بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

قوعام حاۋىپسىزدىگى مينيسترلىگىنىڭ قاتىناستى باسقارۋ مەكەمەسى جۇكتى شەكتەن تىس ارتىق تيەۋ، شارشاعان كۇيدە اۆتوموبيل جۇرگىزۋ قاتارلى زاڭعا قايشى ارەكەتتەردى قاتاڭ تەكسەرىپ ءبىر جاقتى ەتەدى

2023.02.24 16:16     كەلۋ قاينارى : حالىق تورابى

  جۋىردا قوعام حاۋىپسىزدىگى مينيسترلىگىنىڭ قاتىناستى باسقارۋ مەكەمەسى بۇكىل ەلىمىز بويىنشا كەسكىندى ءماجىلىس اشىپ، جەر – جەردەگى قوعام حاۋىپسىزدىگى قاتىناس باسقارۋ تاراۋلارىنىڭ 3 – ايدان 5 – ايعا دەيىنگى ارالىقتا تاس جولداردا قاتىناس حاۋىپسىزدىگىنە قاتىستى «كوكتەمگى كۇزەت ارەكەتىن» ورىستەتۋى جونىندە ورنالاستىرۋ جاساعان.

  قوعام حاۋىپسىزدىگى مينيسترلىگى قاتىناستى باسقارۋ مەكەمەسىنىڭ جاۋاپتىسىنىڭ تانىستىرۋىنشا، كوكتەمدەگى كۇزەت ارەكەتى مەزگىلىندە بۇكىل ەلىمىزدەگى قوعام حاۋىپسىزدىگى قاتىناستى باسقارۋ تاراۋلارى كوكتەمدەگى تاس جولدارداعى حاۋىپسىزدىك جاعدايىنىڭ ەرەكشەلىگىمەن ۇشتاستىرا وتىرىپ، تاس جولداعى جولاۋشى، جۇك تاسىمالى جاعىنداعى كورنەكتى حاۋىپ – قاتەرلەر مەن اۋىل – قىستاقتارداعى باسقارۋ جاعىنداعى ولقى تۇيىندەرگە نازاردى شوعىرلاندىرىپ، «ەكى ءتۇرلى جولاۋشىلار اۆتوموبيلى، حاۋىپتى اۆتوموبيل، اۋىر تۇرپاتتى اۆتوموبيل»، 6 ورىندىقتىدان جوعارعى شاعىن جولاۋشىلار اۆتوموبيلى قاتارلى ءتۇيىندى اۆتوموبيلدەردى قاداعالاپ، ينتەرنەت ارقىلى ورنالاستىرۋ - مەڭگەرۋ مەن ينتەرنەتتەن سىرت تەكسەرۋ - قۋزاستىرۋدى ۇشتاستىرۋعا، جول ۇستىندە تەكسەرىپ تۇزەتۋ جانە قاينارىنان باستاپ جونگە سالۋعا قاتار كۇش سالىپ، جۇكتى شەكتەن تىس ارتىق تيەۋ، شارشاعان كۇيدە اۆتوموبيل جۇرگىزۋ، مولشەردەن ارتىق ادام وتىرعىزۋ، زاڭعا قايشى تۇردە ادام وتىرعىزۋ قاتارلى اۋىر دارەجەدەگى زاڭعا قايشى ارەكەتتەردى تەكسەرىپ انىقتاپ، جول ۇستىندەگى قۇبىلمالى كومەسكى حاۋىپ – قاتەرلەردى دەر كەزىندە الاستايدى. جولداعى جولاۋشى، جۇك تاسىمالى حاۋىپ – قاتەرىنەن ساقتانۋعا كۇش سالىپ، قاتىستى تاراۋلارمەن بىرگە جۇك اۆتوموبيلىن شارشاعان كۇيدە جۇرگىزۋ، جۇكتى شەكتەن تىس ارتىق تيەۋ قاتارلى زاڭعا قايشى ارەكەتتەردى بىرگە باقىلاپ باسقارۋدى كۇشەيتىپ، تاسىمال حاۋىپ – قاتەرى جوعارى بولعان كاسىپورىنداردى شاقىرىپ اڭگىمەلەسۋ، ولار جايلى حابارلاندىرۋ شىعارۋ، بەلگى قويىپ ارناۋلى تەكسەرۋ ورىستەتەدى.

  اۋىل – قىستاقتاعى قاتىناس حاۋىپسىزدىگىن باسقارۋدى جاپپاي كۇشەيتىپ، زاڭ اتقارۋ گرۋپپاسىن قۇرىپ، ەگىن شارۋاشىلىعىمەن توپتىق شۇعىلدانۋ، قۇرىلىس جۇمىسىمەن توپتىق شۇعىلدانۋ، بازارعا بارۋ، توي – تومالاق وتكىزۋ، ءولىم – ءجىتىم جونەلتۋ، بۇتحانا جارمەڭكەسى، قابىر باسىنا بارىپ، اتا – باباسىنا سيىنۋ قاتارلى قيمىلدار شوعىرلى ورىستەتىلەتىن ءتۇيىندى ۋاقىت كەزەڭىندە، ءتۇيىندى جول بولىكتەرىندە اۋىل – قىستاقتا زاڭ اتقارۋ جانە كەڭەس بەرۋ قىزمەتىن ىشكەرىلەي ورىستەتەدى. تاس جولداعى قاتىناس حاۋىپسىزدىگىنە ساياتىن قاتەرلەردى جونگە سالۋدى ىشكەرىلەي ورىستەتىپ، شۇعىل اينالمالى، تىك بەتكەيلى جەرلەردەگى جولدارعا، سۋ بويىنا جانە جالاما قۇزعا سالىنعان جولدارعا، سونداي – اق، قۇرىلىس جۇرگىزىلىپ جاتقان جولدارعا، كورىنىس رايونىنىڭ ماڭىنداعى تاس جول قۇرىلعىلارى بولماۋ، قورعاۋ شارالارى جەتكىلىكتى بولماۋ قاتارلى ماسەلەلەرگە ىشكەرىلەي تەكسەرۋ ورىستەتىپ، حاۋىپسىزدىكتى باسقارۋعا جانە ەسكەرتۋ بەرۋگە ارنالعان قۇرىلعىلارى ارتتىرۋدى، كەمەلدەندىرۋدى ىلگەرىلەتەدى. حالىققا قولايلى، كاسىپورىندارعا ءتيىمدى شارالاردى قاتاڭ تياناقتاندىرىپ، جۇك اۆتوموبيلى شوفەرلەرىنىڭ ۇقىق – مۇددەسىن قامتاماسىزداندىرۋ جانە كوكتەمگى ەگىسكە دايىندالىپ، اۋىل – شارۋاشىلىعى وندىرىسىنە قىزمەت وتەۋگە كەپىلدىك ەتۋ قىزمەتىن تىڭعىلىقتى، ويداعىداي ىستەپ، زات اينالىمىنىڭ ىركىلىسسىز، حاۋىپسىز بولۋىنا كۇش سالا كەپىلدىك ەتەدى.

  قوعام حاۋىپسىزدىگى مينيسترلىگى قاتىناستى باسقارۋ مەكەمەسىنىڭ جاۋاپتىسى مىناداي ەسكەرتۋ جاسادى: جولدار مىڭ تارام بولعانىمەن، حاۋىپسىزدىك ءبىرىنشى ورىندا بولۋى ءتيىس. بارشا شوفەرلەر قاتىناس قاعيداسىنا قاتاڭ بويسۇنىپ، شارشاعان كەزدە اۆتوموبيل جۇرگىزۋ، اۆتوموبيل جۇرگىزگەندە نازارىن شوعىرلاندىرماۋ، اۆتوموبيل جۇرگىزگەندە مادەنيەتسىزدىك ىستەۋ ارەكەتتەرىنەن اۋلاق بولعانى ءجون. جاڭبىرلى، تۇماندى، شاڭ – توزاڭدى، سۇركەيلى اۋا رايىنا جولىققان جاعدايدا، اۆتوموبيلدى بارىنشا ابايلاپ جۇرگىزۋ، قارقىندى باسەڭدەتۋ، ارالىق ساقتاۋ، ارت - ارتىنان جالعاسا سوعىلىسۋدان قاتاڭ ساقتانۋ كەرەك. اۆتوموبيلگە وتىرىپ ساپارعا شىققان كەزدە، حاۋىپسىزدىك بەلگىلەمەلەرىنە ۇيلەسەتىن اۆتوموبيلگە وتىرۋ، بارلىق ادام باستان – اياق حاۋىپسىزدىك بەلدىگىن تاعىپ وتىرۋى كەرەك، زاڭسىز تيجارات جۇگىزەتىن اۆتوموبيلدەرگە، ارتىق ادام وتىرعىزعان جولاۋشى اۆتوموبيلدەرىنە جانە جۇك اۆتوموبيلدەرىنە، ءۇش دوڭگەلەكتى موتوتسيكلگە، جانە تراكتورعا وتىرماعان ءجون. جوعارى قارقىندى تاس جولداردا شىرعالاڭ تۋىلسا، اۆتوموبيلدى تەزىرەك شۇعىل جاعدايعا توتەپ بەرۋ جولىنا جوتكەپ، اۆتوموبيلدەگى ادامداردى جول بويىنداعى قورعانىس قاشاسىنىڭ سىرتى قاتارلى حاۋىپسىز ورىندارعا شىعارۋ ءارى حاۋىپتى جاعدايدى ەسكەرتەتىن جىلتىلداق شامدى جاعۋ، ەسكەرتۋ بەلگىسىن قويۋ ارقىلى قايتالاي شىرعالاڭ تۋىلۋىنان ساقتانۋ كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار