مۇشە ياڭ حۇڭميڭ −
ىشكەرىلەي تەكسەرىپ – زەرتتەۋ جۇرگىزىپ، عىلمي تالداۋ جاسادى (ۋاكىلدەر مەن مۇشەلەردىڭ مىندەت وتەۋ حيكاياسى)
«حالىق گازەتىنىڭ» ءتىلشىسى ۋاڭ يۇننا
2023.02.27 16:31 كەلۋ قاينارى : حالىق تورابى
«بىلتىرعى سايكەس مەزگىلدەگىمەن سالىستىرعاندا، كاسىپورىنداردىڭ پايدالانعان ەلەكتر مولشەرىندە قانداي جاڭا بەتالىس بار؟» 2 – ايدىڭ 15 - كۇنى مەملەكەتتىك ساياسي كەڭەستىڭ مۇشەسى، چاڭشا جاراتىلىستىق عىلىمدار داشۋەسى ەلەكتر جانە ينفورماتسيا ينجەنەرياسى شۋەيۋانىنىڭ باستىعى ياڭ حۇڭميڭ مەملەكەتتىك ەلەكتر تورابى حۋنان ەلەكتر قۋاتى شەكتى سەرىكتەستىگىنە باردى.
2 – ايدىڭ 6 - كۇنى حۋنان ولكەسى «ارتۋدى ورنىقتىرۋداعى 20 تارماق» ساياساتىن جاريالاپ، ەكونوميكانىڭ ورنىقتى اينالىمىن جەبەدى. ءتيىمدى ساياساتتىڭ جەبەۋىندە ءار سالا، ءار كاسىپتىڭ دامۋ تەبىنى جاقسى بولدى. بۇل جونىندە ەلەكتر جۇيەسى اينالىمىن رەتتەگەنىنە كوپ جىل بولعان ياڭ حۇڭميڭ ءبىرسىپىرا تەكسەرۋ - زەرتتەۋ ورىستەتتى...
«ەلەكتر قۋاتى ارقىلى ەكونوميكاعا نازار سالۋ» ۇلكەن ساندى مالىمەت تۇعىرىنىڭ ەكرانى الدىندا، حۋناننىڭ ءار سالاسىنداعى كاسىپورىنداردىڭ ەلەكتردەن پايدالانۋ ساندى مالىمەتى اۋىق – اۋىق كورىنىپ تۇردى: 1 - ايدىڭ 27 - كۇنىنەن باستاپ، كاسىپورىنداردىڭ ىركەس - تىركەس جۇمىستى، ءوندىرىستى قالپىنا كەلتىرۋىنە ىلەسە، حۋنان ەلەكتر تورىنىڭ ءار كۇنى ەلەكترمەن قامداۋ مولشەرى كۇن سايىن ارتتى؛ 2 - ايدىڭ 14 - كۇنىنە دەيىن بۇكىل ولكەنىڭ ءار كۇنگى ەلەكترمەن قامداۋ مولشەرى 649 ميلليون كيلوۆات - ساعاتقا جەتىپ، مەرەكەدەن بۇرىنعى كۇندىك ورتاشا ەلەكترمەن قامداۋدان استى.
«ەلەكتر پايدالانۋ ساندى مالىمەتى كاسىپورىننىڭ ءوندىرىس قۋاتىنان پايدالانۋ جاعدايىن ءبىرشاما وبيەكتيۆ بەينەلەپ، كاسىپورىننىڭ ءىس جۇزىندىك جۇمىستى قالپىنا كەلتىرۋ جاعدايىن دالمە - ءدال ۇعىندىرادى. وسى ينفورماتسيالار ارقىلى ەلەكتردىڭ كوتەرىمدىلىگىن باسقارۋدى ساپالىلاندىرۋ، كاسىپورىنداردىڭ ەلەكتردەن پايدالانۋىنا كەپىلدىك ەتۋ توڭىرەگىندە بەلسەنە اقىل - كەڭەس بەرۋگە بولادى» دەدى ءىرى ساندى مالىمەت تۇعىرىنىڭ الدىندا تۇرعان ياڭ حۇڭميڭ.
جاعدايدى ۇعىسقاننان كەيىن ياڭ حۇڭميڭ تاعى دا بىرنەشە ءىرى كاسىپورىنمەن بايلانىس جاساپ، كاسىپورىننىڭ ءوندىرىس جوسپارى مەن بولاشاقتاعى ەلەكتر قاجەتىن ءبىر - بىرلەپ ۇعىستى. كاسىپورىننىڭ ءوندىرىستى مىقتى يگەرۋىنە بايلانىستى، ەلەكتر تۇتىنۋ مولشەرى بىرتىندەپ ارتقان، كوپشىلىكتىڭ ەڭ كوڭىل بولەتىنى ەلەكترمەن قامداۋ ماسەلەسى ەكەن.
ەكونوميكالىق دامۋدىڭ نەگىزگى شايقاس مايدانىنا بەتپە - بەت كەلىپ، ىشكەرىلەي تەكسەرۋ - زەرتتەۋ جۇرگىزىپ، عىلمي تالداۋ جاساعان ياڭ حۇڭميڭ العاشقى قادامدا بىلاي دەپ تۇجىرىم جاسادى: ارتۋدى ورنىقتىرۋ ساياساتىنىڭ اسەرىنىڭ بىرتىندەپ كورنەكتىلەنۋىنە ىلەسە، كاسىپورىنداردىڭ ەلەكتردەن پايدالانۋ سۇرانىسى تەز ارادا قاۋىرت كەزەڭگە وتەدى، «ەلەكتر قۋاتى جۇيەسىنىڭ اينالىمى مەن جوباسىن اناعۇرلىم ساپالىلاندىرىپ، كوپ شارانى قاتار قولدانىپ، ەلەكترمەن قامداۋدى قامتاماسىز ەتۋ توتەنشە قاجەتتى». تەكسەرۋ - زەرتتەۋ ارقىلى ياڭ حۇڭميڭ ۇسىنىس جوبانى ونان ارى كەمەلدەندىرۋدە.
ياڭ حۇڭميڭ بىلاي دەدى: «ەلەكتر ەنەرگياسىنىڭ تەپە - تەڭدىگى ءبىر ءتۇرلى لەزدىك تەپە - تەڭدىك، بىلايشا ايتقاندا، ۇقساس ءبىر ساتتە ەلەكتر ەنەرگياسىنان پايدالانۋ قۋاتى مەن ەلەكتر شىعارۋ قۋاتى تەپە - تەڭدىكتى ساقتايدى. ەگەر توك شىعارۋ مولشەرى توك تۇتىنۋ مولشەرىنەن كوپ بولسا، توك اسىپ قالىپ، ىسىراپشىلدىق تۋىلاتىنى تابيعي. ەگەر توك شىعارۋ مولشەرى توك تۇتىنۋ مولشەرىنەن از بولسا، توك جەتپەي قالادى. باعا مەحانيزمى سياقتى تاسىلدەر ارقىلى ەلەكتر جۇيەسىنىڭ جۇمىس جۇرگىزۋىن، سەپتەۋىن ۇزدىكسىز ساپالىلاندىرىپ، ‹ارتىعىن جونىپ، كەمىن تولتىرۋدى› جۇزەگە اسىرىپ، ەلەكترمەن ءونىمدى قامداۋ قۋاتىن جوعارىلاتىپ، كاسىپورىنداردىڭ ەلەكترگە ساياتىن وزىندىك قۇنىن تومەندەتۋمەن بىرگە، كاسىپورىنداردىڭ ەلەكتردەن پايدالانۋ قاجەتىن قاناعاتتاندىرامىز؛ سونىمەن بىرگە جاڭا ەنەرگيا، زاپاس ەنەرگيا كاسىپ سالاسىنىڭ دامۋىن كۇشەيتىپ، ەلەكتر تورىنىڭ دارەجەسىن جوعارىلاتپ، جاڭالاۋدى جەدەلدەتەمىز».
■ ءتىلشى ەستەلىگى
مەملەكەتتىڭ كەلەلى ستراتەگياسى توڭىرەگىندە ۇسىنىس قويدى
ساياسي كەڭەستىڭ مۇشەسى بولعاننان بەرى ياڭ حۇڭميڭ تەكسەرۋ - زەرتتەۋ تابىسىنان تولىق پايدالانىپ، ۇسىنىس جوبانى كەمەلدەندىردى. ونىڭ قاراۋىنشا، مەملەكەتتىك ساياسي كەڭەس مۇشەلەرى مىندەتىن اتقارىپ، جاۋاپكەرلىگىن ادا ەتۋدە تيتتەي دە شالاعايلىق ىستەۋگە بولمايدى، فورماشىلدىققا سالىنۋعا، كورىنىسكە بوي ۇرۋعا ءتىپتى دە بولمايدى. تەك ءبىرىنشى شەپكە ىشكەرىلەي ارالاسىپ، تىڭعىلىقتى ارالاپ، دەن قويا زەرتتەگەندە عانا ناقتى جاعدايدى تۇسىنۋگە، ماسەلەنى ءداپ باسىپ تابۋعا، سەبەبىنە تالداۋ جاساۋعا، باعىتتامالى، جارامدى ۇسىنىستار قويۋعا بولادى.
ءوز قىزمەتىن تياناق ەتىپ، دامۋعا دەم بەرۋ كەرەك. بولاشاققا كوز جىبەرگەندە، ياڭ حۇڭميڭ تولىق سەنىممەن بىلاي دەدى: مەن نازاردى «ەنەرگيا جاعىندا قۋاتتى ەل قۇرۋ» سياقتى مەملەكەتتىڭ كەلەلى ستراتەگياسىنا ۇزدىكسىز شوعىرلاندىرىپ، قاتىستى سالالاردا بەلسەنە اقىل - كەڭەس بەرىپ، كاسىپتىك جاقتان كۇش - قۋاتىمدى ارنايمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
