تومەندە قىسقارتىلىپ «پىكىر» دەپ اتالادى) باسىپ تاراتتى.
«پىكىردە» مىنالار اتاپ كورسەتىلگەن: جۇمىستاندىرۋ — حالىق تۇرمىسىنا ساياتىن ەڭ زور ينجەنەريا. اسكەري مىندەتتەن بوساعان بارشا اسكەريلەر مەملەكەت قورعانىسى جانە اسكەري قوسىن قۇرىلىسى ءۇشىن زور ۇلەس قوسقان ماڭىزدى ادام كۇشى، دارىندىلار بايلىعى سانالادى، ەكونوميكا مەن قوعام دامۋىنىڭ ءار سالاسىندا بەلسەندى رول اتقارۋدا. اسكەري مىندەتتەن بوساعان اسكەريلەردىڭ جۇمىستانۋىنا كومەكتەسۋ قىزمەتىن ويداعىداي ىستەۋ — جۇمىستاندىرۋدى باستى ورىنعا قويۋ ستراتەگياسىن تياناقتاندىرۋدىڭ، ورنىقتى جۇمىستاندىرۋدىڭ، جۇمىستاندىرۋعا كەپىلدىك ەتۋدىڭ وزىندىك تالابى، اسكەري مىندەتتەن بوساعان قيىنشىلىعى بار اسكەريلەردىڭ تۇرمىستىق قيىنشىلىعىن باسەڭدەتىپ، ءوز قۇنىن ىسكە اسىرۋىنىڭ رەال قاجەتى، ەكونوميكا مەن قوعام دامۋىن ىلگەرىلەتۋدە، مەملەكەت قورعانىسى مەن اسكەري قوسىن قۇرىلىسىنا قىزمەت وتەۋدە، قوعامنىڭ جالپى جاعدايىنىڭ ورنىقتىلىعىن قورعاۋدا ماڭىزدى ءمان الادى.
«پىكىردە» مىنالار باسا دارىپتەلگەن: اسكەري مىندەتتەن بوساعان اسكەريلەردىڭ جۇمىستانۋىنا كومەكتەسۋ قىزمەتىن ويداعىداي ىستەۋدىڭ ماڭىزدىلىعى مەن كوكەيتەستىلىگىن تەرەڭ تانىپ جەتىپ، اناعۇرلىم تولىق، اناعۇرلىم جوعارى ساپالى جۇمىستاندىرۋدى ىسكە اسىرۋدى نىسانا ەتىپ، اسكەري مىندەتتەن بوساعان سوڭ جۇمىستانۋى قيىنعا سوققان اسكەريلەردىڭ ەرەكشەلىگى مەن قاجەتىن تياناق ەتىپ، جۇمىس تاڭداۋعا جەتەكشىلىك ەتۋدى كۇشەيتۋ، جۇمىس ورنىن تانىستىرۋدى كۇشەيتۋ، شارۋاشىلىق قۇرۋعا جانە يكەمدى جۇمىستانۋعا قولداۋ كورسەتۋ، كومەكتەسۋ شارالارىن تياناقتاندىرۋ، الەۋمەتتىك سيپاتتاعى جۇمىس ورىندارىن ويداعىداي پايدالانۋ، ونەرىن جەتىلدىرۋدى ويداعىداي ىستەۋ قاتارلى قىزمەتتەر ارقىلى ءتۇرلى جۇمىس ورىندارىمەن قامداپ، ءتۇرلى ارنالار ارقىلى قامتاماسىزدىرىپ، اسكەري مىندەتتەن بوساعان سوڭ جۇمىستانۋى قيىنعا سوققان اسكەريلەردىڭ دەر كەزىندە جۇمىستانۋىنا شارت – جاعداي ازىرلەۋ كەرەك.
«پىكىردە» مىنالار تالاپ ەتىلگەن: جەر – جەردەگى تاراۋلار ۇيىمدىق باسشىلىقتى كۇشەيتىپ، قاراجاتپەن قامتاماسىزداندىرۋدى كۇشەيتىپ، قىزمەت مەحانيزمىن كەمەلدەندىرىپ، نەگىزگى تۇلعالىق جاۋاپكەرشىلىگىن شىنايى اتقارىپ، قاتىستى قاراجاتتاردى ءبىر تۇتاس جوسپارلاپ، ويداعىداي پايدالانۋى، ۇشتاستىرۋ – سايكەستىرۋ قىزمەتىن ۇزدىكسىز كۇشەيتۋى، اسكەري مىندەتتەن بوساعان سوڭ جۇمىستانۋى قيىنعا سوققان اسكەريلەردىڭ رەفورما جاساپ، دامۋدىڭ جەتىستىكتەرىنەن ورتاق يگىلىكتەنۋىنە كەپىلدىك ەتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
