شي جينپيڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا مىنانى دارىپتەدى
ساپالى دامۋ سىندى ماڭداي الدى مىندەتتى مىقتاپ يگەرۋ كەرەك
2023.03.06 16:29 كەلۋ قاينارى : حالىق تورابى
 |
ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 5 - كۇنى ءوزى تۇرعان مەملەكەتتىك 14 - كەزەكتى حالىق قۇرىلتايىنىڭ 1 - ماجىلىسىندەگى جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناستى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
|
■ ساپالى دامۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى. ءسوز جوق، جاڭا دامۋ ۇستانىمىن تولىق، ءدال، جاپپاي دايەكتىلەندىرىپ، جاڭاشىل، سايكەستى، جاسىل، اشىق بولۋ، ورتاق يگىلىكتەنۋدىڭ ىشكى بىرلىگى ارقىلى دامۋدى يگەرىپ، دامۋدى تارازىلاپ، دامۋدى ىلگەرىلەتۋ؛ ءسوز جوق، ساپانىڭ ۇتىمدى جوعارىلاۋى مەن مولشەردىڭ ۇيلەسىمدى ارتۋىن اناعۇرلىم ويداعىداي ءبىر تۇتاس جوسپارلاپ، ساپانى ءبىرىنشى ورىنعا قويۋدا، ونىمدىلىككە الدىمەن ءمان بەرۋدە باستان - اياق تاباندى بولىپ، ساپا تانىمىن بارىنشا كۇشەيتىپ، ساپانى ءومىر دەپ قاراۋ، جوعارى ساپانى تالپىنىس ەتۋ؛ ءسوز جوق، رەفورما جاساپ، ەسىك اشۋدى تاباندىلىقپەن تەرەڭدەتىپ، دامۋ تاسىلىنە ىشكەرىلەي بۇرىلىس جاساپ، ونىمدىلىك وزگەرىسى، قوزعاۋشى كۇش وزگەرىسى ارقىلى ساپا وزگەرىسىن جەبەپ، باياندى، ساپالى دامۋ ءتۇزىلىس، مەحانيزمىن جەدەل قالىپتاستىرۋ؛ ءسوز جوق، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى شىعار ءتۇيىن جانە تياناق ەتىپ، دامۋ جەتىستىكتەرىن ۇزدىكسىز تۇرمىس ساپاسىنا اينالدىرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك
«حالىق گازەتى» 3 - ايدىڭ 5 – كۇنى، بىيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 5 - كۇنى تۇستەن كەيىن ءوزى تۇرعان مەملەكەتتىك 14 - كەزەكتى حالىق قۇرىلتايىنىڭ 1 - ماجىلىسىنە قاتىناسقان جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا مىنانى دارىپتەدى: ساپالى دامۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى. ءسوز جوق، جاڭا دامۋ ۇستانىمىن تولىق، ءدال، جاپپاي دايەكتىلەندىرىپ، جاڭاشىل، سايكەستى، جاسىل، اشىق بولۋ، ورتاق يگىلىكتەنۋدىڭ ىشكى بىرلىگى ارقىلى دامۋدى يگەرىپ، دامۋدى تارازىلاپ، دامۋدى ىلگەرىلەتۋ؛ ءسوز جوق، ساپانىڭ ۇتىمدى جوعارىلاۋى مەن مولشەردىڭ ۇيلەسىمدى ارتۋىن اناعۇرلىم ويداعىداي ءبىر تۇتاس جوسپارلاپ، ساپانى ءبىرىنشى ورىنعا قويۋدا، ونىمدىلىككە الدىمەن ءمان بەرۋدە باستان - اياق تاباندى بولىپ، ساپا تانىمىن بارىنشا كۇشەيتىپ، ساپانى ءومىر دەپ قاراۋ، جوعارى ساپانى تالپىنىس ەتۋ؛ ءسوز جوق، رەفورما جاساپ، ەسىك اشۋدى تاباندىلىقپەن تەرەڭدەتىپ، دامۋ تاسىلىنە ىشكەرىلەي بۇرىلىس جاساپ، ونىمدىلىك وزگەرىسى، قوزعاۋشى كۇش وزگەرىسى ارقىلى ساپا وزگەرىسىن جەبەپ، باياندى، ساپالى دامۋ ءتۇزىلىس، مەحانيزمىن جەدەل قالىپتاستىرۋ؛ ءسوز جوق، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى شىعار ءتۇيىن جانە تياناق ەتىپ، دامۋ جەتىستىكتەرىن ۇزدىكسىز تۇرمىس ساپاسىنا اينالدىرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.
شي جينپيڭ جياڭسۋ ۋاكىلدەر ۇيىرمەسىنە كەلگەندە، زالدان دۋ قول شاپالاق ءۇنى كوتەرىلدى.
جياڭسۋ ۋاكىلدەر ۇيىرمەسىنىڭ باياندامانى قاراۋى مۇقيات، مەرەيلى بولدى. شۇي كۇنلين، ليۋ چيڭ، شان زىڭحاي، ۋەي چياۋ، جاڭ دادۇڭ، ۋ چيڭۋىن قاتارلى 6 ۋاكىل بۇكىل ەلگە قىزمەت ەتىپ، جاڭا دامۋ ارناسىن قالىپتاستىرۋ، وڭىرلىك سايكەسىپ جاڭالىق اشۋدى زور كۇشپەن ىلگەرىلەتۋ، جاساۋ كاسىبىنىڭ بيىك شىڭىنا تاباندىلىقپەن شىعۋ، جاڭا داۋىردەگى «جاڭاشا شارۋالار» بولۋ، پارتيا ءۇشىن دارىندى تاربيەلەۋ، جۇڭگو ۇلگىسىندەگى وسىزامانداندىرۋ قۇرىلىسىنىڭ كوشباسشىسى بولۋ سياقتى ماسەلەلەر جونىندە جەكە - جەكە لەبىز ءبىلدىردى. شي جينپيڭ ءالسىن - ءالى ءسوز قىستىرىپ، كوپشىلىكپەن پىكىر اۋىستىردى.
كوپشىلىكتىڭ ءسوزىن مۇقيات تىڭداعاننان كەيىن شي جينپيڭ ءسوز سويلەدى. ول الدىمەن ۇكىمەت قىزمەتىنەن باياندامانى قۇپتايتىنىن ءبىلدىرىپ، جياڭسۋدىڭ 5 جىلدان بەرگى ەكونوميكالىق، قوعامدىق دامۋدا جانە پارتيا قۇرىلىسىندا قول جەتكىزگەن تابىستارىن تولىق تۇراقتاندىرىپ، جياڭسۋدىڭ ۇزدىكسىز شىنايى يگەرىپ، ناقتى ىستەپ، قايراتتانا العا ۇمتىلىپ، ساپالى دامۋدا ۇزدىكسىز الدىڭعى لەكتە ءجۇرىپ، «الۋەتتەنگەن، باي، كوركەم، بيىك بەلەستەن كورىنگەن» جاڭا جياڭسۋدىڭ وسىزاماندانۋ قۇرىلىسىنىڭ جاڭا تاراۋىن جازۋدا تاماشا باستاما جاراتىپ، بۇكىل ەلدىڭ جالپى جاعدايىنا جاڭا دا اناعۇرلىم زور ۇلەس قوسۋىن ءۇمىت ەتتى.
شي جينپيڭ بىلاي دەپ اتاپ كورسەتتى: جوعارى دەڭگەيلى عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋدى جەدەل جۇزەگە اسىرۋ − ساپالى دامۋدى ىلگەرىلەتۋدە، ءسوزسىز، باسىپ وتەتىن جول. قيان - كەسكى حالىقارالىق باسەكەدە ءبىز دامۋدىڭ جاڭا سالاسىن اشىپ، دامۋدىڭ جاڭا قوزعاۋشى كۇشىن، جاڭا ابزالدىعىن قالىپتاستىرۋدا، تۇپتەپ كەلگەندە، ءالى دە عىلىم - تەحنيكادا جاڭالىق اشۋعا سۇيەنۋىمىز كەرەك. ءبىزدىڭ جاپپاي سوتسياليستىك وسىزاماندانعان قۇدىرەتتى ەلدى ۋاعىندا قۇرىپ شىعا الۋ - الماۋىمىزدىڭ تەتىگى عىلىم - تەحنيكادا ءوز كۇشىمىزگە سۇيەنىپ، ءوزىمىزدى الۋەتتەندىرۋىمىزدە. «ءتورتتى بەتكە الۋدا» تاباندى بولىپ، جاڭالىق اشۋدى جەتەكشى ەتكەن دامۋ ستراتەگياسىن جەدەل اتقارىپ، ءوندىرۋ، وقىتۋ، زەرتتەۋ ىستەرىندە ىشكەرىلەي سەلبەستىك جاساۋدى ىلگەرىلەتىپ، كەلەلى عىلىم - تەحنيكادا جاڭالىق اشۋ تۇعىرى قۇرىلىسىن كۇش سالا نىعايتىپ، ۇزدىك عالىمداردىڭ جەتەكشىلىك ەتىپ، ءتول جاسامپازدىق، جەتەكشىلىك سيپاتتى عىلىم - تەحنيكادا قامال الۋىنا قولداۋ كورسەتىپ، شەشۋشى، وزەكتى تەحنيكالارداعى قيىن ماسەلەلەردە قۇلشىنا قامال الىپ، ءتۇيىندى سالالاردا، شەشۋشى بۋىنداردا دەربەس، مەڭگەرىمدى بولۋدى جۇزەگە اسىرۋ كەرەك. كاسىپورىنداردىڭ تۇلعالىق ورنىن كۇشەيتىپ، جاڭالىق اشۋ تىزبەگىنىڭ، كاسىپ سالاسى تىزبەگىنىڭ، قارجى تىزبەگىنىڭ، دارىندىلار تىزبەگىنىڭ تەرەڭدەي توعىسۋىن ىلگەرىلەتىپ، عىلىم - تەحنيكالىق تىرەكتى كاسىپورىنداردىڭ جەتەكتەۋ، دەمەۋ رولىن ساۋلەلەندىرىپ، عىلىم - تەحنيكا تيبىندەگى ورتا، شاعىن، ۇساق كاسىپورىنداردىڭ اقاۋسىز جەتىلۋىن جەبەپ، عىلىم - تەحنيكا جەتىستىكتەرىن كادەگە جاراتۋ جانە كاسىپ سالالاندىرۋ دەڭگەيىن ۇزدىكسىز جوعارىلاتىپ، دۇنيە جۇزىلىك ىقپالعا يە كاسىپ سالاسى عىلىم - تەحنيكاسىندا جاڭالىق اشۋ ورتالىعىن كۇش سالا قالىپتاستىرۋ كەرەك. عىلىم - تەحنيكا ءتۇزىلىسى رەفورماسىن تەرەڭدەتىپ، جاڭالىق اشۋ مادەنيەتىن كۇش سالا جەتىلدىرىپ، عىلىم - تەحنيكالىق باعالاۋ جۇيەسى مەن شابىتتاندىرۋ مەحانيزمىن اقاۋسىزداندىرىپ، جاڭالىق اشۋشى دارىندىلاردىڭ اعالاپ العا شىعۋىنا، دارىنىن بارىنشا ايگىلەۋىنە تاماشا ورتا ازىرلەۋ كەرەك.
شي جينپيڭ مىنالاردى اتاپ كورسەتتى: جاڭا دامۋ ارناسىن جەدەل قالىپتاستىرۋ − ساپالى دامۋدى ىلگەرىلەتۋدىڭ ستراتەگيالىق نەگىزى. ىشكى سۇرانىمدى ۇلعايتۋ ستراتەگياسىن اتقارۋدى قامداۋ جاعىنداعى قۇرىلىمدىق رەفورمانى تەرەڭدەتۋمەن ورگانيكالى ۇشتاستىرىپ، وسىزاماندانعان شارۋاشىلىق جۇيەسىن ورناتۋدى جەدەلدەتۋ كەرەك. ەكونوميكانى دامىتۋدىڭ كۇش سالۋ ءتۇيىنىن ناقتى ەكونوميكاعا اۋدارۋدا تاباندى بولىپ، جاڭاشا ونەركاسىپتەندىرۋدى ىشكەرىلەي ىلگەرىلەتىپ، كاسىپ نەگىزىن قايتا سومداۋدى جانە كەلەلى تەحنيكالىق جابدىقتاردان قامال الۋدى كۇشەيتىپ، جاساۋ كاسىبىنىڭ جوعارى دەڭگەيدە، زەردەلىلەنگەن، جاسىلدانعان دامۋىن ىلگەرىلەتىپ، جاساۋ كاسىبىندە قۋاتتى ولكە قۇرۋدى جەدەلدەتىپ، ستراتەگيالىق جاڭادان گۇلدەنگەن كاسىپ سالاسىن زور كۇشپەن دامىتىپ، سيفرلى ەكونوميكانى جەدەل دامىتۋ كەرەك. جوعارى دەڭگەيدەگى سوتسياليستىك بازار شارۋاشىلىعى ءتۇزىلىسىن ورناتۋ، جوعارى دەڭگەيدەگى سىرتقا ەسىك اشۋدى ىلگەرىلەتۋ تالابى بويىنشا، ءتۇيىندى سالالارداعى رەفورمانى ىشكەرىلەي ىلگەرىلەتىپ، وسىزاماندانعان نەگىزدىك قۇرىلعىلار جۇيەسى مەن جوعارى ولشەمدى بازار جۇيەسى قۇرىلىسىن ءبىر تۇتاس جوسپارلاپ ىلگەرىلەتىپ، تۇزىمدىك سيپاتتى ەسىك اشۋدى ورنىقتى كەڭەيتۋ كەرەك.
شي جينپيڭ مىنالاردى دارىپتەدى: اۋىل شارۋاشىلىعىندا قۇدىرەتتى ەل بولۋ − سوتسياليستىك وسىزاماندانعان قۇدىرەتتى ەل بولۋدىڭ نەگىزى، اۋىل شارۋاشىلىعىنىڭ وسىزاماندانۋىن ىلگەرىلەتۋ − ساپالى دامۋدى جۇزەگە اسىرۋدىڭ قاجەتتى تالابى. ەگىستىك جەردىڭ قىزىل سىزىعىن قاتاڭ ساقتاپ، استىق ەگىلەتىن جەر اۋدانىن ورنىقتىرىپ، جوعارى ولشەمدى ەگىنجاي قۇرىلىسىن كۇشەيتىپ، استىقپەن جانە ماڭىزدى اۋىل شارۋاشىلىعى ونىمدەرىمەن ورنىقتى، حاۋىپسىز قامداۋدى شىنايى قامتاماسىز ەتۋ كەرەك. كاسىپ سالاسىن گۇلدەندىرۋدى اۋىل - قىستاقتى گۇلدەندىرۋدەگى ەڭ ماڭىزدى ءتۇيىن ەتىپ، اۋىل شارۋاشىلىق كاسىپ تىزبەگىن بەلسەنە ۇزارتىپ جانە كەڭەيتىپ، اۋىل - قىستاقتىڭ جاڭا كاسىپ سالاسىن، جاڭا كاسىپ كۇيىن جەتىلدىرىپ جانە دامىتىپ، شارۋالاردىڭ كىرىستى ارتتىرىپ، اۋقاتتانۋ ارناسىن ۇزدىكسىز كەڭەيتۋ كەرەك. قالاشىق، قىستاقتاردىڭ ورنالاسۋ جوباسىن ساپالىلاندىرىپ، اۋىل - قىستاقتىڭ نەگىزدىك قۇرىلعىلارى مەن الەۋمەتتىك قىزمەت وتەۋ جۇيەسى قۇرىلىسىن ءبىر تۇتاس جوسپارلاپ، اۋىل - قىستاقتىڭ قونىس ورتاسىن وڭاۋ، جوعارىلاتۋ ارەكەتىن ىشكەرىلەي اتقارىپ، قونىستانۋعا، شارۋاشىلىق جۇرگىزۋگە قولايلى جانە كورىكتى اۋىل - قىستاق قۇرۋدى جەدەلدەتۋ كەرەك. عىلىم - تەحنيكا مەن رەفورمانىڭ قاتار قوزعاۋشىلىق ەتۋىن كۇشەيتىپ، اۋىل - قىستاق جەر ءتۇزىمى رەفورماسىن تەرەڭدەتىپ، اۋىل - قىستاقتىڭ نەگىزگى شارۋاشىلىق ءتۇزىمىن بەكەمدەپ جانە كەمەلدەندىرىپ، جاڭاشا اۋىل - قىستاق كوللەكتيۆ شارۋاشىلىعىن دامىتىپ، جاڭاشا اۋىل شارۋاشىلىق تيجارات تۇلعالارى مەن قوعامدانعان قىزمەت وتەۋدى دامىتىپ، اۋىل - قىستاقتىڭ لايىقتى كولەمدەگى تيجاراتىن دامىتىپ، اۋىل شارۋاشىلىعىنىڭ، اۋىل - قىستاقتىڭ دامۋىنا قوزعاۋشى كۇش، ومىرشەڭدىك قۋات ۇستەۋ كەرەك.
شي جينپيڭ بىلاي دەپ اتاپ كورسەتتى: حالىقتىڭ باقىتتى، الاڭسىز بولۋى − ساپالى دامۋدى ىلگەرىلەتۋدىڭ ەڭ سوڭعى ماقساتى. نەگىزگى ساتىنى جونگە سالۋ مەن حالىق تۇرمىسىن قامتاماسىز ەتۋ حالىق بۇقاراسىنىڭ ءتول مۇددەسىنە سايادى، بىرگە اۋقاتتانۋدى جەبەۋدىڭ، ساپالى تۇرمىس قالىپتاستىرۋدىڭ نەگىزدىك ينجەنەرياسى، ءار دارەجەلى پارتكومدار مەن ۇكىمەتتەر ونى ەستە بەرىك ساقتاپ، قاي - قاشان دا مىقتى يگەرىپ، تىڭعىلىقتى ونىمدىلىككە قول جەتكىزۋگە شىنايى كەپىلدىك ەتۋى كەرەك. نەگىزگى ساتى پارتيا ۇيىمدارىنىڭ باسشىلىعىنداعى نەگىزگى ساتى بۇقاراسىنىڭ ءوزىن - ءوزى باسقارۋ مەحانيزمىن اقاۋسىزداندىرىپ، نەگىزگى ساتى ۇيىمدارىنىڭ قۇرىلىسىن كۇشەيتىپ، بولەككە ءبولىپ باسقاراتىن، ەگجەي - تەگجەيلى قىزمەت وتەيتىن، ينفورماتسيالاندىرۋ تىرەك بولاتىن نەگىزگى ساتىنى جونگە سالۋ تۇعىرىن كەمەلدەندىرىپ، قالا، اۋىل الەۋمەتتىك اۋماقتارىن جونگە سالۋ جۇيەسىن اقاۋسىزداندىرىپ، حالىق بۇقاراسىنا ىرگەسىندە ساپالى قىزمەت وتەۋ جانە ەگجەي - تەگجەيلى باسقارۋ كەرەك. جاڭا داۋىردەگى «فىڭچياۋ تاجىريبەسىندە» تاباندى بولىپ جانە ونى دامىتىپ، جاڭا جاعدايداعى حالىق ىشىندەگى قايشىلىقتاردى دۇرىس ءبىر جاقتى ەتۋ مەحانيزمىن كەمەلدەندىرىپ، قايشىلىقتار مەن داۋ - شاردى دەر كەزىندە نەگىزگى ساتىدا شەشۋ، وركەن كۇيىندە شەشۋ كەرەك. حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن مىقتاپ يگەرىپ، حالىق تۇرمىسىنا تيىمدىلىك جاسايتىن، حالىق جۇرەگىن جىلىتاتىن اناعۇرلىم كوپ شارا قولدانىپ، نەگىزگى الەۋمەتتىك قىزمەت وتەۋ جۇيەسىن اقاۋسىزداندىرىپ، ءتۇيىندى قاۋىمنىڭ جۇمىستانۋىنا كومەكتەسۋ، كىرىس ءبولىسىن رەتتەۋ، قوعامدىق قامتاماسىزداندىرۋ جۇيەسىن اقاۋسىزداندىرۋ، قارتتارعا، بالالارعا قىزمەت وتەۋدى كۇشەيتۋ سياقتى قىزمەتتەردى كۇش سالا ويداعىداي ىستەۋ كەرەك. جاڭا كەزەڭدەگى ىندەتتەن ساقتانۋ - تىزگىندەۋ قىزمەتىن ناقتى، ەگجەي - تەگجەيلى يگەرىپ، «B تۇردەگى B باسقارۋ» شارالارىن مۇقيات تياناقتاندىرىپ، الەۋمەتتىك دەنساۋلىق ساقتاۋ، اۋرۋدان ساقتانۋ - تىزگىندەۋ، ەمدەۋگە قىزمەت وتەۋ جۇيەسى قۇرىلىسىن ۇزدىكسىز كۇشەيتۋ كەرەك.
شي جينپيڭ سوڭىندا بىلاي دەپ دارىپتەدى: ساپالى دامۋدى ىلگەرىلەتۋدە، ءسوز جوق، پارتيانىڭ جاپپاي باسشىلىعىندا تاباندى بولۋ جانە ونى كۇشەيتۋ، پارتيانى بۇلجىماستان جاپپاي قاتاڭ جونگە سالۋ كەرەك. ءار دارەجەلى پارتكومدار پارتيانى جاپپاي قاتاڭ جونگە سالۋدىڭ تۇلعالىق جاۋاپكەرلىگىن مىقتاپ ارقالاپ، پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ قىزمەتىن شىنايى كۇشەيتىپ، كەزەك اۋىستىرعاننان كەيىنگى ءار دارەجەلى باسشىلىق القالارى مەن كادرلار قوسىنى قۇرىلىسىن كۇشەيتىپ، ءار سالاداعى پارتيا قۇرىلىسى قىزمەتىن كۇشەيتىپ، جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ تاقىرىپتىق تاربيەسىن ىشكەرىلەي ورىستەتىپ، جاڭا جورىقتا ەكپىندەي ىلگەرىلەۋگە، جاڭا داۋىرگە ۇلەس قوسۋعا پارمەندى ساياسي جەتەكشىلىك جانە ساياسي قامتاماسىزدىق ازىرلەۋى كەرەك.
ساي چي، ديڭ شۋەشياڭ، حى ليفىڭ قاتارلىلار قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
