ما شيڭرۇي اۆتونوميالى رايوننىڭ ىندەتتەن ساقتانۋ - تىزگىندەۋ قىزمەتى جونىندەگى تەلەۆيزور - تەلەفون ماجىلىسىندە بىلاي دەپ باسا دارىپتەدى
جاڭا كەزەڭدەگى ىندەتتەن ساقتانۋ - تىزگىندەۋدىڭ ءتۇرلى قىزمەتتەرىن ناقتى، ەگجەي - تەگجەيلى يگەرىپ، وڭايلىقپەن كەلمەگەن ىندەتتەن ساقتانۋ جەتىستىكتەرىن باتىل بەكەمدەۋ كەرەك
ەركىن تۇنياز باسقاردى، لي يفي قاتىناستى
2023.02.27 16:48 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 2 - ايدىڭ 25 - كۇنى ۇرىمجىدەن حابارلايدى. 2 - ايدىڭ 25 - كۇنى تۇستەن بۇرىن اۆتونوميالى رايون ىندەتتەن ساقتانۋ - تىزگىندەۋ قىزمەتى جونىندە تەلەۆيزور - تەلەفون ءماجىلىسىن اشىپ، باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ىندەتتەن ساقتانۋ - تىزگىندەۋ قىزمەتى جونىندەگى مەملەكەتتىك تەلەۆيزور - تەلەفون ءماجىلىسىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوننىڭ ىندەتتەن ساقتانۋ - تىزگىندەۋ جاعدايى مەن ساقتانۋ - تىزگىندەۋ قىزمەتى جاعدايى جونىندەگى مالىمەتتى تىڭداپ، مەملەكەتتىك ەكى ءماجىلىستىڭ الدى - ارتىنداعى جانە كەلەسى قادامداعى بۇكىل رايوننىڭ ىندەتتەن ساقتانۋ - تىزگىندەۋدەگى ءتۇيىندى قىزمەتتەرىن ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي قاتارلىلار ماجىلىسكە قاتىناستى.
ما شيڭرۇي بىلاي دەپ اتاپ كورسەتتى: جاڭا تيپتى ايدارشا ۆيرۋس ىندەتى تۋىلعاننان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى باستان - اياق حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، كۇشتى تاريحي جاۋاپكەرشىلىك ارقالاپ جانە مىعىم ستراتەگيالىق تاباندىلىق كورسەتىپ، ۋاقىتقا، جاعدايعا قاراي ىندەتتەن ساقتانۋ - تىزگىندەۋ ساياسات - شارالارىن ساپالىلاندىرىپ، رەتتەپ، ادامزات وركەنيەتى تاريحىندا حالىق سانى كوپ ءىرى ەلدىڭ ىندەت جاپپاي تارالعان جاعدايدان ءساتتى ءوتۋى سىندى كەرەمەتتى جاراتتى. بۇكىل رايونىمىزداعى جەر - جەر، قاتىستى تاراۋلار باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، 3 جىلدان ارتىق ۋاقىتقا سوزىلعان ىندەتتەن ساقتانۋ - تىزگىندەۋدە قول جەتكىزگەن كەلەلى شەشۋشى سيپاتتى جەڭىستەردەن ”ەكىنى تۇراقتاندىرۋدىڭ“ شەشۋشى ءمانىن اناعۇرلىم ىشكەرىلەي تانىپ، ”ەكىنى قورعاۋدى“ باتىل ورىنداپ، يدەيا مەن ارەكەتتى پارتيا ورتالىق كوميتەتىنىڭ ىندەتتەن ساقتانۋ - تىزگىندەۋ جونىندەگى عىلمي تۇجىرىمىمەن جانە شەشىمدەرىمەن، ورنالاستىرۋلارىمەن شىنايى بىرلىككە كەلتىرىپ، ىندەت جاعدايىن جەتە تانىپ، ستراتەگيالىق تاباندىلىقتى ساقتاپ، جاڭا كەزەڭدەگى ىندەتتەن ساقتانۋ - تىزگىندەۋدىڭ ءتۇرلى قىزمەتتەرىن ناقتى، ەگجەي - تەگجەيلى يگەرىپ، كەزەكتەگى، اسىرەسە، مەملەكەتتىك ەكى ءماجىلىستىڭ الدى - ارتىنداعى ىندەتتەن ساقتانۋ - تىزگىندەۋ قىزمەتتەرىن باتىلدىقپەن ويداعىداي ىستەپ، وڭايلىقپەن كەلمەگەن ىندەتتەن ساقتانۋ جەتىستىكتەرىن باتىل بەكەمدەۋىمىز كەرەك.
ما شيڭرۇي بىلاي دەپ باسا دارىپتەدى: كەزەكتە بۇكىل ەلدىڭ ىندەتتەن ساقتانۋ - تىزگىندەۋ جاعدايى جالپى جاقتان جاقساردى، رايونىمىزدىڭ ىندەتتەن ساقتانۋ - تىزگىندەۋى ۇدايىلانعان كەزەڭگە ورنىقتى قاداممەن ءوتتى، ايتسەدە بۇكىل جەر شارىندا ىندەتتىڭ ءالى دە تارالىپ جاتقانىن، ۆيرۋستىڭ ءالى دە ۇزدىكسىز وزگەرىپ وتىرعانىن، ىندەتتەن ساقتانۋ - تىزگىندەۋدە استە سەلقوستىق ىستەۋگە بولمايتىندىعىن تەرەڭ تانىپ جەتۋ كەرەك. ”ءتورت ەرتە“ تالابىن قاتاڭ تياناقتاندىرىپ، ىندەت جاعدايىن باقىلاۋ - قاداعالاۋدى جانە ۇدايىلانعان الدىن الا ساقتاندىرۋ قۋاتى قۇرىلىسىن ۇزدىكسىز كۇشەيتۋ كەرەك. ىندەت جاعدايىن باقىلاۋ - قاداعالاۋدى ۇدايىلاندىرىپ، ۇزاق ءونىمدى ورىستەتىپ، ءتۇيىندى ورىنداردى، ءتۇيىندى ادامدار شوعىرىن، ءتۇيىندى قۇرىلىمداردى كورنەكتىلەندىرىپ، ىندەتتىڭ شەكارا سىرتىنان كىرۋىن باقىلاۋ - قاداعالاۋدى، الدىن الا ساقتاندىرۋدى كۇشەيتىپ، جاعدايعا تالداۋ جاساۋدى جانە عىلمي تۇجىرىم جاساۋدى كۇشەيتىپ، ساقتانۋ - تىزگىندەۋ تاكتيكاسىن يكەمدى رەتتەپ، ساقتانۋ - تىزگىندەۋ جوباسىن ۇزدىكسىز كەمەلدەندىرىپ، ىندەتتى ەرتە بايقاۋ، ەرتە ءبىر جايلى ەتۋ قابىلەتىن جوعارىلاتىپ، ىندەتتىڭ كولەمدى تارالۋىنان، اۋەلى، كەڭ كولەمدى اسقىنۋىنان قاتاڭ ساقتانۋ كەرەك. ەمدەۋ جانە ءدارى - دارمەك زاتتىق ماتەريالدارىن ءوندىرۋدى، قامداۋدى قامتاماسىز ەتۋدى كۇشەيتىپ، دارەجەگە، ساتىعا، تارماققا بولىنگەن، ۇدايىلانعان ەمدەۋ - دەنساۋلىق ساقتاۋ جۇيەسى قۇرىلىسىن ويداعىداي يگەرۋ كەرەك. دارەجەگە ايىرىپ زاپاس ساقتاۋ ءتۇزىمىن كەمەلدەندىرىپ، ءتۇيىندى زاتتىق ماتەريالداردى ءوندىرۋدى، قامداۋدى قامتاماسىز ەتۋدى جانە شۇعىل جاعدايعا توتەپ بەرۋ بويىنشا زاپاس ساقتاۋدى كوپ ارنامەن كۇشەيتىپ، قامداۋ مەن قاجەتسىنۋدىڭ ءتۇيىلىسۋىن ساپالىلاندىرىپ، نەگىزگى ساتىنىڭ ءالسىز تۇستارىن تولىقتاپ، ەمدەۋ - دەنساۋلىق ساقتاۋ بايلىقتارىنىڭ ورنالاسىمىن ساپالىلاندىرىپ، الەۋمەتتىك ەمدەۋ قۇرىلىمدارىن نەگىزگى تۇلعا ەتكەن ءۇش دارەجەلى ەمدەۋ - دەنساۋلىق ساقتاۋ قىزمەت وتەۋ تورىن نىعايتىپ، ”نەگىزگى ساتى الدىمەن دياگنوز قويۋ، جوعارى - تومەن دياگنوزدى ءبولىسۋ“ سىندى دارەجەگە ايىرىپ دياگنوز قويۋ - ەمدەۋ ارناسىن قالىپتاستىرۋ كەرەك. قازىرگى مەن ۇزاق بولاشاقتى ءبىر تۇتاس جوسپارلاپ، بۇكىل رايوننىڭ ىندەتتەن ساقتانۋ - تىزگىندەۋ جۇيەسىن ۇزدىكسىز اقاۋسىزداندىرۋ، كەمەلدەندىرۋ كەرەك. كەزەكتەگى ۇتىمدى ورايدى قولدان جىبەرمەي، ىندەتتەن ساقتانۋ - تىزگىندەۋ تاجىريبەلەرىن ويداعىداي قورىتىندىلاپ، ويداعىداي پايدالانىپ، ساقتانۋ - تىزگىندەۋ ساياسات - شارالارىن ۇيلەسىمدى، ءتارتىپتى ساپالىلاندىرىپ، رەتتەپ، ”قارتتار - بالالار، اۋىل - قىستاق وڭىرلەرى، قارتتاردى كۇتىمدەۋ يگىلىك قۇرىلىمدارى، ءتۇرلى مەكتەپ سياقتى ءتۇيىندى ورىندارعا، ءتۇيىندى ادامدار شوعىرىنا قاتىستى ساقتانۋ - تىزگىندەۋ شارالارىن كەمەلدەندىرىپ، ۆاكسينانى يممۋنيتەتتى كۇشەيتۋ بويىنشا ەگۋدى عىلمي ىلگەرىلەتىپ، اۋرۋدان ساقتانۋ، تىزگىندەۋ جۇيەسى رەفورماسىن جەدەلدەتىپ، جايشىلىقتاعى جاعداي مەن شۇعىل جاعداي ۇشتاستىرىلاتىن ىندەتتەن ساقتانۋ - تىزگىندەۋ جۇيەسىن ورناتۋ، كەمەلدەندىرۋ كەرەك.
ما شيڭرۇي بىلاي دەپ باسا دارىپتەدى: بۇكىل شينجياڭ ”ءبىر تۇتاس جۇيە“، بيڭتۋان مەن جەرگىلىكتى ورىن ”ءبىر تۇتاس جۇيە“ دەگەنگە تاباندى بولىپ، ”ءتورت جاقتىڭ جاۋاپكەرشىلىگىن“ قاتايتىپ، سايكەسە سەلبەسۋدى كۇشەيتۋ كەرەك. ءار دارەجەلى پارتكوم مەن ۇكىمەت جاڭا كەزەڭدەگى ىندەتتەن ساقتانۋ - تىزگىندەۋ قىزمەتىن ماڭىزدى ورىنعا قويىپ، پارتيا مەن ۇكىمەتتەگى نەگىزگى جاۋاپتى جولداستار باس جاۋاپكەرشىلىكتى ارقالاپ، ءوزى ۇستاپ، ءار دارەجەلى باسشىلىق گرۋپپالارى، قولباسشىلىق شتاپتارى ءبىر تۇتاس جوسپارلاپ سايكەستىرۋدى كۇشەيتىپ، كاسىپتىك تاراۋلار جەتەكشىلىك ەتۋدى، باقىلاۋ - قاداعالاۋدى كۇشەيتىپ، ءارقايسى تاراۋلار، مەكەمە - ورىندار تۇلعالىق جاۋاپكەرشىلىكتى تياناقتاندىرىپ، جەكە ادام ءوز سالاماتتىعىنىڭ ءبىرىنشى جاۋاپتى ادامى بولۋدى ويداعىداي يگەرىپ، ىندەتتەن ساقتانۋ - تىزگىندەۋ شارالارىن بىرگە ناقتى تياناقتاندىرۋ كەرەك. كەزەكتە بۇكىل رايوننىڭ ەكونوميكالىق دامۋى ءۇرتىس جاقسارۋدا، جەر - جەر، تاراۋلار جوعارى ساپالى دامۋدى ىلگەرىلەتۋ جاۋاپكەرشىلىگىن شىنايى ارقالاپ، پارتيا 20 - قۇرىلتايىنىڭ رۋحىن جانە ورتالىقتىڭ ەكونوميكالىق قىزمەت ءماجىلىسىنىڭ، ورتالىقتىڭ اۋىل - قىستاق قىزمەتى ءماجىلىسىنىڭ رۋحىن دايەكتىلەندىرۋدى، تياناقتاندىرۋدى ارقاۋ ەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، كۇش سالا ارتۋدى ورنىقتىرىپ، دامۋدى جەبەپ، رەفورمانى يگەرىپ، حاۋىپ - قاتەردەن ساقتانىپ، ءبىرىنشى ماۋسىمداعى ”ءساتتى باستامانى“ قۇلشىنا جۇزەگە اسىرىپ، تۇتاس جىلداعى دامۋدىڭ مەجەلى نىسانالارىن ورىنداۋعا شىنايى كەپىلدىك ەتىپ، شينجياڭنىڭ جوعارى ساپالى دامۋىنىڭ جاڭا جاعدايىن قۇلشىنا اشۋى كەرەك.
چىن ۋيجۇن، ۋاڭ جيانشين، ياڭ فاسىن، قادەن كابەن، اۆتونوميالى رايوندىق ىندەتتەن ساقتانۋ - تىزگىندەۋ قىزمەتى باسشىلىق گرۋپپاسىنا مۇشە مەكەمە - ورىنداردىڭ باستى جاۋاپتى جولداستارى، اۆتونوميالى رايوندىق ىندەتتەن ساقتانۋ - تىزگىندەۋ قىزمەتى قولباسشىلىق شتابىنىڭ ءارقايسى گرۋپپالارىنىڭ باستىقتارى قاتارلىلار نەگىزگى ءماجىلىس الاڭىندا ماجىلىسكە قاتىناستى. ءارقايسى ايماق، وبلىس، قالا جانە بيڭتۋان ورگاندارىندا، ءارقايسى شى، قالالاردا بولىمشە ءماجىلىس الاڭى ورنالاستىرىلدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
