شي جينپيڭ گرەتسيا وقىمىستىلارىنا جاۋاپ حات جازدى
2023.02.21 16:13 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 20 - كۇنى، بەيجيڭ. تاياۋدا مەملەكەت ءتوراعاسى شي جينپيڭ افينا داشۋەسىندەگى ۆيلداكيس پروفەسسور قاتارلى گرەتسيا وقىمىستىلارىنا جاۋاپ حات جازىپ، جۇڭگو - گرەتسيا وركەنيەتتەن ءوزارا ۇلگى الۋ ورتالىعىنىڭ قۇرىلعانىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭحۋا وركەنيەتىنىڭ تاريحى ۇزاق، بايىرعى گرەتسيا وركەنيەتىنىڭ ىقپالى تەرەڭ. 2000 جىلدان استام ۋاقىتتىڭ الدىندا جۇڭگو مەن گرەتسيا سىندى ەكى ءىرى وركەنيەت ازيا - ەۆروپا ۇلى قۇرلىعىنىڭ ەكى باسىندا ءوزارا توعىسىپ شۇعىلا شاشىپ، ادامزات وركەنيەتىنىڭ دامۋىنا نەگىز قالاۋ سيپاتتى كەلەلى ۇلەس قوستى. قازىر ەكى ەل جۇڭگو - گرەتسيا وركەنيەتتەن ءوزارا ۇلگى الۋ ورتالىعىن قۇرىپ، جۇڭگو - گرەتسيا وركەنيەتتەرىنىڭ اۋىس - كۇيىسىن، ءوزارا ۇلگى الۋىن ىلگەرىلەتۋگە، ءار ەل وركەنيەتتەرىنىڭ دامۋىن جەبەۋگە كۇش سالىپ وتىر، بۇل توتەنشە ماڭىزدى تاريحي جانە داۋىرلىك مانگە يە.
شي جينپيڭ بىلاي دەپ دارىپتەدى: ادامزات تاريحىنىڭ ۇزاق ۇردىسىندە ءار ۇلت ءوز ەرەكشەلىگى مەن بەلگىسى بار وركەنيەت جاراتىپ، ادامزات وركەنيەتىنىڭ الۋان ءتۇرلى گۇل باقشاسىن بىرگە قالىپتاستىردى. ءتۇرلى وركەنيەتتەر − ءار ۇلتتىڭ تاريحي ىزدەنىسىنىڭ جانە ءورىس اشۋىنىڭ مول قورى، سونداي - اق بۇگىنگى ۇلتتاردىڭ ءومىر ءسۇرۋى مەن دامۋىنىڭ تەرەڭ قاتپارلى جەتەكشىسى. ءبىز ادامزات قوعامىنىڭ دامۋىن جەبەپ، ادامزاتتىڭ تاعدىرلاس ورتاق تۇلعاسىن بىرگە قۇرۋ ءۇشىن، ءسوز جوق، ءتۇرلى وركەنيەتتىڭ ۇزاق تاريحى مەن باي مازمۇنىن ىشكەرىلەي ءتۇسىنىپ جانە يگەرىپ، بارلىق وركەنيەت جاۋھارىنىڭ بۇگىنگى تاڭدا ادامزاتقا باقىت جاراتۋىنا مۇمكىندىك جاساۋىمىز كەرەك. جۇڭگو - گرەتسيا وركەنيەتتەن ءوزارا ۇلگى الۋ ورتالىعىنىڭ، ءسوز جوق، وسى جاعىندا زور ىستەر تىندىراتىنىنا سەنەمىن.
شي جينپيڭ مىنالاردى اتاپ كورسەتتى: ەرتەدەگىنى ءبىلىپ، بۇگىنگىگە ۇلگى بولىپ، الدىڭعىلاردىڭ ءىزىن باسىپ، بولاشاققا جول اشۋ كەرەك. تاريح مىنانى تولىق دالەلدەدى: بارلىعىن قامتىپ، اشىق، سيىسىمدى بولۋدا تاباندى بولعاندا عانا ادامزات وركەنيەتى ۇزدىكسىز دامىپ، گۇلدەنىپ - كوركەيە الادى. بۇگىنگى دۇنيە ءجۇزى 100 جىلدا بولماعان زور وزگەرىسكە ءدوپ كەلىپ وتىر، ادامزات ءدوپ كەلىپ وتىرعان كورنەكتى قايشىلىقتار مەن ماسەلەلەردى شەشۋ ءۇشىن، زاتتىق تاسىلگە سۇيەنىپ قامال الىپ، قيىنشىلىقتاردى جەڭۋگە تۋرا كەلەدى، سونداي - اق رۋحاني كۇشكە سۇيەنىپ ادال، دۇرىس نيەتكە كەلۋگە دە تۋرا كەلەدى. جۇڭگو مەن گرەتسيانىڭ وركەنيەتىندە قامتىلعان قۇن كوزقاراسى، دۇنيەگە كوزقاراس، الەم كوزقاراسى، ومىرگە كوزقاراس، عىلمي كوزقاراس، مادەنيەت كوزقاراسى سياقتىلار باي مازمۇندى، تەرەڭ ماعىنالى، ۋاقىت وتكەن سايىن جاڭارىپ وتىرادى، ول، ءسوز جوق، ادامزاتتىڭ داۋىرلىك قيىن ماسەلەلەردى شەشىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋىنە ماڭىزدى رۋحاني جەتەكشىلىك ازىرلەيدى.
2019 - جىلى ءتوراعا شي جينپيڭ گرەتسيادا مەملەكەتتىك ساپاردا بولعان كەزدە گرەتسيا باسشىلارىمەن بىرگە وركەنيەتتە اۋىس - كۇيىس جاساۋدى، ءوزارا ۇلگى الۋدى دارىپتەدى. وسى رەتكى ساپاردان كەيىن ەكى جاق باسشىلاردىڭ ورتاق تانىمىن بەلسەنە تياناقتاندىرىپ، جۇڭگو - گرەتسيا وركەنيەتتەن ءوزارا ۇلگى الۋ ورتالىعىن قۇردى. بىرنەشە كۇننىڭ الدىندا افينا داشۋەسىندەگى ۆيلداكيس پروفەسسور قاتارلى گرەتسيانىڭ 5 وقىمىستىسى بىرلەسىپ ءتوراعا شي جينپيڭگە حات جولداپ، ءتوراعا شي جينپيڭ دارىپتەگەن وركەنيەت ۇستانىمى جونىندەگى وسكەلەڭ ورتاق تانىمدى بۇكپەسىز اڭگىمەلەپ، ورتالىقتىڭ دايىندىق جاعدايىن جانە دامۋ جوباسىن تانىستىردى. 2 - ايدىڭ 20 - كۇنى جۇڭگو - گرەتسيا وركەنيەتتەن ءوزارا ۇلگى الۋ ورتالىعىنىڭ قۇرىلۋ سالتى افينا داشۋەسىندە وتكىزىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
