كاسىپورىنداردىڭ دامۋىنا دەن قويا، سۇيىسپەنشىلىكپەن قىزمەت وتەدى
انار بۇلت \ شينجياڭ گازەتىنىڭ تىلشىلەرى
2023.02.27 16:50 كەلۋ قاينارى : شينجياڭ گازەتى
شارۋاشىلىق - ساۋدا ورتاسىن ساپالىلاندىرۋ − بازار تۇلعالارىنىڭ ومىرشەڭدىگىن جەتىلدىرۋدىڭ جانە قاۋلاتۋدىڭ، دامۋدىڭ ىشكى قوزعاۋشى كۇشىن نىعايتۋدىڭ شەشۋشى شاراسى. شارۋاشىلىق - ساۋدا ورتاسىنىڭ ويداعىداي بولۋ - بولماۋى جەرگىلىكتى ەكونوميكانىڭ دامۋ ساپاسى مەن ومىرشەڭدىك كۇشىنە تىكەلەي ىقپال جاسايدى، ول ەكونوميكالىق، قوعامدىق دامۋدىڭ جۇمساق كۇشى.
جۋىق جىلداردان بەرى بۇكىل رايون ماسەلەنى باعدار ەتۋگە تاباندى بولىپ، شارۋاشىلىق - ساۋدا ورتاسىن ساپالىلاندىرۋعا بارىنشا كۇش سالىپ، كاسىپورىندارعا تيىمدىلىك جاساۋ، حالىققا پايدا جەتكىزۋ ونىمدىلىگى ۇزدىكسىز كورنەكتىلەنىپ، شارۋاشىلىق - ساۋدا ورتاسى ۇزدىكسىز ساپالىلانىپ، بازار تۇلعالارىنىڭ تىلەگى قاناعاتتانىپ، ەكونوميكالىق، قوعامدىق دامۋعا ومىرشەڭدىك كۇش ۇستەپ، قوزعاۋشى كۇش ازىرلەدى.
الايدا، شارۋاشىلىق - ساۋدا ورتاسىنىڭ ءالى دە رايونىمىز ەكونوميكاسىنىڭ دامۋىندا شۇعىل قاجەت بولىپ وتىرعان تولىقتاۋعا ءتيىستى ولقىلىق ەكەندىگىن جوققا شىعارۋعا بولمايدى. 2 - ايدىڭ 24 - كۇنى اشىلعان اۆتونوميالى رايوننىڭ كاسىپورىنشىلار اڭگىمە ماجىلىسىندە ماجىلىسكە قاتىناسقان كاسىپورىنشىلار ”شارۋاشىلىق - ساۋدا ورتاسى“ جونىندە بەلسەنە ءسوز سويلەپ، شينجياڭنىڭ بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن قالىپتاستىرعاندىعىن تۇراقتاندىرۋمەن بىرگە، كوپتەگەن ورەلى پىكىرلەر مەن ۇسىنىستاردى ورتاعا قويدى. كاسىپورىنشىلار بۇكىل رايون بويىنشا كاسىپورىنشىلاردىڭ زاڭدى ۇقىق - مۇددەسىن زاڭ بويىنشا قورعايتىن زاڭمەن باسقارۋ ورتاسىن، كاسىپورىنشىلاردىڭ ءادىل، باسەكەلى، سەنىمدى تيجارات جۇرگىزۋىن جەبەيتىن بازار ورتاسىن، كاسىپورىنشىلاردىڭ ءىس تىندىرىپ، شارۋاشىلىق قۇرۋىنا قۇرمەت ەتەتىن جانە شابىت بەرەتىن قوعامدىق ورتا قالىپتاستىرۋىنا كۇشتى ءۇمىت ارتۋدا، بۇل جەر - جەردىڭ، تاراۋلاردىڭ مۇقيات قۇلشىنىپ، امالياتتا ايگىلەۋىنە ءالى دە مۇقتاج.
كاسىپورىنداردى قيىنشىلىق قىسپاعىنان شىن مانىندە ارىلتامىز
شارۋاشىلىق - ساۋدا ورتاسىن ساپالىلاندىرۋدا، الدىمەن، كاسىپورىنداردىڭ دامۋىنا تيىمدىلىك جەتكىزۋدى ماڭداي الدى ورىنعا قويىپ، قيىنشىلىق ماسەلەسىن شەشۋدى قىزمەتتىڭ شىعار ءتۇيىنى ەتۋ كەرەك. اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسى پارتيا باسشىلىق گرۋپپاسىنىڭ شۋجيى لي شاۋفىڭ بىلاي دەدى: رايونىمىزدىڭ جەرگىلىكتى فينانستى باقىلاۋ - باسقارۋ تاراۋلارى نازاردى اۆتونوميالى رايوننىڭ ”سەگىز ءىرى كاسىپ سالاسى شوعىرى“ قۇرىلىسىنا شوعىرلاندىرىپ، فينانس قۇرىلىمدارىن كاسىپ سالاسى دامۋىنىڭ ەرەكشەلىگىمەن، كەزەڭىمەن ۇشتاستىرىپ، فينانس ونىمدەرىندە جاڭالىق اشۋعا، ساپالىلاندىرۋعا جەتەكتەپ، كوپ نەگىزدى، باعىتتامالى فينانستىق قىزمەت وتەيدى. ”ۇكىمەت، فينانس، كاسىپورىندى“ ۇشتاستىرۋدىڭ ۇدايىلانعان مەحانيزمىن كەمەلدەندىرىپ، فينانستىق قامداۋ مەن سۇرانىستىڭ دالمە - ءدال، ءونىمدى ۇشتاسۋىن ىلگەرىلەتەدى. سونىمەن بىرگە، كاسىپورىنداردىڭ قارجى قۇراۋى قيىن بولۋ، قارجى قۇراۋى قىمبات بولۋ ماسەلەسىن شەشۋ ءۇشىن، جالپىعا ءتيىمدى شاعىن، ۇساق كاسىپورىندارعا قارىز اقشا بەرۋ ارقىلى قولداۋ قۇرالى ساياساتىن تياناقتاندىرىپ، حالىق باسقارۋىنداعى ورتا، شاعىن، ۇساق كاسىپورىنداردىڭ تالون ءبىتىرىپ قايتالاما ديسكونتقا اينالدىرۋعا الدىمەن قولداۋ كورسەتىپ، شينجياڭنىڭ فينانستىق جالپىلىق قىزمەت وتەۋ (شين - يداي) تۇعىرىن جالپىلاستىرۋ، قولدانۋ تەبىنىن ارتتىرادى. فينانس قۇرىلىمدارىنىڭ كاسىپورىندارعا جانە جەكە ساۋدا - ونەركاسىپشىلەرگە شاعىن سومالى امانات - قارىز اقشا بەرۋدە ءوسىمىن قازىنادان تولەۋ ساياساتىن ۇزدىكسىز ويداعىداي تياناقتاندىرادى. ”ۇكىمەت + بازار“ اينالىم ۇلگىسى بويىنشا، ۇكىمەتكە، فينانس قۇرىلىمدارىنا جانە كاسىپورىندارعا باعىتتالعان جەرگىلىكتى ورىنداردىڭ سەنىمدىلىك تۇعىرىن قۇرىپ، كاسىپورىنداردىڭ دامۋىنا دەم بەرەدى.
اۆتونوميالى رايوندىق ساۋدا - ونەركاسىپشىلەر بىرلەستىگى پارتيا باسشىلىق گرۋپپاسىنىڭ مۇشەسى، ورىنباسار ءتوراعاسى سەرگىلىڭ بىلاي دەدى: بيىل اۆتونوميالى رايوندىق ساۋدا - ونەركاسىپشىلەر بىرلەستىگى حالىق باسقارۋىنداعى شارۋاشىلىقتىڭ بازار تۇلعالارىنىڭ سۇرانىسىمەن بەتپە - بەت كەلىپ، ءتۇرلى سۇيەمەلدەۋ ساياساتتىق شارالارىنىڭ دايەكتىلەندىرىلۋى مەن تياناقتاندىرىلۋىن ويداعىداي يگەرىپ، حالىقتىق كاسىپورىنداردىڭ دامۋىنداعى قيىن ماسەلەلەردى بار كۇشپەن شەشىپ، حالىقتىق كاسىپورىنداردىڭ اۋىرتپالىعىن شىن مانىندە جەڭىلدەتىپ، حالىقتىق شارۋاشىلىقتىڭ جوعارى ساپالى دامۋىنا جانە حالىقتىق شارۋاشىلىق قايراتكەرلەرىنىڭ جوعارى ساپالى جەتىلۋىنە ءتيىمدى ساياساتتىق ورتا، زاڭمەن باسقارۋ ورتاسىن، بازار ورتاسىن جانە قوعامدىق ورتا قالىپتاستىرىپ، رايونىمىزدىڭ حالىقتىق شارۋاشىلىعىنىڭ جوعارى ساپالى دامۋىن ۇزدىكسىز ىلگەرىلەتۋگە كۇش قوسادى.
تەكسەرىپ بەكىتۋ ءتارتىبىنىڭ اناعۇرلىم قولايلى، جوعارى ءونىمدى بولۋىنا مۇمكىندىك جاسايمىز
شارۋاشىلىق - ساۋدا ورتاسىن ساپالىلاندىرۋدا تەكسەرىپ بەكىتۋ ءتارتىبىن ىركىلىسسىزدەندىرۋدى، كاسىپورىنداردىڭ ءىس ءبىتىرۋ وزىندىك قۇنىن ازايتۋدى، ەكونوميكالىق قيمىلدىڭ ونىمدىلىگىن جوعارىلاتۋدى ماڭىزدى مىندەت ەتۋ كەرەك.
اۆتونوميالى رايوندىق سالىق ىستەرى مەكەمەسى سالىق تولەۋگە قىزمەت وتەۋ باسقارماسىنىڭ باستىعى ۋاڭ ۋيجياڭ بىلاي دەدى: ”ءبىز سالىق تاپسىرۋشىلاردى، اقى تاپسىرۋشىلاردى وزەك ەتۋگە تاباندى بولىپ، سالىقتىڭ فۋنكتسيالىق رولىن تولىق ساۋلەلەندىرىپ، سالىق اقىسىمەن قولداۋ ساياساتىن تياناقتاندىرۋ، ەگجەي - تەگجەيلى تياناقتاندىرۋ ارقىلى ’حالىققا قولايلى سالىق ءبىتىرۋ كوكتەم سامالى ارەكەتىن‘ ورىستەتۋگە تاباندى بولىپ، اۆتونوميالى رايوننىڭ، بيڭتۋاننىڭ ساۋدا - ونەركاسىپشىلەر بىرلەستىگىمەن بىرلەسىپ ’كوكتەم جاڭبىرىمەن مايسانى نارلەندىرۋ‘ ارناۋلى ارەكەتىن ۇزدىكسىز ورىستەتەمىز، نازاردى سالىق تاپسىرۋشىلاردىڭ، اقى تاپسىرۋشىلاردىڭ سالىق تاپسىرۋدان بۇرىنعى، سالىقتاعى جانە سالىقتان كەيىنگى دارالىق قىزمەت وتەۋ سۇرانىسىنا شوعىرلاندىرىپ، ءبىر تۇلعالانعان سالىق اقىسىنا ءۇن قوسۋ تۇعىرىن قۇرىپ، جوعارى دەڭگەيلى سالىق اقىسىنا قىزمەت وتەۋ قابىلەتى ارقىلى كاسىپورىنداردىڭ جوعارى ساپالى دامۋىنا دەم بەرەمىز.
2022 - جىلعا دەيىن، شينجياڭدا ەستەلىككە الىنعان سىرتقى ساۋدا كاسىپورنى 14 مىڭ 875 بولىپ، سايكەس مەزگىلدەگىدەن ％9. 4 ارتتى. سىرتقى ساۋدا كاسىپورنى شينجياڭنىڭ سىرتقى ساۋدا كاسىبىن دامىتۋدىڭ نەگىزگى تۇلعاسى. ءۇرىمجى كەدەنى زاڭ ەرەجەلەر جانە جالپىلىق قىزمەت وتەۋ باسقارماسىنىڭ باستىعى يۋان جياڭۋي مىنالاردى ءبىلدىردى: سىرتقى ساۋدا كاسىپورىندارىنا اناعۇرلىم ويداعىداي قىزمەت وتەۋ ءۇشىن، ءۇرىمجى كەدەنى شينجياڭنىڭ سىرتقى ساۋداسىنىڭ ورنىقتىلىعىن ساقتاپ، ساپاسىن جوعارىلاتۋدى جەبەيتىن 16 تارماقتى شارا، ىشكى - سىرتقى ساۋدانىڭ ءبىر تۇلعالانىپ دامۋىن قولدايتىن 40 تارماقتى شارا سياقتىلاردى قامتىعان جەلىلەس ناقتى شارالاردى العا قويدى. بيىل ءۇرىمجى كەدەنى ءتۇرلى رەفورما شارالارىن ۇزدىكسىز تەرەڭدەتىپ، تياناقتاندىرىپ، ەڭ جاڭا دامۋ ورايىمەن جانە جاعدايىمەن ۇشتاستىرىپ، سىرتقى ساۋدانىڭ دامۋىن جەبەيتىن جاڭا كەزەكتى جەلىلەس شارالاردى اقىلداسىپ شىعارىپ، ”كاسىپورىندارعا ىركىلىسسىز قىزمەت وتەۋ تۇعىرىنان“ ويداعىداي پايدالانىپ، ”ءبىر تەرەزەلى“ قۇرىلىسىن ىشكەرىلەي ىلگەرىلەتىپ، ”ءبىر بەكەتتىك“ جالپىلىق قىزمەت وتەپ، كاسىپورىنداردىڭ دامۋىنا قولايلى ورتا ازىرلەيدى.
تۇتاس بۋىن بويىنشا شارۋاشىلىق - ساۋدا ورتاسىن ساپالىلاندىرۋعا كۇش سالامىز
شارۋاشىلىق - ساۋدا ورتاسىن ساپالىلاندىرۋ جۇيەلى ينجەنەريا، قاتىستى تاراۋلار ءبىر - بىرىمەن سايكەسىپ، جۇيەلى ىلگەرىلەتۋى قاجەت.
كورلا ەكونوميكالىق، تەحنيكالىق اشۋ رايونى پارتيا قىزمەت كوميتەتىنىڭ شۋجيى حۋاڭ شينحۋاي بىلاي دەدى: شارۋاشىلىق - ساۋدا ورتاسىندا ەڭ جاقسى دەگەن ۇعىم جوق، تەك ءتىپتى دە جاقسى دەگەن تانىم بولۋى كەرەك. بيىل كورلا اشۋ رايونى ”شارۋاشىلىق - ساۋدا ورتاسى − وندىرگىش كۇش“ دەگەن ۇستانىم ورناتىپ، ”شارۋاشىلىق - ساۋدا ورتاسىنىڭ دارەجەسىن جوعارىلاتۋ جىلىن“ وراي ەتىپ، ”بارلىق ادامنىڭ شارۋاشىلىق - ساۋدا ورتاسى“ ۇستانىمىن كۇشەيتىپ، ”ەندىك باعىتتا شەتىنە جەتەتىن، بويلىق باعىتتا تۇبىنە جەتەتىن، جاپپاي قامتيتىن، جاۋاپكەرشىلىكتى ادامدارعا تياناقتاندىراتىن“ قىزمەت وتەۋ، باسقارۋ تور كوزىن قالىپتاستىرىپ، كاسىپورىن ءوندىرىسىنىڭ دامۋىنداعى كەدەرگىلەردى، قيىن تۇيىندەردى ءدال تاۋىپ، دالمە - ءدال كۇش سالىپ، دالمە - ءدال شارا قولدانادى. سونىمەن بىرگە، ءوندىرىس حاۋىپسىزدىگى، بازار باقىلاۋ - باسقارۋ سياقتى جالپىلىق اكىمشىلىك زاڭ اتقارۋ ۇقىعى مەن كاسىپورىنداردا تۇرعان قىزمەت وتەۋ گرۋپپالارى كۇندەلىكتى قىزمەتىنىڭ توعىسىپ دامۋىن ءبىر تۇتاس جوسپارلاپ، كاسىپورىنداردا تۇرۋ قىزمەتىنىڭ ارنايىلانۋىن، قىزمەت وتەۋدىڭ ەگجەي - تەگجەيلىلەنۋىن، بارىسىنىڭ قولايلىلانۋىن جۇزەگە اسىرىپ، قىزمەت وتەپ ءبارىن تىندىرىپ، توعىسىپ بىرلەسە قيمىلداپ، جۇمىستى جوعارى ونىمدىلىكپەن تىندىرىپ، حاۋىپسىزدىكتى باسقارۋ مەن كۇندەلىكتى قىزمەت وتەۋدىڭ بىرگە ىلگەرىلەۋىنە شىنايى كەپىلدىك ەتىپ، جوعارى ساپالى دامۋدى قامتاماسىز ەتۋگە قىزمەت وتەيدى.
اۋىل - قىستاق گۇلدەنسە، كاسىپ سالاسى دا گۇلدەنەدى. كاسىپورىنداردىڭ دامۋىنا تاماشا ورتا جاراتىپ بەرە الۋ - الماۋ اۋىل - قىستاق كاسىپ سالاسىنىڭ گۇلدەنۋ جاعدايى مەن ساپاسىنا سايادى. اۆتونوميالى رايوندىق پارتكوم اۋىل - قىستاق قىزمەتى كەڭسەسىنىڭ ارناۋلى مىندەتتەگى ورىنباسار مەڭگەرۋشىسى، اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنىڭ ورىنباسار باستىعى شۇي تاۋ بىلاي دەدى: بيىل تۇتاس رايونداعى اۋىل شارۋاشىلىعى، اۋىل - قىستاق تاراۋلارى شارۋاشىلىق - ساۋدا ورتاسىن ۇزدىكسىز ساپالىلاندىرۋدى اۋىل - قىستاق كاسىپ سالاسىنىڭ گۇلدەنۋىن ىلگەرىلەتۋدەگى ءتۇيىندى مىندەت ەتىپ، ۇكىمەت، بانكە، كاسىپورىن، مەكتەپ سەلبەسىپ ىلگەرىلەتۋ تەبىنىن ارتتىرىپ، بايلىقتى بىرىكتىرۋ، ساياساتتىق كومەكتەسۋ - سۇيەمەلدەۋ، عىلىم - تەحنيكالىق قۋات بەرۋ، نىسانمەن دەمەۋ ارقىلى اۋىل شارۋاشىلىعىن كاسىپ سالالاندىرۋداعى باستاماشى كاسىپورىنداردى باۋلىپ، ساپالىلاندىرىپ، جەتىلدىرىپ، نىعايتىپ، اۋىل - قىستاق كاسىپ سالاسى تۇتاس تىزبەگىنىڭ دارەجەسىن جوعارىلاتۋدى ىلگەرىلەتىپ، اۋىل - قىستاقتىڭ جوعارى ساپالى دامۋىنا قىزمەت وتەۋ، قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق قۇرۋ، شارۋالاردىڭ كىرىسىن زور دارەجەدە ارتتىرۋ بارىسىندا اناعۇرلىم زور رول اتقارۋعا مۇمكىندىك جاسايدى. سونىمەن بىرگە، اۋىل شارۋاشىلىعى، اۋىل - قىستاق سالاسىندا، كەڭ پەيىلدىلىكپەن، بايسالدىلىقپەن باقىلاۋ - باسقارۋدى زاڭ بويىنشا ىلگەرىلەتىپ، باستاماشى كاسىپورىنداردىڭ قارىز اقشاسىنىڭ ءوسىمىن قازىنادان بەرۋ، سالىق اقىسىن ازايتۋ، كەشىرىم ەتۋ سياقتى ءتۇرلى كاسىپورىنعا تيىمدىلىك جاساۋ ساياساتتارىن تياناقتاندىرۋدى سايكەستى ىلگەرىلەتىپ، باستاماشى كاسىپورىنداردىڭ قيىنشىلىق ماسەلەسىن اڭىس ەتەتىن ”توتە جول“ سالىپ، قيىنشىلىق ارىز - تالاپتارىن دەر كەزىندە شەشىپ، باستاماشى كاسىپورىنداردىڭ زورايۋىن، كۇشەيۋىن قورعاۋ كەرەك.
(ءتىلشى ليۋ ي، قاتىناسقان تىلشىلەر ۋاڭ يۇڭفي، ما ينيڭ، چىن چياڭۋي، تويا، ميھرگۇل ناسىر)
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
