كوپ جەر قۇجات جاريالاپ، بۇل دەمالىستىڭ ۋاقىتىن ۇزارتتى
2023.02.20 15:34 كەلۋ قاينارى : حالىق تورابى
تولىقسىز ساناققا قاراعاندا، تيانجين، قالاسى انحۇي ولكەسى، جياڭشي ولكەسى قاتارلى جەرلەر قۇجات جاريالاپ، ۇيلەنۋ دەمالىسىنىڭ ۋاقىتىن ۇزارتقان.
جۋىردا «نانجيڭ قالاسىنىڭ جان سانى جانە تۋىتقا قىزمەت وتەۋ جونىندەگى بەلگىلەمەسى» جاريالاندى، 2 – ايدىڭ 10 – كۇنىنەن باستاپ اتقارىلدى. مۇندا ءتۇرلى دەمالىستار جونىندە ايقىن بەلگىلەمە شىعارىلعان، ۇيلەنۋدى تىزىمدەتۋدى زاڭ بويىنشا بىتىرگەن ەرلى – زايىپتىلاردىڭ ون بەس كۇندىك ۇيلەنۋ دەمالىسىنان يگىلىكتەنەتىنى قامتىلعان.
تيانجين قالالىق ۇكىمەت ىستەرى تورابى جاريالاعان «ۇيلەنۋ دەمالىسى، تۋىت دەمالىسى، تۋىت كەزىندە سەرىك بولۋ دەمالىسى، بالا تاربيەلەۋ دەمالىسى، كۇتىمدەۋ دەمالىسى قاتارلى دەمالىستار جونىندەگى اتقارىلاتىن ادىستە» مىنالار بەلگىلەنگەن: ۇيلەنۋدى تىزىمدەتۋدى زاڭ بويىنشا بىتىرگەن ازاماتتار ون كۇندىك ۇيلەنۋ دەمالىسىنان يگىلىكتەنەدى.
مۇنان سىرت، «انحۇي ولكەلىك جان سانى جانە جوسپارلى تۋىت ەرەجەسى» 2022 – جىلى 1 – ايدىڭ 1 – كۇنىنەن باستاپ اتقارىلعان. «ەرەجەنىڭ» 31 – تارماعىنداعى بەلگىلەمەگە نەگىزدەلگەندە، زاڭداعى بەلگىلەمەلەرگە ساي كەلەتىن ۇيلەنگەن جۇمىسشى – قىزمەتكەرلەر مەملەكەت بەلگىلەگەن ۇيلەنۋ دەمالىسىنىڭ نەگىزىندە ون كۇن ۇزارتىلعان دەمالىستان يگىلىكتەنەدى. ۇيلەنۋ دەمالىسى مەزگىلىندە ەڭبەكاقىسى، سيلىق قاراجاتى، يگىلىك مامىلەسى وزگەرمەيدى. ءبىر رەتتە دەمالۋعا، ءبولىپ دەمالۋعا بولادى.
«جياڭشي ولكەلىك جان سانى جانە جوسپارلى تۋىت ەرەجەسىندە» بىلاي دەپ بەلگىلەنگەن: زاڭداعى، اكىمشىلىك زاڭ – تۇزىمدەردەگى جانە وسى ەرەجەدەگى بەلگىلەمەلەرگە ساي ۇيلەنگەن، بالالى بولعان ەرلى – زايىپتىلارعا مەملەكەت بەلگىلەگەن دەمالىستان (3 كۇن) سىرت، 15 كۇندىك ۇيلەنۋ دەمالىسى قوسىپ بەرىلەدى.
جۇرت «جەر – جەردىڭ ۇيلەنۋ دەمالىسى جونىندەگى ساياساتىنا» ءجيى نازار اۋدارۋدا
چىڭدۋ اقپاراتى ميكروبلوگىنىڭ حابارلاۋىنشا، جۋىردا سىچۋان ولكەسى چىڭدۋ قالاسىنىڭ تۇرعىنى «چىڭدۋ قالاسىندا ۇيلەنۋ دەمالىسى تەك 3 كۇن عانا، وتە قىسقا، باسقا ءىشىنارا ولكە، قالالار ۇيلەنۋ دەمالىسىنا وزگەرىس ەنگىزىپتى، چىڭدۋ قالاسى ۇيلەنۋ دەمالىسىن ۇزارتا ما؟» دەپ سۇراعان.
وسى جونىندە چىڭدۋ قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى بىلاي دەپ جاۋاپ قايتارعان: قاتىستى بەلگىلەمەلەرگە نەگىزدەلگەندە، جۇمىسشى – قىزمەتكەرلەردىڭ ءوزى ۇيلەنسە، جاعدايعا نەگىزدەلە وتىرىپ، سول ورىننىڭ اكىمشىلىك باسشىسىنىڭ بەكىتۋى بويىنشا بەس كۇن ۇيلەنۋ دەمالىسىن بەرۋگە بولادى. سونىمەن بىرگە، ەڭبەكاقىلى جىلدىق دەمالىس، اپتا سوڭىنداعى دەمالىس ارقىلى دەمالىس ۋاقىتىن ۇزارتۋعا بولادى.
حالىق تورابىنىڭ «باسشىلارعا ءسوز قالدىرۋ تاقتاسىندا» جەر – جەردىڭ ۇيلەنۋ دەمالىسىنا قاتىستى ساياساتى جونىندە كەڭەس سۇراعان توراپتاستار از ەمەس.
سىزشە، ۇيلەنۋ دەمالىسى قانشا كۇن بولسا لايقتى؟
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
