بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جۇڭگو مەن تاجىكىستانمەن شەكارالاسقان جەردە 7.2 بال جەر سىلكىندى

وڭتۇستىك شينجياڭداعى كوپ جەرلەردە سىلكىنىس ءدۇمپۋى كۇشتى بولعان، قازىرشە جارالانۋ، ءولىم – ءجىتىم جاعدايى جونىندە مالىمەت بەرىلمەگەن

2023.02.23 15:17     كەلۋ قاينارى : حالىق تورابى

  شينحۋا اگەنتتىگىنىڭ تىلشىلەرى دىڭ يۇيشان، ما ماكاي، گۋ يۇي 2 – ايدىڭ 23 – كۇنى ۇرىمجىدەن حابارلايدى. جۇڭگو جەر سىلكىنىسى ستانسيا تورابىنىڭ رەسمي ولشەپ تۇراقتاندىرۋىنشا، 2 – ايدىڭ 23 – كۇنى ساعات 8 دەن 37 مينۋت وتكەندە، تاجىكستاندا (سولتۇستىك ەندىك 37.98 گرادۋس، شىعىس بويلىق 73.29 گرادۋس) 7.2 بال جەر سىلكىنگەن، سىلكىنىس قاينارى 10 كيلومەتر تەرەڭدىكتە. سىلكىنىس ورتالىعى ەلىمىزدىڭ شەكارا سىزىعىنان 80 كيلومەتردەن استام قاشىقتىقتا. شينجياڭ قاشقار ايماعى، قىزىلسۋ قىرعىز اۆتونوميالى وبلىسى قاتارلى جەرلەردەگى اۋدان، قالالاردا سىلكىنىس ءدۇمپۋى كۇشتى سەزىلگەن. ءتىلشى حاباردى جولداعانعا دەيىن، شينجياڭدا جارالانۋ، ءولىم – ءجىتىم جاعدايى جانە مال – مۇلىكتىڭ زيانعا ۇشىراۋ جاعدايى جونىندە مالىمەت قابىلدانباعان.

  شينجياڭ قاشقار ايماعى، قىزىلسۋ وبلىسى قاتارلى جەرلەردەگى اۋدان، قالالاردىڭ بارلىعى سىلكىنىس ورتالىعىنان 300 كيلومەتر قاشىقتىقتاعى اۋماققا جاتادى. قاشقار ايماعىنىڭ تاشقورعان تاجىك اۆتونوميالى اۋدانى تاجىكىستانمەن ىرگەلەس جاتادى، اتالعان اۋداننىڭ اكىمى جاپار جانە سىرتقى ىستەر كەڭسەسىنىڭ ورىنباسار مەڭگەرۋشىسى كاڭ ياچياڭنىڭ ايتۋىنشا، تاشقورعان اۋدانىندا تەك سىلكىنىس ءدۇمپۋى عانا كۇشتى بولعان، جارالانۋ، ءولىم – ءجىتىم جانە مال – مۇلىكتىڭ زيانعا ۇشىراۋى جونىندە قازىرگە دەيىن مالىمەت بەرىلمەگەن، قازىر اتالعان اۋداندا ەلەكتر قۋاتى جانە حابارلاسۋ قۇرىلعىلارى قالىپتى ىسكە قوسىلۋدا.

  جەر سىلكىنگەن كەزدە، قاشقار ايماعىنىڭ قاشقار قالاسىندا سىلكىنىس ءدۇمپۋى كۇشتى بولعان، بيىك عيماراتتارداعى تۇرعىندار قۇرىلىستىڭ تەربەلگەنىن ايقىن سەزىنگەن. قازىر قاشقار قالاسىندا ەلەكتر قۋاتى مەن حابارلاسۋ قۇرىلعىلارىنىڭ اينالىمى قالىپتى، جولداعى قاتىناس جاعدايى ورنىقتى.

  ءتىلشىنىڭ جۇڭگو مەن تاجىكىستان شەكارالاسقان جەردەگى قاراسۋ شەكارادان كىرىپ – شىعۋشىلاردى تەكسەرۋ شەكارالىق قورعانىس پۋنكتىنەن ۇعىسۋىنشا، جەر سىلكىنگەننەن كەيىن، جەرگىلىكتى ورىن قازىر اپاتقا ۇشىراۋ جاعدايىن جالپى بەتتىك تەكسەرۋدە، قازىرگە دەيىن جارالانۋ، ءولىم – ءجىتىم جانە قورا – جايدىڭ ءبۇلىنۋى جايلى مالىمەت الىنباعان.

  قىزىلسۋ وبلىسى ۇلىقشات اۋدانى كەڭسۋ قالاشىعىنداعى كادردىڭ تەلەفوندا تىلشىگە ايتۋىنشا، جەرگىلىكتى ورىنداعى ديقاندار مەن مالشىلار جەر سىلكىنىسىنە ءتوزىمدى بەيقۇت ۇيگە جاپپاي كوشىپ كىرگەندىكتەن، قازىر جارالانۋ، ءولىم – ءجىتىم جانە مال – مۇلىكتىڭ زيانعا ۇشىراۋى جايلى مالىمەت الىنباعان.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار