شي جينپيڭ ىشكى موڭعۇل الشا سول حوشۇنىنداعى ءبىر اشىق كومىر كەنىندە وپىرىلىپ قۇلاۋ شىرعالاڭى تۋىلۋىنا بايلانىستى ماڭىزدى نۇسقاۋ بەردى
ءىز - دەرەكسىز كەتكەندەردى مۇمكىندىكتىڭ بارىنشا ىزدەستىرىپ قۇتقارىپ، جارالانعانداردى بار كۇشپەن قۇتقارىپ - ەمدەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن جانە قوعامدىق جالپى جاعدايدىڭ ورنىقتىلىعىن شىنايى قورعاۋدى تالاپ ەتتى
لي كىچياڭ بەكىتۋ سالدى
2023.02.23 16:29 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 22 - كۇنى، بەيجيڭ. 2 - ايدىڭ 22 - كۇنى ساعات 13 مولشەرىندە ىشكى موڭعۇل الشا ايماعى الشا سول حوشۇنى شينجيڭ كومىر كاسىبى شەكتى سەرىكتەستىگىنىڭ اشىق كومىر كەنىندە كەڭ كولەمدە وپىرىلىپ قۇلاۋ شىرعالاڭى تۋىلدى، قازىرگە دەيىن شىرعالاڭدا 2 ادام قازا بولىپ، 6 ادام جارالانىپ، 53 ادام دەرەكسىز كەتتى.
شىرعالاڭ تۋىلعاننان كەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ايرىقشا ءمان بەردى ءارى ماڭىزدى نۇسقاۋ بەرىپ، مىنانى اتاپ كورسەتتى: ىشكى موڭعۇل الشا سول حوشۇنى شينجيڭ كومىر كاسىبى شەكتى سەرىكتەستىگى اشىق كومىر كەنىندە تۋىلعان وپىرىلىپ قۇلاۋ شىرعالاڭىندا كوپتەگەن ادام دەرەكسىز كەتتى جانە ءولىم – ءجىتىم احۋالى تۋىلدى، بارلىق ءادىس - امالدى قولدانا وتىرىپ دەرەكسىز كەتكەن ادامداردى ىزدەستىرىپ قۇتقارىپ، جارالىلاردى بار كۇشپەن قۇتقارىپ، ەمدەپ، سوڭعى ىستەردى جايعاستىرۋ سياقتى قىزمەتتەردى ويداعىداي ىستەۋ كەرەك. عىلمي تۇردە قۇتقارۋعا ۇيىمداستىرىپ، باقىلاۋ - ولشەۋدى، ساقتاندىرۋدى كۇشەيتىپ، قوسالقى اپاتتىڭ تۋىلۋىنان ساقتانۋ كەرەك. شىرعالاڭنىڭ سەبەبىن تەز ارادا انىقتاپ، جاۋاپكەرلىكتى قاتاڭ قۋزاۋ ءارى بىرەۋى ارقىلى وزگەسىن تۇسپالداپ، باسقارۋداعى ساڭلاۋلاردى جويۋ كەرەك. قازىر مەملەكەتتىك ەكى ءماجىلىس اشىلۋ الدىندا تۇر، وڭىرلەر مەن قاتىستى تاراۋلار قاي - قاشان دا الاڭداپ تۇراتىن جاۋاپكەرلىك سەزىممەن ءتۇرلى حاۋىپسىزدىك كومەسكى قاتەرلەرىن جاپپاي ءبىر - بىرلەپ تەكسەرىپ، ساقتانۋ شارالارىن كۇشەيتىپ، قىزمەتتى تياناقتاندىرۋدى مىقتى يگەرىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، حالىق بۇقاراسىنىڭ ءومىرىنىڭ، مال - مۇلكىنىڭ حاۋىپسىزدىگى مەن قوعامدىق جالپى جاعدايدىڭ ورنىقتىلىعىن شىنايى قورعاۋى كەرەك.
مەملەكەتتىك كەڭەستىڭ زۇڭليى لي كىچياڭ بىلاي دەپ بەكىتۋ جازدى: وسى رەتكى شىرعالاڭدا دەرەكسىز كەتكەندەر كوپ، كومىلىپ قالعانداردى بار كۇشپەن ىزدەپ جانە قۇتقارىپ، قۇتقارۋ - كومەك بەرۋ حاۋىپسىزدىگىنە كەپىلدىك ەتىپ، سوڭعى جۇمىستاردى ءبىر جاقتى ەتۋ قىزمەتىن ويداعىداي ىستەۋ كەرەك. سونىمەن بىرگە، شىرعالاڭنىڭ سەبەبىن تەز ارادا انىقتاپ، ينفورماتسيالاردى دەر كەزىندە دۇرىس جاريالاپ، زاڭ، بەلگىلەمە بويىنشا قاتاڭ ءبىر جاقتى ەتۋ كەرەك. مەملەكەتتىك ەكى ءماجىلىس اشىلۋ قارساڭىندا، مەملەكەتتىك كەڭەستىڭ ءوندىرىس حاۋىپسىزدىگى كوميتەتى، شۇعىل جاعدايعا توتەپ بەرۋ مينيسترلىگى جەر - جەردى ءوندىرىس حاۋىپسىزدىگى جاۋاپكەرلىگى مەن شارالارىن جاپپاي تياناقتاندىرۋعا قۋزاپ، اۋىر كومەسكى قاتەرلەردى جونگە سالۋ تەبىنىن ارتتىرىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە شىنايى كەپىلدىك ەتۋى كەرەك.
شي جينپيڭنىڭ نۇسقاۋى مەن لي كىچياڭنىڭ تالابىنا ساي، شۇعىل جاعدايعا توتەپ بەرۋدى باسقارۋ مينيسترلىگى سياقتى تاراۋلار قىزمەت گرۋپپاسىن جەرگىلىكتى ورىننىڭ قۇتقارۋ - كومەكتەسۋ قىزمەتىنە جەتەكشىلىك ەتۋگە جىبەردى. ىشكى موڭعۇل اۆتونوميالى رايونى، الشا ايماعى قۇتقارۋ قىزمەتىن ورىستەتۋگە كۇش ۇيىمداستىردى، قازىر قاتىستى قىزمەتتەر جۇرگىزىلۋدە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
